Ken & Merry 為食男女，遊走世界!!!

8 September 2013, Sunday
Y!Blog即將壽終正寢, 我已跟著Y!Blog族群遷徙到以下2個最多Y!Blog族群的國土, 希望與Y!Blog族群繼續分享點點滴滴...
http://kenmerry.pixnet.net
http://kenmerry.blogspot.com 
我更急忙申請了私人島國 http://kenmerry.com 
將來即使要再次遷徙, 搬到那兒也好, 大家也可以輕鬆找到我了...
### 新居仍在裝修中, 舊居雜件仍未Pack, 搬遷好後便可發新文了 ###
請容許我殘戀一下8年來的成績... 2006年開始寫Blog, 回頭已是1千篇, 實在難以置信, 我那裡來的時間和毅力?!! 家中的小編兼瘋狂粉絲, 應記一功!!! 小小的自言自語天地, 想不到會有44萬累積瀏覽, 非常感動, 多謝大家支持!!!
統計資料

累積瀏覽  441,643
累積人次  155,844
全部 回應   3,169
全部 POST  1,063

(繼續閱讀...)

kenmerry 拉姑 發表在 痞客邦 留言(0) 人氣()

22 March 2013, Friday
Min 14oC, Max 24oC, Morning Cloud, Mild
食完午餐, 繼續上路... 橫風橫雨, 好凍呀!!! 阿Lee一上車即刻開暖氣吹住大家對腳, 好溫暖, 舒服晒!!!
2:00PM 去到Maits Rest熱帶雨林仍然落緊雨, Honey要收起部單反, 到我部Sony RX100 Solo啦~
熱帶雨林內全程陰陰涼涼, 入面棵棵樹都一樹擎天, 我將個頭昂到最高, 條頸已經去到極限, 都望唔到樹頂, d樹高到超誇張, 充斥住清香的樹木味道, So Refreshing, 等我吸多幾啖先, 使咩嘥錢去氧吧啫...
 
熱帶雨林內蕨類植物隨處可見... 天雨路滑, 大家打醒十二分精神, 沿著小木板路徐徐向前邁進...
500年的古樹, 樹洞可以容納5-6個人, 利害!!! 令我諗起香港都有1棵空心樹係荔枝窩...
「牛」出沒注意!!! 嗯... 定係黑「牛」出沒注意呢?!!
Otway Black Snail, 只會係Great Otway National Park搵到!!! 黑蝸牛是食肉蝸牛, 身體是灰藍色到黑色, 殼是球形, 有四個旋渦, 呈充滿光澤的黑褐色至黑色... 正當阿Lee煩惱緊仲未搵到黑蝸牛, 居然比我搵到, Yeah!!! 阿Lee讚我Good Job, 我趁機問佢請唔請Assistance, 答案係No... 好衰o架, 我想永遠留係呢度, 唔想返香港呀!!! 團友們圍住佢狂影一輪之後, 阿Lee將佢執起放上枯木上, 以免比其他人踩扁... 旅程中只此1隻...
離開時, Honey係雨林中發現1個去水槽, 四方型鐵片有1條條罅去水果種... 你可能會問, 有咩咁特別呀, 通街都有o架啦... 係古老嘅熱帶雨林搵到咁現代的設施, 莫非古老雨林只係Theme Park?!! Honey呢個爛Gag引得英國淑女都忍唔住開懷大笑...
3:30PM 今日的戲肉 -- 十二門徒石 (Twelve Apostles)!!! Welcome to Port Campbell National Park!!!
哈哈, 超硬「到此一遊」照, 唔該可唔可以擺D生鬼D嘅POSE呢?!!
可以自費坐直升機從高空俯瞰十二門徒石... 有幾個團友走咗去坐...
做人都係腳踏實地好D... 從地面欣賞先可以慢慢攞個靚景影多幾張靚相嘛, 都不知幾盞... (實情係我畏高, wakakaka)
千萬年來, 鬆軟的石灰岩受到不斷的風蝕及海蝕, 形成洞穴以至洞穴不斷擴大, 發展成拱門並最終倒塌, 形成了今時今日維多利亞省的著名景點...
十二門徒石最初其實只有9塊, 於1950年代被人「誇大」為「十二門徒」, 2005年其中一塊岩石在歲月洗禮下不支倒地, 2009年再有一塊岩石相繼倒塌, 現存只有7塊... 想目睹佢地嘅風采就要快手喇...
呢度超級勁大風, 吹到件Wind-stopper啪啪聲, 阿Lee話尋日有風暴喎... 哦... 講緊尋日吹到我塊面同頸都出晒紅疹的龍捲風呀嘛... (法新社報導風速每小 時達250公里)
各位團友, Last Toilet Point, 上車前記得幫襯一下...
玩咗大半日, 回到旅遊巴, 終於要付款了... 團友們在車上答問卷, 還在阿Lee的紀念冊上留言, 我地寫咗"Funny, Passion, Informative, The Best Day Tour we ever joined"... (利益申報 : 我地真金白銀比錢Join團, 我都好想有人出錢請我去澳洲做打手寫「鱔稿」, 肯定

(繼續閱讀...)

kenmerry 拉姑 發表在 痞客邦 留言(0) 人氣()

5 September 2013, Thursday

在剛過去的澳門2日1夜Relax之旅, 狂玩one2free多FUN相機, keep住上載相片到facebook粉絲專頁, 與粉絲分享Banyan Tree Macau的亮點...
公仔表情搞鬼, 對白句句抵死, 你也想玩埋一份?!! 快快下載「多fun相機」: http://ow.ly/o370z
澳門悅愹莊果然是名不虛傳的Relax 聖地
酒店房內的悅心池真的可以游泳呀

酒店房內除了有可以游泳的悅心池, 還有可供2人浸浴鹽的大木桶, 太誇了吧~

(繼續閱讀...)

kenmerry 拉姑 發表在 痞客邦 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***
~ 目前還未找到容身之所, 安頓好後會作出公告 ~
28 August 2013, Wednesday

曾與朋友戲言, 香港人可以1個月唔食西餐, 可以3個月唔食泰國菜, 卻不可以1星期唔食日本菜... 日本菜對香港人真係好重要!!! 壽司更是當中的表表者, 壽司米上鋪上各式各樣的海鮮, 總是那麼吸引人, 讓人看得雙眼也發光...
屹立於天后清風街的悅鮨, 門外掛了一排大紅紙燈籠, 離遠也能清楚看到, 相當易找... 撥開日式暖簾進入店內, 佑大的壽司吧盡現眼前... 在店員的引領之下, 進入了店內盡頭的Private Room, 可容納10-12人左右, 房內更設有獨立洗手間, 私隱度高, 很適合名人明星來吃哦... 
去年3月才第一次出席UFood的品味飯局, 正確一點來說, 是第一次出席品味飯局, 事隔18個月, 感覺竟然像隔了數年, 這陣子實在花了太多時間在食評上... 新人事新作風, 是次飯局由食友一手安排, 席間盡是皇冠鑽石級食家, 小薯如我有幸獲邀, 深感榮幸... 餐單因應情況稍微改動了...
喜歡日本菜的其中一個原因, 是日本人對餐具非常講究, 總是美輪美奐, 令人目不暇給, 未點菜已叫人心花怒放, 心情也變得特別好, 食物也變得特別美味... 今日的藍彩花花茶杯, 我真的超喜歡哦...

鮟康魚肝
-- 在日本及台灣是很盛行吃鮟康魚肝的, 更被稱讚為「海中鵝肝醬」... 大廚將鮟康魚肝浸在酒中, 讓酒香滲入魚肝後再將之蒸熟, 以精緻的器皿盛載, 再灑上酸汁... 我是第1次品嚐魚肝, 味道濃郁, 慶幸完全沒有想像中的魚腥味, 口感像鵝肝般粉嫩細滑, 很有驚喜,..

池魚壽司
-- 產量有限的池魚, 盛夏時分最受歡迎, 有白身魚之王美譽... 肉質爽甜, 鮮味十足, 油脂豐潤, Yummy...

金目鯛壽司
-- 日本人最愛吃鯛魚屬白身魚, 當中以金目鯛較為矜貴, 貨源不穩定, 肉質爽脆甜美, 有機會的話要試試...

秋刀魚壽司
-- 秋刀魚屬於經濟魚類, 營養價值卻非常高... 秋刀魚最常見的烹調方式是原條鹽烤, 秋刀魚壽司在日本不太普及... 配上薑蓉, 不蘸豉油, 肉質有彈性, 油脂偏少, 帶點腥味, 個人來說有點接受不了...

右口魚邊壽司
-- 是夜亮點!!! 本人孤陋寡聞, 只知有左口魚而不知有右口魚的存在, 眼睛置於魚身右邊、視線望向右則的撻沙就是右口魚... 不用蘸豉油來吃, 魚邊油分較多, 入口油脂澎湃, 濃郁甘香, 肉質非常滑溜, 鮮味十足, 沾了一點鰻魚汁, 份外甜美... 此壽司叫人欲罷不能, 全場讚不絕口, 屬必吃推介No. 1~

燒三文魚腩壽司
-- 回想起人生第1次接觸的刺身壽司, 正正是最為人所熟悉的三文魚... 三文魚腩切得厚厚的, 用火輕輕一烤, 燃起了三文魚腩中的一團油肪, 令豐潤的脂肪一下爆發出來, 鮮味香濃, 吃時不用蘸豉油...拉姑必吃推介 No. 2~

黑松露油帶子海膽飯
-- 從未真正品嚐過海膽, 不是什麼大道理, 只是小小的無聊原因... 遠遠也能嗅到黑松露的香味, 嘿嘿, 真的有點似石油氣, 又是個人理由, 不能吃... 帶子刺身我以前會吃的, 上月就懷疑因在別處吃過此物而病了1個月, 心裡好想吃也不敢再吃... 我只有... 吃白飯!!! 珍珠米, 粒粒飽滿, 以醋來調過味, 香甜軟糯, 白飯也可以吃出滋味來... 

牛骨髓鱈場蟹
-- 實物是非常巨型, 這相片的Size是有點騙人的, 嘿嘿... 上桌時老遠已傳來香噴噴的香味, 惹人垂涎... 入口是熱辣辣的, 千萬別心急... 軟綿綿的牛骨髓, 混入了鱈場蟹肉, 牛骨髓的滋味, 加上鱈場蟹的鮮味, 略烤至一點焦的香味, 妙絕, 妙絕... 拉姑必吃推介 No. 3~

清酒煮蜆
-- 肉質雪白肥美的沙白, 粒粒新鮮飽滿, 發出閃亮的光芒, 入口爽韌, 沒有半點沙, 以日本清酒浸煮, 不單能提升鮮味, 亳不起眼的清酒湯汁才是精髓所在, 酒香加上蜆鮮, 每一口也是極品, 大家都不顧儀態地以殼代匙, 舀清酒來喝, 真的停不了手...

原粒味噌炒虎蝦
-- 造型唯妙唯肖, 以竹籤串起, 形態如同在水中暢泳, 不單方便燒, 也方便吃, 屬不愛用手撇蝦殼的懶人包欣物... 最佳食法是用手拿著竹籤, 用口去咬開蝦身, 在口中啜蝦肉, 然後吐出蝦殼, 只有這樣才能夠真正嚐到原粒味噌的鹹鮮與虎蝦的鮮甜混和的最高境界... 蝦肉新鮮彈牙, 真想吃多幾串...

黑醬油拉麵
-- 是夜試食活動以配料豐富的黑醬油拉麵來劃上句號... 黑醬油帶有濃厚醬油味道, 鹹而回甘, 麵條彈牙有嚼勁...

大廚兼老闆的盧先生不單熱情款待, 還送贈由他編著的烹飪書《新手學壽司》, 更附有親筆簽名, 沒什麼可比收到此書更有驚喜...

離開時來個指定動作--大廚與食家大合照!!!
我還見到息影從政的原彌明坐在近入口處與朋友吃晚飯呢, 這裡果然是名人明星熱門聚腳點...

 

  

 

(繼續閱讀...)

kenmerry 拉姑 發表在 痞客邦 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***
~ 目前還未找到容身之所, 安頓好後會作出公告 ~
28 August 2013, Wednesday

上司請食飯, Book唔到酒店中菜, 去咗呢間, 食到大家都冇晒表情...
其實間餐廳裝修係幾優雅, 可惜午市迫到椅貼椅, 嘈吵過機房, 大家要喊破喉嚨先可以傾幾句計...
午聚二人套餐, 2位用$298 (2位起), 第3位要加$100, 未計茶芥加一...
脆脆BB豬伴沙律菜
-- 得3片, 1人1片, 唔脆兼冇肉, 偏鹹...
瑤柱海味羹
-- 一向Dislike呢類湯羹, 所以覺得唔好飲係正常...
碧綠鮮蝦仁
-- 蝦仁好巨型, 但"銀"胃, 大家都唔敢食得多, 食剩晒... 西蘭花完全冇味, 但食清光...

(繼續閱讀...)

kenmerry 拉姑 發表在 痞客邦 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***
~ 目前還未找到容身之所, 安頓好後會作出公告 ~
28 August 2013, Wednesday

試食完日本菜, 女生總想吃點甜品, 跟幾位食友到就近的甜品店覓食...
店內是一貫流水式甜品店的四方形木枱木椅, 環境不會令人享受...
牆上貼了好滿各式甜品的大頭貼, 名字全部響噹噹... 天后, 王子, 公主... 來頭好勁咁... 好似好多選擇, 但係... 其實來來去去得幾樣o野, 只係A+B+C, A+B+D, B+C+D, 基本元素不出10款, 就Mix到有幾十款咁...
幾位食友同我點了龍眼王子, 芒果天后, 雪糕紅豆伴豆腐布甸...
食物都未來, 店員就隊張單埋o黎收錢, 唔係呀嘛?!! 我係咪去錯蘭桂芳酒吧呀?!! 我個樣似會飲到爛醉如泥, 唔比錢食霸王餐走人咩?!! 未食已Hard Feeling爆燈...
龍眼王子唯一可取的是龍眼, 不是罐頭貨色, 很清甜... 還有正常無味的涼粉&決明子, 布甸唔滑... $45, 不如食個焗豬排飯... 

(繼續閱讀...)

kenmerry 拉姑 發表在 痞客邦 留言(0) 人氣()

我係新搬來的Kenmerry 拉姑呀
Y!Blog舊網址快升天了... 路經此地, 希望可與舊Blog友重組一個溫馨的小社區~
Ken & Merry 為食男女，遊走世界!!!
http://blog.yahoo.com/ken-merry

(繼續閱讀...)

kenmerry 拉姑 發表在 痞客邦 留言(15) 人氣()

31 August 2013, Saturday
由即日起至9月1日，你可透過one2free PLAYGROUND最新推出的「多fun相機」（Funographer）程式，運用創意，配合多款富香港獨特文化及生活特色的搞鬼貼紙，製造獨一無二的照片，加上#one2freesummer標籤並上載至Instagram，就可以參加one2free多FUN相機大鬥拍。one2free將會揀選當中10幅最創意滿 fun的作品，每位得獎者可獲贈「周杰倫 - 魔天倫世界巡迴演唱會 香港」門票2張*；參賽照片於one2free Facebook成功獲得最多「投票支持」的100位參賽者將獲得由one2free送出的PLAYGROUND 限量手版公仔套裝乙套。
其他有關「周董」的「多fun相機」推廣活動陸續有來，請緊貼one2free Facebook專頁，今個9月與「周董」在「魔天倫」見﹗
註 : 參加者須年滿18歲，並受有關條款及細則約束。有關活動詳情, 請瀏覽 one2free Facebook 專頁。
* 只適用於2013 年9月22日的演唱會

(繼續閱讀...)

kenmerry 拉姑 發表在 痞客邦 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***
~ 目前還未找到容身之所, 安頓好後會作出公告 ~
13 August 2013, Tuesday

3號風球現正懸掛!!! 強颱風「尤特」(Typhoon Utor) 正迫近香港... (晚上1時40分真的掛8號了)
打開Lift門, 使唔使咁大個頭呀?!! 驚嚇度5粒星!!!
一層有2間餐廳...
嘩, 好開揚呀個景, 西環至東區一覽無遺, Unexpected, 好興奮呀~
唔近玻璃窗的枱, 以金碧輝煌搭夠...
原本想要2份南非鮑魚餐(8折後每位$544), 職員推介澳洲鮑魚餐(8折後每位$784)大好多, 可以1份南非1份澳洲都得, 又幾Flexible... 最後比多少少, 又睇吓澳洲鮑魚係咪真係大過南非鮑魚好多...
趁太陽未落山, 影吓個貴到冇朋友的維多利亞港的海景先... 打風關係, 影唔到藍天白雲...
蜜餞叉燒併越式春卷
-- 叉燒肥廋適中, 肉質軟腍, 甘香豐腴, Yummy... 春卷酥脆, 不油不膩, 蘸春卷的酸汁才是亮點...
杞子百合鮮雞燉螺頭
-- 清甜到不得了, 飲得出煲湯的材料十足, 很滋潤呢...
WoW... 高潮來了... 職員以砂鍋盛著南非鮑魚及澳洲鮑魚讓我們看看, Honey和我也不禁嘩一聲... 澳洲鮑魚真係大隻好多呀... 隨後職員將砂鍋放上氣體爐再煮一會...
波蘭鵝掌扣南非鮑魚
-- 體型像平時吃開的5頭飽, 由於不是糖芯鮑, 所以要慢慢咀嚼以防消化不良, 很有彈性, 鮑魚汁味道香濃... 鵝掌爽口... 
波蘭鵝掌扣澳洲鮑魚
-- 澳洲鮑魚真的很大隻喲... 由於不是糖芯鮑, 所以要慢慢咀嚼以防消化不良... 決定下次要再來試試糖芯鮑...
將南非鮑魚放到澳洲鮑魚旁邊, 以體積計南非鮑魚邊夠澳洲鮑魚揮...
招牌釀焗蟹蓋
-- 好吃好吃很好吃!!! 白汁內的蟹肉及洋蔥很鮮甜哦, 味道非常Match...

(繼續閱讀...)

kenmerry 拉姑 發表在 痞客邦 留言(0) 人氣()

*** 受到8月30日Yahoo Blog關閉通告的噩耗所影響, 剩下的Blog要高速寫完, 然後趕緊搬家 ***
~ 目前還未找到容身之所, 安頓好後會作出公告 ~
23 August 2013, Friday

朋友找的新店, 可以參考的食評不多, 只有12篇... 其中10篇的食家本身只有1-2篇食評, 根據經驗, 多為店家自己開a/c寫的... 帶著戰戰兢兢的心情來到...
店子內坐位不多, 入座時明明聽到男的指示女的帶我去尾2張枱, 女的要我去最尾張枱, 我唔肯, 最尾果張貼住廚房, 好多貨物靠背, 仲要係膠枱櫈, 枱布都冇... 最後在我堅持下, 坐了尾2呢張, 其實都唔係好好, 張枱窄到無可再窄, 叫幾味菜都冇位放... 仲要係出菜通道, 後面枱的外籍男士一坐下, 通道幾乎全封, 最後要鑽媽先坐得落...
情調本是不錯...
(右) Island Shake $36
-- 腸胃不太好, 不想飲乳酪或奶類飲品, 又不想飲冰類, 更不想飲Soft Drink, 7除8扣, 28款飲品只剩3-4個選擇... 芒果+青檸汁+椰奶+蜜糖+薄荷, Yummy!!! 芒果味重, 蜜糖甜, 薄荷清新, I like it~
House Salad 招牌沙律 $95
-- 蔬菜非常新鮮, 蜜糖芥末汁與牛油果好好味...

(繼續閱讀...)

kenmerry 拉姑 發表在 痞客邦 留言(0) 人氣()

kenmerry 拉姑 發表在 痞客邦 留言(2) 人氣()

23 August 2013, Friday
別話不說, 來個直接了當吧... (店內超多人, 不便拍照, 都是2排長枱的小店子格局) (坐在大門口, 熱風飄送, 好不難受) (座位狹小, 一袋二袋, 很不好坐)
石榴露(加蘆薈) $25
-- 與餐牌上的相片相差10萬8千里, 心裡難免涼了一截... 入口卻有驚喜, 不是太冰凍, 100%石榴的香甜味, 朋友們都話現在買到的石榴無論放幾耐都係冇味的...
石榴露(加即切芒果) $29
-- 初時以為只係加咗芒果汁係面, 原來係半個原隻芒果, 勁... 
圓肉紅棗燉雪梨 $28
-- 賣相同朋友的想像有點落差, 佢幻想緊挖空原個雪梨放入圓肉紅棗冰糖同燉... 
即撞蛋白杏仁茶 $34
-- 朋友吃時的面口不佳, 似乎不太美味... 
係剛才晚飯的餐廳忘記去洗手間, 朋友去完此店的洗手間, Comment不佳, 但冇阻止我去... 結果...
厠所門外貼了大字"天花溜水", 入內後看到地上一大攤水, 坐厠內的厠所水是不停流動, 按下按鈕也停止不了, 坐厠內仲有紙巾浮下浮下, 相當噁心... 水龍頭才是經典, 唔係平時去洗手間果種, 似係後巷出水位插幼膠喉取水拖地果種, 仲要裝到貼實洗手盆, 雙手放到最埋都只有1根手指可以比水淋到... 更可怕的是, 水是流到洗手盆下面的水桶, 一邊洗手一邊流水...
幸好早上出門時下暴雨, 我著了水鞋, 雙腳感覺上比較安全, 幸免於難... 極之唔明白點解朋友用完洗手間可以咁淡淡然...
門外已有好多人等候, 吃了15分鐘左右便被人送客了...
付款時八達通機又貼了大字"壞了", 與洗手間的大字"天花溜水"剛好互相輝影...
真的不明白, 為何此店在佐敦區近龍堡酒店的甜品店會是排第3的... (排第2的是日本料理店)
是次每人消費約 $30 元
味道： 3 環境： 2 服務： 3 衛生： 1 抵食： 2
###
地址 : 佐敦白加士街10-24號永富大廈地下3號鋪
電話 : 2376 3535

(繼續閱讀...)

kenmerry 拉姑 發表在 痞客邦 留言(0) 人氣()