Ken & Merry 為食男女，遊走世界!!!

星期日(2009年4月19日)約好拉力早敍餐, 搵地方嘅先決條件係... 要中午時間唔使搵位之餘, 兼可以任坐唔嬲冇人趕你走, 仲要靜靜地方便傾計, 價錢又要中等, 食物質數又要有番咁上下, 地點又要唔好太僻... 咁難搵嘅地方... 竟然係灣仔出現...

醉雞--好奇怪, 好有雞味, 但酒味小得緊要, 自己o係屋企用李X記醉雞汁整雞翼d味都濃過佢好多, 好彩冇貪心叫半隻啫(半隻要成150蚊o架)...

雞絲粉皮--OK, 粉皮大大片, 有d酒樓切到青瓜絲咁好難夾... 醬汁好夠, 食到尾都仲有好多醬汁, 有d酒樓食到一半已經冇晒汁要齋食...

小籠包--不過不失, 尚算皮薄...

上海粗炒--合格...

坐足3粒鐘, 得5-6枱客, 好寧靜, 唔使講到拆破喉嚨, 職員多過客, 完全冇人趕你走, 任你坐, 又不時refill熱水, Good Good!!!

是次每人消費約$85元

食完陸羽嘅蛋撻(離奇地細而味道又唔出)之後, 心裡面只得一個念頭, 就係去試下肥彭極力推介嘅泰昌...

我地係唔知間鋪搬咗去邊嘅情況之下, 響中環逐條街搜... 搜呀搜... 搜呀搜... 終於比我係天橋上面見到人龍, 落去睇睇先... 皇天不負有心人, 終於比我地搵到...

排隊期間, 店內閃光燈閃過不停, 好多人都係帶單反機去影相, 店員已經習以為常... 亦聽到有食客討論緊"係呢一間先最好食, 其他分店冇咁好食"...
排我前面呢個後生仔, 居然買咗6打... 買咁多食唔食得晒呀你... 搞到我要等咗好耐, 等第二底新鮮出爐先買到...

5蚊1個又大又靚, 淨係色澤都贏晒啦, 頭先陸羽10蚊1個又細又冇光澤...

嘩, 你睇入面, 厚到吖, 成碗燉蛋咁呀, 仲好滑好好味添呀, 連一生人都唔肯食蛋撻嘅我, 都要企係佢門口隊晒先肯走, Yeah, 我比100分佢!!!
經常食蛋撻的honey話"目前食過嘅蛋撻o黎講, 排名算數一數二, 皮夠脆, 餡夠多, 夠新鮮"!!!

呢個Easter個個都去旅行... 大姊去大陸, 二姊去台灣, 細佬去韓國, 力仔又泰國, 早兄又馬交, 鑽媽又XX(未定), 阿邊個邊個又埃及, 阿邊個邊個又海南島, ... 不能盡錄... 偏偏... 我邊度都冇得去... 嗚嗚嗚嗚...

星期六(2009年4月5日)晚力仔話, 去Bangkok前要食飯... 哈哈... 呢個係咩理由呢... 鐘意食咪食囉, 使咩話旅行前要食呢又!!!

八碟小吃--只係薯仔比較好食, 芽菜都正常, 其他好多都食剩...

燒牛肋骨--係好食, 但係冇d人講得咁好食... 個waiter仲剪剩好大塊肉痴住舊骨, 攪到我地食唔到, 好浪費... 

燒羊肉--從未食過咁碎嘅肉, 拎去炒青椒肉絲就差不多, 完全燒唔到, 一夾d肉碎都痴晒係個爐度...

唔知跟咩送嘅咩... 完全冇夾過...

星期三(2009年3月3日)貓兄忽然話好想好想食越南野, 仲要即刻食... 我問佢"做咩特然間急成咁呀?!"... 哈哈... 不過KaKaMa又發緊燒, 我又作緊感冒, 所以都奉陪唔到啦, 唯有推遲一日啦...

自家精制魚露 -- 我又食唔出有咩咁特別...

木瓜 牙車快 -- d網民寫到好驚喜咁... 我就覺得味道好一般, 以沙律o黎講, 份量直情過細...

越式春卷 -- OK呀...

烘蒜蓉牛油麭 -- OK呀...

越南大頭蝦 -- 真係好似龍蝦咁大隻... 不過... 唔明點解... 我地明明揀"香燒", 但係出咗o黎個效果竟然同"芝士焗"冇分別?! 有d失望...

呢D特別日子, 最怕食指定套餐, 仲有最好唔好食西餐, 免得比人掠到一頸血...

哈魯邦就冇呢D問題, 不過都要收Min. Charge HK$500, 尚算合理, 皆因平日HK$500都未必夠埋單, 所以呢個Min. Charge一D難度都冇!!!

Book咗7:30pm, 7:00pm去到, 都拎唔到位, 話一定要等到7:30pm, 好, 等...
等到7:30pm, 我前面有Pair人冇訂位, 帶位同佢講咗話冇位o架啦, 點知個帶位行開咗, 唔知邊個又帶咗個Pair人入去, 相反我地Book咗位就冇得入, 激死我, 結果要等到8:00pm先入到去坐!!!
大家唔好以為呢D日子特別混亂, 查實佢地日日Lunch Hour都係咁混亂, 都唔明, 點解咁多年都冇改善, 坦白講, 如果佢地唔係食物質數高, D客仔比佢地趕走晒好耐啦...

. 前菜6小碟

尋晚(2009年2月13日)去咗北角搵食, 行下行下去到健威坊, 見到呢間酒樓打正旗號做潮州菜同客家菜, 好, 就入去試下...

冇餐牌, 得幾張散修修嘅紙, 好難先搵到有"梅菜扣肉"同"客家釀豆腐", 佢咁就夠胆話自己係客家菜... 潮州菜就得鹵味... 係好難揀嘅情況下, 唯有叫番既非客家亦非潮州嘅菜啦...

. 脆皮芝麻鹽焗雞(半隻) -- 唯一比較好食D, 芝麻好香口, 但係D皮好油...

. 石燒馬拉盞油麥菜 -- 失敗中嘅失敗, 超超超難食, 成Pan水, 完全冇味, 唔似係有下過廚嘅人所整嘅, 連我呢個Cooking Dummy都覺得自己煮都會好過佢一佰倍...

. 方魚肉碎粥 -- 無乜方魚, 就算搵到, 都好腥...

食完仲即刻肚痛, 要立即坐的士返屋企, 仲成晚都想嘔, 好辛苦... 就算送錢比我, 都唔好旨意我肯再食呀!!! 咁嘅價錢, 去王家沙食好過啦...

裝修都幾別緻, 我地坐嘅"L"型卡座只可以坐二個人, 可惜未上菜張枱已經冇晒位, 好迫呀!!!

是次每人消費約$100元
味道： 1 環境： 3 服務：2 衛生： 2 抵食： 2

Honey朋友呢間酒坊都開咗一段日子, 之前舊鋪就做咗幾十年... 店內酒類繁多, 中國酒同日本Sake都有得賣, 每樣試一啖都唔得掂(如果你飲完唔醉嘅話, 我請你食飯)...

兩個咁橋都著咗拜年衫, 唔影番張靚相點得呀...

店主推介我地試呢支酒...
Château Liversan (2004)...

Château Liversan, Haut Medoc, 2004
France, Bordeaux, Left Bank, Haut-Médoc
New Vintage A delicious sensuous wine from Haut Medoc. Rich ripe fruit, currants and tobacco aromas follow through to a full-bodied palate, with velvety tannins and a long finish.

咁早食團年飯??? 仲有10日先到年卅喎???

係呀!!! 真o架!!! 因為大家都忙呀嘛... 哈哈哈哈... (好明顯係借D意)

原來和民都有擺得咁靚靚嘅刺身盛合o架, 仲好新鮮下喎, 價錢亦相宜...

呢個3色Sushi都幾好味...

由於太多o野食, 攪到做頭盤嘅沙律當咗尾盤食... 可能太飽嘅關係, 食唔晒...

我每次必Order嘅牛油帶子, Yummy!!!

一口牛肉, 好味!!!

嘩, 好似好抵咁喎... 即刻去打探下先...

一個人可以坐6人卡位, 舒服到吖... 選擇都OK多...

嘻嘻... 因為我為食, 所以加$9要多一個軟殼蟹手卷, 都暖暖地, 正...

因為落Order即制, 所以要等一陣... 個樣都幾吸引...
日式炖蛋--一貫水準...
日式炸雞--暖暖地, 淡淡地, 都OK...
炸蝦卷--暖暖地, 正... 其他壽司都OK...

原本訂咗日航, 之後九龍酒店4點幾先打o黎話有位, 即刻轉陣地...

一人一客嘅焗帶子, 仲以為好矜貴, 味道好一般啫, 仲要個殼都唔係個粒帶子嘅...

鵝肝牛柳都OK, 鵝肝白鱔好唔掂, 其他一般啦...

拉力早推介--蕃茄咸菜蟹煲!!! 估唔到D蟹會咁新鮮同咁多膏囉!!! 蕃茄湯底酸咪咪好開胃!!!

自助調味枱--任你自己調配心水口味!!!

火鍋配料都幾大碟, 手打四寶丸好彈牙呀, 象拔蚌仔同脆鯇片都好新鮮, 粟米勁甜, 最正嘅竟然係烏冬, 吸收晒個湯, 好好味!!! 至滿足係有得食唐蒿, 平時唔係度度有, 亦唔係人人肯叫o架!!!

上星期六(2008年11月22日)係11月之星嘅大日子... 我同貓兄事前去咗灣仔行下建材街先... 個buffet可以由1pm食到6pm, 唔使趕頭趕命, 又大把時間傾計...

一坐低先食一輪冷盤... 三文魚刺身同煙三文魚都唔錯...

之後就攻Organic Food... 估唔到朱古力最好味, 另外當然唔小得我至愛嘅車厘茄配羊奶芝士啦...

再攻杯裝haagen-dazs雪糕... 食多幾杯嘅話真係咩本都返番晒o黎...

跟手o黎一轉甜品... 燕窩蛋白tart好多燕窩, 朱古力cake好味, 個strawberry批最好食, 最難食係杯白桃jelly...

休息一陣就食芝士, 除咗吞唔落blue cheese之外, 全部cheese都好正...

上個星期三(2008年11月19日)四塵俠又再出動, 為貓兄同鑽媽賀壽...

好攪笑地, 鑽媽係灣仔撞到我地嘅舊同學--梁先生, 佢明明約咗人去九龍, 都比我地夾硬迫佢過o黎銅鑼灣, 同我地打個招呼, 哈哈, 勁強人所難... 最慘係KaKaMa對佢完全冇印象, 佢就好似做咗幾年透明人一樣...

有骨氣做緊"會燶咭"$98蚊任食... 我地一坐低即刻揀咗豬骨煲湯底... 都未定神已經Order咗一大堆食物... 我至愛嘅水晶叉燒麭當然唔小得... 肥牛好似唔多肥... 之前有嘅肥羊今次冇咗... 我博命食南瓜同超甜粟...

因為honey唔多食hotpot, 所以我一年至多都係打1-2次邊爐, 近2-3年仲要次次都係o黎呢一間, 貪佢有水晶叉燒麭... 呵呵...

原本話任食2小時, 不過可能因為d枱坐唔滿, 而我地又冇再加order, 所以坐耐咗都冇人迫我地埋單...

臨走前, 聽到侍應同隔離枱嘅離奇對話... 估計係客人用信用咭埋單, 侍應叫客人比cash, 客人問: "唔係xx咭有85折咩?", 侍應答: "你比現金我照比85折你, 我地需要現金!!!", 當時好唔明點解, 不過返屋企見新聞話有間facial集團執晒, 第2朝有間sushi集團又執晒, 新聞話因為銀行拖長咗90日先找數比商戶所致... 咁我先如夢初醒...

是次每人消費約$145元
味道： 3 環境： 3 服務：3 衛生： 3 抵食： 3

尋晚(2008年10月12日)10月之星想食韓燒, 暈妮而家真係唔再暈啦, 又做聯絡, 又出email, 又揀地點, 講你都唔信, 大個女啦... 何超終於第一年可以輕輕鬆鬆有得食...

何超Book咗6:30pm, 不過未夠鐘已經有一半人到咗, 但係個D阿蟬竟然好唔耐煩咁話"仲未到呀D人?!", 真係有冇咁趕呀...

未人齊, DD派住手信先, 有年頭泰國加年尾日本, 一人有成4份咁多呀, 真係多謝晒呀!!! 我去大板個陣會比心機買手信o架啦!!!

前菜--8個人比2份, 味道唔掂, 食剩好多; 牛尾菜湯--個碗似洗腳盆多D, 味似麵豉湯, 好奇怪... (另有牛尾湯冇影)

燒豬肉--大大片, 味道尚可; 燒牛肉--都幾碎, 味道尚可; 燒雞肉--OK大片, 味道尚可; 燒雞腎--原隻, 味道尚可;

鑽媽開始燒牛肉個陣, 比個阿蟬大聲喝止佢"唔好咁呀, 好難洗o架", 跟手問都冇問過我地, 就推晒D雞肉落個燒爐度, 隨即又用夾完生雞肉嘅筷子, 夾D熟豬肉落我地個碗度, 佢都痴X線, 佢識唔識咩叫衛生o架, 如果一對筷子可以夾晒2樣o野, 咁又做咩放2對筷子出o黎呀!!! 仲要冇問過我地邊個要邊個唔要, 總之用最短時間分晒去就算, 佢識唔識得咩叫尊重呀?!

蛋包魚--蛋包魚本身冇味, 但係配埋個醬汁幾好味; 炒年糕(餐牌冇嘅)--完全唔好味; 炸醬麵--怪味加好難食, 好難入口, 完全唔明點解茶煲阿四會咁鐘意食; 炒粉絲(餐牌冇嘅)--勁冇味, 又冇配料, 平時Food Court個D都好食得多呀, 結果食剩好多;

上星期六(2008年9月27日)honey要返學, 攪到我諗住放工返屋企做家務, 夜晚自己一個人食個飯團就算... 細佬知道咗之後, 力Sell我去佢度食飯, 可以同佢個心肝掟"蘇兒B"玩下咁話喎... 係敵唔過佢地嘅誘惑之下, 放工返屋企放低D o野就起程...

正當我係屋企執緊行李, 感動緊有個咁嘅細佬嘅時候, 貓頭嘅Call又到... 貓兄驚我得自己一個人, 話要出o黎陪我, 有個咁嘅朋友, 真係超感動...

結果... 我同貓兄同龍媽先去咗睇裝修材料, 行完之後龍媽帶咗我地去"綿綿冰"食下午茶, 貓兄同龍媽仲請客... 又要再次感動... 多謝你地呀, 嗚嗚嗚嗚...

行完街就出發去細佬屋企食住家飯... 同"蘇兒B"玩到9點幾就返屋企Lu...

"蘇兒B"雖然未夠2歳, 不過已經識唱Happy Birthday同ABC Song, 仲一連唱咗好多首英文歌比我聽... 實情有D我都唔係好識... 哈哈, 真係慚愧... 

星期日呆在家中無所事事, 所以又再跟貓兄去睇裝修材料, 睇到6點先同honey去食晚飯... 因為貪近, 所以去咗以前未裝修個陣好鐘意去嘅Ichikawa... "蝕D"Bank卡有HK$680優惠套餐, 又龍蝦又鮑魚... 睇落好似好抵...

. 法國鵝肝鐵板燒 -- 查實... 鵝肝我麻麻地... 片蒜蓉多士好似好油淋淋咁...
. 神戶西冷鐵板薄燒 -- 個西冷配蔥都好香口...

上個星期三破天荒做家務, 由7點幾做到11點幾, 真係做到隻手都就o黎甩骹...

跟住星期四個日Honey即刻買咗隻新電話比我吖... 500萬像素蔡司鏡頭+Xenon閃光燈+GPS... 第時出街食飯唔使再拎相機Lu... Yeah!!! 之但係粒電第一次叉要叉成12粒鐘, 所以個晚同肉酸&King佢地食飯個陣就冇得拎出黎玩Lu...

上星期五(2008年9月26日)一叉足電... 即刻出動!!! 訂位果陣我要求卡位, 都唸住未必有, 點知去到真係有, 正到暈... 趁其他人未到, 試下機先...

餐牌入面樣樣都咁吸引, 點揀好呢... 就叫4人餐啦, 樣樣都有!!!

. 玫瑰花彫醉雞 -- 買飛佛... 夠入味, 又冇話血淋淋, Good!!!

. 砂鍋雲吞雞 -- 不嬲都對呢味唔多好... 不過味道ok!!!
. 崧子魚球 -- 味道ok, 不過貓頭話食唔出係魚!!!
. 北京填鴨 -- ok有鴨味, d肉比較韌咗小小, 整體不俗!!!

上星期五(2008年9月19日)係九月之星嘅大日子!!! 多謝各位姊妹們請客, 更多謝姊妹們遷就地區, 衷心多謝!!!

我同DD最早到, 一坐低第一時間落order, 好似好趕咁, 哈哈...

雜菜沙律同蒸蛋都唔錯... 松葉蟹腳棒壽司, 薄燒牛肉, 蒜片牛柳粒, 燒羊架必吃... 南瓜, 蕃薯, 蝦天婦羅都好味, 不過全程都係個碗汁, 用到尾油淋淋好嘔心... 芝士年糕都唔錯... 燒餅都OK... 魚生都算OK新鮮...

不過唔知點解, 佢D豉汁同Washabi係完全冇味架... 仲有, 千祈咪食章魚小丸子, 真係槳到呢... 枝豆勁唔掂... 燒物好一般...

金田比Iro Iro貴D, 冇飲品任飲, 亦冇雪糕任食, 不過就好味D...

可以坐足4個鐘, 啱晒我地呢D傾極都傾唔完嘅人...

席間"暈妮"問我點解今晚影咁小相... 哈哈... 佢咁都留意到, 似乎開始唔再暈, 開始醒啦喎...

是次每人消費約$207元
味道： 3 環境： 3 服務：2 衛生： 3 抵食： 3

呢間山頭火開業至今都好多人排隊, 早幾日(2008年9月18日)去完客度番到o黎先5點幾, 見冇人排, 即刻仆入去試...

我叫咗炸雞球定食, 嗯... 除咗碗麵味道特別d同埋硬d之外, 其他都唔值得排隊...
honey叫咗鹽味拉麵同芥末豬頸肉, 豬頸肉係好淋, 但係大部份係肥肉, 以後都唔使旨意我肯再食...
埋單$201... 咁嘅價錢咁嘅質數... 唔使排隊我都未必會再食!!!

是次每人消費約$100元
味道： 3 環境： 3 服務：3 衛生： 3 抵食： 2

尋晚(2008年9月8日)拉力早開Annual Birthday Party呀!!! 原定去海港城魚一丁, 但係竟然執咗笠, 電話飛咗去九龍灣分店... oh... 早兄之前去六本木呢度試過幾好味, 好, 去試一試佢...

一開波... 明明DBS信用咭網頁同OpenRice都註明"惠顧食品及飲品8折優惠", 但係經理竟然話"冇咗啦, 比現金嘅話就比個9折你地啦"...

個經理唔知係咪估到我寫Blog, 所有食物一上枱都放係我面前, 仲要放到最靚嘅角度先肯罷休...

我可能太肚餓, 竟然"隊"晒D枝豆... 雞軟骨串燒好香口...

星期五(2008年9月5日)晚係我同黃毛仔嘅Annual Birthday Party, 今年佢又山長水遠咁, 搭車o黎魚則魚涌搵我食飯, 真係唔好意思喇... (

呢間味竹我食過2次, 最好味係牛扒同海鮮, 不過... 黃毛仔戒緊口, 全部唔食得... 唔緊要, 可以開開心心一齊食餐飯, 食咩都一樣咁好味嘅...

唔知係咪因為D食材貴咗, 個免費前菜好似冇之前咁吸引喎...
叫咗個雜錦泡菜雞腿肉石鍋飯, 都幾好味喎... 不過估唔到個泡菜係另上, 感覺有D怪怪地...

全餐唯一唔應該食嘅o野...