Ken & Merry 為食男女，遊走世界!!!

尋晚(2008年8月21日)I姑娘開生日會, 我地一班相識咗超過廿年嘅好友, 又可以趁機大吃大喝一餐, 嘻嘻...

尋日全香港嘅Office都散播緊今日打8號波嘅謠言, 傳到言之鑿鑿... 攪到我地驚今日冇飯開, 去食飯前都要去永安超市掃下貨先... 不過... 最後都只係掃咗大包細包嘅零食, 我覺得我地係借d意囉, 哈哈...

呢間日式料理自助餐係新開嘅, 新張期間有"四人同行, 一人免費"優惠, 可惜只係做到8月15日, 如果唔係, 我地9個人收7個錢就真係抵到爛...

一坐低拿拿聲狂畫Order紙... 一如網友所言, 第一轉棘身先會用日式器皿, 之後係求其比隻膠碟你...

刺身 : Not Bad... OK 新鮮... 我地總共食咗4 rounds...

炸物 : OK... 南瓜餅同蕃薯餅尤其好食... 餃子冇餃子汁, 奇... 

牛肉鍋 : 冇份食, 唔知味道如何... 三文魚鍋好似話幾腥...

(繼續閱讀...)

kenmerry 拉姑 發表在 痞客邦 留言(10) 人氣()

之前同早兄食過一次, 覺得好好味...

 

尋日(2008年8月10日--農曆7月初10)我地要去圓玄進行特別任務, 行動前係旺角會合兼食埋lunch... (實情係食過番尋味, 夾硬約係個度, 哈哈...)

 

我地嘅目標係... DaDaDaDa... 霜降牛扒... 4A級... 都只係$78... 自己買o黎煮都未必有咁平!!!

套餐跟飯, 配埋飲品要$84, 以美食廣場o黎講, 一D都唔平!!!

 

我地之所以比佢深深吸引住, 係因為佢香味撲鼻, 外型又夠特別, 仲有得玩(一路反D肉一路聽到嘶嘶聲, 好想快D吞晒落肚), 鐘意"幾成熟"完全由自己control, 最緊要係好好味, D肉仲一D都唔韌...

醬汁有蒜蓉燒汁同蜜糖燒汁, 仲可以加黑椒同鹽, 煎香咗塊牛扒先落燒汁...

 

(繼續閱讀...)

kenmerry 拉姑 發表在 痞客邦 留言(3) 人氣()

今晚同Honey去咗大戶屋試菜... 現場所見, 好多日本人o黎食飯... 侍應們好似一堆熱鍋上嘅蟻, 亂晒籠咁...

 

8點開始拎位, 9點先入得, 一坐低即刻Order食物, 唔係真係驚10點都冇得食...

 

我Order咗帶子蒸籠飯+野菜雞肉, d飯蒸得好好味, 麵豉湯都好好味, 雞肉酸酸脆脆咁...

Honey Order咗吉列雞扒飯, 都唔錯, 但係個皮炸得太厚同埋太硬, 我都係鐘意吉列專門店多d...

白飯任添, 大食漬萬勿錯過!!! 沙律汁小得可憐, 叫佢比多一次都唔夠用...

 

埋單$163, 當住家飯咁食都算唔錯!!!

 

(繼續閱讀...)

kenmerry 拉姑 發表在 痞客邦 留言(1) 人氣()

終於有機會試下呢間夢見屋, 吉之島重開至今都係超多人排隊...

 

入面d裝修都幾和風, 大部份都係梳化位, 坐得好舒服...

Set Lunch 蟹肉莧菜長通粉 -- 味道OK, 蟹肉有殼, 要小心d食...

Set Lunch 蕃茄火腿意粉 -- 味道OK, 淡咗小小, 買相就靚...

藍莓芝士餅 -- 味道OK...

食得多pokka, 食下呢間唔使咁悶... 下次o黎要試下佢d和風甜品先...

(繼續閱讀...)

kenmerry 拉姑 發表在 痞客邦 留言(0) 人氣()

裝修咗幾個月嘅王家沙, 今個月終於開番...

 

天花加咗具有中國特色嘅木飾...

碗櫃都係...

查實大枱嘅吊燈先恐怖, 係將好多茶壺貼咗係上面... 如果食食下o野跌咗落o黎... =.=

除此之外...

. 座位 -- 迫咗好多...

. 環境 -- 嘈咗好多...

. 食物 -- 味道Keep得住...

 

話梅骨 -- 酸酸甜甜, 肥肉又小, Yummy!!!

(繼續閱讀...)

kenmerry 拉姑 發表在 痞客邦 留言(1) 人氣()

 

曾經聽過好多人提過嘅"吉列專門店", 榮獲"最優秀銅鑼灣開飯熱店、最優秀開飯日本料理、十大好評開飯熱店", 想試好耐好耐, 可惜一直未有機會... 近日無意中有張85折Coupon, 令到我更加心急想去食...

 

今日(2008年7月5日)Honey要去銅鑼灣買o野, 我就順勢問佢想唔想跟我去試菜, 估唔到佢答好...

我地去到嘅時候大概係6點半左右, 已經要等20張細枱(仲未計大枱)... 等等等等等... 等到8點終於入得席... 原來入面唔係太多枱, 怪唔得要等咁鬼耐啦... 嗚嗚...

 

我地揀咗"吉列豬扒豬柳定食"(二人餐), 包麵豉湯、白飯(免費添吃)、椰菜(免費添吃)、漬物、生菓!

 

D芝麻係比你自己磨架，一磨D香味就湧出o黎，再加入豬扒醬汁，好好味呀! 仲有海鹽同芥末醬可以用，可以試下一口豬柳3種味道，奇High! 豬柳入口比豬扒鬆化，好味!
椰菜有2隻沙律醬可以配，就係柚子沙律醬(DD至愛)同埋紫菜沙律醬(個味都幾特別)，我地足足Refill咗3次咁多呀... 飽飽!

(繼續閱讀...)

kenmerry 拉姑 發表在 痞客邦 留言(5) 人氣()

Honey D Friends 上星期五晚11點幾先落機, 星期六即刻就搵我地食晚飯... 可能佢地太耐冇食中菜, 竟然叫到成枱都係餸(7餸1湯), 勁... 真係超誇張...

 

呢個火燒紐西蘭牛仔肉上枱時好有型...

要等佢燒到咁上下, 先剪開張錫紙, 食到尾D火仲燒緊, 夾個時好驚比佢燒到... 味道都幾好...

個泰國虎蝦好好味, 士多啤梨骨都好好味, 招牌叉燒又好好味, 什菜煲就不過不失啦...

仲有半隻好好味嘅XX鴨(唔記得個名)...

DBS咭有8折, 折後過500蚊再送鴨胸伴海蜇燻蹄...

飲埋個花膠湯, 好滿足...

最後... 仲有甜品(麥米粥)送... 好飽...

(繼續閱讀...)

kenmerry 拉姑 發表在 痞客邦 留言(3) 人氣()

上星期六(2008年5月17日)如常去奶奶屋企午膳... 一出九龍灣地鐵站, 見到飯團變咗泡芙...

 

好好味咁喎... 等我又試下先...

 

睇住佢切開個puff做2份, 跟住用機器加D Cream上去... Cup番好個面, 再灑D糖粉係上面... 嘩... 靚晒!!!

4個以上有盒送...

一口氣買咗6個(Tiramisu, 朱古力脆皮, 士多啤梨, 原味卷卷... 仲有2個Oreo冇上鏡)... 埋單好似80幾蚊...

食飽飯拎出o黎當飯後甜品... 隻隻都鬼咁好味!!! 最好味係Tiramisu, Oreo, 士多啤梨, 朱古力脆皮... 不過食完1件夜晚可以唔使食飯, 皆因好鬼滯...

 

 

(繼續閱讀...)

kenmerry 拉姑 發表在 痞客邦 留言(2) 人氣()

5月之星唔知係咪睇咗我個Blog, 竟然將晚宴地點揀咗去盛八...

上個月連續食咗2餐日式燒肉, 塊面D暗瘡多過9大恆星... 5月之星晚宴約好咗星期二(2008年5月13日)晚, 之前一晚我仲係屋企咇咗一粒黃豆咁大嘅暗瘡, 痛死人...

DD感冒o黎唔到... 龍媽家有要事亦出席唔到, 但係佢又好想試呢間, 竟然叫我遲D陪佢再去...

龍媽, 唔好玩我啦, 到時我D暗瘡咪仲多過天上繁星!!!

 

æ會燶咭二人套餐--盛八四小碟(盛八豆腐、泡菜、目黑茄子、溫室青瓜), 韓式牛肉刺身, 什箘拚盤, 盛八泡飯...

æ會燶咭二人套餐--燒虎蝦、山形縣尾花澤和牛、半殼香草牛油帶子、燒蜆、果味牛胸腹、鹿兒島鹽燒黑豚、法式芥末籽牛舌、義大利香草雞腿肉...

æ海鮮拼盤--燒虎蝦、蜆、長腳蟹、半殼香草牛油帶子... 無敵話"會燶咭個帶子好食D", 我都覺... 長腳蟹燒完好乾身...

(繼續閱讀...)

kenmerry 拉姑 發表在 痞客邦 留言(10) 人氣()

之前坐車路過好多次, 都見到好多人排隊, 真係好想試下, 但係每次都唔記得就上咗車...

 

今日去完赤柱, 等小巴等耐咗, 忽然醒起呢間滷水鵝, 實在機不可失, ...

 

照舊有人龍...

門口有飲食雜誌嘅剪報... 據報李超人都係佢嘅食客...

咩都有得買... 4分1滷水鵝, 鵝頭連頸, 鵝翼, ...

仲有自家Logo飯盒...

(繼續閱讀...)

kenmerry 拉姑 發表在 痞客邦 留言(1) 人氣()

過年個陣聽同事講呢間o野好掂, 仲要D人訂o黎送禮都話訂唔到, D Order爆晒喎...

 

今日入到o黎赤柱就心郁郁想試下, 食飽晏就去"目及目及"...

 

 嘩!!! 點解成個貨架吉晒o架?! 唔係咁早買晒呀? 有D唔甘心, 死都要入去問"唔該, 仲有冇杏仁片?", 店員答"有", 一手就隊一鑵埋o黎... 原來個貨架係空城計!

我買咗杏仁片... 好脆好香, honey問"你唔食杏仁, 做咩買杏仁片?", 我答佢"人地話好食吖嘛, 緊係要買o黎試下有幾好食, 如果我食唔到咪你食晒去囉"... 嘩哈哈哈哈...

仲買咗8 Mix 果仁曲奇... 真係好鬆化喎, 好香牛油味, 正!!!

(繼續閱讀...)

kenmerry 拉姑 發表在 痞客邦 留言(0) 人氣()

書齋主打蜑家菜, 裝修古色古香...

餐具用公雞...

我地叫咗幾個點心都好食... 最正係XO醬粉腸粉, 夠晒入味; 咖喱土魷勁惹味; 不過流沙麭唔知係咪凍咗, 個皮好硬; 陳村粉排骨就一般啦, 多小小豆豉會正D...

今次由於食Lunch嘅關係, 我地剩係叫點心食, 下次會搵晚再去試下真正蜑家菜(有套餐)!!!

 

(繼續閱讀...)

kenmerry 拉姑 發表在 痞客邦 留言(4) 人氣()

今晚(2008年5月9日)拉力早酸敍餐... 揀咗成日係開飯排好頭嘅霸王山莊(有超過120個笑面)... 好期待...

 

æ招牌菜... 霸王小籠包 -- 只可以講... 唔難食... 但係鼎泰豐, 翡翠, 黃家沙, 任何一間都好食過佢好多...

æ招牌菜... 霸王片皮鴨 -- 合格, 全餐比較正常嘅一味...

æ招牌菜... 松子桂花魚 -- 合格, 全餐比較好味嘅一味...

æ招牌菜... 鍋貼鳳尾蝦 -- 垃圾!!! 咁難食嘅招牌菜都係第一次見... 片多士直情入唔到口, 要挑起個多士先食得落, 但係仍然唔好食...

æ榨菜肉末配叉子燒餅 -- 冇味嘅肉末, 肥膩嘅叉子燒餅, 食一件完全唔使食其他o野...

(繼續閱讀...)

kenmerry 拉姑 發表在 痞客邦 留言(8) 人氣()

上星期六晚食完味竹, 『志X飯局』主持話介紹我地去間新店試菜, 係味竹轉個彎位就係, 我地順便行去訂埋位, 唸住星期日(2008年4月20日)晚又有好o野食...

 

呢間新店大大個牌, 打住"五星級酒店出身大廚主理及管理"嘅旗號...

 

æ太爺雞--之前一日預訂, 煙燻嘅, 係有好濃烈嘅香味, 但食落口就冇咩味...

æ蜂巢酸甜脆豆腐--都幾香脆... 唔知點解要加個馬頭...

æ菜甫肉崧煎蛋餅--潮州家常菜, 鹹咗小小...

æ美極煎海蝦--Order龍虎榜第5位, 賣相唔掂, 食落好似唔多新鮮, 味道亦唔覺得5星級得去邊...

(繼續閱讀...)

kenmerry 拉姑 發表在 痞客邦 留言(0) 人氣()

尋晚(2008年4月20日)掛緊3號風球, 最啱搵埋D朋友食下飯吹下水, 咁最佳選擇緊係開番場『志X飯局』啦... 目標就係舊年7月剛開業, 當時唔係好掂嘅日式燒肉店, 今次比個機會佢平反...

 

æ前菜--免費?! 咁大隻蛤蟆隨街跳?!

æ鹽燒厚切牛舌--都好彈牙下, 不過本身冇咩味!

æ黑椒蒜鹽雞胸軟骨--幾特別吖, 外面通常係淨雞軟骨, 呢樹有埋雞胸肉! (冇咩味again)

æ香草牛油蕃茄--健康之選

æ北海道松葉蟹石鍋飯--好咸, 唔知係咪D蟹嘅海水味呢?!

(繼續閱讀...)

kenmerry 拉姑 發表在 痞客邦 留言(10) 人氣()

尋晚(2008年4月14日)拉力早有重要任務... 就係... 開餐啦... 呵呵呵呵...

 

今次力仔揀嘅呢一間食店, 榮銜真係多鑼鑼, 包括: -

. 十大好評開飯熱店

. 最優秀開飯日本料理

. 最優秀旺角開飯熱店

 

會燶咭有個特價二人套餐好抵食, HK$488, 三個人加小小o野都好夠食...

 

æ(套餐)韓式牛肉刺身--見到都覺得恐怖... 但係力仔同早兄食得津津有味...

æ(套餐)盛八四小碟(盛八豆腐、泡菜、目黑茄子、溫室青瓜)--D茄子好好味呀...

(繼續閱讀...)

kenmerry 拉姑 發表在 痞客邦 留言(2) 人氣()

尋日(2008年4月9日)貓頭約我同暈妮去食飯... 暈妮返咗呢份工咁耐, 我都未去搵過佢, 仲要個個以為我同佢成日食飯, 真係好搞笑囉, 又有d內疚...

 

放咗工係地鐵接咗暈妮就去會合貓頭, 行完街街先開餐!!!  

 

æMedi. Salad 地中海沙律 -- 都ok嘅, d配搭都幾特別, 不過唔配麭食會咸咗d...

 

æSupremo 意式薄餅 -- 呢種又薄又脆最啱我, 好怕食厚厚嘅個種, 配埋我至愛辣肉腸加茄汁底, 正!!! 但係都係偏咸...

 

æChicken Piccata 檸汁雞柳意粉--出奇地好味喎, 個感覺好清新... 又係偏咸...

(繼續閱讀...)

kenmerry 拉姑 發表在 痞客邦 留言(4) 人氣()

今日(2008年4月4日)去番好耐冇去嘅Island Golf Club食Lunch... 冇訂位都竟然有卡位坐, 勁開心...

æ金柚沙律--嘩!!! 好咸呀!!! 使唔使落咁多魚露呀!!! 以前好好味o架, 仲大碟好多o架!!!

æ青咖哩豬--依舊美味!!!

æ薄餅--好油呀!!! 以前好好味o架!!!

æ牛油焗雞翼--好唔掂呀!!! 點解係釀雞翼o黎o架, 本Menu都冇寫嘅, 個汁仲騎呢, D蝦膠仲腥o架!!!

(繼續閱讀...)

kenmerry 拉姑 發表在 痞客邦 留言(0) 人氣()

上星期日去完花展, 順便係天后食埋晚飯... 原本想試新o野, 最後又係去番老地方...

 

不過今晚有套餐, $198包湯+2個餸+飯+甜品, 轉缽仔飯加7蚊...

 

æ梳羅魚湯--一d腥味都冇, 連唔食魚嘅honey都肯飲, Good!!!

æ煎藕餅--煎得好乾身, 一d多餘嘅油都冇, 唔錯

æ古法蒸黃油雞--清清地, 唔錯

æ雪菜肉鬆缽仔飯--my飛佛, 成碗食晒

(繼續閱讀...)

kenmerry 拉姑 發表在 痞客邦 留言(2) 人氣()

尋晚(2008年3月12日)要去搵力力拎健康檢查coupon, 順便一齊食晚飯... 力力病咗好耐近排先好番, 所以佢想食韓國燒烤, 咁我地就去咗BBQ喇...

 

係開飯度搵咗呢間係銅鑼灣區排名第四嘅韓國菜, d食評睇落幾好咁... 但係...

 

æ前菜--有6碟, 好普通

æ燒牛肋骨--OK啦, 但冇驚喜, D肉好薄, 都唔似平時食開個D...

æ燒羊肉--味道一般, 完全食唔出係羊肉, 好懷疑佢比咗d唔知咩肉, 仲有D肉好碎, 好似食緊D廉價任食BBQ咁...

æ海鮮煎蛋餅--OK啦, 一D都唔油, 仲好脆

(繼續閱讀...)

kenmerry 拉姑 發表在 痞客邦 留言(4) 人氣()