做完spa，check-out埋，Half Day Tour的導遊已在lobby等待兩隻懞然不知的小肥豬喇！
為何會join "Half Day Tour"？大家可記得我提及機場Arrival的Tour Service Counter呢？那位笑容滿面的肥大嬸，派完地圖後不停sell我哋，又話有專車在lobby等你、一個司機加一個導遊、行李可放在車上、參觀完一個又一個景點後、還可以車你到機場、而且還是promotion price來的哦、是旅遊局sponsor的哦、、、咁多優點，點會唔上當！
女導遊妹妹的英文很好，在車上講了很多泰國的風土人情、宗教、文化、發展、等等。
景點一：
忘記了這佛寺是什麼名堂了，只記得右下角的佛像是很有紀念價值的。
女導遊妹妹說很想學好普通話，可以接待一巴士滿滿的內地遊客，當時我們還不以為言呢、、、
景點二：
kenmerry 拉姑 發表在 痞客邦 留言(1) 人氣()
第二晚執行李執到2:30am，第三日6:30am就要起身喇！點解要咁早？因為9:00am要做spa囉，8:45am就要到spa center準備，做spa前仲要食埋早餐buffet，所以冇辦法，一定要早d起身！
我哋一星期前已用email book好The Sukhothai Spa！
我book咗THE ULTIMATE JOURNEY (3 hours)
· Luxury Floral Bath & Steam (20 minutes)
· Detoxifying Coffee Scrub (40 minutes)
· Jet Lag Massage (60 minutes)
· Aromatherapy Facial (60 minutes)
· Refreshment
而Honey就book咗RELAXING SPA PACKAGE (2 hours)
kenmerry 拉姑 發表在 痞客邦 留言(0) 人氣()
打完波，勁肚餓，今朝d早餐buffet已消耗得一乾二淨。回程時在的士上打電話book咗位先，返到酒店上房放低d高球用品、梳洗下，隨即去餐廳食晚餐喇！
Celadon嘅外觀日夜都一流，餐廳入面，每間小屋分為一個區域，每個區域只有十張枱左右，很寧靜、優雅！
我哋揀咗2個starter--炸蝦餅、炸魚鬆，Yummy！
跟住一人叫一個soup--『泰友人』叫的有香草煎蛋，很特別；honey叫的冬陰雞好辣呀；我叫的椰青海鮮湯成碗都係海鮮，勁足料！
Main Courses 有炸石班、青咖哩雞、燒墨魚、燒肉炒介蘭，全部都好好味，拉姑推介--炸石班。不過叫得太多，所以最後食唔晒。
原本唸住食完dinner去night market行吓、坐吓摩天輪，不過一食飽就飯氣攻心，頂唔順，都係要返房瞓喇！
kenmerry 拉姑 發表在 痞客邦 留言(0) 人氣()
學咗高爾夫球咁耐，今日(2006年12月16日)第一次落場，好緊張呀！
其實並冇期望可以入倒洞，只係學咗咁耐都未落過場，好想試吓係咪真係會令人上癮的！
今日溫度都有成27、28度左右，但我驚會變小黑炭，所以頂硬上，著長袖衫，好彩，d高爾夫球衫嘅質料真係好dry、好透氣，加上當日好大風又有高爾夫球傘，所以全程OK！
坐咗成個鐘頭的士先到高爾夫球場，行咗大約75km，一到步先去付款(18洞+車+球僮+租桿，數天前已預訂)，但到達後職員才說所有車都租晒，冇車，要自己行！真係晴天霹靂！
由於人龍頗長，我哋係餐廳食小小嘢才開波！其實係lunch，不過早餐仲未消化完，所以只叫了一個炒河同honey share！
正午12點--夠鐘開波！個場山明水秀，好feel過driving range好多，我同honey好似遊客咁不停拍照，延誤住唔少時間，哈哈，難得『泰友人』冇怪我地，仲不時提醒我地要行去下一個洞喇，下一隊追到嚟喇！頭幾個洞都打得唔錯，雖然入唔倒洞，但都上倒Green。之後開始越來越疲倦，越打越不堪入目，所以要係kiosk飲吓嘢、休息吓。
kenmerry 拉姑 發表在 痞客邦 留言(0) 人氣()
嘩！第二日8:30am就開始食早餐好似早咗d喎？Hey，一d都唔早o架啦！因為10:30am『泰友人』就會過嚟酒店接我哋去打Golf架啦！
其實對早餐buffet(免費嗰隻)冇乜expectation，唸住咪都係嗰d嘢，冇唸過會咁有驚喜嘅！
水牛芝士伴蕃茄(香草汁)：未試過早餐食呢味，正。
熱荳槳加西米、綠豆爽：都未試過早餐食呢味，好暖胃。
蜂巢：未試過buffet有呢味，成板任你刮，超值呀！
西柚：超甜，冇苦澀味，完全唔似柚子呀！仲有好多勁新鮮生菓供應。
夾餅：即叫即制，有vanilla同chocolate兩隻味比你揀！超多配料比你伴夾餅。
pancake：有5款比你揀！同夾餅可伴超多配料！
焗蕃茄、炒薯：超好食，食完又食！
kenmerry 拉姑 發表在 痞客邦 留言(0) 人氣()
與『泰友人』會合後，我哋去咗很近酒店的Mahamek Driving Range。
我地向酒店的reception問路時，他說『附近是有個Driving Range，不過好細個o架喎！』，去到一睇，大過香港嗰d好多，又有湖又有樹叢，仲有『自動餵波機』，超正。
練完2個鐘頭波，天都黑晒，成身臭亨亨，打的返酒店沖個涼，個肚已經打晒鼓，再落china town揾食。原本我倆想去『阿一鮑魚』試下，不過『泰友人』就建議去『和成豐』，好喇，信佢一次，就去試下喇！
鵝掌：軟綿綿，好入味。
虎蝦：d粉絲好重牛油味，虎蝦好鮮甜，正。
kenmerry 拉姑 發表在 痞客邦 留言(0) 人氣()
在酒店房settle down後，剛好2pm，係時候去Lobby Salons度開餐！
據聞這個朱古力自助餐頗爆的，所以來Bangkok之前幾日已用email訂咗位，係咪好吸引呢！
全部甜品都勁好味，仲有日、西式小食枱係餐廳另一邊。
每人包任飲香茅凍飲、Coffee、Tea。
朱古力金字塔：外型好正。
慕士Cake：勁濃滑。
士多啤梨Tart：士多啤梨--超甜、超新鮮。
肝醬包：肝味濃。
朱古力奶：自選數款朱古力磚(有14款比你揀，濃度由40%至98%都有)，waitress放入茶壺再放入牛奶再攪兩攪即成。
kenmerry 拉姑 發表在 痞客邦 留言(0) 人氣()
真係成世人第一次住這麼漂亮的『商務』酒店！住過關島的Hyatt同九州豪斯登堡(Huis Ten Bosch)的丹哈格大飯店(Hotel Den Haag)，也是很漂亮的，但仍不及Sukhothai！
由酒店入口、大堂、餐廳、花園、房間，所有地方都很漂亮、很細緻，難怪會攞咁多獎喇！
一落Taxi已有專人替你取行李，check-in時每人送一束花(手繩)，check-in後有專人帶你上房、入房、介紹全房設備，專人送行李上房，每日換welcome-fruit(第1日3個柑，第2日1個木瓜，第3日2個蘋果)，每晚換枱頭floating-flower，每晚換床頭welcome-flower，每次返房都滿室芳香，夜晚搭taxi返去酒店入口有『食蕉』check車尾箱，可2點late check-out，只在餐廳碰過另一對香港人，可說是很少香港人，很寧靜、、、優點真係數唔晒！
酒店內
(水中花園真是浪漫極了，連續兩晚都有wedding banquet，好羨慕呵！)
kenmerry 拉姑 發表在 痞客邦 留言(2) 人氣()
第一天(2006年12月15日)，9:05am起飛，所以晨早6點起身，7點出門口，8點到機場check-in，時間全部較得啱啱好，跟住慢慢行去買吓八卦雜誌，過海關，過X-Ray，逛一逛機場內的店鋪，再慢慢行去Gate#2(超近)，剩番5分鐘，唸住時間較得啱啱好，點知原來班機delay咗15分鐘，唯有去埋厠所，仲有時間剩，咁咪週圍望下囉，見到登機指示牌亂晒龍，一時係CX Bangkok，一時係AA Singapore，一時係AABangkok，究竟班機係去邊o架？
上到機都仲好擔心自己上錯機，之後先知班機原來係去完Bangkok再去Singapore，嚇死人！
好彩我地早上機喳，如果唔係，d行李肯定冇晒位放呀！
黑仔事件簿：
1) 坐在隔籬的阿拉成日將隻腳週圍踏，仲踏係我地坐位前，好冇禮貌好擾人！
2) 坐在前面的老外成日整到成張凳郁晒，好似成張凳會冧落呢咁，好嚇人！到入境時更打我占，哼！
3) 個Hello Kitty行李喼到咗機鐵(香港站)就爆咗碌，攪到呢3日只可以用手抽，好鬼重呀！
4) 回程改坐位竟被改到廁所門口，同工作人員講明唔要廁所門口，唔知係佢英文差定有心，總之嗰3粒鐘就難挨喺喇，唉！
kenmerry 拉姑 發表在 痞客邦 留言(0) 人氣()
上星期五(2006年12月15日)唸住去曼谷玩幾日梳乎下，义下電，點知搞到日日瞓得6粒鐘都冇，辛苦過返工，嘔晒電。
短短數天，做了很多從未做過或未遇過的事，到了很多從未到過的地方，吃了很多從未吃過的東西。
由於大多嘢要寫喇，真係寫一個月都寫唔完呀！我會儘快向大家一一報告，請大家耐心等候！
(嘻嘻，其實係因為今個星期同下個星期大多party，所以冇乜餘暇寫blog咁囉！)
打後關於『曼谷 三日兩夜 濃縮之旅』的報導，有些可能會令你覺得un-believable，心想『拉姑，想係個blog度攪氣氛都不要寫得那麼誇張吧！』，對不起，打後的報導全是真的，信不信由你！
走著瞧吧！小心笑爆肚呀！
kenmerry 拉姑 發表在 痞客邦 留言(0) 人氣()
早排與KAKAMA同埋貓頭夫人計畫的Spa Relax之旅，我脫腳了！真的對不起！
最後大家都係去曼谷，只是分成了兩小隊，KAKAMA同貓頭夫人11月先去4天打頭陣，我同honey隨後12月會去3天！(11月真的忙，至今仍未完成所有工作，好彩我冇被貪玩的心蒙敝了理智，不顧一切的跟她們倆在11月去曼谷，否則Die Hard！)
自從04年7月中去過北海道旅行後，便沒有再去真正的旅行了。05年6月頭去台北，主要是去看Computex的，只玩了2天。難得下個月可以去旅行散心，本來很開心，但行程一經曝光後，竟被要求順道公幹一下。什麼？去3天，第一天要公幹，咪只剩2天？Oh no....
但係都好過冇喇！honey說得對，只要有得去玩，我就乜都得(唔理會去邊，唔理有乜玩！但要坐國泰、住五星+)！當然喇！機械人間中也要關掉來維修一下喇！
第二天我們計劃(我們的第一次)落Green打18洞，第三天做Spa享受一下！
kenmerry 拉姑 發表在 痞客邦 留言(3) 人氣()
台灣分區飲食 (35)