Ken & Merry 為食男女，遊走世界!!!

14 December 2010, Tuesday

13:45PM 從議事廳前地出發, 尋找"世界遺產"盧家大屋...

搵到啦~ 古色古香的大屋, 保存得好好, 終於可以一賭佢嘅風彩~

14 December 2010, Tuesday

12:25PM 睇完「龍騰」, 選乘新濠天地Shuttle Bus去澳門新麗華酒店, 係正澳門八佰伴對面馬路落, Perfect!!! 不過等車都等咗幾耐... 落車已經13:20PM

穿過殷皇子大馬路, 已經到達瑪嘉烈蛋撻 (Cafe e Nata Margaret's), 超方便!!!

照慣例, 人頭湧湧...

努力搵咗位, 排隊買埋野食, 一睇個樣已經覺得有D唔對路, 一食落口, 冇晒層次感, 只係得一層, 仲要D皮幾韌下, 甜度大降, 蛋香欠奉, 已經唔再係以前嘅瑪嘉烈蛋撻... DD話勁失望, KFC都同佢差不多, 呢次我絕對同意佢嘅講法... 8蚊1個, 唔值!!!

大家可以一齊重溫一下... 「台山四寶」澳門喪食一日遊

是次每人消費約$8元
味道： 3 環境： 1 服務： 1 衛生： 1 抵食： 1
###

14 December 2010, Tuesday

12:00PM 「龍騰 (Dragon's Treasure)」@「新濠天地」天幕

全長十分鐘的《龍騰》表演，運用超過29,000枚劇院式發光二極體(LED)燈，講述了龍珠和它賜給四大龍王神秘力量的故事，這四大龍王分別引領眾觀眾一起體驗奇幻的感官歷程...

14 December 2010, Tuesday

貓兄較早前發現Facebook有著數, 「金光飛航」即日來回香港/澳門$100蚊咋, 好抵喎... 於是一個全新小隊「D D B」極速成立...

原本計劃坐08:00嘅船到澳門, 不過我遲到, 搞到要坐08:30, 各位隊友, Sorry Sorry...

10:20AM 「新濠天地」
大家如果想睇「龍騰」Show嘅話, 記得係澳門臨時碼頭, 選坐「新濠天地」Shuttle Bus, 因為換票卷會係Shuttle Bus上面派... 之後去到「新濠天地」嘅天幕度換入場卷, 最早個場係12:00, 我地要四圍行下等夠鐘...

一落Shuttle Bus, 入到「新濠天地」, 虛擬水族館就會呈現眼前...

美人魚栩栩如生, 好靚呀~

10 December 2010, Friday

上次食完位於電氣街嘅Olala之後, 心郁郁想試下Olala旗下嘅「一碗麵」, 兼且之前太古之友都激讚, 所以就算1碗麵要$150蚊真係好貴, 都決定一試, 死就死啦...

5點幾去到, 熄晒燈, 咩人都冇, 所以以為佢未開, 走咗去合和飲杯Starbuck Green Tea Frappuccino, 順手上網查咗佢個電話, 打去問下幾點開... 對方嘅態度比20蚊一碗麵嘅茶餐廳更惡劣, 未問完仲CUP我線... 原來佢地係長開, 冇落場時間, 只係當時一個客都冇...

呢個「一掃全景」嘅景象, KEEP到我地埋單都係一樣, 全吉!!!

溏心鹵蛋 Preserved Eggs -- MET到D蛋肉爛晒, 好核突... 味道頗鹹, 仲要淋PAT PAT, 糖心啜實晒成排牙, 好唔鐘意, 口感極差... 屋台屋嘅溏心鹵蛋好食好多...

10 December 2010, Friday

今日原本想同Honey去試下連續兩年榮獲米芝蓮三星評級嘅龍景軒(@四季酒店), 可惜, 同舊年一樣, FULL HOUSE!!!

唯有轉戰2009年榮獲米芝蓮二星評級嘅夏宮(@港島香格里拉酒店), 2010年已經跌番落一星...

臨近聖誕, 到處都係聖誕樹...

餐廳內嘅裝修古色古香...

脆皮燒腩仔--Honey Repeat咗幾次"嗯, 有D功力"... 個皮都真係幾脆, D肉又軟又Juicy, 全餐焦點所在!!!

帶子餃--味道都OK, 但未有令我瞳孔放大... 冇驚喜!!!

9 December 2010, Thursday

平時唔多食宵夜嘅我地, 偶爾都會想放縱一下嘅...

因為今日餐Lunch太難食, 路過Teresa Festival時不由自主咁行咗入去, 然後又不由自主咁買咗一包雜錦曲奇, 呵呵... 不過最後係公司太多野做, 冇時間食...

咁都仲未夠喉, 放工又去買支Sparkling Grape Juice, 仲要去買埋福岡士多啤梨... 呢餐宵夜嘅成本足以去西苑食晚飯... 所以話... 宵夜食得多真係會(對荷包)冇益架... WaKaKaKa...

6 December 2010, Monday

之前貓兄係「享樂」團購「ART JAM 2 for 1」嘅同時, 已經一併團購埋「iCook 聖誕甜品班」, 每位HK$128, 個半鐘, 一次過做4款聖誕甜品, 好抵玩咁喎...

出發前又係同Honey去彩雲軒嘆一盅兩件... 之後係觀塘地鐵站同貓兄會合... 教室位於工廠大廈內, 屬小班教學規模... 由玻璃窗(左)到大門口(右)就係得咁大o架啦...

我地報嘅係「聖誕甜品班A」, 包括以下4款聖誕甜品: -
1) 鮮檸檬蜜糖慕絲芭菲
2) 低脂豆腐芝士餅
3) 脆焦糖乳酪布甸
4) 玉桂脆糖酥

懷住興奮嘅心情上堂... 點知... 原來... 係冇得自己落手落腳做o架... 淨係睇阿Sir示範... Oh... 心情直插谷底... 返到屋企話比Honey聽之後, 佢就問"咁同睇Video有咩分別?!!"... 嗯... 有嘅... 睇Video冇得試食囉...

阿Sir首先示範點整「低脂豆腐芝士餅」... 然後係「脆焦糖乳酪布甸」... 繼而係「玉桂脆糖酥」... 最後係「鮮檸檬蜜糖慕絲芭菲」...

4 December 2010, Saturday

WoW... 又升咗啦個市...

原來上星期「TOP BLOG」排名又Update咗, 今次我終於係160萬個YAHOO BLOG入面, 打入「Yahoo! BLOG排行」頭1000名以內啦, Yeah!!!

早幾日同長頸鹿食飯, 佢見我咁積極影相, 竟然問我係咪有錢收... 咁係聽到O晒嘴... 我無奈地答"無錢收架喎, 仲要自己拎錢出黎食野"...

呢個世界上, 有D野唔係用錢黎衡量嘅...

大家要繼續支持我個BLOG呀, 我地一齊努力, 向「TOP OF THE TOP BLOG」邁進!!!

29 November 2010, Monday

上次同Honey嘅朋友--少林食神一齊去桃花源小廚 Tim's Kitchen享受完《2010米芝蓮指南》(Michelin Guide)嘅二星食肆招牌菜之後, 今日少林食神又再有好介紹...

去到又係唔使睇餐牌就落Order, 由於佢係熟客, 所以都幾好Service... 埋單時老闆仲走出黎同佢嗲幾句... 聽聞老闆好有性格, 曾經趕過客, 所以係某開飯網站俾人抺黑, 搞到評分好低...

餐廳內佈置簡約, 只係掛咗幾幅畫... 其中一幅係呢隻肥DoDo嘅豬... 大家一定要認住呢隻豬... 佢係西班牙黑豬(Iberico), 專食橡果... Jamon Iberico de Bellota係火腿中嘅極品...

花園嘅聖誕蘑菇好Kawaii呀~ 全晚只得3枱客, 大家各據一方, 私隱度極高...

Baguette 脆法包--呢個餐前麵包係自家制嘅, 個包暖暖地, 可以伴牛油或者豬肉醬一齊食... 牛油好香, 豬肉醬好似豬肉鬆咁, 好好味, 我食咗2大件...

Jamon Iberico de Bellota 風乾黑腳豬火腿--風乾火腿中嘅極品, 同平時食到嘅意大利白豬火腿Parma Ham唔同, 唔使同生菓一齊食, 就咁放入口, 味道係鹹鹹地, 唔太油, 好軟滑, 仲好有肉味... 鐘意食嘅朋友, 仲可以係OLALA附設嘅專門店買番屋企慢慢嘆...