目前分類：為為食食 (425)

瀏覽方式： 標題列表 簡短摘要
27 February 2012, Monday

今晚氣溫急降至10度!!! 呼)))))) 好凍呀!!! 食咩好呢... 忽然好想打邊爐... 早排去「譚魚頭」食小菜, 見佢有一人一鍋, 未試過, 好想試吓...

(前) 特色味碗--好好好味喎!!! 有冬菜, 蔥, 辣椒, 辣醬, 芫茜, 花生... 服務員強調加D熱湯底, 好味過豉油... 平時絕對唔食蔥同芫茜, 今日一試難忘...
(中) 金湯海鮮鍋--超特濃雞湯... 居然真係有海鮮, 大大隻青口都OK, 隻蝦就梅嘅... 仲有粟米同紅蘿蔔, 好足料!!!
(後) 招牌蕃茄鍋--超特濃茄味... 好似成鑵茄膏咁...




招牌炸響鈴--上枱時碌咗1舊落地, 蝕咗... 係其他地方食過, 好似人地好味D, 佢呢個一熝就散開一片, 冇響鈴效果...


草原羊肉片--個樣靚到冇得彈, 大片到呢... 不過一熝就散開好多片, 同埋冇咩羊味...
(繼續閱讀...)

kenmerry 拉姑 發表在 痞客邦 留言(4) 人氣()

▲top
20 February 2012, Monday

好耐冇去「富嘉閣」, 今日原本想去隔離間「粥麵館」食粥, 不過天氣開始轉熱, 唔係好想食粥, 所以行到去門口臨時轉軚...

11點半, 得1枱客, 好靜局... 加上酒店級環境, 舒服到暈... 食物同服務都係酒店級, 好多酒店都唔夠佢揮...

珧柱豆苗餃--雖然冇咩珧柱, 但係豆苗好幼嫩, 好得~

懷舊麒麟馬拉糕--SO SO...

黑芝麻流沙包--流沙包食得多, 黑芝麻流沙包係第一次食, 好得呀!!! D黑芝麻真係好流沙呀!!! 超強勁黑芝麻味, 微甜, 我比10個讚!!! (黑芝麻怪嘅說話唔多中肯, 大家唔好盡信, 咁啦, 8分啦)

桂花豆沙煎堆--讚! 讚! 讚! 落單20分鐘先有得食, 我估係即炸, 嘩, 熱辣辣到呢, 仲要一滴油都冇, 勁!!! 細細粒, 豆沙蓉好香桂花味, 好有驚喜!!!


(繼續閱讀...)

kenmerry 拉姑 發表在 痞客邦 留言(1) 人氣()

▲top

19 February 2012, Sunday

又係太古之友飯局~ 原定去北京樓, 不過FULL咗... 跟手諗住去西苑, FULL埋... 個市有冇咁旺呀?!! 無奈之下, 轉去康怡廣場新開咗一排嘅「譚魚頭」, 之前試過幾間新開嘅餐廳都唔多掂, 所以今次都有D擔心...

朋友BOOK咗6位, 但係臨時有D事要遲D到, 叫我早D去拎枱... 去到先發現, 居然比間8人房我地?!! 有D驚... 即刻問帶位嘅職員有冇MINIMUM CHARGE, 不過佢冇答我...

個個o黎到見到係房都覺得又驚又喜, 喜係覺得傾計一流, 驚係唔知有冇MINIMUM CHARGE, 個個都話等陣問下, 點知落晒單食晒o野都冇人記得問!!! 最後... 好彩... 係冇嘅!!! 5個人食咗700蚊啫... 不過都幾貴, 價錢拍得住西苑...

原本以為川菜一定好辣, 不過餐牌都有好多唔辣嘅餸可以揀...

拔絲無骨咕嚕肉--剩係睇個名已經好好奇, 上菜時一睇, 嘩, 個樣好得喎!!! 味道一樣好得!!! 拔絲脆脆地, 咕嚕肉酸甜適中, 伴碟嘅蜜桃都好好味, 呢個餸真係好得!!! 可以列入拉姑推介系列!!! (於18/03/2012再次品嚐, 已經完全唔係果回事!!! 拔絲不再, 咕嚕粉漿多過肉, 個咕嚕醬仲喪酸!!!) 


鹹蛋黃大蝦球--鹹蛋黃炸漿好惹味, 炸漿都好脆, 唔係太油, 大蝦球都幾爽口, 如果想濃味D, 可以點下碟底嘅鹹蛋黃漿(比D蝦球遮住咗), 好有心思...

(繼續閱讀...)

kenmerry 拉姑 發表在 痞客邦 留言(2) 人氣()

▲top
13 February 2012, Monday

原本LUNCH食完「富豪金殿」, 晚餐係唸住食粥呀麵呀果D, 清清地... 之但係路過「PIZZAEXPRESS」門口, 見到聽日就係情人節, 今日依然都仲有$308二人套餐, 感覺好鬼抵... 又忍唔住想入去食... 由於冇BOOK位, 仲有位比我地都已經偷笑啦, 所以... 坐呢個位都冇所謂啦, 都幾特色吖, 哈哈哈哈...


印象中第1次去食PIZZAEXPRESS係5年前嘅情人節, 真係覺得好好食, 環境又好, 服務又好, 一試難忘...

之但係當時2人餐份量好大, 2個人食唔晒會好浪費... 同埋如果成日食, 肯定會變米芝蓮人, 唸起都驚... 所以之後都只係嚟過3次咋, 每次都係同D未食過嘅朋友嚟食吓, 個個試完都讚不絕口... (唔計同貓兄KaKaMa去亞士厘道分店個次)

頭盤4選1...

焗麵包球--暖笠笠, 又脆又軟, 食到唔停得口!!! 我最鐘意點GENOVESE香草汁, 有呢個汁食幾打都得呀!!! 乾蕃茄醬都好正, 蒜蓉牛油最唔特別... 一陣就掃光晒, 每次都唔夠喉...


沙律3選1...
(繼續閱讀...)

kenmerry 拉姑 發表在 痞客邦 留言(0) 人氣()

▲top

8 February 2012, Wednesday

一年一次嘅「印尼幫」團拜又嚟啦啦啦!!! 呢餐飯有D DISLIKE小插曲, 寫咗篇好大篇幅嘅BLOG記錄低, 不過得我自己一個睇到, 哈哈...

職員推介套餐, 不過我地唔鐘意食魚, 所以決定散叫...

(左)前菜--難食!!!
(右)砂鍋雲吞雞煲--味道都OK, 雞肉同雲吞份量都好多...


脆皮素鵝--味道還可以...


鎮江小排骨--嘩!!! D排骨腥嘅!!! 估計係雪味...


(繼續閱讀...)

kenmerry 拉姑 發表在 痞客邦 留言(0) 人氣()

▲top

6 February 2012, Monday

「為食5人幫」龍の團拜擇日於正月十五進行... 由於鑽媽再度缺席, 「E5」遲吓可能要改名做「E4」...

我早咗10分鐘到「Suzuki」, 冇乜人喎... 影吓相先... 好耐冇玩一掃全景, 爽呀!!!


枱上嘅Promotion Stand介紹緊4間分店各有特色主題, LCX入面呢間嘅Theme係「The Romance of Victoria」, 不過你睇吓KaKaMa張櫈爛到... 再睇吓隔離枱D櫈磨蝕到... 後面枱張櫈爛得仲恐怖, 不過已經有客人到咗, 唔方便影... 唔通Victoria Theme嘅「核心價值」係「破爛殘舊」?!!


好口渴呀!!! 連水都冇, 要16蚊1枝... 嘩!!! 咁我緊係飲特飲好過啦...

口渴到暈, 正想Whatsapp大家問吓去到邊, 貓兄就準時到喇, Good!!! 第一時間Order 2杯特色抺茶飲吓先, 再整多個DIY Salad食住先...

特色抺茶--我同貓兄都揀咗紅豆味, D紅豆都幾有紅豆味, 跟住我話"奶味好重", 唔知貓兄點聽, 聽咗"冷氣好嘈", 笑死~ Set好位影相, KaKaMa就啱啱到, 好慘地比我叫佢行開D唔好坐住, 嘿嘿, 唔好嬲喎, 因為我好辛苦先擺好呢個位o架!!! 睇相先發現佢遲到15分鐘, 今次算佢好彩, 我地Order咗嘅食物都未到, KeKe~

(繼續閱讀...)

kenmerry 拉姑 發表在 痞客邦 留言(2) 人氣()

▲top

28 January 2012, Saturday

轉咗iPhone之後, 終於有得用Whatsapp啦!!!

最大嘅收穫, 應該係比一個好耐冇聯絡嘅老友係Wahtsapp搵到我... 原來佢轉咗電話號碼, 唔怪得我Send SMS比佢好似冇反應咁啦...

都有2-3年冇見, 所以要搵個坐得耐嘅地方慢慢傾... 臨急臨忙都唔知去邊樹搵, 只係唸到太古城「東隅」酒店, 順利Book咗位食Tea Buffet!!! 由3:00PM食到5:30PM, 都只係138蚊加一, 咁抵嘅?!!

行緊去酒店時見到有一家幾口嘅外籍人士, 人人手上都拎住一支窩夫, 好似幾吸引喎... 所以入到去我又要食一支... 掛住傾計, 都唔為意原來D生果要自己加, 結果食咗支齋窩夫... 我覺得係合桃味...

上次食唔到嘅Tiramisu, 都幾好味, 幾滑... 士多啤梨卷酸酸地, 幾醒胃... Cupcake最正係幫你Cut好晒做半件, 唔使攪到食1件就飽晒... 朱古力Cupcake都幾好味...

個雞肉包最好味, 芝士包都好好味...

(繼續閱讀...)

kenmerry 拉姑 發表在 痞客邦 留言(2) 人氣()

▲top
16 January 2012, Monday

繼續一月之星大飯局... 龍媽今次揀呢間「住家菜」真係冇得彈, 比個讚佢!!! 點正法?!! 睇吓咪知囉, 拎定口水肩喎!!!

鑑於部份菜式需要預訂, 而且餐廳話明多人等候的話要8:30PM交枱, 咁如果我地7:00PM去到仲要等齊人先慢慢開始討論揀咩餸, 睇怕到8:30PM都冇咩食到落肚囉... 有見及此, 龍媽一早就預訂定個6人餐(鑽媽同無敵表明會缺席), 價錢唔係太貴($888), 又有齊D招牌菜...

過咗10分鐘都仲未齊人, 上住D頭盤食住先啦... 唔係驚等陣8:30PM收枱我地食唔切... 好彩一上D前菜就齊晒人, 可以即刻上埋其他啦...

前菜小品5選4...

(右)卥水牛展--OK喎, 幾入味...
(左)豉油皇鴨舌--都OK喎... 不過原來唔係人人都食舌, 所以我1個人食咗半碟...

(右)黃金海蜇頭--嘩... 好硬...
(繼續閱讀...)

kenmerry 拉姑 發表在 痞客邦 留言(2) 人氣()

▲top
15 January 2012, Sunday

康怡廣場北座大變身測試第2激!!!

Honey忽然話想試吓間新開嘅韓國餐廳... 又試新o野?!! 唔通已經忘記咗上次「玉桃軒」嘅教訓?!! 不過呢間「金饍韓國料理」4年前同早兄係旺角食過, 都唔錯, 好, 就去試吓啦...

餐廳入口都裝修得幾靚o架, 帶位員仲著晒成套傳統韓國服飾, 好認真...
餐廳入面大部份都係梳化位, 都坐得幾舒服... 仲有好多韓國調味料做裝飾品, 唔知廚房煮煮吓餸會唔會走出o黎拎D去用嘅呢...

Order咗2個Set Lunch試吓...

初時見到經理抽住2個木架仔, 仲以為咁有型, 前菜都上到好似High Tea咁?!! 原來唔係, 個木架只係用o黎運送前菜, 係唔上枱嘅...
(繼續閱讀...)

kenmerry 拉姑 發表在 痞客邦 留言(0) 人氣()

▲top
13 January 2012, Friday

去「Our Wonderland」食飯之前, 逛咗一陣街, 路過厚福街時, 見到呢間「甜蜜蜜甜品專門店」門口貼滿晒「甜姐兒」嘅海報, 所以就提議大家o黎呢度食飯後甜品...

9點鬆D去到, 要等4張枱, 都唔算多喎... 等咗一陣間就入得, 居然仲有靠牆位置坐, 正!!!

如果坐門口位置會比較迫D囉...
 
4個人Share 3個甜品...

迷你大堆頭--居然用IKEA膠碗上, 有少少反胃... 味道還可以, 龍媽話好食過B仔...

炸香芒春卷伴芒果沙巴翁--上枱時, WOW WOW聲... 造型100分!!! 雖然話係春卷, 不過唔脆, 淋淋地... 芒果餡勁甜, 我地估加咗好多糖, 因為芒果味唔出... 個芒果沙巴翁唔蘸會好D, 蘸埋會好膩...

(繼續閱讀...)

kenmerry 拉姑 發表在 痞客邦 留言(2) 人氣()

▲top
13 January 2012, Friday

一年容易又過去, 轉眼間壽宴嘅Cycle又再由一開始喇... 新一年新開始, 本應要有個好開始先係, 不過... 明明由鑽媽提供嘅一千零一日, 佢居然都放大家飛機?!!

由於時間緊迫, 一月之星好果斷咁揀咗壽宴嘅地點「Our Wonderland」, 仲Book埋位先發通知比大家, 好勁呀妳D效率!!! 比10個讚妳!!!

臨放工先醒起今日係黑色星期五(Black Friday), 希望唔好有咩事發生啦...

放工時交通出奇地好順利, 一早就去到尖沙咀, 仲可以行陣街先上餐廳... 我同貓兄早到咗, 而其他人就...

間餐廳嘅格局實在簡潔過簡潔... 好彩都坐得幾舒服... 不過Book位同入座時都講明9點要還枱, 感覺有D趕咁囉, 唔可以傾耐D計...


睇完餐牌都決定唔到食咩好, Order個4人餐, 唔使煩...

(繼續閱讀...)

kenmerry 拉姑 發表在 痞客邦 留言(2) 人氣()

▲top
9 January 2012, Monday

只係開咗一個星期左右嘅「丼丼屋」, 好早就坐滿人, 如果過咗7pm先o黎, 直頭大排長龍添呀!!! 見到咁多人食緊, 我地又忍唔住去八埋一份...

晨咁早, 餐廳入面嘅卡位已經冇晒, 得番餐廳中間呢個面壁位... 嘩!!! 個燈箱使唔使咁殘眼呀?!! 根本冇辦法mark大對眼!!! 見到附近有食客帶住鴨嘴帽食, 真係配服佢, 有備而o黎!!! 我最後要放個ipad袋再加個餐牌係面前, 遮住d光, 再用左手遮住對眼, 剩係用右手進食, lala聲食完lala聲走人, 真係「食而不知其味」!!! 究竟個designer知唔知咩叫「光害」?!! 使唔使光到咁呀?!!


咖喱吉列豬柳飯--咖哩汁少得可憐, 根本唔足以撈晒碟白飯, 加咖哩汁居然要加25蚊?!! 唔係呀嘛?!! 搶錢呀?!! 同埋個汁係似吉豬島10元店果d叮叮咖哩汁囉, 人地加咗價之後, 都係12蚊1包咋喎... 個豬柳都唔得, 好乾好硬, 一d都唔juicy, 我已經係特登要貴幾蚊嘅豬柳, 因為怕豬扒整得唔好的話會又乾又硬, 點知都係咁...

汁燒牛扒丼--honey嘅牛肉飯係另外加錢轉定食, d沙律都ok新鮮, d牛肉話7成熟, 不過唔太熟, honey就叫服務員叫廚房整熟少少, 結果我食完個咖哩飯, 個牛肉飯都仲係失咗蹤, 問咗多個服務員之後, 終於有1個同我地講「因為要重新整過, 所以會耐d」... 嘩!!! 咁嚴謹?!! 再等多一陣, 終於有得食, 味道都唔錯, 牛肉份量都好多...
 
埋單係大戶屋咁嘅價錢, 但係我覺得大戶屋好味d同埋份量大d, 所以決定都係繼續幫襯番大戶屋, 呢間試過就算, 間唔中食吓都無妨, 但係我一定一定一定唔會再坐呢個「光害」位囉!!!

(繼續閱讀...)

kenmerry 拉姑 發表在 痞客邦 留言(2) 人氣()

▲top
2 January 2012, Monday

尋日去「中意仿」路經呢間「京城囍膳」, 門口勁多人等緊... 真係咁好食?!! 咁我地今日又去試吓啦...

第一次o黎食, 唔知有咩好食, 最簡單就係點晒D廚師推介先...

羊城粉麵秘製牛腩--完完全全係冇味o架, 唔明點解D湯咁深色, 但係味道就淡如水囉, 好恐怖呀!!!

麻醬雞絲粉皮--唔好味!!! 麻醬同雞絲少得可憐, 粉皮亦唔滑...

芝麻千層糕--味道OK, 有芝麻味, 唔太甜, 不過唔滑囉...

(繼續閱讀...)

kenmerry 拉姑 發表在 痞客邦 留言(0) 人氣()

▲top
1 January 2012, Sunday

又又又... 又又又... 又寫「中意仿」?!!

係呀!!! 因為鐘意囉!!! 最鐘意係佢嘅味道同態度!!!

呢盤飯後甜品如果有齋ORDER一盤就好囉!!! 咁就可以CALL埋「食力5人組」一齊幹掉佢, 肯定HAP爆... 可惜... 店主話"做唔切, 想食晒佢地咩, 就o黎密D啦"...

1個6十幾蚊嘅午餐, 包湯, 瓜/菜, 粥/飯, 甜品,

(前)芋頭西班牙辣腸燴豬扒--好好味!!! 芋頭夠粉, 個汁又正, 豬扒大大件, 係個西班牙辣腸辣咗D啫(不過HONEY話唔辣喎)...

韓風直菇牛仔骨--好好味!!! HONEY話D韓風直菇好得, 我就鐘意個汁, 同埋D牛仔骨大大件...

跟餐甜品好難揀呀!!!!!! 又想食呢樣, 又想食果樣... 最後HONEY要犧牲自己, 比我揀晒2個, 呵呵呵呵...

(繼續閱讀...)

kenmerry 拉姑 發表在 痞客邦 留言(2) 人氣()

▲top
31 December 2011, Saturday

大除夕晚, 除咗食, 乜仲有更好嘅節目咩?!!

我係第3次嚟「香港華商銀行公會」食, 之前2次都係因為貪方便, 食完去「蝦佬喂」勁順路... 今次大除夕就冇咁方便啦, 因為封路封得勁過「蝦佬喂」好多, 離遠望兩眼蘭桂坊, 都未感受到大除夕嘅氣氛就要離開喇...

天氣都唔係好凍, 太古之友就著晒羽絨, 仲要羽絨外套+羽絨背心... 唔係呀嘛... 難為我著件中袖皮褸, 見到佢地即刻由個心度寒出嚟, 咦... 起晒雞皮添...

腊味糯米飯--一開波就一人隊一碗滿嘅, 我個胃即刻就比呢碗糯米飯KO咗... 味道都唔錯, 份量你地有眼見啦, 幾鬼大碟, 5個人食實在太多啦...

杏汁白肺湯--次次嚟都會飲, 雖然冇幾年前咁好飲, 不過仍然值得繼續飲...

八珍豆腐--點解我寫BLOG時睇番呢張相, 唔記得有食過呢一味嘅... 咁好味咩?!! 咁快食晒唔留D比我?!!
(繼續閱讀...)

kenmerry 拉姑 發表在 痞客邦 留言(0) 人氣()

▲top

30 December 2011, Friday

食緊「日田」已經唸定要食甜品... 逛完第2期, 逛埋第3期, 見到呢間Gelato即時雙眼發光...

隻隻味都想食, 點算好呀)))


叫店員比咗4隻味我試... 都唔算好貪心啫, 呵呵呵呵...

做緊Christmas Special Offer, 每杯減5蚊... 好, 咁我要杯Regular (130G)啦!!!

紫芯蕃薯X北海道花梨--紫芯蕃薯真係堅紫芯蕃薯味, 好滿足呀!!! 北海道花梨就唔係我心目中嘅梨味, 唔係勁甜勁清果種, 係中等甜, 重梨味, 真係唔知點形容...


鮮木莓--試咗少少... 嗯... 好酸呀... 藥水味呀... 不過貓兄話呢D唔係藥水味, 佢好似食得好開心咁, 仲覺得自己冇揀錯...

(繼續閱讀...)

kenmerry 拉姑 發表在 痞客邦 留言(0) 人氣()

▲top
30 December 2011, Friday

年近歲晚, 週圍都開始大減價, 今晚就約埋貓兄一齊去"喪平"!!!

Shopping咗一陣, 就去咗填吓個五臟廟... 貓兄路過呢間「日田」就比佢吸咗入去... 我都未趕得切同佢講我幾年之前食過麻麻地...

見到特選定食幾抵咁, 就Order咗2個...

加州卷--冇味...


炸餃子--OK...


燒雞芥末紫菜飯 配 冷蕎麥麵定食--燒雞味道都OK, 不過唔知D芥末去咗邊... 冷麵醬冇咩味... 麵質還可以...

(繼續閱讀...)

kenmerry 拉姑 發表在 痞客邦 留言(2) 人氣()

▲top

24 December 2011, Saturday

聖誕長假第一日, 去邊度食Lunch先可以唔使同人迫呢??? 又冇預先Book位, 應該週圍都冇晒位o架啦噃...

Honey話「有, 我唸到!!! 數碼港!!!」... 好, 打去問吓仲有冇位先... 嘩... 居然仲有位喎, 不過所有Discount今日都不適用, 唔緊要啦, 佳節當前, LaLa聲坐車入去先!!!  

12:30PM未夠去到「南坊」, 居然一枱客都未有, 感覺有如包場, 好爽呀!!! 個廳3面都係落地玻璃, 坐邊個角度都可以一邊食一邊欣賞海景, 我最鐘意佢有D似Green House嘅感覺, 可以享受吓陽光嘅溫暖... 

好鐘意佢入口果幾個雀籠嘅裝飾, 好古色古香...

茶芥--花生銀魚仔不是太吸引, 可能係因為隻牙扭緊計嘅關係啦... 不過杯龍井超正, 好有茶味, 比自家泡嘅更香更濃, I Love It~

黑松露蟹肉餃--片黑松露係好大片, 不過冇Gas爐味喎... 除咗金菇之外, 食唔出有蟹味, 但係Honey話有少少腥...
(繼續閱讀...)

kenmerry 拉姑 發表在 痞客邦 留言(0) 人氣()

▲top

23 December 2011, Friday

聖誕長假開始, 又有得日食夜食啦... Yo!!!

我同Honey近年每逄聖誕節都會避開D專做聖誕大餐嘅餐廳, 因為多數都係又貴又迫又趕又唔好味... 

近期我地經常去「雅敍一堂」, 貪佢有啖住家湯水飲吓, 又冇西苑咁貴咁Heavy... 每次幫襯後仲送1張Coupon, 儲齊4張就送半隻古法太后雞, 都幾抵o架~ 寒冷天氣警告生效緊, 食羊腩煲就最一流!!!

茶芥--最愛佢嘅蜜餞合桃, 甜甜脆脆, 好味又補腦, 讚!!!

住家老火湯--晚晚不同, 足料味美, 1煲都有6碗以上o架, 啱晒我地呢D無飯夫妻~

古法太后雞(半隻)--豉油雞係玫瑰花芯點綴下, 頓時散發高貴嘅氣質, 搖身一變成為太后雞!!! 雞肉嫩滑彈牙, 調味適中, 唔太鹹唔太淡, 啱啱好... 送嘅贈品都咁足料咁好味, 真係抵讚!!!
(繼續閱讀...)

kenmerry 拉姑 發表在 痞客邦 留言(0) 人氣()

▲top

21 December 2011, Wednesday

聽日就「冬至」啦, 時間真係過得好快, 咁又一年喇!!! 同事們今日預早一日一齊食返餐, 去咗半年前食過一次嘅「海逸軒」做冬!!!

半年後再食, 今次D櫈加番金色櫈套啦, D酒店味出番晒出o黎, 即時High Class翻晒, 哈哈哈~

同埋今次D服務好過上次好多, 回復酒店級基本水平, 食得開心又稱心~

天寒地凍, 齋食點心點夠飽喎... 好想食煲仔飯... 餐牌話"需時約30分鐘", LaLa聲Order咗先... 不過落單時經理話"今日忙D, 要45分鐘先得"... 查實都有少少驚會好似果日西港城咁o架, 不過真係好想食, 所以最後都Order咗... 結果... 真係45分鐘準時拎出o黎, 抵讚!!!

揀點心時, 同事話一樣價錢, 緊係Order D特別D嘅o野啦... 最後... 我地Order埋D帶子呀, 鮑貝呀, 鵝肝呀, 黑松露呀咁... 嘩嘩嘩... 好豪呀!!!

翡翠帶子豆苗餃--上一次試過覺得幾好味, 今次又再Order, 叫做有D菜食吓嘛... D豆苗好清淡, Good!!! 不過鯨吞咗之後先醒起, 唔記得咗嗒真個帶子呀!!! 帶子呀帶子, 你係咪真係落咗我個肚o架?!!


蟹籽鮑貝燒賣--寫BLOG先見到上次都有食... D鮑貝好明顯, 可以用肉眼見到, 不過冇咩味... 粒燒賣依然結結實實, 穩打穩紮, 可以一試...

(繼續閱讀...)

kenmerry 拉姑 發表在 痞客邦 留言(0) 人氣()

▲top
«1...678 910...22