Ken & Merry 為食男女，遊走世界!!!

鸚鵡(NURI)果然不負眾望, 以雷霆萬鈞之勢, 殺入香港, 等大家可以放多一日假...

經過上次風神嘅教訓(搵唔到位飲茶), 我今次醒咗, 10點幾就打去西苑訂位, 雖然都要1點半先有位, 不過都好過上次連籌都派晒, 冇得拎... 跟住call埋honey d friends一齊去飲茶, 人多熱鬧d... 我地12點9落樓,

一拎到位坐低飲茶, 已經即刻9號...

大家嘅無聊疑問o黎喇... "乜唔係冇咗9號嘅呢咩?"... "10號咁耐冇掛, 個牌都唔知放去邊, 應該搵唔番出黎o架啦, 咁即係10號都掛唔到啦..."

不過今日學識一樣o野! 就係8號嘅話, 屈X呀, 豐X呀, 吉仔呀, U仔呀, 全部都有開, 連灣仔會展都有開, 點知飲完茶出o黎, 全部都Close晒... 原來8號同9號嘅分別係咁嘅...

行番屋企個陣, 一滴雨都冇, d樹又完全郁都唔郁下, 開始有d驚, 因為咁嘅情況... 我地應該係o係風眼入面, 都係行快d返屋企穩陣... 返到屋企樓下見到最少有4棵大樹吹斷咗, 好肉痛, 呢個風真係唔講得笑...

頭先去刷牙都仲係9號, 刷完出o黎就變咗8號, 聽日都係要返工o架啦, 早抖... (D風吹到VV聲-ing)(度大門吹到嘭嘭聲-ing)

###

今年成日聽到咩「拉尼娜現象」，話會引起多D颱風同暴雨，好，等我做番個Summary先... (唔好話我無聊, 因為太多年冇放過風球假, 所以顯得今年好奇怪)