Ken & Merry 為食男女，遊走世界!!!

話咁快又第4日啦... 戲肉終於都o黎啦... DaDaDaDa... Universal Studio!!! (呢一日係唯一一日, 同我原本報個個團相同嘅景點)

原來呢日係日本假期, D人多到嚇死你, 所有遊戲同表演都要排隊超過1-2小時, 攪到我地冇時間食正餐, 只可以靠小吃充飢... 全日玩得1個機動遊戲(大白鯊)同睇咗3個表演(烈火雄心, 水世界, 魔鬼終結者 2：3-D)... 原本想玩埋"回到未來", 可惜唔夠時間, 真係完全唔夠喉, 最慘係連Shopping都冇時間... 嗚嗚嗚嗚...

臨走時, 見到Betty, 想埋佢身同佢影相, 結果不斷比日本人打占... 冇錯... 係"比日本人打占"... 呢度D經理人係企到冇雷公咁遠, 唔會叫人排隊, 就係咁比佢地一個打完占又一個, 結果扯火離場...

夜晚再被導遊老點, 當晚係自費晚餐, 佢介紹我地去自制大阪燒, 點知去到係冇得自己燒, 師傅係廚房已經燒好晒, 好冇癮... 如果唔係唸住自己有得整, 我地會去食蟹宴囉... 唯有臨走前去"蟹道樂"買幾隻外賣燒蟹腳食下啦...

第5日一食完早餐就要去機場, 因為旅遊巴去唔到酒店門口, 我地要淋住雨拖o急去下個街口上車, 都幾狼狽...

咁就返屋企啦... 5日4夜... 實則得3日行程... 唔多理想... 不過有得放假好過冇得放... Think Positive (個5日honey都要不停催眠我)!!!

雖然Yen價創新高(8蚊), 但係我仍然帶咗d彈藥去血拚, 只可惜... 大阪真係可以買得落手嘅o野唔多, 攪到我個細o急係吉o急返, 幾驚過X光機個陣比海關盤問吖...

"改完又改再改"大阪賞紅葉の旅 (Part I)

"改完又改再改"大阪賞紅葉の旅 (Part II)

"改完又改再改"大阪賞紅葉の旅 (Part III)