9 March 2013, Saturday
接近2個月前的米豬蓮夜宴, 菜式由主人家發版, 菜式名稱唔知, 埋單幾錢又唔知, 食物味道同口感都已經忘記得七七八八, 如果Submit去某搵食網站, 好肯定又會被打壓成「非食評」, 咁仲寫唔寫好呢?!!
答案係... 緊係寫!!! 咁有紀念價值的一夜, 如果都唔記錄低係自己的Blog入面, 咁我2006年開始寫Blog的初衷咪失去咗!!! 「非食評」, I Don't Care!!!
收到主人家的英雄帖後, 只聽到朋友話夜上海係米豬蓮, 當時仲以為只係米豬蓮推介, 點知... 2個月後的今日先知, 竟然係連續2年得到米豬蓮二星 (2013 & 2012 米芝蓮二星, 2011 & 2010 米芝蓮一星)... 咁猛?!! 呀哈哈哈... 我好「土包子」呀!!!
kenmerry 拉姑 發表在 痞客邦 留言(2) 人氣()
1 January 2013, Tuesday
香格里拉 (Shangri-La) 一詞源於藏語, 意為「心中的日月」, 被喻為世外桃源...
新的一年, 新的開始... 我的2013, 第一樣要做的事, 仍然離唔開食食食, 嘩咔咔咔...
試過金鐘的夏宮, 未有任何驚喜, 見到求學時期的好朋友, 經常都到香宮開餐, 真係咁好味?!! 趁今日係1月1日, 來食餐開年飯..
餐廳內的裝潢金碧輝煌, 古色古香, 樓底特高, 枱與枱之間有一定距離, 置身其中, 舒適呷意...
甫坐下, 服務員送上Welcome Drink... 荔枝釭茶!!! 茶色紅褐, 香氣濃郁, 荔枝的香甜味充斥整個口腔, 茶味甘醇, 太美味啦!!! 可惜每人只有1小杯, 飲罷才醒起未有拍照, 唯有加一點綠茶到杯內, 補拍照片, 哈哈... 顏色是比較淺了一些...
kenmerry 拉姑 發表在 痞客邦 留言(0) 人氣()
12 December 2012, Wednesday
特別日子, 想搵d特別o野食...
2年前復活節食過1次, 當時未有分店, 大量市民出外旅遊, 等咗10分鐘就已經有位... 今日未到6時來到, 不用等位, 直入... 門外等候的原來係外賣的客人...
店內環境沒變, 但多咗好多老闆同名人影的合照...
家庭式老火湯 (不加味精) $20
-- 的確係冇加味精, 薯仔同蕃茄都煲得好蓉, 好好味...
kenmerry 拉姑 發表在 痞客邦 留言(2) 人氣()
10 December 2012, Monday
開業40年的新同樂, 係2011年榮獲米芝蓮三星榮譽, 係全球唯一非酒店三星中菜食府... Honey激讚炆牛腩同埋豬大腸好好味, 講咗好多次話要帶我去試吓, 今日終於有機會一試...
我地被安排坐係1間只有3張枱的房內, 裝修簡潔, 新淨光猛...
呢雙象牙筷子都幾恐怖... 個頭黃甘甘, 仲有好多黑色的裂縫...
百花脆皮乳豬 (1份) $268
-- 樣子奇趣, 肥嘟嘟的乳豬皮, 甘香豐腴, 超級香脆, 放涼咗都仲好脆, 咬落索索聲, 好神奇... 乳豬皮下係蝦膠, 鮮味十足, 爽口彈牙, 好好味... 不愧為新同樂名菜...
燒汁乾煏牛肋骨 (1位) $138
kenmerry 拉姑 發表在 痞客邦 留言(4) 人氣()
3 November 2012, Saturday
今晚途經北角, 就在此覓食吧...
經過這飯店時, 看到門外貼了A4紙般大的米豬蓮海報, 單從店舖的外表, 一點也看不出他的實力, 好, 就會一會... (事後翻查了2010, 2011, 2012的米豬蓮指南, 在3星/2星/1星/精選食肆之中, 也找不到強記的名字, 不知道是否2009年, 還是那些列為Comfortable之類類別的食肆)
店內有卡位又有普通枱, 柱上掛著的古董鐘擺, 與這裡的格局一點也不相襯...
臘味燉湯套餐 $62 包括秘制鴛鴦腸飯, 自選原盅燉湯, 郊外油菜... 睇落好抵食...
秘制鴛鴦腸飯 -- 潤腸甘香, 臘腸鹹香, 口感油順, 不會過硬, 好味...
kenmerry 拉姑 發表在 痞客邦 留言(0) 人氣()
10 October 2012, Wednesday
提起泉章居的名字, 相信無人會感到陌生...
剛出來社會工作的時候, 人工不高, 同事們下班後經常喜歡一起出外飲飲食食, 吃的都不是便宜的東西, 我也不敢跟他們一起瘋... 直至有一次他們堅稱泉章居好吃又便宜... 便宜?!! 3-5百元對你們來說可是便宜, 但對我來說一點也不便宜哦... 在半推半扯的情況下, 就跟他們去拼了... 嘩!!! 真不敢相信, 真的好吃又便宜哦, 當年好像只吃了1百大元, 哈哈, 很經典...
更經典及為人津津樂道的, 還有在那兒工作的性格大叔(服務員)們, 真的是越叫越走, 縱然劉德華每晚都在電視說「今時今日咁嘅服務態度未夠架」都未見起色, 但奇怪的是, 人流沒有因此而減少, 足以証明食物的魔力有多大... 但這些回憶, 隨著泉章居第三代掌舵人在2005年以3億元售出波斯富街舖位之後, 亦隨之而消失...
賣舖後改租銅鑼灣廣場一期2層繼續經營, 以往的性格大叔已不復見, 繼續留低的, 就只有那份堅持了60年的味道... 這份堅持, 也得到了全球飲食指南的肯定, 泉章居在2012年被列入米芝蓮精選食肆... 新店簡潔光猛, 居然有點懷念舊年的那份陳年味道, 真是奇怪...
即興到來, 全場爆滿, 竟然還有1張卡位, 是奇蹟嗎?!! 原來不是, 因為位於死角位, 坐下後感到有點熱, 但因為座位實在寬敞, 所以無意轉枱, 唯有忍耐一下吧...
紅紅的餐牌, 還有那個王冠包著大肥雞的標誌, 都有一份懷舊的味道...
kenmerry 拉姑 發表在 痞客邦 留言(2) 人氣()
2 October 2012,Tuesday
連續2年榮獲米豬蓮一星榮銜, 我只吃過西灣河的分店2次, 總店還是第一趟來... 之前數次路過都是人山人海的, 今天不知是否受長假期影響, 門口沒有人排隊... 請注意, 報時訊號一響, 現在是上午11時40分...
店內的陳設簡約舒適, 店主看來花了不少心思...
卡位旁邊的牆上及天花均安裝了極具印度特色的水晶吊燈... 很Cozy... 今天很幸運, 可以坐到卡位, 既寬敞又舒適...
簡簡單單的餐牌, 別具玩味...
下單後數分鐘, 已經全場坐滿客人, 還不到正午12時...
kenmerry 拉姑 發表在 痞客邦 留言(0) 人氣()
30 Sep 2012, Sunday
印象中, 對上一次幫襯元朗大榮華酒樓係小學四年班... 即係幾多年? 哈哈... 秘密!!!
到底大榮華酒樓在此鋪位屹立了多少年呢? 連長輩也答不出來!!! 上網搜集資料... 1975年於元朗安寧路開設大榮華酒樓, 即是... 37年!!! 嘩!!! 利害!!!
出發前致電家住元朗的朋友, 了解一下等位的情況... 朋友說很難搵位, 經常也很多人, 只會跟熟客去, 因為酒樓有位會先給熟客... 聽後有點擔心... 到達後, 原來是派籌的, 要等十數張枱... 最後等了半小時便有位了!!! 但是一定要搭枱!!!
酒樓內環境頗光潔, 與小四的記憶完全兩樣...
在點心紙「奶皇馬拉糕」上方畫了箭嘴, 寫道"要中間", 勤快有禮的服務員跟我說"要中間"3個字下單時入不到電腦, 還建議我到大排檔自取... 大排檔?!! 戰戰兢兢地走到入口旁邊, 收銀櫃再向前行... 不明白為何自己會向那個方向行, 但是真的找到了... 拿回座位後, 服務員又再奉上, 也是中間位置的, 明明已在點心紙上取消了的...
kenmerry 拉姑 發表在 痞客邦 留言(0) 人氣()
27 September 2012, Thursday
久仰大班樓大名, 一直未有機會一試, 直至大班樓今年榮獲米豬蓮一星榮銜, 都有少少擔心, 相信不少食家都欣賞過米豬蓮流星雨並身陷其中... 即使如此, 我都要儘管一試... 今日終於有機會朝聖啦!!!
我並非中區人, 在上環地鐵站出閘後, 一直向中環方向行行行... 越行越遠... 居然行到中環街市?!! 開始發現自己行錯路... 唯有轉上山, 再向上環方向行... 一直於橫街窄巷之中穿插, 充滿尋幽探秘之情懷... 終於... 迷路迷到蓮香樓, 驟然發現, 蘭桂芳酒店就在眼前!!! 我搵到喇!!!
大班樓位處九如坊尾段唐樓地鋪連1樓, 如果未聞其名而路過, 有眼不識泰山的機會率是99.99%...
在2星期前預訂, 被安排坐在1樓的落地玻璃窗旁, 偌大的水晶吊燈, 好難想像現在置身於唐樓之中...
店內座位不多, 1樓只有十多張枱, 地下入口我只見到數張枱, 難怪如此難訂位, 動輒便要2星期...
店內掛了1幅畫, 巨蟹躺在秤上流露出霸氣, 像在跟你說:「來! 和我比試一下拗手瓜吧!」... 相信店主對自家出品的蟹餚一定信心十足!!!
kenmerry 拉姑 發表在 痞客邦 留言(2) 人氣()
6 July 2012, Friday
聽聞「添好運」係北角開咗分店, Honey好雀躍, 要第一時間去試下...
10點幾去到, 唔使等位, 直入... 門外有一排櫈比排隊嘅人坐, 我地今次用唔著...
快餐店格局, 光潔鮮明, 招牌開放式廚房, 坐得近嘅客, 唔知會唔會覺得好熱嘅呢... 座位都相當迷你, 叫多幾個點心都放唔落...
酥皮焗叉燒包 -- 必吃招牌菜!!! 脆脆嘅外皮, 包住甜美嘅叉燒餡料, Yummy~
香滑馬拉糕 -- 招牌菜, 味道甘甜, 鬆化可口, 正!!!
kenmerry 拉姑 發表在 痞客邦 留言(0) 人氣()
23 June 2012, Friday
端午節假期前夕, 搵食指數突然標升!!!
路過太古坊, 突然醒起當年港澳一推出米芝蓮指南, 呢度附近就即刻有間印度餐廳拎到「米芝蓮精選食肆」榮銜, 想試好耐, 但一直醒唔起去試... 擇日不如撞日, 就而家去喇...
去到門口, 有d猶疑... 點解... 羅勒呢個名咁陌生嘅呢... 但係位置又一樣, 裝修又一樣, 門口都一樣係放住「米芝蓮精選食肆」嘅牌, 只係由2009年改咗做2012年... 以為自己冇記性, 寫Blog時做資料搜集時發現, 原來之前2009年拎到米芝蓮精選食肆果名叫「皇轎印度餐廳 Palki Indian Cuisine」, 2010年時已經Close咗, 轉咗而家個名!!!
餐廳入面都幾企理, 真係出乎意料之外... 因為... 呢個商場都幾噏耷吓...
我地6點鬆d去到, 未開冷氣, 好焗... 店主隔咗一陣走埋o黎開冷氣, 個天花機係正我地頭頂, 太太太大風, d o野食凍得過快... 我加件外套都凍到滕滕震...
6點半先有客入o黎, 話Book咗位... 到我地食完鬆人, 都再冇人客入過o黎...
kenmerry 拉姑 發表在 痞客邦 留言(0) 人氣()
12 June 2012, Tuesday
好興奮呀!!! 之前參加咗U Food食評Game, 選中咗我去U Food x 城市花園酒店 呈獻 米芝蓮得獎一星「粵」星級試食會, 今晚又有口福啦!!!
城市花園酒店「粵」中菜廳係2012年新晉"米芝蓮一星"食肆, 得獎名菜多羅羅, 包括旅發局2010年度「美食之最大賞」海鮮組金獎的「雪嶺紅梅映松露」, 及2011年「美食之最大賞」點心組金獎的「亮點」!!! 炙手可熱的名菜亦不少, 當中柚子脆蝦球及師傅炒香苗就係我的至愛!!!
餐廳為星級試食會間咗一間房, 房內放咗一張大圓枱, 落地玻璃外係一排翠綠嘅樹木, 空間感十足~
嘻嘻... 我嘅吉祥物每次一出場影「到此一遊」照都會引起一場哄動...
最驚喜係開餐前餐廳先送上小禮物, 居然係大廚自家制嘅XO醬!!! 嘩!!! 好開心呀!!! 呢度嘅XO醬超超超好食o架!!! 仲送咁大樽添, 出手好闊綽呀!!! 個袋仲靚到咁, 我已經同其他人「吱吱噚」, 話可以拎個袋o黎放電話同埋吉祥物...
好, 介紹吓今日嘅Tasting Highlights先... 係咪好心急呢~
. 「粵」四小碟
. 杏汁花膠燉蹄筋湯
kenmerry 拉姑 發表在 痞客邦 留言(4) 人氣()
23 May 2012, Wednesday
放工落灣仔買o野, 路過「大榮華」, 指定動作... 買南棗合桃糕!!! 呢隻包裝大大件夾抵食, 出面其他牌子賣到好貴, 佢都仲係賣緊35蚊~ 其他中式餅都係7.5蚊1包, 好抵呀!!!
買完o野, 準備走, Honey見到大大張紙寫住「圍村菜」, 佢話不如試吓啦...
上到樓上, 嘩!!! 食神「滔滔」坐鎮呀!!! 我地仲坐正係佢隔離枱呀!!! 之前去九龍灣果間「大榮華」都見到佢係果度坐鎮, 真係好鬼勤力嘅啫~
「圍頭小菜」超過100款, 全部都係70蚊~ 點菜紙成張A4紙堆滿晒小菜名, 睇到都有d暈~ 逐樣睇睇都用咗唔少時間~
明火例湯--阿姐熱烈推介是日靚湯, 椰子煲雞... 嘩!!! 70蚊咁大煲?!! 唔使咁抵呀?!! d湯好好飲, 好重椰子味, 同埋雪耳嘅膠質溶晒入碗湯度, 好滋潤呀!!! 姊妹們必飲~
鄉村南乳煎米鴨(半隻)--嘩!!! 75蚊咁大碟?!! 鴨皮冇咩肥膏, 仲煎到脆晒, 南乳好惹味, 鴨胸好鬼多肉, 隻鴨脾仲好大隻添呀, 仲唔使咁足料呀?!!
kenmerry 拉姑 發表在 痞客邦 留言(0) 人氣()
19 May 2012, Saturday
今日同小馬去嘆High Tea, 搵咗幾間尖沙咀嘅酒店, 話大部分都要$250以上, 係呢間$150左右, 個賣相都OK吸引, 所以就揀咗呢度~
因為商場3樓裝修緊, 搵咗好耐個酒店入口都搵唔到, 行咗幾個圈, 好彩有d清潔阿姐路過比我問吓路~ 果條通道鬼鼠到呢, 迷路時以為佢係d通去廁所嘅後巷呀~
Afternoon Tea Set for Two~
頂層 Sandwich~
Salmon roll, cream cheese, sour dough bread -- 三文魚包住cream cheese同火箭菜, 朋友勁鐘意食~
Shrimp, mango, mayonnaise, tortilla -- 薄餅入面包住蝦同芒果, 都幾Salad Feel, 好清新~
Smoked turkey, apple, ranch dressing tortilla -- 火箭菜again... 又成為朋友嘅囊中物~
Roast beef, dill pickle, whole wheat bread -- OK啦~
Cucumber, cheddar cheese, white bread -- OK啦~
kenmerry 拉姑 發表在 痞客邦 留言(2) 人氣()
6 April 2012, Friday
復活節長假第1日, Honey話帶我去嘆吓大班樓嘅行政午餐, 可惜個電話成朝一直都冇人聽, 唯有坐車去咗上環先睇吓點算... 11點半過d再打去終於有人聽, 不過原來今日冇行政午餐食, 要跟餐牌叫小菜... 計落唔抵喎, 散叫小菜仲貴過夜晚食套餐, 最後決定留番下次先再去...
好彩, 我地仲有Contingency Plan... 懷舊之路!!!
懷舊之路第一站... DaDaDaDa... 蓮香樓!!!
我同Honey第1次o黎, 我都估應該冇得Book位, 但我自己幻想應該係o係門口排隊輪侯入座, 真係萬萬想唔到, 竟然... 要好似吊靴鬼咁, 楝係人地身後面, 用餓鬼嘅眼神望住d食客, 渴望人地快d食完快d走快d比個位我... OMG!!! 我接受唔到囉)))
小學果時, 試過等足1個鐘先等到2個位, 我已經係貼實2張櫈嘅正後方, 正想坐低, 點知比個C9二話不說極速"得"咗落去, 同個C9理論, 佢裝聾作啞, 望都唔望你, 簡直欲哭無淚... 所以自從出現咗派籌嘅茶樓, 我都唔想再去呢D要自己搵位嘅茶樓...
3歲定80, 可憐我今日Mark果2張枱, d食客都自稱仲有人o黎緊, 有排都唔會走, 叫我唔好再等, 等唔到o架啦... (第2張到我食完都唔見佢有人o黎囉, 仲要比2個金髮少女塞咗落去, Honey話可能佢地同外國人溝通唔到, 所以比人夾硬坐咗落去喎)
kenmerry 拉姑 發表在 痞客邦 留言(4) 人氣()
kenmerry 拉姑 發表在 痞客邦 留言(0) 人氣()
13 February 2012, Monday
雖然「富豪金殿」係由2009年開始已經連續3年榮獲米芝蓮一星, 之但係唔多覺有咩人提, 所以一直冇衝動嚟搵食...
過年前嚟「富豪金殿」食咗餐飯, 派咗380蚊CASH COUPON, 我同HONEY趁2月14日情人節前1日嚟食番餐...
預早BOOK好位, 11:50AM去到, 水晶燈都未開, 原來開12:00PM... 職員都比我地提早入座, 原來入面已經有一枱客食緊... 等到另一枱客都到埋, 都仲係唔開水晶燈... 最後等到12:10PM先開...
枱與枱之間都有一段距離, 空間感十足... 我地張枱望住維園, 好開揚... 到咗繁忙時間, 大約7-8成滿, 環境都唔嘈雜, 幾好...
之前唔得閒上網做RESEARCH, 坐低咗先用IPHONE上網搵, 食評唔多, 食點心嘅食評最近都一年前, 另一篇係3年前... 接近冇REFERENCE嘅情況下, 唯有亂點一通...
金獎茶皇雞--好好味呀!!! 個皮勁脆, 又薄又冇肥膏, 好重茶味好香, 隻雞又唔肥, 肉又唔韌, 之但係唔彈牙, 估計應該係雪雞... 唔使點醬食都好好味, 凍咗之後, 點D黑醋又有另一番滋味, 仲可以去油膩感... 如果點椒鹽食就太鹹啦... 呢隻雞其實大有來頭, 貴為旅發局美食之最大賞「至高榮譽金獎名饌」, 的確唔錯!!!
kenmerry 拉姑 發表在 痞客邦 留言(0) 人氣()
31 December 2011, Saturday
聖誕節先去完啱啱拎到「2012米芝蓮一星」, 位於北角城巿花園酒店嘅「粵」, 覺得好正, 大除夕就搵埋奶奶大人一齊去嘆吓一盅兩件...
今次早一日打去Book位, 安排咗窗口位, 落地玻璃外面係一片翠綠嘅樹木景, 奶奶好欣賞...
上次食咗5個廚師推介都幾正, 所以今次推介比奶奶試吓... 柚子脆蝦球 & 師傅炒香苗一定走唔甩啦, 咖哩魷魚 & 焗叉燒菠蘿包就人人都啱食... 不過亮點(2011年美食之最大賞點心組金獎)就唔Order啦, 單叫咗個海皇芝心芋角....
焗叉燒菠蘿包 (廚師推介) -- 第2次食依然覺得叉燒餡少咗D, 都係鴻星好味D...
咖哩魷魚 (廚師推介) -- 見姨娚好鐘意食, 比佢清晒...
柚子脆蝦球 (廚師推介) -- 無人不讚, 連汁都清晒... 呵呵... 緊係啦, 我熱烈推介得嘅, 點會唔正呀!!!
kenmerry 拉姑 發表在 痞客邦 留言(0) 人氣()
26 December 2011, Monday
聖誕長假第三日, 瞓醒一擘大眼, 就係唸去邊度搵食!!!
Honey近日留意到北角城巿花園酒店入面間中菜廳「粵」, 啱啱拎到「2012米芝蓮一星」, 好想去試吓... 由於已經11點幾, 硬係覺得應該會比人Book晒, 冇理由仲有位剩... Honey話都打個電話去試吓啦... 哦... 居然仲Book到位, 唔係咁少人去食呀嘛?!! 事不宜遲, 即刻打的的落去開餐先~
係Honey嘅印象中, 呢間酒店入面嘅中菜廳好殘舊... 點知... 去到原來已經翻新晒, 都OK靚, 似番間酒店!!! 入口度有一排卡位, 好古典, 我好想坐呀)))
我地半個鐘前先訂枱, 有位食已經好好, 所以坐貴賓廳門口嘅路邊位都唔係太介意... 一坐低除咗件外套, 服務員即時拎個衣套幫我地套好, 呢D咪就係酒店級嘅Service囉...
枱面碟小吃唔係用D普通嘅花生, 而係XO醬肉丁, 好得呀, 好好味呀~ 不過壺龍井就冇咩茶味啦...
我地入咗單就影吓相, 上吓網, 飲吓茶, 不經不覺都30分鐘, 隔離枱遲過我地o黎都有得食喇, 搵部長睇睇先... 部長睇咗好耐, 又摷機又摷單, 之後好唔好意思咁埋o黎同我地講, 搵唔到我地張點心紙, 叫我地再掦過... 好彩呢幾日都食滯咗, 唔肚餓, 同埋o黎得酒店食都要Hea耐D先覺得抵, 所以冇勞氣到, 掦過一張, 好快就有得食...
kenmerry 拉姑 發表在 痞客邦 留言(2) 人氣()
27 November 2011, Sunday
舊年由小西灣行到大浪灣, 然後坐小巴到筲箕灣東大街搵食, 朋友想食安利, 不過我地排咗半個鐘都冇起色, 另一個朋友已經走咗去酒樓攞位... 唉... 乜咁o架... 冇機會試新o夥添...
今日晴空萬里, HONEY好好興致咁話早D去應該冇咁多人排隊...
11:45AM到達... 等咗5分鐘左右就有位... 比預期中快... 好彩...
其實天氣已轉涼, 不過餐廳入面實在太多人, 攪到好似冇冷氣咁, 連我都標晒汗... 仲要同4個陌生人坐埋一張枱, 佢地刻意"呀"開對脚同手o黎坐, 迫到我同HONEY要縮埋一齊食, 好辛苦... 唯有快D食完快D走...
餐牌右下角有米芝蓮公仔, 唔知係找咗米芝蓮咩名堂...
切腩魚片撈粗--招牌菜!!! D撈粗用豉油撈斗咗, 好好好味呀!!! 我本人係唔鐘意食撈麵, 但係佢呢個撈麵真係好正!!! 牛腩都幾入味, 又夠淋, 可惜薄如蟬翼, 有少少美中不足~
kenmerry 拉姑 發表在 痞客邦 留言(0) 人氣()
台灣分區飲食 (35)