Ken & Merry 為食男女，遊走世界!!!

尋晚(2008年3月6日)我同早兄特登走咗去銅鑼灣, 皆因"撕旗"牛仔服大特賣第一天, 話咩低至1折喎... 咁抵, 緊係要去八下啦... 點知去到個陣, 見到條龍長過有米派, 心諗 : "唉, 都要照排o架", 只可惜... 有位職員小姐不停重覆叫喊"截咗龍o架啦, 今日唔可以再排o架啦!!!"... 吓, 唔係呀嘛, 我地特登搭車o黎過喎... 任務1--失敗!!!

 

咁我地即刻爭取時間走去鵝頸橋... 因為3月5日係驚蟄, 尋日d報紙大肆報導"打小人"實況, 我地當然要去現場了解下... 雖然我地身邊都有d小人, 但係都未至於要出動到呢種終極武器o黎還拖... 任務2--失敗!!!

 

去銅鑼灣嘅3個任務, 頭2個已經失敗咗, 第3個不容有失...

 

æ橋底辣蟹(細)--好大碟呀, 咁中size咪仲大隻... 我地叫咗微辣, 不過一d辣味都冇... 蟹肉勁鮮味呀, 啖啖肉, 好好味呀...

æ你睇隻蟹鉗幾大...

æ椒鹽瀨尿蝦--好好味呀... d瀨尿蝦肉好有(十幾年前先食到嘅)瀨尿蝦味呀... 好耐之前試過跑馬地銖記, 一樣咁大隻咁新鮮, 但係就欠缺個種十幾年前先食到嘅瀨尿蝦味...

(繼續閱讀...)

kenmerry 拉姑 發表在 痞客邦 留言(2) 人氣()

尋晚(2008年2月27日)去咗APM搵王者食飯, 原本想去Italian Tomato食buffet, 點知Italian Tomato話已經冇再做buffet... 嗚嗚嗚嗚...

 

後尾去咗和花亭, 冇得book位, 要排隊... 6點半未夠去到已經排長龍...

 

æ鹽燒鯖魚--我食咗一啖喳(not my飛佛), 王者成碟隊晒...

æ天婦羅盛合--成口油... 怕怕...

æ牛油帶子燒--王者唔食牛油, 只肯食2粒, 其他我隊晒, 味道都ok...

æ汁煮蠔sushi--王者食喳, 我都唔食蠔嘅, 唔知咩味呢; 三文魚腩sushi--好彈牙, 唔錯; 瀨尿蝦&北寄貝sushi--都幾好味; 幔魚sushi--好好味呀; 三文魚sushi--好新鮮...

(繼續閱讀...)

kenmerry 拉姑 發表在 痞客邦 留言(1) 人氣()

星期五(2008年2月22日)晚honey要去應酬, 咁啱力仔又想打邊爐同韓燒, 阿早咪約埋我囉, 呵呵... (不過最後由於力仔身體不適, 所以冇join我地)

 

原本我諗住介紹阿早去試下之前"原裝入口"個3間韓國餐廳, 可惜2間爆滿1間只可以食個半鐘, 所以最後我地去咗阿早推介嘅呢一間...

 

我地選咗二人套餐...

 

æ前菜 : 一般

æ燒烤拼盤(特選牛肋骨, 特選肉眼扒, 烤大蝦) : 材料極之新鮮, 大蝦好爽口

æ人參雞湯 : 都幾甜, 不過唔知點解好似幾油

(繼續閱讀...)

kenmerry 拉姑 發表在 痞客邦 留言(3) 人氣()

kenmerry 拉姑 發表在 痞客邦 留言(3) 人氣()

今日(2008年2月17日)係八美圖新春團拜嘅大日子...

 

我今朝8點幾已經起身(早過番工), 10點3出門口, 順利係10點11去到灣仔搭巴士, 可惜... 等咗好耐... 一架巴士都冇... 先發現巴士因為渣打馬拉松改路... 上到巴士都冇用, 全程慢駛, 可能因為對面線d選手仲跑緊... 各位姊妹, 要你地久等, 真係唔好意思...

 

屈指一算, 我地好多年冇咁齊人同咁早一齊飲茶, 今次都算利害...

 

呢度d點心都幾特色, 好似腸粉(一條過)呀, 馬拉糕(一籠6件)呀咁, 我都未見過咁有型有款嘅買相...
坐位又極度舒適, 裝修又靚, 新年仲唔加價, 最重要係有得book位, 正!!! 唔該晒dd幫手book位, 謝謝!!!

 

睇下張枱d氣勢幾強勁勁勁勁勁!!!我地幾顛, 總共食咗49個點心呀(吸到張點心紙都冇咩位剩)!!!

 

由於暈妮2點57分先到達(我地開頭約12點正, 後來想多d時間傾下計, 所以改為11點30分), 結果... 呢餐茶飲咗超過4小時, 大家仲幫我諗埋今篇blog嘅主題, 喂, 唔該晒喎...

(繼續閱讀...)

kenmerry 拉姑 發表在 痞客邦 留言(0) 人氣()

前晚(2008年1月21日)同早食完翅, 力力就o黎join我地去食佢大力推介嘅甜品...

 

æ香芒黑糯米芝麻卷 : 招牌菜, 芝麻卷皮煙煙韌韌, 香芒微酸, 配埋份量唔太多嘅黑糯米, 三重口感, 勁特別, 值得再食!!!

æ芝麻糊拼栗子糊 : 好滑, 唔係開粉個隻, 值得再食!!!

æ奶黃蛋白燉鮮奶 :  聽早講, 都幾特別, 幾好味, 值得一試!!!

æ冰糖雪耳燉木瓜 :  力力咩都冇講, 一口氣食晒, 我估唔會難食啩!!!

æd碗碟好kawaii呀, 全部都印咗自家公仔o架, 好想買一套返屋企呀...

(繼續閱讀...)

kenmerry 拉姑 發表在 痞客邦 留言(4) 人氣()

前晚(2008年1月21日)跟早去食翅, 見恆指跌咗千幾點, 以為唔使book位, 點知... 去到冇晒卡位, 仲叫我地坐十字路口位(週圍仲有大把位), 劣!

 

我地一心去試紅燒蟹肉生翅餐($298有翅+2個小菜+飯+糖水), 就緊係唔會錯過啦: -
. 紅燒蟹肉翅 : 砂窩上, 每人都可分兩碗, 都幾多排細翅, 唔錯唔錯;
. 三杯酒焗蟹煲 : 砂窩上熱辣辣, 蟹鉗好大隻, 味道一流, GOOD;
. 鮑片雞煲 : 都係砂窩上, 雞肉鞋過煲湯雞肉, 鮑 片足料, 味道唔錯;
. 薑粒雞蛋炒飯 : 炒得粒粒分明兼唔油, 加埋薑粒, GOOD;
. 紅棗蓮子燉雪蛤 : 清甜滋潤, OK

 

嘻嘻... 我地唔係剩係掛住食o架, 食好o野之前都去咗做d緊要o野o架... 就係去買利是封喇, 係咪好cute呢!!!

 

(繼續閱讀...)

kenmerry 拉姑 發表在 痞客邦 留言(6) 人氣()

今日(2008年1月19)去完奶奶大人度食飯, 搭巴士返屋企轉車期間, honey唔知做咩咁好興致, 話要食雞蛋仔, 排隊時仲問使唔使買2底, 唔使呀嘛?!

以前o黎過好多次都係老板joker整o架, 每次見到佢都想笑... 今日唔見咗佢喎, 可能係因為開咗好多分店(尖沙咀, 灣仔, 將軍澳)嘅關係...

大家睇下條龍幾長, 一年365日由早到晚都係咁多人... 排隊時一路都傳出陣陣香味, 好想快d排到... 佢已經有好多個夾蛋機o架啦, 但都係要排咁長龍, 人流可想而知... 裝雞蛋仔個紙袋中間開咗d小孔o架, 隔一陣食都仲好脆, 好細心...

好, 我拉姑係樹同大家拜個早年先, 祝大家身體健康, 荷包漲漲!!! (路過北角新港城時影o既)

###
地址 : 北角英皇道492號
電話 : 2590 9726

kenmerry 拉姑 發表在 痞客邦 留言(1) 人氣()

尋晚(2008年1月9日)又要去試菜啦, 好忙呀... 力力大力推介, 同係Toronto食過嘅一模一樣咁話喎... 早仲改咗個好勁嘅外號... 烈女飯局... 哈哈哈哈, 勁呢!!!

 

7點幾去到冇咩人, 可以揀梳化位, 正!!!

 

不過... 全程冇水飲, 明明離遠見到其他枱都有水嘅...

æ主角:生牛河--配料勁多, 又可以自己選擇落幾多, good!!! 湯底味濃, good!!! 牛肉都好嫩, good!!!

æ我叫咗個雜菜烤肉撈檬--d烤肉都唔錯, 但係d汁就好唔得, 好後悔冇叫生牛河... (原本話分d雜菜比力力嘅, 但係見到d雜菜仲小過生牛河d芽菜, 所以冇比到囉, sorry呀);
春卷--yummy;
牛油雞翼--d牛油味... 同平時食開嘅有d唔同, d雞翼放咗好耐先食, 但係一咬開, 依然出晒煙, 勁!!!
庶蝦--唔錯

食飽飽, 循例吹下水... 吹吹下又叫我地埋單... 再吹吹下, 個女侍應竟然同我地講廚房要噴剎蟲水, 叫我地即刻走, 費時焗親我地, 下次請早咁話... (但當時現場仲有其他食客, 咁嘅趕客功夫, 真係大開眼界)

(繼續閱讀...)

kenmerry 拉姑 發表在 痞客邦 留言(2) 人氣()

上星期六(2008年1月5日)一眾姊妹剎去荃灣如心同龍媽賀壽... (去之前仲同貓頭去一轉karaoke先)

酒店裡面個環境係唔錯嘅, 好似d hip hotel咁... 食物就... 之前一日睇網評好似幾麻麻咁, 所以去到唔敢食魚生同刺身同阿拉斯加蟹腳...

. 沙律 : 一般;
. 燒吞拿魚都唔錯, 煙三文魚都ok, 龍蝦仔一隻夠晒, 蕃茄芝士d芝士真係麻麻地;
. 白汁焗魚柳算比較好, 羊扒都合格, 隻炸蠔食完都唔知食咗d乜, 最好味係條蒸魚(食咗先醒起要影相, 哈哈)
. 鐵板燒大蝦 : 一開始切, d肉已經散, 一放入口, 想即刻吐番出o黎, 當然最後都吞咗落肚... 個汁仲騎呢, 唔落好過...

. 甜品選擇都算小...
. 個焗蛋白算比較好食, 但得幾粒, 鑽媽再出去拎已經冇晒; 朱古力蛋糕同法式燉蛋都ok, 都係一陣就冇; 個coffee杯反而幾香濃
. 豆腐花ok; jelly杯都ok(冇可能唔ok); 雪糕係papagallo(唯一驚喜), 有4-5隻味, of course yummy啦!

飲品自助bar度有橙汁, 咖啡茶, 檸水, 等供應!

仲有燒珍寶蠔同翡翠螺, 你睇, 幾大隻!!! (我冇食呀, 隻蠔由鑽媽提供)

(繼續閱讀...)

kenmerry 拉姑 發表在 痞客邦 留言(1) 人氣()

上星期六, 上完動植物公園再去圓方行街, 跟手就係去咗呢間餐廳食... 之前唔知會係圓方食飯, 所以冇做定research...

 

今日寫食評之前search下呢間餐廳嘅資料, 結果... 激死我...

第一, 個日問佢有咩credit card有discount, 佢答冇, 但係... 今日比我發現佢DBS信用咭有9折...

第二, 原來佢asiamiles有得儲分, 依個日個銀碼o黎睇, 我可以拎到400 points, 而家咩都冇啦...

 

æ軟殼蟹春卷--鑽媽至愛, 味道唔錯;
牛肉沙律--辣到喊, 除咗辣, 咩都唔記得啦;
綠咖哩羊脾--拉姑推介, 配埋個椰汁白飯, 一流;

æ呢個什菜炒咩粉--鑽媽唔知幾時叫嘅, 炒到o黎我地仲同d侍應講話未叫o野食, 笑爆嘴, 味道都唔錯嘅, 但係鑽媽原來要叫湯粉, 結果... 再叫多個湯河, 味道都ok;
炒雜菜--不過不失

(繼續閱讀...)

kenmerry 拉姑 發表在 痞客邦 留言(2) 人氣()

繼22、24、25、26號嘅幾輪狂食之後, 尋日(2007年12月27日)lunch已經唔多消化, 淨係食咗一碗粥, 因為夜晚仲要... 同幾個細妹(早, 力力, 肉酸)去日航博剎!!!

 

12月5號打電話去週圍book位都full晒, 唔係講緊平個d, 而係半島、洲際、都會海逸個d! 日航更係打咗成日都唔通, 好彩, 係我地放棄之際, 終於比我打通咗, 仲要有位個隻, 嗚嗚嗚嗚... 實在太好彩啦!!!

 

而且仲安排我地坐自成一角嘅圓梳化位, 但又勁近buffet枱, 點影相同傾計都唔會嘈到人啦, 嘻嘻...

 

æ燒大蝦--好好味架;

聖誕甜品--好苦呀, 細個睇醫生d藥水味呀... 朱古力蛋糕--好好味;

焗蠔--幾好味, 羊扒--一流, 唔係個胃唔舒服嘅話, 起碼食半打;

Cold Cut (拎拎下, 電話響, 唯有返埋個位先... ) -- 除咗三文魚餅有d腥, 其他都好好味;

æ刺身--好新鮮;

蘇油餅配咖哩--一流, 花生醬薄餅--超超超超好食;

甜品--件件極品, 但最正係咖啡法式燉蛋, 完美嘅化身! 其次係tirumisu(勁重酒味, 正) 同埋 芒果pancake卷(超正芒果味)! 仲有個朱古力香桃蛋糕, 味道係... 一流!!!

(繼續閱讀...)

kenmerry 拉姑 發表在 痞客邦 留言(3) 人氣()

尋日(2007年12月24日)平安夜老細請咗我地成班同事落太古坊食lunch, 感受下露天用膳嘅氣氛... (好彩冇落雨)

 

今日只供應Christmas Lunch, 勁鐘意揸麵麭d牛油, 唔係因為佢好味, 而係因為佢好cute... 聽聞香草麭勁好食... 嗚嗚... 到我拎時得番黑麥麭喳...

 

青菜沙律配法式沙律醬 -- ok合格;

闊麵條配蟹肉香草忌廉汁 -- 第一啖好好味, 食到尾都幾咸, 分量勁多, 分咗d比同事都差d食唔晒;

精選聖誕甜品 -- 不知所謂, 一堆垃圾(麵麭頭頭尾尾)咁, 好後悔冇揀餐茶

 

大家可以一試, 但緊記... 食呢餐o野要預2個鐘, 因為佢上菜真係好好好... 慢!!!

(繼續閱讀...)

kenmerry 拉姑 發表在 痞客邦 留言(3) 人氣()

星期四(2007年12月13日)同咗兩個妹(冇肉酸份)去大角咀試菜... (因為力力成日話屋企附近間新開嘅日本菜好多人排隊, 好想試)

 

呢間日本菜唔接受訂位, 排隊又要過半數人已到, 先比你入座, 咁巴閉, 所以點餸時充滿憧憬...

 

æ秋日5品刺身盛合--個樣都幾靚, 不過唔甜, 有d靱, 亦唔算得上好新鮮;

æ霜燒吞拿魚沙律--呢味算係我地order咗咁多樣之中最好食架啦;

æ大蝦雜錦天婦羅--合格;

軟殼蟹手卷--0分, 軟殼蟹冰凍, 仲要有d勁辣粉係入面, 唔知攪咩;

æ蟹羔蟹皇粥--失望, 放咗1茶匙蟹子咁大把, 就夠膽叫自己做"蟹羔蟹皇", 而且d蟹肉仲腥嘅;

(繼續閱讀...)

kenmerry 拉姑 發表在 痞客邦 留言(5) 人氣()

星期五(2007年11月30日)晚係東海同11月之星賀壽, 場面熱鬧... 仲有好多手信, 收到手軟, 多謝無敵同貓頭...

 

坐咗個幾鐘先有得食, 所有食物都係精挑細選...

 

æ主角當然唔少得... 鑽媽點名要食嘅大閘蟹, 同埋貓頭點名要食嘅靚靚蒸魚啦!!!

 

æ燒雞--都幾好味;

黃金蝦--我至愛, 但好似細碟咗d喎, 應該話全部餸都好細碟;

牛油鮑魚--正, 意外驚喜;

牛肉粒--都好味;

(繼續閱讀...)

kenmerry 拉姑 發表在 痞客邦 留言(3) 人氣()

星期一(2007年11月26日)去咗石燒開餐... 我仲行錯咗去舊址(Cova對面), 大家要注意新址係碼頭隔離...

 

貓頭剛由大板回來, 又要食, 又要講旅程趣事, 都幾忙, 仲要解答KaKaMa同鑽媽嘅問題...我就緊係密密食啦, 呵呵...

 

æ餐麭 : 香草軟麭勁正, 食到唔停得口, 記住, 可Refill...

蝦意粉 : 嘩嘩嘩, 好辣呀, 撥開d辣粉, 嘩嘩嘩, 好咸呀...

餐沙律 : 唔錯...

餐湯 : 冇飲, 唔知好唔好味, 有2款揀...

 

æParma Ham Salad : 勁正, 配料豐富, 材料新鮮, 個汁仲係我至愛嘅黑醋, Yummy...

(繼續閱讀...)

kenmerry 拉姑 發表在 痞客邦 留言(4) 人氣()

星期四(2007年11月15日)力力帶我去圓方見識下... (鄉下妹出城咁)

 

行完去咗佐敦同早安啦會合, 當然又係去開餐啦, 呵呵呵呵...

去得新斗記, 緊要試試佢d招牌菜...

 

æ鎮店鹵水乳鴿皇  -- 好大隻, 好入味;
鎮店紅燒乳鴿皇 -- 肉嫩多汁, 但冇鹵水乳鴿皇咁野味, 蝦片超好味;

æ金牌即燒乳豬 -- 正到暈, 皮脆肉嫩兼小肥膏, 必吃;

千茋米酒雞 -- 食左一啖先知係用黃酒, 有種回到童年嘅感覺 (五星級大鼠中, 味王煮了普羅旺斯給食家梵高琛, 令佢重溫小時候的回憶...), 味道對我地o黎講淡咗d, 因為我地係飲黃酒大嘅, 哈哈哈哈...;

(繼續閱讀...)

kenmerry 拉姑 發表在 痞客邦 留言(1) 人氣()

今晚(2007年11月10日)同鑽鑽, KaKa, "掟"姨姨去百佳食餐便飯... 好開心呀...

 

食左三文魚沙律先, 好味!

自選餡料pizza(野猪脾, 仲有2樣唔記得), 好好味! 但青芥末汁唔係人人受得!

芒果三文魚八爪魚刺身飯, 好好好味! 鑽爸之後加入, 再encore一客!

石頭飯, 天口涼必吃, 緊記加辣汁, 精髓所在! 好味到連鑽鑽都好似玩magic咁, 一轉眼成碗飯唔見左! KaKa媽之後加入, 再encore一客!

我地由未夠6點, 坐到10點幾, 緊要叫一壺免費refill熱水既果茶o黎飲下啦, yummy!

食飽飽, 今日甜品有: -

法式焦糖燉蛋 -- ok!

粒粒麥o麥厚多士伴雪糕 -- 好味!

coffee凍餅 & 抺茶tiramisu -- 好好味, 特別係個凍餅!

(繼續閱讀...)

kenmerry 拉姑 發表在 痞客邦 留言(0) 人氣()

上星期六(2007年10月27日)同10月之星賀壽, 因為高廋平鐘意食生蠔, 所以揀咗去食"暴肥"...

 

食buffet前約埋貓頭同DD去中央圖書館逛下, 之後高廋平又o黎join埋大隊, 原來DD同高廋平係第一次o黎中央圖書館o架, 簡直匪而所思, 呵呵, 雖然我都係第二次o黎啫!

 

我上次係Mr. Steak度食完就胃炎, 所以今次唔敢亂食野... 由於牛肉加價4次, 所以我今次主力食牛... 三款牛肉都好味, 沙律好新鮮, 芝士都唔錯, 朱古力甜品都唔錯, 個件海鮮沙律(高廋平攞多咗夾硬塞比我)就真係麻麻地喇!

飯後餘興節目係去掃貨(何超有7折coupon), 買小小野就有咁多贈品, 正!

仲要多謝鑽媽的兩份大板手信, 兩樣都好實用, 謝謝!

 

特別新聞: 一日後龍媽通知我, 佢返屋企個胃就唔舒服想作嘔, 而經我明查暗訪之後, 原來貓頭半夜都腸抽筋, 其他姊妹如有不適速速回報!!!

kenmerry 拉姑 發表在 痞客邦 留言(3) 人氣()

星期三(2007年10月10日)個晚, 諗住去阿詩瑪食米線, 點知個餐牌改到冇晒米線, 淨係叫套餐先有米線跟, 咁即係逼人食套餐啫... 最後... 我地決定散叫, 唔食米線...

 

經過一輪商議後, 決定Order D 新o野試下(除咗湯之外): -

. 氣鍋雞 : 一貫水準

. 嘶嘶雞 : 好辣, 但好惹味, 食到嘶嘶聲

. 水晶麥 : 溜單, 仲收晒我地d碗筷, 話比佢聽溜單要取消, 順便埋單, 佢竟然夾硬整出o黎, 仲要咸到嘔, 好難食呀))))))

 

到咗真係埋單嘅時候啦... 如常碌咭, 個侍應之前已經唔係好態度, 都算喇, 費事同佢計, 點知佢見到要碌咭, 就話部機壞咗要我地比現金, 但係honey冇現金係身, 叫佢試下碌咭(因為我地唔信部機壞咗), 點知... 佢竟然當住我地面"藐嘴藐舌", 唔係輕輕個隻, 係好大動作個隻... 諗落都拍得住咪咪姐個"藐嘴藐舌"樣...

我心諗: "啍!!! 有冇攪錯!!! 有問題嘅係你, 唔係我地呀..."

 

佢死死地氣攞張信用咭去收銀度, 唔夠1分鐘又過番o黎, 話"碌唔到呀, 唔信你自己試下喇"... 

嘩!!! 唔係呀o痳!!! 碌咁多年咭, 第一次比人叫我自己行入收銀部碌咭, 呵呵... 好, 咪試比你睇囉! (我估計佢係諗住我地攪唔掂, 要我地死咗條心)

 

(繼續閱讀...)

kenmerry 拉姑 發表在 痞客邦 留言(3) 人氣()