Ken & Merry 為食男女，遊走世界!!!

咁早食團年飯??? 仲有10日先到年卅喎???

係呀!!! 真o架!!! 因為大家都忙呀嘛... 哈哈哈哈... (好明顯係借D意)

原來和民都有擺得咁靚靚嘅刺身盛合o架, 仲好新鮮下喎, 價錢亦相宜...

呢個3色Sushi都幾好味...

由於太多o野食, 攪到做頭盤嘅沙律當咗尾盤食... 可能太飽嘅關係, 食唔晒...

我每次必Order嘅牛油帶子, Yummy!!!

一口牛肉, 好味!!!

嘩, 好似好抵咁喎... 即刻去打探下先...

一個人可以坐6人卡位, 舒服到吖... 選擇都OK多...

嘻嘻... 因為我為食, 所以加$9要多一個軟殼蟹手卷, 都暖暖地, 正...

因為落Order即制, 所以要等一陣... 個樣都幾吸引...
日式炖蛋--一貫水準...
日式炸雞--暖暖地, 淡淡地, 都OK...
炸蝦卷--暖暖地, 正... 其他壽司都OK...

原本訂咗日航, 之後九龍酒店4點幾先打o黎話有位, 即刻轉陣地...

一人一客嘅焗帶子, 仲以為好矜貴, 味道好一般啫, 仲要個殼都唔係個粒帶子嘅...

鵝肝牛柳都OK, 鵝肝白鱔好唔掂, 其他一般啦...

拉力早推介--蕃茄咸菜蟹煲!!! 估唔到D蟹會咁新鮮同咁多膏囉!!! 蕃茄湯底酸咪咪好開胃!!!

自助調味枱--任你自己調配心水口味!!!

火鍋配料都幾大碟, 手打四寶丸好彈牙呀, 象拔蚌仔同脆鯇片都好新鮮, 粟米勁甜, 最正嘅竟然係烏冬, 吸收晒個湯, 好好味!!! 至滿足係有得食唐蒿, 平時唔係度度有, 亦唔係人人肯叫o架!!!

上星期六(2008年11月22日)係11月之星嘅大日子... 我同貓兄事前去咗灣仔行下建材街先... 個buffet可以由1pm食到6pm, 唔使趕頭趕命, 又大把時間傾計...

一坐低先食一輪冷盤... 三文魚刺身同煙三文魚都唔錯...

之後就攻Organic Food... 估唔到朱古力最好味, 另外當然唔小得我至愛嘅車厘茄配羊奶芝士啦...

再攻杯裝haagen-dazs雪糕... 食多幾杯嘅話真係咩本都返番晒o黎...

跟手o黎一轉甜品... 燕窩蛋白tart好多燕窩, 朱古力cake好味, 個strawberry批最好食, 最難食係杯白桃jelly...

休息一陣就食芝士, 除咗吞唔落blue cheese之外, 全部cheese都好正...

上個星期三(2008年11月19日)四塵俠又再出動, 為貓兄同鑽媽賀壽...

好攪笑地, 鑽媽係灣仔撞到我地嘅舊同學--梁先生, 佢明明約咗人去九龍, 都比我地夾硬迫佢過o黎銅鑼灣, 同我地打個招呼, 哈哈, 勁強人所難... 最慘係KaKaMa對佢完全冇印象, 佢就好似做咗幾年透明人一樣...

有骨氣做緊"會燶咭"$98蚊任食... 我地一坐低即刻揀咗豬骨煲湯底... 都未定神已經Order咗一大堆食物... 我至愛嘅水晶叉燒麭當然唔小得... 肥牛好似唔多肥... 之前有嘅肥羊今次冇咗... 我博命食南瓜同超甜粟...

因為honey唔多食hotpot, 所以我一年至多都係打1-2次邊爐, 近2-3年仲要次次都係o黎呢一間, 貪佢有水晶叉燒麭... 呵呵...

原本話任食2小時, 不過可能因為d枱坐唔滿, 而我地又冇再加order, 所以坐耐咗都冇人迫我地埋單...

臨走前, 聽到侍應同隔離枱嘅離奇對話... 估計係客人用信用咭埋單, 侍應叫客人比cash, 客人問: "唔係xx咭有85折咩?", 侍應答: "你比現金我照比85折你, 我地需要現金!!!", 當時好唔明點解, 不過返屋企見新聞話有間facial集團執晒, 第2朝有間sushi集團又執晒, 新聞話因為銀行拖長咗90日先找數比商戶所致... 咁我先如夢初醒...

是次每人消費約$145元
味道： 3 環境： 3 服務：3 衛生： 3 抵食： 3

話咁快又第4日啦... 戲肉終於都o黎啦... DaDaDaDa... Universal Studio!!! (呢一日係唯一一日, 同我原本報個個團相同嘅景點)

原來呢日係日本假期, D人多到嚇死你, 所有遊戲同表演都要排隊超過1-2小時, 攪到我地冇時間食正餐, 只可以靠小吃充飢... 全日玩得1個機動遊戲(大白鯊)同睇咗3個表演(烈火雄心, 水世界, 魔鬼終結者 2：3-D)... 原本想玩埋"回到未來", 可惜唔夠時間, 真係完全唔夠喉, 最慘係連Shopping都冇時間... 嗚嗚嗚嗚...

臨走時, 見到Betty, 想埋佢身同佢影相, 結果不斷比日本人打占... 冇錯... 係"比日本人打占"... 呢度D經理人係企到冇雷公咁遠, 唔會叫人排隊, 就係咁比佢地一個打完占又一個, 結果扯火離場...

夜晚再被導遊老點, 當晚係自費晚餐, 佢介紹我地去自制大阪燒, 點知去到係冇得自己燒, 師傅係廚房已經燒好晒, 好冇癮... 如果唔係唸住自己有得整, 我地會去食蟹宴囉... 唯有臨走前去"蟹道樂"買幾隻外賣燒蟹腳食下啦...

「溫泉鄉」早餐好清淡... 炸南瓜餅同紫菜超好味...

日本三大名園「後樂園」... 要坐2小時車去岡山市... 後樂園側邊係「岡山城」(又稱烏城)... http://www.welcome2japan.hk/location/regional/okayama/okayamashi.html

好耐冇寫Blog啦, 足足有6個星期啦, 一來因為減肥(叫口號多於實際行動)冇乜出街食大餐, 二來因為要籌備今年嘅旅行而忙碌... 之前提及嘅澳洲之旅又去唔成, 唯有等下年, 今年去住日本先啦...

初時打算自遊行, Book晒機票酒店Plan好晒行程, Honey先話要跟團... 報咗團去嵐山和歌山又唔成團... 唉, 又唔可以改日期, 唯有轉團啦...

11月12號出發... 3點幾機, check完in飲埋茶先上機, 原來ANA有得飲香檳, honey緊係唔會錯過... 架機勁吉, 8-9成位冇人坐, 有人索性一個人瞓中間三個位... 去到神戶「三宮購物商店街」已經10pm... 

所有店舖都閂晒門, 唯有食麥當勞, 慘... 好彩仲買到Mister冬甩做宵夜, 11:30pm先去到酒店, 攰死, 皆因有團友遲上巴士, 遲到者見到導遊落車又唔叫住佢, 等咗半個鐘我終於忍唔住打電話通知導遊...
第一晚餓親, 第二朝即刻食番夠本...

日本三大名城「姬路城」(又稱白鷺城)... 要坐1.5小時車去兵庫縣姬路市...
1993 年被列爲聯合國教科文組織的世界文化遺産... http://www.welcome2japan.hk/location/regional/hyogo/himejijo.html

尋晚(2008年10月12日)10月之星想食韓燒, 暈妮而家真係唔再暈啦, 又做聯絡, 又出email, 又揀地點, 講你都唔信, 大個女啦... 何超終於第一年可以輕輕鬆鬆有得食...

何超Book咗6:30pm, 不過未夠鐘已經有一半人到咗, 但係個D阿蟬竟然好唔耐煩咁話"仲未到呀D人?!", 真係有冇咁趕呀...

未人齊, DD派住手信先, 有年頭泰國加年尾日本, 一人有成4份咁多呀, 真係多謝晒呀!!! 我去大板個陣會比心機買手信o架啦!!!

前菜--8個人比2份, 味道唔掂, 食剩好多; 牛尾菜湯--個碗似洗腳盆多D, 味似麵豉湯, 好奇怪... (另有牛尾湯冇影)

燒豬肉--大大片, 味道尚可; 燒牛肉--都幾碎, 味道尚可; 燒雞肉--OK大片, 味道尚可; 燒雞腎--原隻, 味道尚可;

鑽媽開始燒牛肉個陣, 比個阿蟬大聲喝止佢"唔好咁呀, 好難洗o架", 跟手問都冇問過我地, 就推晒D雞肉落個燒爐度, 隨即又用夾完生雞肉嘅筷子, 夾D熟豬肉落我地個碗度, 佢都痴X線, 佢識唔識咩叫衛生o架, 如果一對筷子可以夾晒2樣o野, 咁又做咩放2對筷子出o黎呀!!! 仲要冇問過我地邊個要邊個唔要, 總之用最短時間分晒去就算, 佢識唔識得咩叫尊重呀?!

蛋包魚--蛋包魚本身冇味, 但係配埋個醬汁幾好味; 炒年糕(餐牌冇嘅)--完全唔好味; 炸醬麵--怪味加好難食, 好難入口, 完全唔明點解茶煲阿四會咁鐘意食; 炒粉絲(餐牌冇嘅)--勁冇味, 又冇配料, 平時Food Court個D都好食得多呀, 結果食剩好多;