Ken & Merry 為食男女，遊走世界!!!

22 June 2011, Wednesday

3號風球「海馬」殺到, 返工時大風到的士門"啪"一聲開到90度, 想開遮??? 開小小已經好似就吹斷咁, 唯有冒雨跑返公司...

放工時依然橫風橫雨, 索性坐的士返屋企先搵食... 阿的士司機話"吓? 係呢度轉出去就係啦喎!", 我答"係呀!", 坐定定唔郁等開車咁款... 咁大風大雨, 唔好話轉出去, 過對面馬路都濕晒啦, 吓話...

返到吉豬島, 時間實在太早, 好飽, 食唔落... 唸o黎唸去, 決定去好耐冇食嘅「夢見屋」...

佢嘅Set Dinner有餐湯同沙律, 之但係根據以往嘅經驗, 餐湯好似胡仔咁, 沙律又唔多掂, 所以我地決定散叫再加甜品...

咖哩奄列蛋飯--咖哩似平時係超市買的即食中辛咖哩, 味道尚可...
執相時好想KEY對閃閃眼睛落D白飯度, 再KEY埋個髮簪就即時變身日式古裝小美人啦, 嘩咔咔咔~ (我的低能之道)

野菜蕃茄飯--只食到酸蕃茄味, D野菜都幾油, 仲唸住叫呢個酸酸地嘅飯可以開胃D, 結果都係冇胃口... 食唔晒果D... KEKE... 塞埋比HONEY食咪得囉...

白玉寒天甜點--甜品一向幾飽都食得落... 「寒天」係用海藻整, 食物纖維非常豐富, 口感QQ的, 配同樣QQ的白玉(湯圓), 加埋紅豆, 簡直天衣無縫!!! 食兩啖甜到漏嘅紅豆, 又飲一啖甘濃嘅抺茶, 好MATCH呀... I LIKE IT!!!

14 June 2011, Tuesday

同力仔嘆完半島High Tea, 就去佐敦幫早兄賀大壽!!!

早兄搵咗間順德菜... 咦... 順德菜... 我好似未食過喎...

餐廳內得3排枱, 小菜館格局... 一坐低就聞到隔離枱D煲仔菜超超超香!!! 忍唔住勁昅... 之後問侍應生隔離枱食咩, 佢就話係薑蔥焗魚... 雖然我唔多食魚, 之但係真係好香, 所以都決定試吓...

我地D煲仔菜一到, 隔離枱啱啱坐低, 聞到好香, 又好似我地咁, 議論紛紛, 哈哈, 好似一枱Sell一枱咁, 循環不息, 感覺好攪笑...

瓦罉煎焗魚咀--好好好香呀!!! 我地第一時間係夾D薑蔥o黎食囉, 之後先食魚... 我食咗面珠登, 滑到夾唔起, 味道都OK喎, 一D都唔腥, 好掂呀!!!

薑蔥桶蠔煲--又係好好好香呀!!! D蠔仲好巨型, 我冒病食咗一隻, 好Juicy呀, 啖啖肉, 又香又惹味, Ichiban呀!!! 重點係, 我唔鐘意食蠔都覺得佢好食!!! 問過專業人士, 煮完都咁大隻咁Juicy, 應該係美國桶蠔!!!

漁村肥仔雞--冇得傾, 情意結嘅關係, 呢味係我地心目中係最好味嘅!!! 因為細時都係咁樣食雞, 好有懷舊Feel... 冬菜, 紅蔥頭, 紅棗, 杞子, 簡簡單單, 味道極之豐富!!! 讚! 讚!! 讚!!!

14 June 2011, Tuesday

多年前已經對半島酒店嘅High Tea好有興趣, 只可惜一直搵唔到腳夾啱時間一齊去, 直至今日, 終於可以同都係未去過嘅力仔一齊去一嚐佢嘅滋味...

金碧輝煌嘅Lobby... 配合Live Band演奏古典音樂, 好浪漫呀!!! 

唔好以為咁貴嘅下午茶, 仲要係閒日, 可以唔使排隊直入... 如果你咁諗就大錯特錯啦!!! 我地3點半去到, 都排咗半個鐘先有位坐...
(明明打電話去問都話冇得Book位, 都唔明點解有網民話自己Book咗位)

仲有千祈咪著拖鞋去呀, 佢真係有職員巡邏o架!!! 一見到有排緊隊嘅客著住拖鞋, 就會用英文問個客有冇Another Shoes... 冇就緊係冇得入啦~

主角出場啦... 半島下午茶(兩位) The Peninsula's Classic Afternoon Tea For two persons!!!

13 June 2011, Monday

今晚一眾好友為KaKaMa賀壽, 我大鄉里出城, 第一次o黎到The ONE, 仲要睇地圖先識行, 玩下手D遊客仲熟路過我, 嘩咔咔咔咔...

個商場D冷氣好凍呀, 想凍死人咩... 原來而家UG唔係o係Underground, 而係o係G樓上... 咁奇怪嘅...

餐廳裡面... 呀... 唔係... 應該話Cafe裡面, 3面落地玻璃, 面向九龍公園, 個景都幾開揚... 只可惜D枱櫈, 係方型矮木枱, 梳化都OK好坐, 但係矮咕o臣就麻麻地啦, 同埋張枱太細, 叫多幾樣o野都擺唔到, 根本完全唔適合食晚餐, 只適合飲下o野睇下書Hea時間果亭... 仲有D梳化同後面枱背貼背, 好迫夾, 完全冇High Class格局, 衰過Starbucks同Pacific Coffee...

Insalata Di Capesante Isolane 煎帶子伴小馬鈴薯配紅酒醋汁沙律--個名勁長... 煎帶子都幾新鮮, 入口有彈性, 其他我冇食, 要由好友們留言補充...

Timpano Alla Linguine 香辣雞肉扁意粉--好友們話好辣, 叫我唔好食, 因為我腸胃唔多妥... 好啦, 聽你地話啦, 唔該幫我留言補充...

Crespelle Alla Romana 白汁菠菜芝士煎餅--好多菠菜係入面, 用千層麵夾住, 白汁都好Rich, OK喎...

Salamino Piccante 意式香辣腸蕃茄汁薄餅--腸冇辣味, 薄餅冇茄汁味, 唯一可讚係, 佢係我鐘意果款真係薄嘅薄餅...

12 June 2011, Sunday

開業超過6年嘅「哈魯邦韓國料理 Harubang Korean Restaurant」, 今年初裝修後改咗名... 「名家韓國餐廳 Myung Ga Korean Restaurant」!!!

舊年去完東歐咳到半死爬去食KaKaMa生日宴, 正正就係「名家」(iSquare), 又會咁橋嘅, 居然開到o黎太古城!!!

餐廳只係裝修咗外牆, 餐廳內並冇大變動... D韓國侍應大部分都冇變, 都係熟口熟面, 唯一變嘅係, 佢地由唔識講中文變到而家好流利...

就算得2個人, 都有前菜6小碟!!!

黑豆--好香好甜, 好濃郁嘅豆味, 正到痺!!! 黑豆營養豐富, 高蛋白、維生素同多種礦物質, 食多D都冇有怕!!!
黃芽白--居然用麵豉醬醃, 好好味呀, 我一向唔鐘意食黃芽白, 今日大開眼界!!!
鵪鶉蛋--鹵水好入味, 正!!!

改咗名之後, 以前只有Weekday先供應嘅牛肋骨Set Lunch, 而家連星期日都供應, 太太太好啦!!!

紅炆牛肋骨--必吃Set Lunch之一!!! 牛肋骨炆得好軟綿綿, 入口即溶, 而且啖啖肉, 好足料, 超值!!! 紅蘿蔔同白蘿蔔炆到淋晒入晒味, 超甜!!! 呢個餐配珍珠白飯, 超讚!!!

5 June 2011, Saturday

我同Honey一向係去開逸樺園果便間「屋台屋」, 太古城呢邊呢間「狸屋台屋」咁耐只係食過一次, 今日好早就起咗身, 所以行遠D去太古城呢間總店...

總店「狸屋台屋」有一半係日本式卡位, 播放著日文歌, 陽光透過落地玻璃滲入餐廳內, 洋溢著傳統日式餐廳恬靜閒適的感覺, 正!!! 

相比之下, 分店「屋台屋」裝修後播放著香港電影節目... 服務員高聲喧嘩討論是非... 食物味道亦大不如前... 置身其中, 感覺與快餐店無異... 價錢加完一次又一次, 已經與總店「狸屋台屋」睇齊... 睇怕第時都係要行遠少少o黎總店「狸屋台屋」食...

同分店一樣, 總店供應自選午餐, 選擇好多, 可以隨個人喜好自由配搭...

俗語有云, 早起的鳥兒有蟲吃!!! o黎到「狸屋台屋」, 早到的客人有蛋吃!!! 日式燉蛋限量免費送出, 先到先得~

因為腸胃罷工關係, 所以我今日唔可以食至愛嘅「超人氣什錦天婦羅+油揚手打湯烏冬」, 唯有Order日式煎餃子+油揚手打湯烏冬, 叫Honey幫手食埋D餃子...

日式煎餃子--餃子煎得幾好, 又唔穿又冇油, 入面仲好Juicy, 好味!!!

油揚手打湯烏冬--油揚近年轉咗Supply, 已經冇以前咁甜咁好口感, 烏冬依然煙韌, 烏冬迷必吃!!!

3 June 2011, Friday

5月尾公司勁多野做, 完成晒手頭上嘅Tasks之後, 約埋同事一齊去agnès b. café l.p.g食「虛榮」免費午餐!!! 動用公司Green Fund  (回收癈物基金), 呵呵~

提早咗10分鐘出門口, 去到都冇晒梳化位, 只係得番門口張枱, 唔想坐都要坐啦...

午餐選擇好少, 得6款, 仲要有2款係三文魚1款係菇, 即係得番3款可以揀...

揀好就要自己行出去收銀度買野食, 買完就返埋位等食...

同事A配咗餐湯--薯仔湯(仲有雜菜湯揀), 味道都OK... 係估唔到有舊麵包仔跟, 同事A話個麵包仔都幾食喎~

同事A嘅茄汁牛肉意粉(Linguini with minced beed in tomato sauce)... 佢話冇咩特別咋喎, 不過唔難食, 好食過Delifxxxxx小小...

我嘅茄汁海鮮意粉(Linguini with assorted seafood in tomato sauce)... 味道真係冇咩特別咋喎, 學同事A話齋, 好過Delifxxxxx小小囉... D意粉都幾厚身, 咬落有QQ感... 我配咗餐茶Iced Cappucinno, 完全冇奶味, 純粹Regular Coffee味咁, 仲要我加7蚊, 激死...

26 May 2011, Thursday

力仔有DG Cafe嘅下午茶「Buy 1 Get 1 Free」Coupon, 所以我地專程走去Heritage 1881食High Tea... 順道練習吓點樣用部單鏡機...

坐低之後先發現... 點解... 個餐牌嘅下午茶餐... 竟然得一千零一個??? 仲要係「Deluxe Afternoon Tea Set」For Two??? For Two... 即係2人餐??? 咁點買一送一呀???

最後... 竟然係買一個2人餐, 送一個2人餐!!! 唔係呀嘛... 我地得2個人, 點食2個2人餐呀???

之但係... 如果只係食1個2人餐都係收咁多錢, 我地咪好蝕!!!

最後... 唔想蝕比佢!!! 我同力仔兩個人要合力幹掉果2個2人餐!!! 真係飽到夜晚都唔使食晚飯...

Iced Mocha--嘩!!!!!! 冇咖啡味嘅??? 好似用1份Starbuck Iced Mocha加99份水咁... 最後只飲咗3份1... 唔係我地折墮, 我地已經好盡力, 冇咖啡味嘅咖啡真係好難啃... 好彩仲有第2杯餐茶(4人餐嘛)...

2份「Deluxe Afternoon Tea Set」For Two... 好嚇人嘅陣容!!!

我加1隻廋Monkey, 要幹掉呢壇o野, 坐係隔離左右嘅食客個個睇到眼突突+O晒咀!!!

未知份量時, 侍應叫我地食一客Pack走一客, 我叫佢拎一客出o黎睇吓份量有幾大先... 捧咗一Set出o黎之後, 我地即時話"咁小??? 點會食唔晒呀??? 平時去食Buffet, 未計頭盤熱葷, 剩係甜品都食到3碟啦!!!"... 哈哈哈哈... 好大嘅口氣!!!

(上層)

25 May 2011, Wednesday

晏咗食Lunch, 搞到夜晚冇胃口... 去王家沙飯堂叫D小吃當晚餐...

香芹伴雞絲--好辣呀... 不過又好幾香喎... 夏天冇胃口食辣野最啱...

紅油炒手--又係辣野, 搵命博, 哈哈...

乾扁四季豆--四季豆配埋肉鬆一齊食好好味, 略為鹹咗小小...

高力豆沙--好小豆沙, 同埋唔夠鬆化...

舊同事之前都話王家沙唔好食, 之但係帶咗佢o黎呢間分店, 佢又讚不絕口... 所以... 我估就算係同一集團, 都要睇唔同分店個廚嘅功力... 慶幸太古分店味道仍然OK, 等我同HONEY可以多一間飯堂食飯...

25 May 2011, Wednesday

今日多野做, 過晒Lunch Hour先有得食飯... 走咗去彩雲軒飲特價下午茶...

叉燒焗餐包--個皮甜甜地小小脆, OK喎...

鮑汁鳳爪--淋就好淋架喇, 係個汁唔夠濃味囉...

迷你乾炒牛河--OK喎, 好夠熱喎... 不過好似冇咩牛肉咁...

香滑豆腐花--一D都唔滑...
彩虹鬆化蛋散--淋淋地冇咩蛋味...

23 May 2011, Monday

Lunch食咗麥當勞(又換多1隻麥當勞「可口可樂罐形玻璃杯」), 好滯呀!!! 放工冇咩胃口, 路過剛裝修完嘅華昌粥麵, 入去食碗麵當晚餐...

牛筋腩雲吞瀨粉--美味不再!!! 雲吞好硬, 冇鮮蝦味... 牛筋冇以前咁好味, 但仍然OK... 牛腩好失望, 真正嘅牛腩只得1cm * 1cm * 0.5cm咁大, 而大大舊果舊, 口感完全係煲完湯嘅廋肉...

海南雞飯--同裝修前無明顯分別, 已經去骨, 食得好盡興, 3隻醬(豉油, 甜酸醬, 蔥油)都各領風騷, 好快就會點晒, 雞油飯好香, 例湯比裝修前更味精...

曾幾何時, 一星期食幾餐華昌, 愛死佢嘅鮮蝦雲吞, D蝦又鮮又甜又大隻... 可惜... 一切已成過去... 不復再... (本人未食過華昌雲吞之前, 勁HATE食雲吞)

裝修後, 份量明顯小咗, 價錢明顯貴咗, 座位明顯窄咗... 唯一可取嘅係, 食物多完化咗, 而家多咗小菜同炒粉麵, 不過, 呢個可能會成為令佢食物質數下降嘅致命傷, 因為廚房要處理嘅材料多咗, 就會冇咗之前剩係整幾款粥麵嘅專注力...

是次每人消費約$55元
味道： 3 環境： 3 服務： 2 衛生： 3 抵食： 2
###
地址 : 太古太古城道26號漢宮閣地下
電話 : 2568 6744

22 May 2011, Sunday

是日紅雨, 搵食唔去得遠, 最後決定去番半年前發現嘅新飯堂... 那霸!!!

午餐有接近20款選擇, 緊有一款啱你心水!!!

午餐沙律及前菜--苦瓜蕃茄沙律好新鮮, 一D苦味都冇, 配埋沙律醬好好味... 凍豆腐好有豆味...

涼瓜炒豬肉--每次都要食呢一味!!! 涼瓜完全唔苦, 配埋豬肉同豆腐同蛋醬, 仲覺得甜添呀...

香蔥牛肉卷--天氣太熱, 標晒汗, 所以唔叫必吃嘅牛肉豆腐鍋啦... 今日試下叫香蔥牛肉卷, 都好好味喎, D蔥炒得好香呀, 配埋薄牛肉, 好好味呀... 仲要配菜係沙律, 正...

服務很好, 每次奉上餐飲前都會抺枱, 而且女服務員連我地次次都係飲熱柚子蜜都記得, 利害!!! 環境都好寧靜, 坐得好舒服... 食物亦好足料... 拉姑誠意推介!!!

是次每人消費約$100元
味道： 4 環境： 4 服務： 4 衛生： 4 抵食： 3

21 May 2011, Saturday

平時成日聽Honey講日航酒店間中菜有幾咁好食, 聽咗幾年, 今日終於有我份啦~

今日同奶奶補祝母親節, 叫多D好o野食先...

飄香荷葉飯--味道幾好!!! 不過仍然覺得福臨門係最好味嘅...

香煎蝦籽瑤柱蘿蔔糕--最好味, 好香!!! 個樣成個厚多士咁, 好得意...

桃李晶瑩鮮蝦餃--唔知好唔好食呢...

蟹皇蒸燒賣--大大粒, 好味!!!

18 May 2011, Wednesday

好耐冇去阿詩瑪食雲南o野啦... 曾幾何時, 我同Honey個個禮拜都會去食, 可能食得多食嫌咗, 又或者係唔鐘意佢裝修後嘅食物同服務同環境...

呢幾日天氣好悶熱, 冇咩胃口, Honey提議去阿詩瑪食酸辣米線...

時間尚早, 仲有卡位, 正!!!

前菜青瓜好好味, 花生都好味...

唔想諗, Order咗二人餐...

烤夫拼茄子--好好味呀D茄子, 不過醋落得過多, 太酸, 如果落小D醋就Perfect喇... 烤夫都好味...

15 May 2011, Sunday

今朝一早去排隊報名興趣班, 排足2個鐘以上, 好辛苦呀!!!

原本我諗住好快攪掂, 可以去鍾菜拎定籌等HONEY慢慢係屋企落o黎, 結果攪到佢要去拎籌先... 等10個Number都等咗接近1粒鐘, 中間仲要好多人唔知走咗去邊, 我地先可以咁快入座...

2個人都比咁大張梳化位, 仲要係海濱公園景+海景, 仲要免加一免茶芥, 唔怪得要係外面排咁耐啦...

脆皮叉燒包--好好味呀!!! 個皮似我至愛嘅合桃酥... 入面D叉燒餡就好似小咗D...

高湯XX角--好油淋淋, 食一件已經頂唔順...

11 May 2011, Wednesday

是夜一眾好友為五月之星舉辦壽宴, 壽星揀咗之前五塵俠試完菜後大讚嘅樂農...

雙併--有苦瓜同雪耳黑木耳, 苦瓜都好重苦瓜味, 攪到人人怕怕, 最後落晒我個肚... 呵呵...

咕嚕竹--上次食完之後大讚, 今餐又點小得...

順德炒飯--好香咖哩味, 食完一碗忍唔住再添多一碗...

蒸餃--都唔記得佢地叫咗咩餃, 張單就咁寫蒸餃...

梅菜茄子山水有機豆腐--好滑喎D豆腐, 同茄子都好夾, 好味...

11 May 2011, Wednesday

今晚係五月之星舉辦壽宴嘅大日子, 下午同貓兄玩「忙裡偷閒」, 一齊請半日假去Art Jam吓... 偷閒前仲不忘偷食... 嘩咔咔咔...

搵咗幾間近Art Jam畫廊嘅餐廳, 銀杏館屬首選!!!

我地去到銀杏館都已經2點, 餐廳內空無一人, 行埋門口想推開度門, D銀杏職員揮晒手好似SAY NO咁... 攪咗一輪, 原來係仲有得食嘅, 哈哈, 真係一個好大嘅誤會...

一人o黎一客Set Lunch...

精選餐湯--什菜湯, 好多菇... 貓兄就讚, 我就怕怕... 麵包條係原味, 如果有蒜蓉味或者芝麻味會啱我食多D...

新鮮有機沙律--D材料真係好新鮮, 唔係講笑... 用有機橄欖油同意大利陳醋做Salad Dressings, "合晒河車"...

法國煙鴨胸有機茄茸芝士薄餅--好好味呀~ 勁多鴨胸, 好香, 佢D茄茸同芝士分量好平均, 互相配合, 好MATCH, 唔係一味得大堆茄茸酸死你為止果隻... 份量仲超大, 我食咗5件, 迫貓兄幫我食咗3件, 超飽呀~

香煎紅鯛魚柳伴水煮蔬菜佐無花果陳醋汁--黐咗貓兄一粒貌似魚蛋, 口感似木薯嘅不明物體...

7 May 2011, Saturday

今日唔知點解咁好興致, 2點幾先食完Lunch, 5點幾又話再食Tea... 諗o黎諗去, 都係去Cafe Ferie...

芒果法式多士--好好味呀!!! 仲好味過朱古力法式多士, I LIKE IT!!!

牛仔骨意粉--Honey去親Cafe Ferie例牌都係食呢個牛仔骨意粉, 真係好好味架, 我都好鐘意食...

食飽飽, 好滿足!!! 今晚唔使食飯Lu~

是次每人消費約$70元
味道： 4 環境： 3 服務：3 衛生： 4 抵食： 3
###
地址 : 太古太古城道18號太古城中心地庫Apita

6 May 2011, Friday

Honey發現公司附近新開嘅富嘉閣D午市商務套餐好抵食, 所以今日叫埋我一齊去試下...

個餐有靚湯, 有時蔬, 有白飯, 有水果, 每人可以揀一個主菜(有成36個主菜, 食足1個月都唔會悶), 仲要免茶位...

靚湯--唔錯, 唔錯...

豉抽浸雞--嘩, 好大碟喎!!! 味道唔錯...

豉汁涼瓜炒肉筋--落單時要求炒得淋D, 結果真係夠淋, VERY GOOD!!! 侍應上菜時仲話唔夠淋的話, 可以再叫廚房炒淋D, SERVICE一流!!!

時蔬--一時唔記得有時蔬, 所以叫咗涼瓜... 下次可以試下叫一個肉+一個蒸水蛋...

1 May 2011, Sunday

上個月14號發完燒到而家, 一直都未病好... 復活節都已經冇得去街街... 到五一假期都冇得去街街, 我唔制呀!!! HONEY就提議落鯉景灣食LUNCH, 然後可以慢慢散步返屋企... 嗯... 都好喎...

近幾年去得鯉景灣食LUNCH, 都一定係去「中意仿」!!!

原因係咩? 呵呵... 好簡單... 咪就係比佢呢盤飯後甜品俘虜咗我嘅心囉... 每次o黎食飯, 最難揀嘅唔係主菜, 而係甜品, 真係想成盤都食晒呀))))))

今日有好多新菜式喎... 好, 試下新o野先... (SET LUNCH包湯, 時菜, 主菜, 白飯, 甜品)

紅椒粉蕃茄蛋豬扒(SET LUNCH)--食落... D味好特別... 但係又唔係好食得出係咩... 感覺有D芝士FEEL... 好特別...

雞脾縱馬蹄豆干四季豆(SET LUNCH)--唔好問我咩係"雞脾縱", 我都答你唔到... 呢碟餸炒得好冶味, 估唔到馬蹄同豆干同四季豆可以咁夾, 搞到我想返屋企試下整...

津白粉絲--SET LUNCH贈送嘅時菜... 雖然好似普通野, 不過我好鐘意食... KEKE... 因為自己唔識整嘛... 平時出街又唔會專登ORDER... 而家人大咗, 真係好想食"住家菜"...