close
12 October 2012, Friday
10月是大閘蟹當造的季節, 蟹肉飽滿, 蟹膏豐腴, 特別鮮味...
今晚又有食神!!! 有幸出席是次「陽澄金黃蟹宴」星級食家飯局, 要多謝U Food同博藝會的邀請!!!
會所方面安排了一間VIP房進行試食活動, 各位食家可以盡情拍照, 不怕騷擾到其他客人, 很有Privacy... VIP房內有一個白色歐陸火爐, 是我夢寐以求的款式, 曾經幻想過如果自己屋企有個歐陸火爐就好啦... 仲要買一個扮燒柴燒到火光烘烘嘅電暖爐放入去, 然後凍天就坐係火爐前面嘆杯熱朱古力, Woo... 人生一大享受!!!
會所方面還送了每位食家1張1天免費貴賓會籍, 提醒大家, 食完呢1餐豐富晚餐之後, 記得要做返少少運動...
好, 介紹吓今晚嘅Tasting Menu先...
. 蟹粉小籠包
. 陽澄湖大閘蟹(4.5兩, 2隻)
. 太史五蛇羮
. 老虎斑：XO白玉蒸球、椒鹽腩肉
. 生拆蟹粉玉簪：鳳凰卷、蝦球
. 濃湯肉丸津白
. 堂做蟹粉炆烏冬
. 薑茶湯丸
. 蘆薈紫米糕
蟹粉小籠包 -- 服務員逐一端上小巧可愛的蒸籠, 打開蓋子時, 蒸氣撲面, 金黃色的小籠包呈現眼前, 輕輕一咬, 蟹黃的鮮味湧出, 湯汁不多亦不燙口, 可能因為我影相影耐咗的關係啦, 嘿...
. 陽澄湖大閘蟹(4.5兩, 2隻)
. 太史五蛇羮
. 老虎斑：XO白玉蒸球、椒鹽腩肉
. 生拆蟹粉玉簪：鳳凰卷、蝦球
. 濃湯肉丸津白
. 堂做蟹粉炆烏冬
. 薑茶湯丸
. 蘆薈紫米糕
蟹粉小籠包 -- 服務員逐一端上小巧可愛的蒸籠, 打開蓋子時, 蒸氣撲面, 金黃色的小籠包呈現眼前, 輕輕一咬, 蟹黃的鮮味湧出, 湯汁不多亦不燙口, 可能因為我影相影耐咗的關係啦, 嘿...
自己不是蟹迷, 亦常聽到「九月圓臍十月尖」, 意思指農曆9月雌蟹蟹黃最豐富, 農曆10月雄蟹蟹膏最鮮味, 只要看看蟹腹底部, 圓的即是雌蟹, 尖的即是雄蟹... 今晚我們會率先品嚐一下雄蟹...
陽澄湖大閘蟹(4.5兩) -- 紅彤彤的大閘蟹隊伍出場時, 全場嘩然... 剛才還在噗噗聲的吐著泡沬, 現在已乖乖地靜待大家品嚐...
Mr Crab said : 我很醜, 但我很多油...
蟹身紅彤彤, 蟹殼帶黃, 蟹腳及毛皆呈黃色, 肯定是多膏靚蟹!!! 買大閘蟹, 講究的是肉質肥美、膏脂豐滿, 大隻的大閘蟹不代表優質...
蟹膏飽滿, 呈橙黃色, 蒸熟後呈糊狀, 口感綿密, 油潤豐腴, 味道似咸蛋黃, 甘香鮮味, 香味濃郁... 蟹肉肥美, 肉質細膩, 蟹味濃郁鮮甜... 剪開蟹腳也見到蟹膏, 這隻大閘蟹真是超級肥美...
終於明白為何經常喊住減肥的友人, 也敵不過大閘蟹蟹黃的誘惑, 我倆曾笑言世上最完美的月餅是四黃蓮蓉月, 哈哈, 難得大家有如此特別的共同喜好...
幹掉完1隻又1隻, 實在太美味, 不用什麼調味, 已很滋味...
大閘蟹要趁熱食, 會所方面很貼心, 先蒸熟第1批, 讓大家有足夠時間慢慢品嚐, 當大家差不多吃完時, 再端上第2批熱辣辣的大閘蟹上枱, 拿上手如燙手山芋般熱...
好配服蟹迷一族, 食完隻大閘蟹仲可以完整地砌返成隻出來, 我只可以食前砌蟹, 哈哈...
太史五蛇羮 -- 人生第一次食蛇羮, 以前是避之則吉, 為了完成試食使命, 轄出去吧... 蛇肉外型及口感均與雞肉無異, 配料有木耳絲、香菇絲、魚肚絲, 胡椒味道濃烈, 近乎辛辣, 沒有半點腥味, 秋冬時分飲用, 驅風暖胃, 很補身...
隨蛇羮奉上的薄脆可增加蛇羮口感, 菊花和檸檬葉可帶來甜味...
鳳凰卷、生拆蟹粉玉簪蝦球 -- 大家對於裝飾用的黃金葛有點驚訝, 還是初次見到... 蝦球鮮甜, 爽脆彈牙, 若以蘆筍作為玉簪, 觀賞價值會更高... 鳳凰卷炸得酥脆, 沒有半點多餘的油分, 餡料有雞肉、芋頭、洋蔥, 味道有點像白汁雞皇飯凡醬汁, 哈哈...
椒鹽老虎斑腩肉 -- 老虎斑腩肉以炸醬包裹著來酥炸, 以炸米粉鋪底, 吸走多餘的油分, 椒鹽香口惹味, 惜味道過濃, 掩蓋了魚肉本身的味道, 魚肉頗滑溜...
XO白玉蒸老虎斑球 -- XO醬香辣惹味, 鋪底的豆腐不太滑沒有豆香, 蒸老虎斑球肉質幼嫩, 鮮甜味美...
濃湯肉丸津白 -- 乳白色的奶湯以鮮雞及金華火腿慢熬而成, 口感濃稠, 湯頭濃郁, 味道鮮美... 用濃湯煨煮的津白, 香濃味美... 肉丸材料清晰可見, 有豬肉、馬蹄、冬菇, 沒有加入太多的麵粉, 口感豐富, 鮮甜爽口...
又係大廚出馬的時候!!!
今日標哥為大家即席烹調蟹粉炆烏冬, 材料有2隻大閘蟹, 蟹粉, 蟹膏, 薑粒, 日本運到的烏冬, 上湯... 先用慢火燒紅沙鍋, 下油炒香大閘蟹後再下薑粒及蟹膏, 然後加入上湯, 蓋上鍋蓋把大閘蟹的鮮味迫出來, 然後加入烏冬, 讓烏冬盡吸大閘蟹的鮮味... 炒蟹時散發的香味, 還有劈裡啪啦的聲音, 惹人垂涎, 令人心急如焚, 標哥, 快一點可以嗎?!!
大家想偷師係屋企試做此菜的話, 可參考足本烹調過程...
炆完烏冬, 再翻滾預先處理好的蟹粉, 將蟹粉加入烏冬撈勻即成... 蟹粉係此菜的靈魂, 需要拌勻蟹膏和蟹肉, 然後炒香成粉狀, 蟹膏的油脂四溢, 滋味無窮...
堂做蟹粉炆烏冬 -- 烏冬吸收了大閘蟹的精華, 再鋪上香濃的蟹粉, 口感濃稠, 層次豐富, 味道甘香鮮甜, 好有蟹味, 入口滑溜, 炆久了很軟腍略欠彈性...... 蟹肉煎香後, 外脆內軟, 很有咬口... 各食家均認為此烏冬是全晚最具特色的菜餚... 而最好吃的當然是清蒸大閘蟹...
薑茶湯丸 -- 雖然大閘蟹很美味, 但性質寒涼, 食用後飲用薑茶, 有驅寒暖胃之效... 黑芝麻湯丸芝麻味香濃, 略嫌湯丸皮不夠煙韌... 薑茶不太甜, 薑味十足, 過於辛辣, 但為了驅寒, 最後也一飲而盡...
蘆薈紫米糕 -- 馬豆糕改為蘆薈紫米糕, 入口軟滑富有彈性, 蘆薈清甜, 紫米略嫌有點硬...
若然能以紹興花雕酒佐蟹, 花雕的醇厚酒香與大閘蟹的甘香鮮味, 互相輝映, 更加淋漓盡致... 詩人李白的詩詞「蟹螯即金液, 糟丘是蓬萊, 且須飲美酒, 乘月醉高台」中, 亦曾提到佐蟹必須有美酒...
飽餐一頓後, 會所方面還安排各位食家參觀會所內的設施...
還記得好多年前有朋友係博藝會Member, 帶咗我地一大班同事來玩, 印象比較深刻的是打壁球及唱卡拉OK, 仲食埋飯, 都幾多o野玩... 之後朋友轉咗去德藝會, 好似有跟佢去玩過Gym同打過網球... 後來大家都忙, 我就冇再抆衫尾啦... (其實係自己懶, 哈哈)
最後, 再次感謝U Food同埋博藝會嘅邀請及款待!!!
是次每人消費約 N/A 元 (價值$338/位)
味道： 4 環境： 4 服務： 3 衛生： 3 抵食： 2
###
地址 : 紅磡黃埔花園第8期螢幕圈4樓
電話 : 2766 9703
全站熱搜
留言列表
台灣分區飲食 (35)