Ken & Merry 為食男女，遊走世界!!!

上星期六(2008年9月27日)honey要返學, 攪到我諗住放工返屋企做家務, 夜晚自己一個人食個飯團就算... 細佬知道咗之後, 力Sell我去佢度食飯, 可以同佢個心肝掟"蘇兒B"玩下咁話喎... 係敵唔過佢地嘅誘惑之下, 放工返屋企放低D o野就起程...

正當我係屋企執緊行李, 感動緊有個咁嘅細佬嘅時候, 貓頭嘅Call又到... 貓兄驚我得自己一個人, 話要出o黎陪我, 有個咁嘅朋友, 真係超感動...

結果... 我同貓兄同龍媽先去咗睇裝修材料, 行完之後龍媽帶咗我地去"綿綿冰"食下午茶, 貓兄同龍媽仲請客... 又要再次感動... 多謝你地呀, 嗚嗚嗚嗚...

行完街就出發去細佬屋企食住家飯... 同"蘇兒B"玩到9點幾就返屋企Lu...

"蘇兒B"雖然未夠2歳, 不過已經識唱Happy Birthday同ABC Song, 仲一連唱咗好多首英文歌比我聽... 實情有D我都唔係好識... 哈哈, 真係慚愧... 

星期日呆在家中無所事事, 所以又再跟貓兄去睇裝修材料, 睇到6點先同honey去食晚飯... 因為貪近, 所以去咗以前未裝修個陣好鐘意去嘅Ichikawa... "蝕D"Bank卡有HK$680優惠套餐, 又龍蝦又鮑魚... 睇落好似好抵...

. 法國鵝肝鐵板燒 -- 查實... 鵝肝我麻麻地... 片蒜蓉多士好似好油淋淋咁...
. 神戶西冷鐵板薄燒 -- 個西冷配蔥都好香口...

上個星期三破天荒做家務, 由7點幾做到11點幾, 真係做到隻手都就o黎甩骹...

跟住星期四個日Honey即刻買咗隻新電話比我吖... 500萬像素蔡司鏡頭+Xenon閃光燈+GPS... 第時出街食飯唔使再拎相機Lu... Yeah!!! 之但係粒電第一次叉要叉成12粒鐘, 所以個晚同肉酸&King佢地食飯個陣就冇得拎出黎玩Lu...

上星期五(2008年9月26日)一叉足電... 即刻出動!!! 訂位果陣我要求卡位, 都唸住未必有, 點知去到真係有, 正到暈... 趁其他人未到, 試下機先...

餐牌入面樣樣都咁吸引, 點揀好呢... 就叫4人餐啦, 樣樣都有!!!

. 玫瑰花彫醉雞 -- 買飛佛... 夠入味, 又冇話血淋淋, Good!!!

. 砂鍋雲吞雞 -- 不嬲都對呢味唔多好... 不過味道ok!!!
. 崧子魚球 -- 味道ok, 不過貓頭話食唔出係魚!!!
. 北京填鴨 -- ok有鴨味, d肉比較韌咗小小, 整體不俗!!!

尋晚(2008年9月23日)放工可謂險象環生... 個風咁Q遠, 完全冇心理準備會掛8號, 雖然我已經一早開定收音機... (自從上年天文台網頁癱瘓, Inti提到可以上網聽收音機, 我先發現公司個HiFi係有收音機, 嘩哈哈哈)

我D同事, 夠鐘放工都唔走, 要我趕先至肯走...
攪到我走果陣, 已經8號, 條街冇晒Taxi, 平時行去太古坊條路D樹已經吹斷左, 望過去... 個Feel係"入得o黎, 冇咁易出番去"個隻(廸士尼黑色世界Slogan)!!!
一出停車場, 開遮即刻吹斷咗把遮...

上星期五(2008年9月19日)係九月之星嘅大日子!!! 多謝各位姊妹們請客, 更多謝姊妹們遷就地區, 衷心多謝!!!

我同DD最早到, 一坐低第一時間落order, 好似好趕咁, 哈哈...

雜菜沙律同蒸蛋都唔錯... 松葉蟹腳棒壽司, 薄燒牛肉, 蒜片牛柳粒, 燒羊架必吃... 南瓜, 蕃薯, 蝦天婦羅都好味, 不過全程都係個碗汁, 用到尾油淋淋好嘔心... 芝士年糕都唔錯... 燒餅都OK... 魚生都算OK新鮮...

不過唔知點解, 佢D豉汁同Washabi係完全冇味架... 仲有, 千祈咪食章魚小丸子, 真係槳到呢... 枝豆勁唔掂... 燒物好一般...

金田比Iro Iro貴D, 冇飲品任飲, 亦冇雪糕任食, 不過就好味D...

可以坐足4個鐘, 啱晒我地呢D傾極都傾唔完嘅人...

席間"暈妮"問我點解今晚影咁小相... 哈哈... 佢咁都留意到, 似乎開始唔再暈, 開始醒啦喎...

是次每人消費約$207元
味道： 3 環境： 3 服務：2 衛生： 3 抵食： 3

呢間山頭火開業至今都好多人排隊, 早幾日(2008年9月18日)去完客度番到o黎先5點幾, 見冇人排, 即刻仆入去試...

我叫咗炸雞球定食, 嗯... 除咗碗麵味道特別d同埋硬d之外, 其他都唔值得排隊...
honey叫咗鹽味拉麵同芥末豬頸肉, 豬頸肉係好淋, 但係大部份係肥肉, 以後都唔使旨意我肯再食...
埋單$201... 咁嘅價錢咁嘅質數... 唔使排隊我都未必會再食!!!

是次每人消費約$100元
味道： 3 環境： 3 服務：3 衛生： 3 抵食： 2

經過2日家庭日, 今日(2008年9月15日)終於有番d私人時間, 可以出去玩下!!!

6:15pm -- 志X飯局@太古城王家沙
8:00pm -- 到達QC...

尋晚(2008年9月8日)拉力早開Annual Birthday Party呀!!! 原定去海港城魚一丁, 但係竟然執咗笠, 電話飛咗去九龍灣分店... oh... 早兄之前去六本木呢度試過幾好味, 好, 去試一試佢...

一開波... 明明DBS信用咭網頁同OpenRice都註明"惠顧食品及飲品8折優惠", 但係經理竟然話"冇咗啦, 比現金嘅話就比個9折你地啦"...

個經理唔知係咪估到我寫Blog, 所有食物一上枱都放係我面前, 仲要放到最靚嘅角度先肯罷休...

我可能太肚餓, 竟然"隊"晒D枝豆... 雞軟骨串燒好香口...

星期五(2008年9月5日)晚係我同黃毛仔嘅Annual Birthday Party, 今年佢又山長水遠咁, 搭車o黎魚則魚涌搵我食飯, 真係唔好意思喇... (

呢間味竹我食過2次, 最好味係牛扒同海鮮, 不過... 黃毛仔戒緊口, 全部唔食得... 唔緊要, 可以開開心心一齊食餐飯, 食咩都一樣咁好味嘅...

唔知係咪因為D食材貴咗, 個免費前菜好似冇之前咁吸引喎...
叫咗個雜錦泡菜雞腿肉石鍋飯, 都幾好味喎... 不過估唔到個泡菜係另上, 感覺有D怪怪地...

全餐唯一唔應該食嘅o野...

鸚鵡(NURI)果然不負眾望, 以雷霆萬鈞之勢, 殺入香港, 等大家可以放多一日假...

經過上次風神嘅教訓(搵唔到位飲茶), 我今次醒咗, 10點幾就打去西苑訂位, 雖然都要1點半先有位, 不過都好過上次連籌都派晒, 冇得拎... 跟住call埋honey d friends一齊去飲茶, 人多熱鬧d... 我地12點9落樓,

一拎到位坐低飲茶, 已經即刻9號...

大家嘅無聊疑問o黎喇... "乜唔係冇咗9號嘅呢咩?"... "10號咁耐冇掛, 個牌都唔知放去邊, 應該搵唔番出黎o架啦, 咁即係10號都掛唔到啦..."

不過今日學識一樣o野! 就係8號嘅話, 屈X呀, 豐X呀, 吉仔呀, U仔呀, 全部都有開, 連灣仔會展都有開, 點知飲完茶出o黎, 全部都Close晒... 原來8號同9號嘅分別係咁嘅...

行番屋企個陣, 一滴雨都冇, d樹又完全郁都唔郁下, 開始有d驚, 因為咁嘅情況... 我地應該係o係風眼入面, 都係行快d返屋企穩陣... 返到屋企樓下見到最少有4棵大樹吹斷咗, 好肉痛, 呢個風真係唔講得笑...

尋日全香港嘅Office都散播緊今日打8號波嘅謠言, 傳到言之鑿鑿... 攪到我地驚今日冇飯開, 去食飯前都要去永安超市掃下貨先... 不過... 最後都只係掃咗大包細包嘅零食, 我覺得我地係借d意囉, 哈哈...

呢間日式料理自助餐係新開嘅, 新張期間有"四人同行, 一人免費"優惠, 可惜只係做到8月15日, 如果唔係, 我地9個人收7個錢就真係抵到爛...

一坐低拿拿聲狂畫Order紙... 一如網友所言, 第一轉棘身先會用日式器皿, 之後係求其比隻膠碟你...

刺身 : Not Bad... OK 新鮮... 我地總共食咗4 rounds...

炸物 : OK... 南瓜餅同蕃薯餅尤其好食... 餃子冇餃子汁, 奇... 

牛肉鍋 : 冇份食, 唔知味道如何... 三文魚鍋好似話幾腥...