Ken & Merry 為食男女，遊走世界!!!

話咁快又第4日啦... 戲肉終於都o黎啦... DaDaDaDa... Universal Studio!!! (呢一日係唯一一日, 同我原本報個個團相同嘅景點)

早餐前被導遊老點, 返上房拎番件羽絨, 結果... 全日都冇用過...

原來呢日係日本假期, D人多到嚇死你, 所有遊戲同表演都要排隊超過1-2小時, 攪到我地冇時間食正餐, 只可以靠小吃充飢... 全日玩得1個機動遊戲(大白鯊)同睇咗3個表演(烈火雄心, 水世界, 魔鬼終結者 2：3-D)... 原本想玩埋"回到未來", 可惜唔夠時間, 真係完全唔夠喉, 最慘係連Shopping都冇時間... 嗚嗚嗚嗚...

「溫泉鄉」早餐好清淡... 炸南瓜餅同紫菜超好味...

日本三大名園「後樂園」... 要坐2小時車去岡山市... 後樂園側邊係「岡山城」(又稱烏城)... http://www.welcome2japan.hk/location/regional/okayama/okayamashi.html

好耐冇寫Blog啦, 足足有6個星期啦, 一來因為減肥(叫口號多於實際行動)冇乜出街食大餐, 二來因為要籌備今年嘅旅行而忙碌... 之前提及嘅澳洲之旅又去唔成, 唯有等下年, 今年去住日本先啦...

初時打算自遊行, Book晒機票酒店Plan好晒行程, Honey先話要跟團... 報咗團去嵐山和歌山又唔成團... 唉, 又唔可以改日期, 唯有轉團啦...

11月12號出發... 3點幾機, check完in飲埋茶先上機, 原來ANA有得飲香檳, honey緊係唔會錯過... 架機勁吉, 8-9成位冇人坐, 有人索性一個人瞓中間三個位... 去到神戶「三宮購物商店街」已經10pm... 

所有店舖都閂晒門, 唯有食麥當勞, 慘... 好彩仲買到Mister冬甩做宵夜, 11:30pm先去到酒店, 攰死, 皆因有團友遲上巴士, 遲到者見到導遊落車又唔叫住佢, 等咗半個鐘我終於忍唔住打電話通知導遊...
第一晚餓親, 第二朝即刻食番夠本...

日本三大名城「姬路城」(又稱白鷺城)... 要坐1.5小時車去兵庫縣姬路市...
1993 年被列爲聯合國教科文組織的世界文化遺産... http://www.welcome2japan.hk/location/regional/hyogo/himejijo.html