Ken & Merry 為食男女，遊走世界!!!

3 January 2011, Monday

又囍宴??? 係呀, 因為個套餐太抵食, 所以又去試埋其他配搭...

餐湯--越來越唔似燉湯, 誠意分銳減...

前菜--情人果--泰國青芒果, 酸咪咪, 好開胃...

主菜--口水雞--因為只有4款魚+4款雞選擇, 係唔想加錢, 又唔想食白切雞嘅情況底下, 唯有繼續口水雞... 絕對濃味...

煲仔菜--蛋黃肉--雖然係煲仔菜套餐, 不過都好多味唔係煲仔菜, 味道偏甜, 不妨一試...

白飯要另外ORDER... 不收茶芥... 都算抵食啦... 開張時覺得佢好貴, 又食唔飽, 不過而家週圍都狂加價, 得佢減價, 所以我地個飯堂唔可以唔加埋佢... 

9 November 2010, Tuesday

秋風起, 好乾燥, 要好好滋潤一下...

前排係IPAD睇咗D食譜, 呢一味「雪耳蓮子百合圓肉茶」, 無論材料同做法都係最簡單, 我家個廚房1年都係開得幾次爐, 就為佢開一開啦...

係咪睇見都想食呢...

材料：
雪耳、蓮子、百合、去核紅棗 各1兩
圓肉 半兩
冰糖 2兩

做法：
雪耳洗淨, 以清水浸發。蓮子、百合、圓肉、紅棗洗淨。
將所有材料放入沸水中, 以中慢火煲1小時, 即可享用。

12 January 2010, Wednesday

通勝話, 今日「宜會親友」???

而家大嶼山得2度, 東區8度, 屯門7度, 仲落緊D雨添...

唔通... D古人專揀又濕又凍嘅日子「會親友」??? 大家圍住個炭爐打下邊爐同打下麻雀咁...

朝早比零晨更凍, 新界得番4度... 搞到我嘅「米芝蓮」一日遊都要告吹, 全日躲係梳化度開暖爐取暖!!! 添好運、新同樂... 你地要等我呀... 我一定會o黎o架...

13 January 2010, Thursday

近日努力KEEP住每日一BLOG, HONEY日日都留意住個排行榜, 尋日終於又有UPDATE... 最新「TOP BLOG」排名... DaDaDaDa... 519!!!

下一個目標, 要打入500大, YEAH!!!

我嘅權威性依然冇升過... 等我攪下D腦汁, 諗諗計先得...

大家要繼續支持我個BLOG呀!!! 記住我嘅口號--你今日睇咗未？

「TOP BLOG」更新@12/01/2011 -- 排名519

「TOP BLOG」更新@14/12/2010 -- 排名652

9 January 2010, Sunday

頭先行完「鰂魚涌樹木研習徑導賞遊」, 發現NICI小虎不翼而飛, 嚇到我心都離晒, 跑番轉頭搵, 好彩有「好心人」執起咗, 放咗佢係欄杆上面, OH, 謝天謝地, 竟然冇比人執咗佢番屋企, 太好彩啦...

早2日力仔先講起, 話我"呢期唔玩貓啦? 隻老虎好似大隻好多喎!"...

查實佢地3個都係貓科, 係老表o黎o架, 仲生得一樣咁高, 不過NICI小虎可能食得德國腸&飲得德國啤酒多得滯, 所以有個啤酒肚囉, 嘩咔咔咔~

o黎啦, 3老表手拖手影番張全家福先... 1... 2... 3... Cheers!!!

9 January 2010, Sunday

上星期偷懶冇行山, 今朝見個天咁靚, 藍天白雲, 仲要溫度剛好有14-16度, 唔行山真係對唔住自己...

10:40AM -- 食咗魚柳飽同薯餅仲有熱香餅就出發...

11:00AM -- 原本打算行上大風坳嘅我地,行到「鰂魚涌樹木研習徑」起點, 見到今日有導賞遊, 決定試下新路線...

「樹木研習徑」嘅路比較窄, 同埋係泥路, 行嘅時候要提高警覺...

5 January 2011, Wednesday

又輪到一月之星壽宴啦喂!!!

我地討論緊鹿鳴春有咩好食, 大家都冇咩印象, 咁我呀走去我D舊BLOG (鹿鳴春飯店 Spring Deer)度朗讀出黎, 結果比貓兄話"呢D先係BLOG架嘛, 你而家果D, 咁短, 叫我點比回應"... 哈哈哈... 懶咗呀嘛, 個人又冇記性咗, 產量又多咗, D質數緊係要偷薄D架啦... 

流沙餃(湯餃)--蕃茄薯仔餡, 好特別, 值得一試...

梅菜餃(煎餃)--好好味呀, I Like It!!!

香煎芋蓉餅--嘩!!! 好KAWAII呀!!! 成個日式鯛魚燒咁呀!!!

咕嚕竹--好得呀!!! 酸酸甜甜, D腐竹又整到好實, 咬落去好實在, 讚!!!

11 December 2010, Saturday

Honey有時會去理工大學CANTEEN食飯, 佢話有間南北小廚好抵食, 成日叫我去試下...

餐湯--OK...

松子魚--坦白講, 冇咩肉, 同埋... 唔好味囉... 不過, 以咁嘅價錢可以食魚, 的確係抵到冇人有...

蜜糖豆炒牛柳絲--味道都OK喎, 份量都唔算細...

茄子煲--味道都OK嘅...

味道唔講得上好好味, 但係一人都唔使70蚊, 有餸有湯有飯有菜有糖水, 仲想點呀...

23 December 2010, Thursday

自從上次試過個八折套餐好得之後, 而家成日心郁郁想去囍宴食飯... 今晚繼續幫襯八折套餐, 不過試下唔同餸菜...

腐皮大豆芽--都OK...

話梅花鵰雞--好得!!! 如果酒味更濃會更好...

鹹魚炒芥蘭--味道偏淡... 同埋D菜都幾硬, 如果可以批咗D皮先炒, 更就Very Good喇...

白飯--冇咩特別, 係想影下個幾粒白芝麻啫, 呀哈哈哈~

今次又係玩即興, 冇帶相機, 希望下次會記得帶啦...

2 January 2010, Sunday

呢幾日路過太古城中心, 都見到一班西人表現唱歌, 飲茶時見雜誌有全頁廣告, 話佢地係「無伴奏合唱表演」, 仲要係美國著名學府耶魯大學(Yale University)的20人男子無伴奏合唱團The Society of Orpheus and Bacchus 首次踏足亞洲, 係太古城中心即場表演無伴奏合唱(acappella)...

佢地曾經係美國白宮為前總統克林頓作表演, 毋須任何樂器伴奏, 以純人聲清唱形式唱出多首經典流行曲以至聖誕樂章, 真係好勁呀~

只於2010年12月30日至2011年1月2日表演, 真係有幸可以欣賞到...