半島酒店大堂茶座 The Lobby @ Ken & Merry 為食男女，遊走世界!!!

14 June 2011, Tuesday

多年前已經對半島酒店嘅High Tea好有興趣, 只可惜一直搵唔到腳夾啱時間一齊去, 直至今日, 終於可以同都係未去過嘅力仔一齊去一嚐佢嘅滋味...

金碧輝煌嘅Lobby... 配合Live Band演奏古典音樂, 好浪漫呀!!!

唔好以為咁貴嘅下午茶, 仲要係閒日, 可以唔使排隊直入... 如果你咁諗就大錯特錯啦!!! 我地3點半去到, 都排咗半個鐘先有位坐...
(明明打電話去問都話冇得Book位, 都唔明點解有網民話自己Book咗位)

仲有千祈咪著拖鞋去呀, 佢真係有職員巡邏o架!!! 一見到有排緊隊嘅客著住拖鞋, 就會用英文問個客有冇Another Shoes... 冇就緊係冇得入啦~

主角出場啦... 半島下午茶(兩位) The Peninsula's Classic Afternoon Tea For two persons!!!

(頂層) 精製法式雜餅 Home-made Afternoon Tea Pastries
(中層) 雜錦手指三文治, 鹹脆酥餅 Assorted Finger Sandwiches and Savoury Pastries
(底層) 英式烘提子鬆餅配奶油忌廉及紅草莓果醬 Freshly Baked Raisins Scones, Devonshire clotted cream and Strawberry preserve

左一嘅Chocolate Tart最好味!!! 好有驚喜!!! 香脆嘅朱古力外殼, 包住微酸嘅果醬, 配軟滑無比嘅香濃朱古力慕士, 好正呀!!!
左二嘅Chiffon Cake戚風蛋糕係我平時最憎食嘅, 不過佢都好味過出面果D好多...
中間嘅Rraspberry Tart紅莓撻唔食得, 所以唔知咩味...
左後方嘅White Chocolate Apricot Cake白朱古力杏脯蛋糕滲透出淡淡嘅奶味, 杏脯青香, 配紅茶最Match...

我第一啖就食右下角嘅鹹點, 竟然係... Mushroom Pie?!! 天呀!!! 唔係咁大整蠱呀嘛!!! 好彩我扮晒淑女, 只係咬咗一小啖, 唔係成舊放入口啫!!! 雖然只係一小口, 但係D餡超有菇味, 好菇嘅朋友一定鐘意!!!
右二嘅三文治, 由於腸胃不適, 有生菜, 唔可以食...
左二嘅三文治, 煙三文魚都OK, 冇咩特別...
左一嘅蛋批, 好重蛋味, OK啦, 都係冇驚喜...
右後方嘅Ham Panini個樣唔得, 反而味道係中層之中最好嘅, 個包好軟熟, 火腿好好味!!!