Ken & Merry 為食男女，遊走世界!!!

28 March 2010, Sunday

天氣回暖咗小小, 又有太陽, 去赤柱食Lunch一流...

去到美利樓, 4間餐廳有2間食過, 又唔想食西班牙Buffet, 所以就揀咗呢間...

門口Receptionist力Sell我地有早餐又有Set Lunch, 但係入到去, D侍應淨係比貴價Menu比我地睇... 要問佢拎先拎到呢2個餐牌... 大家留意下, 佢印住Unlimited Bloody Mary...

Soup of the day--竟然係蘑菇湯... 早知就要Tuna Nicoise Salad好過...

Roasted Beef Rib Eye Steak--我地要Well Done, 好Un呀...

15 March 2010, Monday

上星期五先同貓兄見完, 今日又再見啦!!! 我地一齊嘆完咖啡, 然後就去IKEA行街街, 多謝貓兄杯咖啡先...

行到8點就去餐廳同KaKaMa會合... 印象中... 已經好耐冇一齊食飯...

我地Order咗1個2人餐, 再散叫小小野, 已經放到張枱爆晒... 睇到坐係附近嘅幾對小情侶眼突突...

(餐)串燒沙嗲豬牛伴水晶粉沙律--唔好食!!! 冇肉味, 亦冇燒味!!! 水晶粉個樣勁唔吸引, 冇嘗試去食...

(餐)法國牛油焗大頭蝦伴濱海--個蝦都OK!!! 嘩... 個濱海... 冇味嘅...

(餐)馬拉盞炒海鮮--呢味出奇地美味...

(餐)嫩湯野菜鍋--貓兄話好正喎, 我就覺得同清水冇分別...

12 March 2010, Friday

我的第一次... 就咁就比咗貓兄啦!!! 哈哈... 唔好諗錯隔離, 我係講緊第一次睇3D電影... 同埋第一次去The Grand Cinema... 同埋第一次去千両...

睇戲前去咗千両醫肚, 因為D網友講到起碼要排1個鐘以上, 所以我地都係諗住見機行事... 點知... 6點半去到, 排咗一陣就入得啦, 好o野...

吉列炸蝦卷--哈哈哈... 實在太肚餓啦, 攪到一人隊咗一舊炸蝦卷先醒起未影相... 熱辣辣... 正!!!

日本特大帶子壽司(左)--好鮮甜呀, 冇得彈...
劍魚腩壽司(右)--唔記得問貓兄嘅意見添...

鱈場蟹壽司--人間極品, 啖啖肉, 好新鮮, Ichiban!!!

海蟃壽司--又一人間極品, 淡淡的蟃魚味, 超幼細嘅魚骨, 軟棉棉嘅肉, Yummy!!!

2 March 2010, Tuesday

拉力早開年飯, 一定要食好D!!! 原本Book咗"和光鐵板燒日本料理"嘅和牛放題, 可惜18:00實在太早, 趕唔切, 唯有轉陣地... 去番就腳嘅尖沙咀...

一坐低, 隔離枱2個剛落單嘅男西人係度多多小動作, 作狀話D枱咁近, 可以夾埋我地張枱D食物, 我地呢D高貴嘅Ladies, 當然會當睇佢唔到聽佢唔到啦, 以免佢地全餐搭訕...

嘩... 埋單好奇怪... 多咗1行60蚊嘅唔知咩... 原來碟醃蘿蔔同茶要收每人20蚊o架... 仲要我地飲乾晒成杯茶, D侍應都唔加茶, 要叫先加... 20蚊... 邊樹值呀!!!

清酒煮蜆--D蜆大大隻, 好重清酒味, 正!!!

鹽燒原隻鮑魚筒--買飛佛! 好彈牙又唔Un, 好味!

鹽燒牛舌--牛舌薄切, 燒得好香, 鹹鹹地, 好食!

6 February 2009, Saturday

今日中午去咗旺角火車站搵食... 都唔記得咗之前係邊個提過想去Applegreen, 不過就一直冇機會去...

入到餐廳, 只係見到一個頭頂, 唔使搵, 呢個一定係力仔... 都成12點幾, 唔早o架啦喎, 點解會冇人o架入面...

我地今次又係之前1晚已上網做定Research, 寫定菜, 一坐低唔使諗, 好快有得食, 哈哈...

 Iced Mocha--都幾滑, 咖啡味唔算好濃, 大大杯, 幾抵飲...

加州棒棒雞沙律(芝麻薑汁)--材料都幾豐富, 味道亦幾清新, 估唔到塊麵包仲幾好食...

芝士芥辣脆片(半份)--查實都唔知自己食咗D咩野落肚, 不過唔算難食嘅...

鼠尾草炭燒美國穀飼豬扒--個汁好正, 豬扒好軟好Juicy, 伴菜都好好味, 個薯條架好有氣勢, 好似營火會個火架咁, 好想圍住佢跳, hahaha...
另加伴菜蒜蓉包--賣飛佛, 包嘅底面都揸滿蒜蓉醬, Yummy...

4 February 2009, Thursday

今年第一餐團年飯係同王者食, 完全諗唔到... 查實係佢2009年嘅生日飯, 個期一改再改... 原本都要改期, 但之前1日又話唔改, 真飄忽... 都係果句, 同佢食飯, 至小要改期10次8次以上, 最高紀錄係14次, 所以我通常都準備定, 比佢放飛機時嘅後備節目...

我之前食過2次板長... 1次係8號風球, 趕頭趕命, 食而不知其味... 另1次係約咗王者, 等咗佢成個鐘都唔見人, 仲要失去聯絡, 加上我3點半都未食LUNCH, 餓到暈, 唯有入板長食3舊SUSHI頂住先, 一坐低佢就打比我, 又要我極速鯨吞...

呢間餐廳嘅裝修都算唔錯, 大部分都係梳化位, 環境都幾清靜, 可惜SERVICE真係一如網民所言, 差到不得了, 我開頭仲諗"係D人要求高咋嘛?", 點知原來唔係, 個WAITER全晚無故黑面, 好似D客殺死咗佢全家咁...

三文魚腩壽司--個樣都OK... (我冇食)
三文魚壽司--個樣都幾垃圾, 我係Jusco超市買嘅都靚過佢... (我冇食)
立魚壽司--我冇食, No Comment...

金三文魚壽司--個樣正常得多, 同埋厚D囉切得, 味道淡咗D...
秋刀魚壽司--平時其他地方多數係煎, 所以先叫o黎試下... (我冇食)

26 January 2009, Tuesday

今晚同力仔食飯, 之前一晚唸咗好耐都唸唔到去邊度好, 不過由於我倆無時無刻都唸住晶晶糖水, 所以今次轉陣地, 試下去大坑搵食...

今次嘅目標係貴為「大坑Top 10人氣食店」嘅「浣紗廚房」!!! 之前飲食男女都有報導過, 佢標榜係超靚裝修嘅中菜館... 我地事前做足功課, 人都未踏入間鋪, 已經唸好晒要點D咩菜, 哈哈...

下午2點打去Book位, 竟然都有卡位坐, 勁正... 傳聞中嘅水晶吊燈果然係幾靚吖...

葡汁焗大響螺--平時都好小食呢味菜, 真係唔知點先叫整得好食, 只知道我地食得好慢好慢好慢...

煙燻豉油雞(半隻)--嘩!!! 呢味一流!!! 一放低, 香噴噴, 一食落口, 充斥住煙燻嘅味道, D雞肉又唔肥, 又冇血, 又唔'鞋', 我地二話不說, 食食食食食... 一陣間, 已經食咗大半碟, 真係好好好味呀)))))) 

15 January 2009, Friday

今年龍媽壽宴選址位於渡船街的老趙總店, 位置極之偏遠(以佐敦地鐵站出閘計)... 行得咁辛苦去, 內心充滿期望...

渡船街有點麥兜舊區Feel... 店內無裝修可言, 我地被安排坐梳化位, 但只有靠牆的一邊, 我早到2分鐘的, 都只剩紅色Cushion圓櫈, 真係坐到Pat Pat痛...

我地初時想散叫, 但職員極力推銷我地叫2個4人餐(每個$598), 但有D食物實在唔吸引, 最後竟然樣樣都可以改, 勁... 我地另外仲叫咗15杯飲品...

串燒(一打豬肉, 一打牛肉)--唔掂!!! 好懷疑佢冇燒過, 一D香味都冇, 感覺似用微波爐叮熟後放係花生醬上面就上碟...

椒鹽軟殼蟹--好腥呀)))))) 浸咗咖哩汁食都好腥呀))))))

炸春卷--幾香脆...

1 December 2009, Tuesday

上月初再度踩場, 今次嘅試食兵團成員有貓兄, 龍媽, KaKaMa... 哈哈... 台山四寶原班人馬是也...

因為冇得Book位嘅關係, 所以我地選擇早D食, 唔使排咁耐隊(要人齊先可以入座)...

今次我地竟然有卡位坐, 實在太正啦!!!

軟殼蟹--好味呀, 仲大大隻, 啖啖肉...

三人餐--有蠔, 蝦, 豬柳, 豬扒... 佢地話蠔好好味, 冇預佢整得咁好味喎... 蝦都OK... 豬柳繼續係我嘅至愛, 軟綿綿... 豬扒係佢地口味, 冇咁淋喎...

咖哩豬扒飯--貓兄話"好食"...

29 December 2009, Tuesday

今年聖誕節嘅壓軸重頭戲, 就係同幾個傻妹食Buffet...

我呢個做大嘅, 同佢地講"去旺角Langham Hotel"食Buffet, 點知自己Book錯尖沙咀Langham Hotel, 老人痴呆症嚴重發作... 好彩佢地發現得早, 過咗2個星期再打去旺角Langham Hotel都仲有位Book啫, 唔係嘅話, 都唔知點算...

門口呢2個薑餅人Rock味十足, 好搞o野...

仲有聖誕火車, WoW...

我地有1個梳化位坐, 都算唔錯... 仲o係正Buffet枱側邊, 拎o野食都快人一步啦...

開放式廚房, 個廚師成日响入面唔知整咩, D火燒到上天花, 可惜捕捉唔到果一剎那...

26 December 2009, Saturday

近年8B人數直線上升, 聖誕Party越攪越迫, 基本上, 如果全體出席的話, 已經冇一間屋可以容納到咁多人...

所以有不少聲音相繼出現, 提議出街食... 可能因為一家幾口出街食, 消費比較高, 所以只係得提議, 冇實行... 今年同貓兄舊事重提, 結果一拍即合, 終於成事, 不過... 得我地兩丁友, 哈哈...

呢間餐廳其實之前想試好耐, 因為可以食足4個半鐘, 啱晒我地呢D講極都唔完嘅人...

今次坐位好正, 卡位好舒適, 仲要係正Buffet枱側邊, 拎食物極之方便... 趁貓兄未到, 玩下自拍先...

因為係Christmas Buffet嘅關係, 所以餐廳準備咗D飾物比客人... 當然我地冇用到啦, 哈哈...

有我至愛嘅蕃茄羊奶芝士, 正!!! 仲有烤四色蔬菜, 健康又美味, 正!!! 柚子蜜柑沙律, 又一Encore之作, 正!!!

10 December 2009, Thursday

是日放假一天!!! 原本想去米芝蓮三星嘅龍景軒試下, 可惜... 竟然Full Booking... 退而求其次, 打去米芝蓮一星嘅夏宮... 都Full... 唉... 家下又唔係派米, 點解會咁多人食架?!!

結果走咗去無雷公咁遠嘅廸士尼酒店嘅晶荷軒!!! 呵呵, 佢吸引我嘅地方唔係食物, 而係佢門口嘅水晶荷花!!! 原本N年前Honey送過一個比我架, 不過比清潔阿蟬"粉碎"咗, 真係Hurt到而家...

入口仲有個荷花池嘅投射影像, 好得意...

裡面嘅裝修都好靚, 而且座位仲好寬敞...

原本呢個餐最小係要Order 4人份o架, 不過問D侍應又話2人份都可以...

巧手燒鵝拼蜜汁叉燒--美心水準...

16 October 2009, Friday

十月都仲有得食霸王餐? 有咩咁出奇!!! 因為王者永遠都鐘意改期N次, 最高峰果次, 好似改咗14次... 幾日前可能會落雨又唔出, 幾日前天氣可能會凍小小又唔出, 有電視劇睇又唔出, 星期六日又唔出, 冇心情又唔出... 如果佢有一次唔改期, 咁就真係唔正常...

今次呢間食府並唔係我揀嘅, 而係王者之前同朋友食過, 話覺得幾好食, 所以帶我去試下... 因為約咗之前係觀塘返工嘅王者係地鐵站等, 而我近日又忙於耕種, 所以我冇上網check點行去... 結果... 佢竟然帶我遊花園!!!

總共行咗2條天橋, 仲要穿過鬼咁多人嘅巴士站ssssss... 我真係覺得行得好辛苦, 對皮鞋又整到對腳好痛, 空氣又污濁, 仲要唔知佢仲要遊幾耐花園... 問多佢2句, 仲話我"吉頭吉世", 真係激死我!!!

入到間餐廳仲谷氣... 全間鋪得幾枱人, 全部都係2個人坐4人枱, 職員偏偏帶我地去最角落頭嘅2人枱, 又暗又迫, 感覺好Dirty!!! 同職員講要換枱, 佢話冇得換, 但係當時有超過40-50張枱係未有人坐嘅!!! 仲要之後個職員經常企咗係隔離枱, 連緊有嘅光線都比佢遮埋, 天狗食日咁... 上多2碟o野都冇晒位, D職員都唔理得你咁多, 連本應可以放低碗筷嘅位都比佢地擺埋食物...

什錦刺身(松)(6款)--三文魚感覺好奇怪, 同平時食開嘅唔一樣... 吞拿魚除咗冰凍之前, 就食唔到有咩味... 唔知咩貝類海產, 食咗一啖都唔敢再食... 白色嘅唔知咩魚, 口感極劣... 魷魚切絲, 幾爽脆... 甜蝦都唔知點比Comment...

炸軟殼蟹卷(4件)--我鐘意食元氣嘅軟殼蟹手卷多D...
燒銀雪魚(2件)--嘩!!! 大開眼界!!! 片魚竟然可以切到咁薄, 煎完之後, 2面脆, 中間冇晒肉...

6 October 2009, Tuesday

轉眼又到十月之星叙餐!!! 龍爸問龍媽"又食???"... 哈哈哈... 唔止佢有咁嘅疑問, 其他成員同我都有同感...

跟住地圖行到o黎, 先發現係"九州市場"以前的位置... 十年前我地都係坐房, 仲係呢度宣佈人生大事... 估唔到全部人都記得...

席間無敵話我冇交功課(9月之星日式放題 銀座藏人), 其實係佢冇上堂至真呀, 人地一早趕起咗份稿啦...

何超Book咗房, 一閂埋度門, 出面真係咩都聽唔到, 私穩度極高... 房內仲有空氣清新機, 抵讚!!!

每人一碟牛肉汁, 蔥花, 伴肉吃感覺冇咁油膩... 麥茶仲可以要凍嘅, 服務一流...

前菜碟碟都唔錯, 右下角果碟仲從未食過, 估計係牛蒡... 我地9個人比咗18碟, 份量都算足...

5 October 2009, Monday

剛食完冇耐嘅金不換又食?!! 皆因見佢幾好味, 環境舒適價錢又唔貴, 就同力仔o黎呢度慶生啦!!! 仲可以邊食邊睇"幻彩FING啷啷", 哈哈...

西柚沙律--今次嘅西柚肉好似乾咗小小...

燒鱔--上次走漏眼, 原來超好食, 肥大肉厚, 味道又好...

咖哩羊--呢個甜甜地嘅咖哩配蒜蓉包一流, 可惜羊肉得好小好小, 仲肥糕多多, 早知叫第2樣肉...

南瓜布甸(凍)--口感唔似布甸, 味道似椰汁糕, 有D失望...
芒果糯米飯(凍)--一人份已經有齊紫米同糯米, Good!!!

3 October 2009, Saturday

上星期六要做節, 所以都冇咩節目可言, 唯一嘅節目係返到屋企樓下影下月光...

4 October 2009, Sunday

第二日約咗Honey嘅朋友遊船河追月!!! 5點係銅鑼灣避風塘碼頭上船, 太陽落山, 清風送爽, 好舒服呀...

哈哈... 一上船第一時間"曬冷"!!!

途經早2年鬧得熱烘烘嘅西環泳棚... 坦白講, 我覺得好危險, 水流咁急, 又多船駛過!!!

23 September 2009, Wednesday

今晚標咗8B月餅會... 呵呵呵呵... 多謝大家!!!

一坐低見到筷子套係百人一朱的, 即時回憶起N年前好鐘意同Honey去新開嘅Hollywood Plaza間百人一朱撐枱腳, 不過已經係好多年前嘅事...

我到達時, 貓兄同DD已經鑽研緊餐牌(寫Number落單), 由於係放題, 所以我地3個先Order 1 Round...

經典位 #1
我地9個人, 佢竟然比張8人枱, 背住牆嘅一邊放5張椅, 椅貼椅, 完全冇隙縫, 都長過張枱半個身位, 試問叫人點坐???

經典位 #2
我地3個坐係最左手邊, D侍應將所有菜上係最右手邊, 試問叫人點夾o黎食??? 就算, 我比D侍應諗住唔想係貓兄同DD中間上菜, 佢都可以係DD身邊上菜吖!!! DD身邊當時都未有人坐!!!
最後要勞動到貓兄逐次叫D侍應將D菜拎過o黎我地呢邊擺... 我懷疑... 因而種下禍根...

~~~ Round 1 ~~~

刺身沙律唔錯, D沙律菜都幾新鮮... 壽司唔係話特別好食, 所以冇Re-Order, 以免浪費個胃嘅空間...

21 September 2009, Monday

較早前收到DD通知, L’Eclipse推出「生日之星」優惠, 顧客於生日月份內與親友到L’Eclipse用膳, 每一天都可享免費大餐!!! 咁抵??? 我地一眾9月之星緊係要拿拿聲Book位啦!!!

誰不知... 先遣部隊DD食完之後, 叫我地都係轉第二間啦... 嘩... 唔係咁大鑊呀嘛??? 係唔想煩(再搵第二間)同埋驚DD嘴刁嘅情況驅使下, 我都係決定要同Honey去了解下...

一坐低諗都唔使諗, 就隊龍蝦先!!! 澳洲龍蝦、龍蝦蚶、迷你龍蝦仔、波士頓龍蝦... 嗯... 最好食都係波士頓龍蝦, 配紅酒汁好夾(全晚最好, 食多幾隻就值回票價)... 再o黎多一Round先!!! 青口肉好細粒, 食之無癮, 棄之有理!!!

每名顧客可從原隻鮑魚、燕窩薑汁蛋白布甸、煎和牛及比目魚四款主菜中選兩款美食... 網民大比數話燕窩薑汁蛋白布甸最好, 但係食落冇咩特別啫, 至於鮑魚, 真係又細又冇味... 和牛就好軟腍, 味道都唔錯, 但係好細舊囉...

刺身得4款, 三文魚好多筋, No Good!!! 壽司賣相麻麻, 唔想浪費個胃嘅空間... 沙律都OK新鮮...

16 September 2009, Wednesday

又到一年一度標月餅會嘅時候... 第一餐... 全新女子組合... 成員主要來至「四塵俠」Mix「台山四寶」... 嗯... 重未命名, 哈哈哈哈!!!

原先係約咗14號食, 果朝1號風球, 鑽媽已經打電話問我"需唔需要"改期... 嗯... 我想講話, 佢搵錯人囉, 我呢D神瘋敢死隊, 八號照出都冇有怕, 哈哈哈哈!!!

返到公司又到龍媽MSN我, 佢就醒得好多啦, 佢斬釘截鐵咁話, 佢想改期!!! 咁咪改囉, 哈哈哈哈!!!

「巨爵」不負佢地嘅厚望, 真係打得成... 香港天文台係2009年09月14日17時55分發出八號東北烈風或暴風信號, 不仼我地改咗期...

當日鑽媽一坐低就不停叫肚餓, 叫個沙律比佢頂住先...

西柚牛油果沙律--西柚肉肥肥短短, 好可愛...  牛油果同燻豬肉(bacon)好似唔多Match...

仲以為佢食完個沙律會叫飽, 估唔到佢一陣又叫餓, 廋人嘅身體儲備果然真係小過人...