Ken & Merry 為食男女，遊走世界!!!

25 January 2013, Friday

是夜有幸獲邀出席U Food x 皇家太平洋酒店「浪漫2月Bubble Dinner星級晚宴」, 感謝有關單位的安排... 12位星級食家聚首一堂, 說說笑笑, 在維港醉人夜景影襯之下, 率先享受到大廚為情人節精心炮製的浪漫泡泡佳餚, 好幸福哦...

餐廳坐擁醉人夜景, 隔著窗可以看到很多遊客在平台上爭相拍照... 座位舒適寬敞, 燈光柔和, 音樂優雅, 沐浴於愛河之中的情侶們來到一定喜歡...

珍珠色的Bubble Dinner Menu... 好令令呀...

用餐前, 先來一個祝酒儀式... 惠顧Bubble Dinner的客人可享用來自南法的有汽餐酒French Cancan Brut NV!!! 在香港餐飲展2011 House Wine Awards汽泡酒類別中奪得金獎, 以100% Ugni Blanc葡萄釀製(干邑Cognac 90%的釀製原料必須為Ugni Blanc), 酒精含量 10.50%, 細小的氣泡, 果香濃郁, 清爽和諧, 為開胃酒或雞尾酒的理想選擇, 亦適合配搭肉、魚和甜品... 現場氣氛高漲, 一飲而盡, 忘記拍照... 哈哈...

餐前麵包
-- 數款餐前麵包均有水準, 最美味的要數長條形的香草麵包條, 甘香鬆脆, 百吃不厭...

(繼續閱讀...)

kenmerry 拉姑 發表在 痞客邦 留言(0) 人氣()

23 January 2013, Wednesday

再次受到東海堂邀請出席試食活動「恋の盛宴」, 受寵若驚, 仲可以搵埋老友食家一齊去, Double驚喜...

懷著興奮的心情, 期待這一天的來臨, 終於都等到今日, 但... 我竟然... 發燒!!! 挨了一個夜晚, 一早就趕去睇醫生, 候診期間, 收到另一間酒店的電話邀請, 約我即晚去試食西班牙菜, 我無奈地婉拒了... 天呀!!! 點解要咁玩我呀?!! 咁難得同一日有2個試食邀請, 你就要我發燒, 嗚嗚嗚嗚...

醫生話我係食物中毒, 應該係上星期五晚飲咗杯石榴冰冰出事... 食完葯, 趴係枱度恰一恰, 即刻舒服好多, 可以如期出席活動, 若有所失的心情即刻輕鬆返晒...

準時出席「恋の盛宴」, 視線落在粉紅色玫瑰花身上, 被紀念品重重包圍, 散發著羞澀的驕矜... 好耐冇收過咁靚嘅花lu... 某君, 你收到未?!! 嘩咔咔咔...

今天的主角出場... DaDa... 白い草莓「初恋の香り」... 請大家比d掌聲... 啪啪啪啪...

近年日本水果界新貴, 全國只有大概10個果園能成功栽種, 限量發售, 每粒零售價高達840円, 完熟不會變紅色, 甜度高達14度﹗豐腴多汁, 果肉細緻, 清甜柔軟, 晶透水漾的雪白表面, 隱約滲透出淡淡粉紅, 猶如初戀中的少女的嫩紅面頰, 加上香氣馥郁怡人, 因而取名為「初恋の香り」...

(繼續閱讀...)

kenmerry 拉姑 發表在 痞客邦 留言(0) 人氣()

18 January 2013, Friday

食完「牛角」, 去厠所時路過小甜谷, KaKaMa又話要再食...

Self-service形式, 要自行去收銀處落單...


我地坐呢張大長木枱, 睇落唔錯, 其實係正厠所門口, 不斷有人係身後穿梭...


草莓石榴冰 $36
-- 草莓味偏淡, 石榴味偏重, 清香怡人, 微甜, 勁冰凍, 飲完由個心入面震出來...

日本柿貝燉雪梨 $36

(繼續閱讀...)

kenmerry 拉姑 發表在 痞客邦 留言(0) 人氣()

18 January 2013, Friday

食物要趁熱食, 寫食評原來都要趁熱寫... 1月1日去咗香宮食開年飯, 到今日都仲未寫, 已經唔係好記得d細節... 尋晚食咗1餐好經典的飯餐, 今朝一早起身早餐都未食, 就已經走去開電腦寫低, 驚隔2日又唔記得晒...

 

一月之星的生日會, 原本改咗去愉景新城Outback, 之前1日又戲劇性地可以改返去牛角, Yeah!!!

今日就利害囉, 我居然係金鐘地鐵站個超繁忙月台度等埋KaKaMa, 簡直係Mission Impossible吖~ 多人的程度係, 列車來到, 1個人都上唔到車, 勁~ 亦因為咁, 遲到咗幾分鐘, 影唔到Harbour City的「情．尋朱古力」之「皇帝的盛宴」朱古力藝術作品展... Oh No!!!

貓兄尋日打o黎Book位, 7:00pm入座, 8:45pm要交枱, 都幾趕頭趕命...


落地玻璃全海景, 正!!! KaKaMa話d位唔好坐, 坐另外半邊梳化位的3位女士激讚好舒服...


牆上面有幅牛牛解剖圖, 清楚列明每一種肉來自牛牛的邊個部位...

(繼續閱讀...)

kenmerry 拉姑 發表在 痞客邦 留言(0) 人氣()

28 December 2012, Friday

個人2012年最大的突破係... 出席試食活動!!!

今年開始打出少少少少少少名堂, 久唔久都收到試食邀請, 10月份係最誇張, 幾乎每個星期都要出席試食活動, 其實都幾攰, 自己比錢食可以慢慢寫BLOG, 寫唔寫, 幾時寫, 都係自己話事... 試食的食店一般都好心急, 希望係試食之後1-2日就出文, 基本上係唔可能, 第一, 我要揀相, 揀完相又要執相, 第二, 我要有靈感, 主題同內文有時要隔幾日, 甚至十幾日, 先至會靈光一閃, 一兩日內迫文出o黎, 只會係冇靈魂, 死實實的文...

初時收到邀請都有少少誠惶誠恐, 幸好一直都很順利, 直到今天, 試食終於碰壁!!! 出發前致電店舖確認, 對方竟然話唔識得邀請我的人, OMG!!! 點會咁o架?!! 自己一個人遇到咁嘅事, 本來冇咩所謂, 但我仲約咗另一位食家一齊去, 佢仲帶埋單反相機返工, 而家撲空了, 害佢空歡喜一場, 真係有d內疚...

為咗消減怨氣, 我決定要去筲箕灣東大街品嘗「荷塘之花」!!!

係筲箕灣東大街的食店已經嘗試得七七八八, 日前終於留意到呢間唔係太起眼嘅東后齋... 店外店內的裝潢都係一切從簡...

(繼續閱讀...)

kenmerry 拉姑 發表在 痞客邦 留言(4) 人氣()

22 December 2012, Saturday

離開珍寶海鮮舫, 乘駁船到香港仔, 見到巴士站, 胡亂上咗第一架到站嘅巴士, 唔知行車路線, 只知終點站係中環碼頭... 打算睇吓架車行到去邊, 有咩特別地方想落車, 就即興落車... 已經好多年冇玩「途中下車」之旅... 估唔到今時今日都仲會玩即興... 哈哈...

巴士路經西環, Honey建議落車去一個老地方, 懷舊一番...


位於西環正街的源記甜品專家, 歷史悠久, 人盡皆知... 咁... 究竟有幾悠久呢?!! 上網搜尋一下... 嘩!!! 創立於1855年... 即係... 超過150年!!! 好勁呀!!!


堅持只賣傳統中式糖水, 招牌菜係桑寄生蓮子雞蛋茶, 仲有一個沿用超過半個世紀嘅傳統石磨, 每天磨新鮮杏仁、芝麻...

入到店內, 讓客人時光倒流到60-70年代... 衛生環境良好, 未有出現普遍老店果種霉味... 服務亦正常...

(繼續閱讀...)

kenmerry 拉姑 發表在 痞客邦 留言(2) 人氣()

22 December 2012, Saturday

多年前睇完「食神」, 見到星爺表演「亨」功水上漂, 唔駛坐駁腳艇仔, 係咁易運吓內功就咁就飛咗埋去海鮮舫度, 勁... 誇張呀!!! 哈哈哈... 之後我同Honey諗住去海鮮舫朝聖, 點知... 去到沙田, 間海鮮舫唔使經水路, 係陸路就行到去嘅?!! 咦... 去錯地方啦... 嘩咔咔咔!!! 套用軟硬金句, 呢鋪真係「超低能, 勁搞笑」!!!

2012年12月21日被廣泛流傳為世界末日, 末日過後, 決定登上方舟, 幫手食一食之前登船避難的剩餘物資(各種牲畜)... 哈哈...

事隔多年, 再到海鮮舫朝聖, 今次終於都冇去錯啦, 係南灣登上駁船...


無論駁船定係海鮮舫, 都係一樣咁古色古香...

九龍吐珠... 好架勢堂呀!!!


海鮮舫有古代海鮮舫的壁畫...

(繼續閱讀...)

kenmerry 拉姑 發表在 痞客邦 留言(6) 人氣()

18 December 2012, Tuesday

舊年12月第一次o黎下午茶聖地Mandarin Oriental朝聖, 個人認為Tea Set味道唔算太突出, 反而下午茶自助餐非常出色, 多種甜品皆有驚喜... 可惜... 因為物價高漲, 今年的下午茶已經冇咗自助餐, 同樣價錢, 只剩Tea Set, 即刻覺得唔抵囉... 不過Honey唔知係邊樹拎咗張Coupon返o黎, 有Coupon免費食就緊係食啦...

唔抵還唔抵, 依然難Book位!!! 心水日子Full咗, 唯有問職員12月份邊幾日仲有位, 隨便揀1日...

舊年o黎的時候, 木頭車上放滿自助餐的甜品... 此情此景, 黯然神傷...

Mandarin High Tea (2人) $448

頂層 Sandwiches

香蔥蛋蓉青瓜沙律醬 -- 流芯蛋好好味, 青瓜切得好薄, 包住蛋蓉, 造型似軍艦壽司, 好得意...

(繼續閱讀...)

kenmerry 拉姑 發表在 痞客邦 留言(0) 人氣()

15 December 2012, Saturday

同學仔約咗我去學彩繪瑞士卷班, 上課前要去食餐飽先~

突然好想食泰國菜, 上網搜集好資料, 就出發去銅鑼灣總統戲院!!! 其實我唔係好識路, 結果走過咗幾個商場先返轉頭, 原來係售票處側邊的電梯上... 唔知點解... 企係電梯大堂等候期間, 聞到好強烈的漂白水味...

到達餐廳... 嘩... 好暗呀!!!


係職員的帶領下, 經過又長又窄的通道...


滿佈充滿泰式風情的擺設...

(繼續閱讀...)

kenmerry 拉姑 發表在 痞客邦 留言(3) 人氣()

12 December 2012, Wednesday

當上網搜尋東區的糖水店, 發現呢間人氣旺盛的湯圓店... 上次去到門口都被人抆走, 我又點會咁易放棄, 今日又比我搵到機會啦...

從門口疊高的膠椅陣可以估計到晚上會有幾墟冚... 去到先發現, 原來街坊廚神都有報導過...

店內環境相當簡陋...


只有4張2人枱...

桂花酒釀湯圓 $22

(繼續閱讀...)

kenmerry 拉姑 發表在 痞客邦 留言(2) 人氣()

9 December 2012, Sunday

完成Openrice食家PK賽後的第一篇BLOG, 我決定重用多年來的寫作風格, 文章中夾雜少少粵語、少少英語、少少俚語、少少助語詞、少少同音字!!! 當然, 我好想自己寫的食評被列為推介食評或者星級食評之類, 但係因為咁樣而要寫到文謅謅, Blog友睇到眉頭縐, 我唔想囉!!! 我想自己寫得開心, Blog友又睇得開心, 我要向文謅謅說不!!! 

事隔20日, d味道都唔係記得太清楚lu, 盡寫啦, 哈哈... (懶惰後遺症)

餐廳環境非常好, 我地冇Book位, 冇得坐圓形梳化... 嗚嗚...




功夫茶, 酸菜 -- 功夫茶好熱, 酸菜爽脆, 味道適中, 唔會太鹹又唔會太酸, 好好味... 好味的代價... 4碟前菜承為$60... 5位茗茶承為$75... (未見官先打80)

骨香鵝肉片 $168
-- 肉質極度柔軟, 鹵水香濃入味, 甘香豐腴, 眾人讚不絕口~

(繼續閱讀...)

kenmerry 拉姑 發表在 痞客邦 留言(4) 人氣()

26 December 2012, Wednesday

是夜受到店方邀請前來試食, 深感榮幸...

店內光潔鮮明, 開放式的廚房, 坐在吧台位置的客人, 可一邊坐著等候食物, 一邊欣賞師傅制作最拿手的刺身、壽司、天婦羅, 讓眼睛也能享受到日本美食...

店內有3間廂房, 每1間可容納6人, 私隱度高...

師承日本師傅的主廚, 曾到日本深造, 店內可看到他的獎章...

店方很著重食材的選取, 除自家制泡菜外, 醬汁亦是自行調配, 更自家釀製柑桔燒酌, 客人很快便可品嚐到...

(繼續閱讀...)

kenmerry 拉姑 發表在 痞客邦 留言(2) 人氣()

25 November 2012, Saturday

集5月、8月、9月、10月、11月之星於一身的生日飯局, 現今的家長都很繁忙, 想和他們吃一頓安樂茶飯, 排期居然要排半年以上...

選址元朗區, 菜色要素菜, 位置要近朋友新居, 非大力齋廚莫屬...

食店位於商場內, 入口燈火通明... 茶具很雅致, 高傲的梅花圖案...

店內環境不錯, 整潔衛生, 富中國味道...

由於8時正便要還枱, 所以未齊人便要落單... 沒有什麼心水, 都是隨便亂點...

秘制椒鹽脆豆腐 $55
-- 椒鹽味不重, 皮炸得不太脆, 豆腐滑溜, 蘸點醋吃會好味一點...

(繼續閱讀...)

kenmerry 拉姑 發表在 痞客邦 留言(4) 人氣()

23 November 2012, Friday

係鰂魚涌搵食搵到橫街窄巷... 步入滙泉居有點一步一驚心... 街燈光線不足, 加上地上的積水, 左右2旁堆積的雜物... 有點想打退堂鼓...

步入店內, 入口處的擺設明顯花了心思...

店內擺設富中國味道... 但多處牆身均有脫落及大片水漬...


公雞餐具與萬壽茶壺...

(繼續閱讀...)

kenmerry 拉姑 發表在 痞客邦 留言(8) 人氣()

22 November 2012, Thursday

朋友生日, 約她到Cova嘆下午茶...


充滿英式古典氣息的房間, 置身其中, 人也好像高貴了... 哈哈...


下午茶自助餐每位$208, 供應時間3:00-5:30PM...


先來一杯餐前果汁... 菠蘿汁果香酸甜, 開胃首選...

 

店員隨即奉上三文治, 我選了菠菜麥包及沙律蛋麥包...

(繼續閱讀...)

kenmerry 拉姑 發表在 痞客邦 留言(2) 人氣()

21 November 2012, Wednesday

紅噹噹的招牌及窗紗, 成功吸引了我們的注意, 探頭一看究竟, 水晶吊燈, 古典英式座椅, 既Elegant又Cozy...

步入店內, 像大鄉里出城, 邊O咀邊擔天望地...


牆上掛著古老的時鐘... 是美女與野獸的管家先生嗎?!! 地下的磁磚圖案很特別, 之前未見過...

壁燈也很美呀...

晚餐有9種選擇, 包餐湯、自家制麵包及飲品...

(繼續閱讀...)

kenmerry 拉姑 發表在 痞客邦 留言(2) 人氣()

21 November 2012, Wednesday

再戰筲箕灣東大街!!! 今日的目標... 民聲冰室!!!

戶外位置設有枱椅, 適合吸煙人士...


還貼滿了各大報章雜誌的報導...


店內有卡位, 坐得幾舒服...

橙色與白色, 很醒神的配搭... 行到餐廳尾部有條樓梯, 可通往閣樓...

(繼續閱讀...)

kenmerry 拉姑 發表在 痞客邦 留言(2) 人氣()

20 November 2012, Tuesday

太古城溜冰場側的餐廳今年初轉了新面目, 我每每都是吃飽了路過時才醒起未試過... 今天終於有機會來一試...

甫到店外, 已給人一種歐式園林的感覺...

裡面的格局很有歐式小店風味...


吃東西的時候, 可以看到小朋友們練習溜冰, 有時候會看到一些像一團鴨BB的在打轉, 很可愛...


今天很幸運, 2個人可以坐這麼一張大梳化, 背後的黑色磚牆及木窗很有海邊小陽台的味道, 很讚!!!

(繼續閱讀...)

kenmerry 拉姑 發表在 痞客邦 留言(0) 人氣()

18 November 2012, Sunday

這個星期天, 繼續徘徊於筲箕灣東大街...

囍館以小菜為主打, 店外張貼了在各大雜誌中的報導, 為食的我又豈可錯過...

店外還擺放了各款鎮店菜式的照片, 惹人垂涎...


午市套餐只是$40-$50左右, 便包括燉湯, 不計成本嗎?!!


店內的裝潢走中式簡約格調... 內有樓梯上一層, 可惜今次無緣上樓...

(繼續閱讀...)

kenmerry 拉姑 發表在 痞客邦 留言(0) 人氣()

18 November 2012, Sunday

咁多人? 咩事?


行近d了解吓... 係店前望下餅櫃... 嘩嘩嘩!!! 黑色音符「咩露Dee」曲奇呀!!! 「K撈K撈K撈Pee」曲奇呀!!!

仲有「交叉O」曲奇呀...

同埋「蝦佬Mimi」曲奇呀... 好得意呀!!!

仲有其他傳統西餅...

(繼續閱讀...)

kenmerry 拉姑 發表在 痞客邦 留言(0) 人氣()