Ken & Merry 為食男女，遊走世界!!!

12 October 2012, Friday

開張了不久的芽莊, 經常都有很多人在門外排隊, 今天終有機會一試... 話說回來, 這個舖位十多年來已經換過幾次不同的食肆了, 但奇怪的是, 十多年來都是越南菜館, 只是裝修一間比一間重本, 價錢一間比一間貴, 味道一間比一間美味...

店內裝修以白色及柚木為主, 很優雅, 很有法國餐廳的影子... 也難怪, 越南曾經是法國的殖民地... 牆上掛滿了不同顏色的百葉窗, 極具懷舊越南味道...

早上11時30分開始營業, 未有太多人客到來, 到12時正已座無虛席...

甫坐下, 年輕男服務員跟我說"我們這裡是全日限時1小時30分鐘, 坐下時計算, 即是你12點3要埋單"... 我"哦"了一聲, 他便走開了, 我定一定神, 回想一下, 這間店是11:30才開門, 加上1小時30分鐘, 不是12時45分嗎?!! 如12時15分便要離開, 不是限時45分鐘嗎?!! 暫時不理會他的數學能力了, 待會他真的在12:15趕我走時, 才跟他理論吧...

豈料... 11點45分進來的顧客, 女服務員竟跟他說"限時1小時, 12點45分需還枱"... 吓?!! 剛才不是說"全日限時1小時30分鐘"的嗎?!! 為何相隔短短12分鐘, 便變成"限時1小時"?!! 到底有沒有限時標準?!! 還是隨店員的喜好, 每一張枱的限時也不同?!!

接下來第2個問題是... 這裡是沒有Set Lunch的... 吓?!! 沒有Set Lunch?!! 這裡的食物價錢一點也不便宜呀, 還要限時交枱, 我真的很想拂袖而去!!!

(繼續閱讀...)

kenmerry 拉姑 發表在 痞客邦 留言(0) 人氣()

11 October 2012, Thursday

感謝好友食家的邀請, 相隔2個月便再次一同踏足御花園咖啡室品嚐自助晚餐!!! 到步後, 撞巧遇到另一食家, 還坐在我們隔鄰, 大家都很興奮~

9、10月期間, Dinner Buffet的主題是「I ♥龍蝦」自助晚餐 ($408)... 主打龍蝦推介有香煎鵝肝配黑菌龍蝦汁、龍蝦意大利扁麵配車厘茄汁、咖喱龍蝦、吉烈龍蝦蟹肉餅、龍蝦雲吞湯麵及豉椒炒龍蝦, 看來好像很豐富哦... 可惜整夜未見吉烈龍蝦蟹肉餅及豉椒炒龍蝦芳蹤...


自助餐只是開始了半小時, 已沒有太多完整的食物可以拍照了...

咖喱龍蝦 -- 只見其殼, 不見其肉!!! 我平時絕對不會炒碟, 覺得很沒禮貌, 只會拿放在頂部的食物... 但今天不行了, 因肉眼所見, 根本見不到有龍蝦肉, 沒理由取一大堆龍蝦殼吧, 炒了幾下, 只見1個未開的蟹拑, 就這個吧...


龍蝦意大利扁麵配車厘茄汁 -- 請問... 主廚將肥美龍蝦拆肉後, 龍蝦肉往那裡去了?!!

(繼續閱讀...)

kenmerry 拉姑 發表在 痞客邦 留言(0) 人氣()

12 October 2012, Friday

10月是大閘蟹當造的季節, 蟹肉飽滿, 蟹膏豐腴, 特別鮮味...

今晚又有食神!!! 有幸出席是次「陽澄金黃蟹宴」星級食家飯局, 要多謝U Food同博藝會的邀請!!!

會所方面安排了一間VIP房進行試食活動, 各位食家可以盡情拍照, 不怕騷擾到其他客人, 很有Privacy... VIP房內有一個白色歐陸火爐, 是我夢寐以求的款式, 曾經幻想過如果自己屋企有個歐陸火爐就好啦... 仲要買一個扮燒柴燒到火光烘烘嘅電暖爐放入去, 然後凍天就坐係火爐前面嘆杯熱朱古力, Woo... 人生一大享受!!!

會所方面還送了每位食家1張1天免費貴賓會籍, 提醒大家, 食完呢1餐豐富晚餐之後, 記得要做返少少運動...

好, 介紹吓今晚嘅Tasting Menu先...

 

. 蟹粉小籠包
. 陽澄湖大閘蟹(4.5兩, 2隻)

(繼續閱讀...)

kenmerry 拉姑 發表在 痞客邦 留言(5) 人氣()

7 October 2012, Sunday

食店林立的筲箕灣東大街, 一個黑底白字的招牌...  阿一豬扒酸辣米綫, 讓魚貫的途人注目... 更令人注目的是, 門外經常有人等候...

看一看店內, 小小的店子, 客人擠得密密麻麻, 水洩不通...

在門外等候了一會, 終於可以入內, 坐在人來人往的通道上, 不期然向上望, 發現懷舊吊扇和一些老照片, 很有味道...

店內裝修其實不太差, 帶點中國味道, 只是當填滿了客人後, 什麼也被人海掩沒了...

真味豬排酸辣米綫 ($30) -- 其他客人的豬排是用碟上, 看到這個被硬窒入去碗子內的3塊豬排, 心中有點不快, 因為實在太不美觀了... 米綫上鋪了芫茜和很多蔥段, 還下了點椒鹽花生, 儘管如此, 也不能為此碗湯底沒甚香味的米綫挽回一點分數... 很懷念以前公司附近的四川家庭式經營酸辣米綫, 多酸少辣, 很滋味... 一心想回味一下, 可惜, 這裡的酸辣米綫原來是麻辣的, 酸菜沒甚酸味, 基本上只辣到口也發麻, 但一點也不香, 汗是直標, 但有點白流, 如果是又麻又香還可以接受... 米綫更是煮太久了, 腍到一夾起便斷開, 口感很差...

(繼續閱讀...)

kenmerry 拉姑 發表在 痞客邦 留言(0) 人氣()

7 October 2012, Sunday

一出筲箕灣地鐵站便看到佑大的招牌... 真的低調嗎?!!

在歐洲的古城內, 店舖都會把能夠顯示自家產品的銅制招牌掛在門外, 這吹氣雞蛋仔有異曲同工之妙...


排隊的柱上清晰顯示了雞蛋仔的價錢... 1底$12, 2底$22...

6個雞蛋仔模+3個格仔餅模同時開動, 仍經常大排長龍, 受歡迎程度可想而知...

 

(繼續閱讀...)

kenmerry 拉姑 發表在 痞客邦 留言(2) 人氣()

6 October 2012, Saturday

第2次前來九龍灣的鍾菜, 地點很隔涉, 假日的晚上走到這條街道上靜得可怕, 與相隔2條街的Megabox人生人海景象相距十萬八千里...

門面的確是相當光鮮, 約人來吃飯也不會覺得失禮, 可惜我個人比較著重食物味道, 我常會想, 與其做那麼多門面功夫, 不如在食物味道上下點功夫吧...


今天晚上還要坐在開放式廚房, 客戶的嘈吵聲, 加上廚房的煲氣聲, 絕對是嘈音污染!!! 無法無對著坐的朋友傾談, 只能與坐在身邊的朋友說話...

先來2客前菜...

麻辣貢菜豬耳 -- 少麻不辣, 咬落爽口, 嚐辣吃到很不爽...


麻辣口水雞 -- 少麻少辣, 雞肉沒有雞味, 肉質未算幼嫩, 但亦不至太乾...

(繼續閱讀...)

kenmerry 拉姑 發表在 痞客邦 留言(0) 人氣()

5 October 2012, Friday

早兄今日11點先吹雞約食Lunch, 好急吓啫... 趕住清理枱上文件, 搵咩食就要靠佢啦... 佢提議咗2間我都幾想試, 咁叫佢Check吓邊間有得Book位啦, 佢又話唔使, Walk-in就得...

去到一門, 一開Lift門, 嘩... 好暗呀... 乜咁好情調呀?!! 雖然佈置簡簡單單, 但係都幾有日本氣氛...


入到去, 職員問有冇訂枱, 我地話冇, 職員話唔好意思, Full晒... 非常失望, 轉身離開之際, 職員又問我地介唔介意坐吧台, 佢自言自語咁話Book咗12點9到而家1點都唔見人應該都唔會o黎... 好o野, 有得食!!!

比目魚田舍煮 ($80) -- 比目魚豐腴甜香, 濃郁魚香鮮味, 肉質細滑鮮嫩, 魚皮煎至酥香脆口, 配上蘿白蓉味醂汁, 清香甘甜, 整體很搭配... 日式蕃薯更是軟腍香甜, 只得1片實在係吊胃口...


午餐包括前菜, 面豉湯, 白飯, 及飲品...

(繼續閱讀...)

kenmerry 拉姑 發表在 痞客邦 留言(0) 人氣()

28 September, 2012, Friday

中秋佳節將至, 是夜邀約幾位同事慶祝一番...

數天前才訂位, 還擔心到處也Fully Booked, 但出奇地... 有位!!! 還不需要分時段(6-8; 8-10)進食, 真的嗎?!!

坦白說, 北京樓的門面著實一點也不失禮...

店內裝潢亦瑰麗堂煌...

不錯的前菜... 青瓜爽脆, 清甜多汁... 豆干彈牙...

(繼續閱讀...)

kenmerry 拉姑 發表在 痞客邦 留言(0) 人氣()

27 September, 2012, Thursday

吃罷「大班樓」, 計劃前往位於太古城的東隅酒店頂樓的人氣酒吧Sugar嘆一杯...

進入酒店大堂升降機後按32樓多次, 電梯門關上, 停留不動... 走到大堂接待處問個究竟... 原來Sugar在閒日5時才營業, 所以5時前升降機不能到達32樓... 噢... 白行一趟...

飯氣攻心, 回家休息一會, 順便致電訂座, 聽說露天位置要預訂... 可惜... 得到的回覆是「滿座」, 接線生建議我可嘗試Walk-in... 這個Happy Hour可謂一波三折...

接近5時, 再度出發!!! 順利進場, 室內暫時未有客人, 環境好像不錯, 若是炎炎夏日, 我只會選擇坐於室內...

嘩!!!!!! 沒想像過景色會如此優美!!! 安坐一個位置已可盡覽東九龍景致, 令人心曠神怡, 室外的梳化舒適自在, 有點Resort Feel...  

在戶外位置的盡頭, 有一個自成一角的小花園, 今天被一間公司預約了作商務活動...

(繼續閱讀...)

kenmerry 拉姑 發表在 痞客邦 留言(0) 人氣()

22 September 2012, Saturday

北角清風街近年發生大變天, 由數年前只有數間食店, 發展至今天十數間, 以往清風街以車房及夜冷店作主導, 今日車房及夜冷店仍在, 只是數目減少了...

夠膽量將食店開在車房旁邊, 店主對自家出品的食物似乎信心十足...

昨天才吃過CoCo壹番屋的蛋包飯, 今日又再吃蛋包飯?!! 我都估唔到會食得咁密, 不過既然順路, 就食咗先啦...

唔識字?!! 唔緊要!!! 剩係睇門口個招牌都知呢度係賣蛋o架啦!!!


店內充滿日式味道, 坐係吧台嘅客人可以感受到百分百日本Feel...

吧位旁邊有數張枱, 牆邊設有衣架掛外套, 這個設備在日本很常見... 但座位超級擠迫, 我地坐係大門口旁邊的2人枱, 擠迫程度更甚, 連坐低及離座都有困難...

(繼續閱讀...)

kenmerry 拉姑 發表在 痞客邦 留言(0) 人氣()

21 September 2012, Friday

最近CoCo壹番屋殺入康怡吉之島, 每次面對新食店開張, 都永遠都將自己的搵食格言(未開夠2個月唔好試住)忘記得一乾二淨...

唔好以為冇人食, 實情係幾張枱一齊埋單走咗, 外面排緊隊嘅客人未入座, 先比我地捕捉到呢個鏡頭... 環境都OK舒適, 未算好坐, 因為後面d通道人來人往, 同坐路邊冇分別... 枱與枱之間只有條狹縫, 雖未至於搭枱, 但感覺上無異...

o黎得呢度, 就緊係食咖喱o架啦!!! 見到有奄列咖喱飯, 好吸引喎... 就試吓啦!!!

散叫食物, 加錢可以轉做套餐, 可選配例湯、迷你沙律、甜品、飲品... $15任選2款, $20任選3款, $25任選4款... 我地決定試齊4款...

落單需要重複複述好多次, 落單速度有待改善...

迷你沙律 (套餐) -- 服務員放低時講咗句豉油汁... 咁強調豉油汁?!! 唔通有其他沙律汁揀?!! 落單時冇問過我地喎!!! 後尾上網調查, 原來可以揀芝麻醬or豉油汁o架!!! 乜咁o架... 人地鍾意芝麻汁o架嘛... 生菜都幾新鮮, 豉油汁味道似酸醋汁... 都幾清新開胃...

(繼續閱讀...)

kenmerry 拉姑 發表在 痞客邦 留言(0) 人氣()

26 september 2012, Wednesday

獲邀出席Häagen-Dazs全新「魔幻滋味系列」發佈活動, 真係好開心, 因為佢嘅雪糕除咗好食之外, 佢仲會費盡心思去為雪糕做出特別的造型, 每逄特別日子都會去嘆雪糕, Häagen-Dazs係我最愛的雪糕店, , 多謝有關單位的安排~

魔術師以一連串出色的魔術表演為今晚活動掀開序幕, 令現場人士熱血沸騰, 連場外人士亦不禁駐足觀看, 很熱鬧呀~


首先出場的... 「魔幻奇程」雪糕蛋糕!!! 一出場引起一片哄動... 半球狀的比利時朱古力雪糕蛋糕, 滿載惹人垂涎的新鮮藍莓、紅加侖子、士多啤梨、棉花糖和金箔, 還有小巧精緻的朱古力禮物盒, 再以通花半球狀朱古力作為頂蓋, 造型美輪美奐, 令人一見傾心!!! 可惜... 有得睇冇得食... 想知道係咩味道, 就要靠大家自己去發掘喇~

 

跟住出場的... 「火焰奇遇」!!! 外型完全係1個朱古力波, 究竟雪糕係邊呢?!! 唔好心急...

(繼續閱讀...)

kenmerry 拉姑 發表在 痞客邦 留言(0) 人氣()

21 September 2012, Friday

無料... 免費也!!!

偶然機會下, 見到同事有個半島酒店紙袋, 好奇心驅使之下, 伸咗個頭入去望吓... 嘩!!! 半島酒店迷你奶黃月餅呀!!!

同事話請我食... 真的嗎?!!

我唔敢貪心呀, 拎咗1個咋... 獨立包裝, 食幾多開幾多, 夠晒衛生...

月餅細細, 餅面留咗半島酒店個P字...

(繼續閱讀...)

kenmerry 拉姑 發表在 痞客邦 留言(2) 人氣()

21 September 2012, Friday

同事生日, 用Coupon去Cova換咗個生日蛋糕同佢慶生...

有咗上次嘅經驗, 我今日醒咗啦, 未食Lunch就去換咗蛋糕先, 以免d蛋糕比人賣晒冇得揀...

Mango Cream Dome -- 經典中的經典, 見d朋友買親Cova蛋糕都一定係買呢一款, 我自己係第一次食, 上次換唔到... 只係咬一啖, 瞳孔放大, 明白晒點解咁多人對佢傾心... 海綿蛋糕鬆軟無比, 忌廉滑不留口, 芒果香甜味美, 實在太完美喇!!! 平時呢, 只肯食一個角仔嘅同事, 居然自己走去Refill, 我同生日同事都不甘後人, Refill埋一份... 餓鬼搶o野食就見得多, 成班嘴刁飽鬼一齊搶o野食, 都真係第一次見...

同事問咗好多次, 面頭黃色果d係咩o黎... 我直覺認為係海綿蛋糕碎, 佢問完又問, 即係唔信我啦... 好, 等我上網調查吓先...

我果然冇估計錯... 面頭黃色果d係將混入咗芒果醬嘅海綿蛋糕焗好後磨成粒粒狀, 再放入焗爐焗至乾身... Yeah!!!

唔記得買碟, 唯有用杯頂住先... 同事話似雪糕... 其實比我地咁樣搞一搞, 正常人如果見到一杯咁嘅o野, 又唔知係Cova嘅蛋糕, 應該都未必敢食, 呀哈哈哈...

(繼續閱讀...)

kenmerry 拉姑 發表在 痞客邦 留言(2) 人氣()

21 September 2012, Friday

今天要吃個早飯, 真的不知吃什麼好了, 路經Pret A Manger, 內裡只有數枱客, 看到他們舒適自在的樣子, 不禁想加入他們的行列...

供應的食物大部份是凍著吃的, 放在雪櫃內, 讓食客自由挑選...

選好後便可以前往收銀處付款...


今天給我發現了一款新的Hot Toastie, 秋意漸濃, 不太想吃冰凍的三文治, 這款即買即烘的Toastie出現得很合時...

付款時職員開我是堂吃還是外賣, 我答是堂吃的, 職員說我可以先坐下, Toastie烘好後便會拿給我... 沒想到在這種自助形式的餐廳也會有這樣服務, 太好了...

給我找到了梳化, 太棒了!!! 看, 餐廳內的顧客真的不多, 主要以外籍人士為主...

(繼續閱讀...)

kenmerry 拉姑 發表在 痞客邦 留言(0) 人氣()

18 September 2012, Tuesday

位於APITA(UNY)內的UCC, 十多年來只幫襯了數次, 已經忘記了原因為何... 今天再臨, 恍然大悟...

打開餐牌才發現... 沒有意粉/飯類, 只供應飲品, 雪糕, 窩夫及三文治...

午餐是有腸仔意粉, 但主菜牌沒有意粉, 午市套餐的意粉會好吃嗎?!! 還要是腸仔意粉!!! 只有腸仔和意粉, 我個人認為, 應該不會有很好吃的可能吧... 腸仔意粉午市套餐要七十多元還要加一呢...

火腿芝士夾餅三文治(配什果乳酪) ($56) -- 這個廚師推介以夾餅來代替三文治的麵包, 好像很特別, 儘管一試吧... 縱然原定計劃是吃意粉/飯...

食物上桌時有點眼前一亮... 窩夫烘焗得頗挺身, 但又不會硬, 時間拿捏得恰到好處, 唯窩夫的牛油味被奶味蓋過了... 火腿略煎, 滲出肉香, 與芝士的鹹香及青瓜的清新很搭配... 配上厚身的窩夫, 口感非常之好, 比配麵包更好吃... 只要略施小計, 平凡的芝腿治也可以來個大變身...

什果乳酪內的什果選用新鮮奇異果, 柑橘, 香蕉, 及蘋果, 有點意想不到, 還以為會奉上罐頭雜果呢... 酸澀的乳酪沒有太大問題, 最敗筆是那鮮紅色的糖漿, 很葯水味...

(繼續閱讀...)

kenmerry 拉姑 發表在 痞客邦 留言(0) 人氣()

17 September 2012, Monday

獲邀前往Arome Bakery Room位於金鐘的全新旗艦店, 第一次到來金鐘Lab Concept, 與之前的金鐘廊完全是兩碼子的事, 風格完全不同, 充滿新鮮感...

Arome Bakery Room是東海堂的新Line, 內置廚房, 現場即制法式拿破崙, 人手新鮮打造吉士忌廉, 及即席烘焙牛角酥... 暫時只有5間分店, 除金鐘外, 還有北角、九龍灣、將軍澳及青衣...


店內的人氣產品包括泡芙、泡芙條、三重奏、甜品蛋糕、五感の蛋糕及法式拿破崙...

料理顧問鄉知詠子全新設計的甜品蛋糕...

 

在店外可欣賞到西餅師現場即制法式拿破崙的手藝...

(繼續閱讀...)

kenmerry 拉姑 發表在 痞客邦 留言(2) 人氣()

16 September 2012, Sunday

今天專程跑到陽明山莊來喝茶, 真的很專程, 因為要乘坐Taxi... 如坐6號巴士, 從黃泥涌峽道下車後要步行900公尺的山路, 地圖說10分鐘, 但在未吃午餐前, 攝氏30多度的高溫之下, 再加上正午猛烈的太陽照射之下, 恐怕10分鐘是不可能, 亦不想行到身水身汗...

輕鬆到達Clubhouse, 乘升降機往Level 2, 甫步出升降機已被數十件藝術擺設吸引著... 還向著餐廳相反的方向不斷拍照, 哈哈... 結果越走越遠...
 

餐廳門外的裝潢很富中國特式...

 

步入餐廳內, 隨即被這件攝人氣魄的藝術品阻路, 考慮了一會, 向左走...

繼而見到這件更攝人的藝術品, 向右走...

(繼續閱讀...)

kenmerry 拉姑 發表在 痞客邦 留言(4) 人氣()

15 September 2012, Saturday

與朋友吃過數次位於銅鑼灣的龍皇酒家, 印象中是價格高昂但味道只是中規中矩...

今天破格來到觀塘覓食, 龍皇酒家算是頗接近地鐵站出口, 雖然網上的評價不太好, 也想一試...

店內陳設頗有中國味道, 只係沒有食客的只剩這一角最沒有中國味道的... 枱與枱之間極之擠迫, 坐下後是椅背貼椅背, 甚至沒有足夠空間坐下...


樓底低, 加上大部分食客都係與長者嘆茶, 大家都提高音量與長者對話, 導致現場環境非常嘈吵, 我們坐6人枱, 只見到坐對面的親友嘴郁郁, 完全聽不到對方說什麼!!! 吃完即走, 完全不想「再坐一會」, 失去了飲茶的意義...

安蝦鹹水角--好像深色了一點, 餡料出奇地多, 填滿了整個鹹水角, 而且豬肉並不是碎濕濕的, 味道不錯, 入口也不會滿口油..

 

蜜汁叉燒腸--外表相當吸引, 腸粉皮晶瑩剔透, 叉燒餡大大片的, 切成一口一件的大少, 好適合Share食...

(繼續閱讀...)

kenmerry 拉姑 發表在 痞客邦 留言(0) 人氣()

kenmerry 拉姑 發表在 痞客邦 留言(0) 人氣()