Ken & Merry 為食男女，遊走世界!!!

之前同早兄食過一次, 覺得好好味...

 

尋日(2008年8月10日--農曆7月初10)我地要去圓玄進行特別任務, 行動前係旺角會合兼食埋lunch... (實情係食過番尋味, 夾硬約係個度, 哈哈...)

 

我地嘅目標係... DaDaDaDa... 霜降牛扒... 4A級... 都只係$78... 自己買o黎煮都未必有咁平!!!

套餐跟飯, 配埋飲品要$84, 以美食廣場o黎講, 一D都唔平!!!

 

我地之所以比佢深深吸引住, 係因為佢香味撲鼻, 外型又夠特別, 仲有得玩(一路反D肉一路聽到嘶嘶聲, 好想快D吞晒落肚), 鐘意"幾成熟"完全由自己control, 最緊要係好好味, D肉仲一D都唔韌...

醬汁有蒜蓉燒汁同蜜糖燒汁, 仲可以加黑椒同鹽, 煎香咗塊牛扒先落燒汁...

 

(繼續閱讀...)

kenmerry 拉姑 發表在 痞客邦 留言(3) 人氣()

上星期日(2008年8月3日)honey係屋企樓下試下部新相機嘅功能... 大家覺得合唔合格呢又...

 

. 蝴蝶(採花蜜-ing)

. 雞冠花(曬死人-ing)

. 竹林(吹到頭都甩-ing)

 

嘩哈哈哈哈... 仲有張好無聊嘅合成照(笑爆嘴-ing)...

(繼續閱讀...)

kenmerry 拉姑 發表在 痞客邦 留言(3) 人氣()

今晚同Honey去咗大戶屋試菜... 現場所見, 好多日本人o黎食飯... 侍應們好似一堆熱鍋上嘅蟻, 亂晒籠咁...

 

8點開始拎位, 9點先入得, 一坐低即刻Order食物, 唔係真係驚10點都冇得食...

 

我Order咗帶子蒸籠飯+野菜雞肉, d飯蒸得好好味, 麵豉湯都好好味, 雞肉酸酸脆脆咁...

Honey Order咗吉列雞扒飯, 都唔錯, 但係個皮炸得太厚同埋太硬, 我都係鐘意吉列專門店多d...

白飯任添, 大食漬萬勿錯過!!! 沙律汁小得可憐, 叫佢比多一次都唔夠用...

 

埋單$163, 當住家飯咁食都算唔錯!!!

 

(繼續閱讀...)

kenmerry 拉姑 發表在 痞客邦 留言(1) 人氣()

終於有機會試下呢間夢見屋, 吉之島重開至今都係超多人排隊...

 

入面d裝修都幾和風, 大部份都係梳化位, 坐得好舒服...

Set Lunch 蟹肉莧菜長通粉 -- 味道OK, 蟹肉有殼, 要小心d食...

Set Lunch 蕃茄火腿意粉 -- 味道OK, 淡咗小小, 買相就靚...

藍莓芝士餅 -- 味道OK...

食得多pokka, 食下呢間唔使咁悶... 下次o黎要試下佢d和風甜品先...

(繼續閱讀...)

kenmerry 拉姑 發表在 痞客邦 留言(0) 人氣()

裝修咗幾個月嘅王家沙, 今個月終於開番...

 

天花加咗具有中國特色嘅木飾...

碗櫃都係...

查實大枱嘅吊燈先恐怖, 係將好多茶壺貼咗係上面... 如果食食下o野跌咗落o黎... =.=

除此之外...

. 座位 -- 迫咗好多...

. 環境 -- 嘈咗好多...

. 食物 -- 味道Keep得住...

 

話梅骨 -- 酸酸甜甜, 肥肉又小, Yummy!!!

(繼續閱讀...)

kenmerry 拉姑 發表在 痞客邦 留言(1) 人氣()

 

曾經聽過好多人提過嘅"吉列專門店", 榮獲"最優秀銅鑼灣開飯熱店、最優秀開飯日本料理、十大好評開飯熱店", 想試好耐好耐, 可惜一直未有機會... 近日無意中有張85折Coupon, 令到我更加心急想去食...

 

今日(2008年7月5日)Honey要去銅鑼灣買o野, 我就順勢問佢想唔想跟我去試菜, 估唔到佢答好...

我地去到嘅時候大概係6點半左右, 已經要等20張細枱(仲未計大枱)... 等等等等等... 等到8點終於入得席... 原來入面唔係太多枱, 怪唔得要等咁鬼耐啦... 嗚嗚...

 

我地揀咗"吉列豬扒豬柳定食"(二人餐), 包麵豉湯、白飯(免費添吃)、椰菜(免費添吃)、漬物、生菓!

 

D芝麻係比你自己磨架，一磨D香味就湧出o黎，再加入豬扒醬汁，好好味呀! 仲有海鹽同芥末醬可以用，可以試下一口豬柳3種味道，奇High! 豬柳入口比豬扒鬆化，好味!
椰菜有2隻沙律醬可以配，就係柚子沙律醬(DD至愛)同埋紫菜沙律醬(個味都幾特別)，我地足足Refill咗3次咁多呀... 飽飽!

(繼續閱讀...)

kenmerry 拉姑 發表在 痞客邦 留言(5) 人氣()

 

2008年6月24日 10:45PM

 

「風... 神神神神」殺到... (8號風球唔係年年有, 所以大家要好好珍惜)

 

無咩雨, 但係頭先行番屋企, 拎住個6磅幾嘅西瓜, 都吹到我行到好似醉酒漢咁...

 

當時仲心唸, 風力就算勁過8號風球, 天文台一樣唔會掛8號o架啦...

計算錯誤... 只要唔係Office Hour, 天文台絕對豪得起, 就好似上次黑雨咁...

真係好政治性...

 

後記:

第二朝8點起身, 唸住應該落咗風球啦, 竟然未落, 好少可... 打開其中一個窗, 竟然比風吹番埋, 之後仲比D風吹到點開都開唔到... 刷牙個時仲發現書房張枱面有一大攤水, 原來成個All-in-One Printer 同拖板都比水浸晒, 好彩冇溜電, 險... 估計係經冷氣機吹入o黎...

風神果然名不虛轉!!!

(繼續閱讀...)

kenmerry 拉姑 發表在 痞客邦 留言(3) 人氣()

今晚(2008年5月28日)一交收完部Canon相機, 就即刻飛去尖沙咀幫KaKaMa賀壽... 由於呢間餐要人齊先準入, 所以唔可以遲到!!! 好彩交收順利, 我仲可以早20分鐘到達!!!

 

一去到見到拍緊o野... 睇真D... 原來係拍緊「 蔡瀾歎名菜」 呀, 上個星期日先做第一集喳... 呀... 我係蔡San嘅Fans o黎o架!!!

 

之後拍到出門口...

跟住仲搵咗蔡San同我合照, Yeah!!!

等多一陣, KaKaMa都到埋, 我地就搵美女廚神同Amanda S合照, Yeah Yeah!!!

(繼續閱讀...)

kenmerry 拉姑 發表在 痞客邦 留言(8) 人氣()

Honey D Friends 上星期五晚11點幾先落機, 星期六即刻就搵我地食晚飯... 可能佢地太耐冇食中菜, 竟然叫到成枱都係餸(7餸1湯), 勁... 真係超誇張...

 

呢個火燒紐西蘭牛仔肉上枱時好有型...

要等佢燒到咁上下, 先剪開張錫紙, 食到尾D火仲燒緊, 夾個時好驚比佢燒到... 味道都幾好...

個泰國虎蝦好好味, 士多啤梨骨都好好味, 招牌叉燒又好好味, 什菜煲就不過不失啦...

仲有半隻好好味嘅XX鴨(唔記得個名)...

DBS咭有8折, 折後過500蚊再送鴨胸伴海蜇燻蹄...

飲埋個花膠湯, 好滿足...

最後... 仲有甜品(麥米粥)送... 好飽...

(繼續閱讀...)

kenmerry 拉姑 發表在 痞客邦 留言(3) 人氣()

上星期六(2008年5月17日)如常去奶奶屋企午膳... 一出九龍灣地鐵站, 見到飯團變咗泡芙...

 

好好味咁喎... 等我又試下先...

 

睇住佢切開個puff做2份, 跟住用機器加D Cream上去... Cup番好個面, 再灑D糖粉係上面... 嘩... 靚晒!!!

4個以上有盒送...

一口氣買咗6個(Tiramisu, 朱古力脆皮, 士多啤梨, 原味卷卷... 仲有2個Oreo冇上鏡)... 埋單好似80幾蚊...

食飽飯拎出o黎當飯後甜品... 隻隻都鬼咁好味!!! 最好味係Tiramisu, Oreo, 士多啤梨, 朱古力脆皮... 不過食完1件夜晚可以唔使食飯, 皆因好鬼滯...

 

 

(繼續閱讀...)

kenmerry 拉姑 發表在 痞客邦 留言(2) 人氣()