目前分類：└12西歐「文藝復興」 (20)
- Aug 13 Mon 2012 00:03
西歐「文藝復興」2012 の 總匯
- Aug 07 Tue 2012 00:04
西歐"文藝復興"2012の治安問題
足足2個月先寫好晒今年歐遊嘅Blog, 未試過咁慢... 皆因今年實在太忙, 又要寫食評, 又要玩微型粘土... 一度失去動力繼續寫旅遊Blog...
如果你問10個去過意大利嘅朋友, 有9個都會講到言之鑿鑿意大利d賊有幾狼, 係強搶, 唔係偷... 聽得多都心慌慌...
做足準備, 買定個斜孭袋同肚腩袋...
身處意大利時, 發覺唔係真係咁恐怖, 起碼冇出現電單車友扯背包場面... 係有d貌似小手嘅人出現, 但冇比機會佢埋身... 加上我地又著得寒酸呢, 一睇就知週身冇蚊(Money)啦, 仲窮過d賊咁, 嘩哈哈哈~
安全離開意大利, Yeah!!!
去到瑞士, 安心指數提高, 連導遊都膽大包天, 居然帶團友出去行夜街, 証明瑞士真係好安全...
去到法國, o黎料啦!!!
- Aug 06 Mon 2012 00:03
西歐"文藝復興"2012の回家鳥
3 May 2012, Thursday
10oC, Rainy
最後一日啦!!! 我唔想走呀!!!
7:30AM 執好晒行李, 要同呢對婆仔運動鞋講Bye Bye, 著住佢去過無數地方, 著到鞋底d釘都蝕晒... 你就永永遠遠留係法國吧啦!!!
8:00AM 酒店早餐
9:00AM Check-out, 落Lobby用Free Wi-Fi上網
10:00AM 我地有9個人唔去倫敦, 旅行社安排咗1架8人車+1架的士o黎接我地去機場...
- Aug 03 Fri 2012 00:02
西歐"文藝復興"2012の遊遊蕩蕩, 巴黎, 法國 (Paris, France)
2 May 2012, Wednesday
10oC, Rainy
~ 巴黎小檔案 ~
巴黎位於法國北部巴黎盆地的中央，是法國的首都和最大城市，全市分成20個區，人口超過1200萬。
巴黎三個最有名的地標分別是：巴黎聖母院、凱旋門，和艾菲爾鐵塔。
1:00PM 先開始食Lunch, 2:00PM就已經要鬆人, 食咗都唔消化...
冒雨離開Chez Edouard後, 沿Rue Edouard VII行番出Boulevard des Capucines, 轉左, 去到Rue Scribe再轉左, 行到咁上下會見到迦尼葉歌劇院 (Opera de Paris Garnier), 繼續行就會去到奧斯曼大道(Boulevard Haussmann), 巴黎最最最出名嘅2間百貨公司, 春天百貨(Printemps)同埋老佛爺百貨公司(Galeries Lafayette Haussmann), 就會出現係你眼前!!!
由於落住大雨, 人又激多, 扒手... 緊有1個係左近!!! 好彩有醒目又勇敢嘅小妹妹出手, 否則... 團友姨姨今晚就可能冇紙巾抺嘴o架啦, 咔咔咔!!! 大家要密切留意「治安篇」嘅詳細報導!!!
- Aug 02 Thu 2012 00:01
西歐"文藝復興"2012の羅浮宮, 巴黎, 法國 (The Louvre Museum, Paris, France)
2 May 2012, Wednesday
10oC, Rainy
~ 羅浮宮小檔案 ~
羅浮宮（The Louvre Museum）位於法國巴黎市中心的塞納河邊，原是法國的王宮，現在是羅浮宮博物館，擁有的藝術收藏達3.5萬件，包括雕塑，繪畫，美術工藝及古代東方，古代埃及和古希臘羅馬等7個門類。
羅浮宮始建於12世紀末，最初是用作防禦的城堡，14世紀法王查理五世搬遷至此。在他之後的法國國王遷出遷入, 直至1682年法國宮廷移往凡爾賽宮。法國大革命期間，羅浮宮被改為博物館對公眾開放。
踏入旅程嘅最後一天啦!!! 聽日就要搭飛機走啦!!! 我唔制呀!!! 嗚嗚嗚嗚...
8:00AM 法國嘅早餐好食得多, 未至於豐富, 起碼達到基本水平, 之前咁多日嘅早餐都好唔掂呀!!!
- Jul 03 Tue 2012 00:04
西歐"文藝復興"2012の艾菲爾鐵塔的日與夜, 巴黎, 法國 (Eiffel Tower, Paris, France)
1 May 2012, Tuesday
9oC - 19oC, Cloudy
~ 巴黎鐵塔小檔案 ~
艾菲爾鐵塔由橋樑工程師居斯塔夫·艾菲爾設計，從1887年1月26日起建，於1889年4月25日建成, 總高324米，分為三樓，分別在離地面57.6米、115.7米和276.1米處，為巴黎最高的建築物。
其中一、二樓設有餐廳，第三樓建有觀景台，從塔座到塔頂共有1711級階梯，共用去鋼鐵7000噸，12000個金屬部件，250萬隻鉚釘，極為壯觀。
遊客可以選擇徒步登塔上第一層和第二層，又或者坐升降機上第一層和第二層及最頂尖。
玩完塞納河船河, 就殺過去艾菲爾鐵塔!!!
上次行色匆匆, 只係係巴黎鐵塔下面行個圈, 影咗幾張相... 今次個團包埋「登鐵塔第2層」, 但係行程列明「如未能安排登艾菲爾鐵塔，將改往56層蒙巴納斯大樓，俯瞰巴黎全景」, 出發前都驚自己會好黑仔冇得上鐵塔, 好彩今次成個行程好好運, 冇乜阻滯~
- Jun 14 Thu 2012 00:03
西歐"文藝復興"2012の塞納河船河, 巴黎, 法國 (River Seine Cruise, Paris, France)
1 May 2012, Tuesday
9oC - 19oC, Cloudy
~ 巴黎小檔案 ~
巴黎位於法國北部巴黎盆地的中央，是法國的首都和最大城市，全市分成20個區，人口超過1200萬。
巴黎三個最有名的地標分別是：巴黎聖母院、凱旋門，和艾菲爾鐵塔。
離開凡爾賽宮, 唔使半個鐘, 已經去到巴黎市心嘅香榭麗舍大街, 當然要同戴高樂廣場中央嘅凱旋門影張合照啦~ 只係短暫停留10分鐘咋, 真係想慢慢影個靚d嘅角度都唔得~ 10年前係呢度比人踩滑板搶DV嘅情景仍然澀澀在目~
* 拿破崙為紀念1805年戰勝俄羅斯及奧地利, 興建凱旋門 (Arc de Triomphe Etoile), 於1836年完成。
閃電式參觀完凱旋門, 就坐車去拿破崙墓~
- Jun 05 Tue 2012 00:02
西歐"文藝復興"2012の凡爾賽宮, 法國 (Versailles, France)
1 May 2012, Tuesday
5oC - 19oC, Cloudy
~ 凡爾賽宮小檔案 ~
凡爾賽宮位於法國巴黎西南郊外,1979年被列為聯合國教科文組織的「世界文化遺產(UNESCO World Heritage)」。花園覆蓋約800 公頃土地。
凡爾賽宮所在地區原來是一片森林和沼澤荒地。1624年，法國國王路易十三在這裡修建了一座二層的紅磚樓房，用作狩獵行宮。1682年路易十四宣布將法蘭西宮廷從巴黎遷往凡爾賽。主體部分的建築工程於1688年完工，而整個宮殿和花園的建設直至1710年才全部完成，隨即成為歐洲最大、最雄偉、最豪華的宮殿建築，並成為法國乃至歐洲的貴族活動中心、藝術中心和文化時尚的發源地。路易十四還修建了大特里亞農宮和馬爾利宮。路易十五和路易十六在凡爾賽宮花園中修建了小特里亞農宮和瑞士農莊。1789年10月6日，路易十六被民眾挾至巴黎城內，凡爾賽宮作為王宮的歷史至此終結。直至1833年，凡爾賽宮才被修復為歷史博物館。
凡爾賽宮的建築風格引起俄國、奧地利等國君主的羨慕仿效。聖彼得堡的夏宮、維也納的美泉宮、波茨坦的無憂宮、以及海倫希姆湖宮都仿照了凡爾賽宮的宮殿和花園。
我地終於都有今日啦!!! 凡爾賽宮係今次歐洲之旅嘅1級重點, 最核心嘅核心價值!!!
何解咁緊要?!! 皆因冇去過凡爾賽宮, 又點算去過法國呢!!! 10年前法國自由行咗3日2夜, 齋玩市中心都唔夠時間喇, 仲點去咁遠吖... 10年o黎對凡爾賽宮念念不忘, 報2次都去唔成嘅法國深度遊, 今年再報前睇真d, 嘩!!! 原來冇得去凡爾賽宮o架!!! 走難團都係得KUONI有去, 翠明走難團都冇去... 冇得揀, 唯有試吓跟KUONI, 反正d朋友跟完埃及團都讚不絕口, 應該冇乜大問題啩~
- May 24 Thu 2012 00:03
西歐"文藝復興"2012の波恩, 法國 (Beaune , France)
8oC - 14oC, Cloudy & Windy & Rainy
~ 波恩小檔案 ~
波恩位於巴黎和日內瓦之間，號稱法國東部勃艮第(Burgundy)葡萄酒的首都, 位於葡萄酒之路的心臟（又稱勃艮第的“香榭麗舍大道”）！波恩作為法國的關鍵葡萄酒中心，是法國主要的年度葡萄酒拍賣會的舉行地。波恩被世界上最有名的葡萄酒村莊包圍，許多生產商的設施和酒窖均設立於波恩。
離開瑞士嘅鐵力士峰, 要坐5個鐘頭旅遊巴去法國嘅波恩小住一晚~ 原本係去法國嘅狄莊小住一晚o架, 不過領導話狄莊果邊條路整緊, 所以要改去波恩~
5個鐘頭流流長, 好悶呀!!! 唯有享受吓尋晚係琉森買嘅Coop朱古力, 仲有Citron味法國礦泉水~ d朱古力好好味呀!!! 濃到爆!!!
- May 23 Wed 2012 00:01
西歐"文藝復興"2012の鐵力士峰, 瑞士 (Titlis, Switzerland)
-4oC - 4oC, Cloudy & Windy
~ 鐵力士峰小檔案 ~
鐵力士峰（Titlis），高3238米，位於瑞士阿爾卑斯山脈，是阿爾卑斯山著名的風景區，登上鐵力士峰需要乘坐三種交通工具。第一程是普通六人吊車，在第二個落客點落車。第二程是大型吊車，到達第三個落客點。第三程是世界首創的360度旋轉纜車，可容納80人，每程都會旋轉360度一圈。
由琉森出發, 坐1個鐘頭旅遊巴, 就到達鐵力士峰山腳嘅纜車站~
- May 22 Tue 2012 00:02
西歐"文藝復興"2012の琉森, 瑞士 (Lucerne, Switzerland)
6oC - 15oC, Cloudy
~ 琉森小檔案 ~
琉森（Luzerne）是瑞士中部琉森州的首府，位於琉森湖畔。面積約24平方公里，人口約：5萬7千人,擁有4種官方語言，包括德語、法語、義大利語、羅曼斯方言。
琉森最著名嘅標誌係卡佩爾橋(Kapellbrücke)和水塔。卡貝爾橋又稱教堂橋, 全部由木板建成，座落於羅伊斯河上，建造於1333年，全長204米，1993年發生火災後重新修復。
7:00AM落酒店餐廳食早餐... 嘩!!! 好迫人呀!!! 好彩我地果團已經劃咗位, 成個區域有籬笆包圍住嘅啫, 枱面仲間住間住咁放咗KUONI紙牌, 唸住萬無一失, 點知... 咁都出事!!!
~~~ 以下內容, 只係對當日發生嘅事敍述出o黎, 並不帶任何歧視成分, 閣下請不要對號入座 ~~~
- May 21 Mon 2012 00:04
西歐"文藝復興"2012の夜遊琉森, 瑞士 (Lucerne, Switzerland)
13oC - 22 oC, Rainny
~ 琉森小檔案 ~
琉森（Luzerne）是瑞士中部琉森州的首府，位於琉森湖畔。面積約24平方公里，人口約：5萬7千人,擁有4種官方語言，包括德語、法語、義大利語、羅曼斯方言。
琉森最著名嘅標誌係卡佩爾橋(Kapellbrücke)和水塔。卡貝爾橋又稱教堂橋, 全部由木板建成，座落於羅伊斯河上，建造於1333年，全長204米，1993年發生火災後重新修復。
係米蘭坐咗5個鐘頭旅遊巴, 終於去到琉森, 好彩有大量涼果照住, 暈車浪, 使乜驚呀!!!
瑞士的確係受到上天嘅特別眷顧, 旅遊巴一進入瑞士國景, 眼前所見盡是氣氛磅礡得令人透不過氣嘅迷人美景!!! 相機嘅咔喳聲不絕於耳!!! 呢3張相隔住玻璃窗影都可以靚到咁, 我醉啦~
- May 18 Fri 2012 00:03
西歐"文藝復興"2012の米蘭, 意大利 (Milan, Italy)
13oC - 22 oC, Rainny
~ 米蘭小檔案 ~
米蘭是義大利的第二大城市，也是義大利工業化最深的城市之一。目前有132萬居民，但如果將郊區的居住人口計算在內，則大約有400萬人，是歐洲最大的都會區之一。總面積約有1,982平方公里 ，每平方公里超過2,000人居住。
生產總值佔義大利國內生產總值的4.8%，這個地區也被稱為藍香蕉（Blue Banana），是歐洲人口最密集與工業最發達的地區 。
今日早餐都離唔開果幾味, 不過麵包款式多咗, 仲有羊奶芝士同腸仔... 領導叫我地食6:45AM, 因為有另一團KUONI強國人7:00AM會殺到, 領導話到時我地一定唔夠人爭... 結果未夠7:00AM已經有強國人走入o黎想偷步, 好彩領導控制住... 7:00AM... 大開眼界... 我地的確冇可能再埋到BUFFET枱... 我LALA聲食完先返上房執行李~
8:00AM從維羅納出發, 坐2個半鐘頭旅遊巴去到米蘭, 落雨啦!!! 好彩之前3日都藍天白雲, 今日嘅行程基本上只有"名店街購物", 有瓦遮頭, 影響唔大~
- May 17 Thu 2012 00:05
西歐"文藝復興"2012の維羅納, 意大利 (Verona, Italy)
12oC - 27 oC, Sunny
~ 維羅納小檔案 ~
維羅納位於義大利北部威尼託大區阿迪傑河畔的一座歷史悠久的城市，人口約260萬人。坐落在阿達湖和威尼斯的附近，成為旅遊勝地和威尼托地區的經濟中心。莎士比亞的名作《羅密歐與茱麗葉》以此城為背景。2000年入選聯合國教科文組織的「世界文化遺產(UNESCO World Heritage)」。
離開威尼斯, 坐2個鐘頭車就到達, 旅遊巴要泊係城區外, 然後步行入城~
沿途有好多好靚嘅建築物~
- May 16 Wed 2012 00:25
西歐"文藝復興"2012の威尼斯, 意大利 (Venice, Italy)
12oC - 27 oC, Sunny
~ 威尼斯小檔案 ~
威尼斯是意大利東北部著名的旅遊與工業城市，人口約160萬人。威尼斯曾經是威尼斯共和國的中心，十字軍進行十字軍東征時也曾在這裏集結，而且也是13世紀至17世紀末一個非常重要的商業與藝術重鎮。
威尼斯的水道舉世知名。潟湖上的118座群島約由150條水道交織而成。構成威尼斯的島嶼約擁有400座橋樑。在古老的城市中心，運河取代了公路的功能，所以主要的交通模式是步行與水上交通。中心舊市區街道狹窄，為步行區，是歐洲最大的無汽車地區。
「貢多拉」是威尼斯最具代表性和道統的水上代步小船。但現今威尼斯人通常會使用較為經濟的水上巴士穿行市內主要水道和威尼斯的其他小島。
威尼斯和附近的潟湖在1987年被列為「世界文化遺產(UNESCO World Heritage)」。
今日酒店早餐都係果幾味~ 食完早餐就去碼頭坐包船入威尼斯~ 架船十足十香港d舢舨, 坐到我想嘔, 嗚嗚嗚嗚... d話梅溜咗響旅遊巴度呀~ (有Aunt真係頂唔順, 我借咗支100%新嘅百花油比佢聞, 拎出o黎果刻我覺得自己好"婆仔"呀!!!)
- May 15 Tue 2012 00:16
西歐"文藝復興"2012の佛羅倫斯, 意大利 (Florence, Italy)
11oC - 27 oC, Sunny
~ 佛羅倫斯小檔案 ~
佛羅倫斯是義大利中部托斯卡納大區和佛羅倫斯省的首府，擁有366091名城市人口，是該地區面積最大、人口最多的城市，以及主要的歷史、文化和商業中心，曾一度是義大利統一後的首都（1865—1871年）。
佛羅倫斯被認為是文藝復興運動的誕生地，藝術與建築的搖籃之一，擁有眾多的歷史建築，和藏品豐富的博物館。歷史上有許多文化名人誕生、活動於此地，比較著名的有詩人但丁、畫家李奧納多·達·文西、米開朗基羅、政治理論家馬基維利、雕塑家多納太羅等。佛羅倫斯歷史中心被列為「世界文化遺產(UNESCO World Heritage)」。
徐志摩在詩集《翡冷翠的一夜》中將此城名稱譯為「翡冷翠」。
尋晚因為太攰, 瞓到冇晒知覺!!! 今日天氣繼續晴朗, 唔好比佢停呀!!!
出發前影吓間酒店先~
- May 14 Mon 2012 08:00
西歐"文藝復興"2012の羅馬, 意大利 (Rome, Italy)
9oC - 22 oC, Sunny
~ 羅馬小檔案 ~
羅馬為義大利首都，世界著名的歷史文化名城，古羅馬帝國的發祥地，因建城歷史悠久而被暱稱為「永恆之城」。其位於義大利半島中西部，市中心面積有1200多平方公里。羅馬與佛羅倫斯同為義大利文藝復興中心，也是第二次世界大戰中少數沒被戰火波及的城市之一，現今仍保存有相當豐富的文藝復興與巴洛克風貌；1980年，羅馬的歷史城區被列為「世界文化遺產(UNESCO World Heritage)」。
一落機就要趕去羅馬鬥獸場... 今日好好天呀!!! 太好啦!!!
君士坦丁凱旋門~
古羅馬廢墟~
古羅馬競技場(Colosseum)~
- May 11 Fri 2012 00:01
西歐"文藝復興"2012の出發喇!!! 趴地企鵝勇闖西歐!!!
因為Honey近呢一年激忙嘅關係, 所以已經好耐冇出國旅行, 亦都冇唸過今年可以有得去旅行... 但係... 曙光突然出現!!! 原來激忙係會有真空期, 所以我地又急不及待繼續我地嘅環遊向世界大計~
2月尾一見旅行社出價目表就即時報團, 3月13日果晚已經成咗團, 太好啦!!! 唔使成日心掛掛唔知成唔成團~
不過後尾先發現, 原來5月出發嘅團先有得去比薩斜塔o架!!! Oh... 我地係4月最後一團, 即係跟住我地果團就有得去啦...
今次嘅主題係... 「趴地企鵝闖西歐」!!! 隻趴地企鵝係舊年聖誕節去「粵」飲茶時, 聖誕老人送比我o架!!! Honey話近年掀起咗「趴地」相嘅熱潮, 所以我都要湊吓熱鬧先~
出發前都好多黑仔事... 屋企水喉溜水, 落雨時冷氣機又嚴重入水, 抽濕機又死死吓, 抽氣扇又唔識閂蓋, 咁多o野一齊壞嘅, 搞咩呀?!! 今日銀行仲call我話找卡數嘅支票冇簽名, 要一早趕去補簽...
開茶會時知道有2份1機會同2歲BB同團, 好困擾... 今朝去銀行又遇到d細路發難渣狂喊狂叫, 去食Lunch又遇到d細路發難渣狂喊狂叫, Honey話我地多數都會同2歲BB同團, 呢2單o野係比我地早d適應吓...
天文台Keep住話今日會有雷暴, 好驚搵唔到Taxi, 所以我地今次用信用卡優惠call咗Airport Limousine, 全包都只係HK$250, 好抵, 仲抵過自己坐Taxi去香港站轉機鐵~
- May 10 Thu 2012 00:04
西歐"文藝復興"2012の整裝待發
多年o黎盛傳意大利嘅治安好差, 所以我專登買番個斜孭袋, 冇咁易比人搶手袋...
再買個肚腩袋比Honey咩係T-Shirt入面, 可以放Passport同後備現金...
經過上次東歐一戰(凍病咗咳足2個月), 今次咩都可以唔帶, 電熱水壺一定要帶!!!
仲要帶埋杯麵同栗子, 萬一遇到哽唔落嘅團餐, 都唔使夾硬吞~
買埋個子彈壺, 沖番壺熱茶係旅遊巴慢慢嘆~
- May 09 Wed 2012 00:03
西歐"文藝復興"2012の酒店茶會
跟團去旅行就跟得多, 係酒店入面嘅餐廳開茶會, 今次都算係第一次!!! 仲要係High Tea!!! 好High呀!!!
AVA係尖沙咀Hotel Panorama 38樓, 要搭子彈Lift, 好難搵, Lobby一d指示都冇!!!
38樓個景好靚, Honey話去完旅行可以o黎試吓... 開茶會時派咗張38% OFF嘅Coupon, 正!!!
現場有人提及有個2歲B會一齊去, 希望唔係我地果團o架啦!!! 好驚呀!!! (我地同早一日出發嘅西歐團一齊開茶會)
台灣分區飲食 (35)