close
星期五(2008年9月5日)晚係我同黃毛仔嘅Annual Birthday Party, 今年佢又山長水遠咁, 搭車o黎魚則魚涌搵我食飯, 真係唔好意思喇... (
呢間味竹我食過2次, 最好味係牛扒同海鮮, 不過... 黃毛仔戒緊口, 全部唔食得... 唔緊要, 可以開開心心一齊食餐飯, 食咩都一樣咁好味嘅...
唔知係咪因為D食材貴咗, 個免費前菜好似冇之前咁吸引喎...
叫咗個雜錦泡菜雞腿肉石鍋飯, 都幾好味喎... 不過估唔到個泡菜係另上, 感覺有D怪怪地...
全餐唯一唔應該食嘅o野...
香草羊扒--好好味呀...
香草牛油番茄--必吃
黑椒蒜鹽雞胸軟骨--必吃
豆腐扒燒--冇味, 可以不吃
原條牛油粟米--必吃
經理見我地影相, 即刻問係咪寫Blog, 又幫我地影合照, 仲影2張唔同角度, 服務簡直"Ichiban"!!!
最可惜我地食唔到原個柚子雪葩(冇晒貨)...
是次每人消費約$200元
味道： 4 環境： 4 服務：5 衛生： 4 抵食： 3
###
冇晒雪葩?! 一樣無阻我地食甜品嘅熱情嘅, 即刻轉移陣地... Häagen-Dazs!!!
我呢個甜品有2球雪糕(1大1細), 1件雪糕蛋糕, 再加軟朱古力蛋糕... 一次過滿足3個願望!!! (原本係直線, 影相個刻已經跌到一半, 影完冧晒)
黃毛仔呢個甜品有6球雪糕(細), 正!!!
係度多謝黃毛仔請我食甜品, 下次餐High Tea我嘅, 食完一齊行吉豬島, Yeah!!!
全站熱搜
留言列表
台灣分區飲食 (35)