Ken & Merry 為食男女，遊走世界!!!

11 October 2011, Tuesday

ahoo搞掂咗個BLOG, 就去近近地嘅Times Square搵食...

附近開咗新斗記, 幾年前同朋友食過佐敦長樂街嘅總店, 美味回憶歷久不衰... 點可以唔同Honey去品嚐吓呢...

5:30PM入座, 一個客都未有, 所有職員仲Briefing緊, 我地坐低飲住杯茶先...

滷水鵝掌翼--好入味呀, 又淋喎, 好正呀!!!

金牌即燒乳豬(1/4隻)--暖暖地, 皮脆肉嫩, 好味呀!!!

11 October 2011, Tuesday

Yahoo! BLOG升級已推行一段日子, 聽到好多BLOG友都有彈冇讚... 而自己一直升唔到級, 我仲以為自己係Yahoo! BLOG排名太低, 所以第一階段唔比我升級...

直至近日收到Yahoo! BLOG升級嘅e貓, 話咩香港Yahoo! BLOG升級過程將於10月12日進入第二階段... 咁我Click咗升級條Link都係冇反應... 後尾發現... 佢話我未夠13歲, 所以唔可以升級!!! 未夠13歲??? 唔係呀嘛???

搞咗好多日, 都係冇頭緒, 最後唯有嘗試係網上聯絡客服... 居然... 真係有人覆o架喎!!! 平時嘅回覆太官方, 攪到我成日覺得係電腦自動回覆, 哈哈哈...

經過一輪e貓往來, 終於... 客服叫我上佢Office比張身份證佢對一對... WoW... 我第一次上Yahoo咋, 幾大都上去參觀吓啦~

上到去, 客服比咗張Form我填, 再對一對身份證, 當晚已經可以升級!!! 真係鬆一口氣!!! 之前好擔心冇晒寫咗幾年嘅BLOG, 已經做好心理準備, 以後都唔再寫BLOG, 心情真係好低落... 多謝Yahoo客服嘅幫忙, 我今日又再可以寫BLOG啦~

不過, 升級後嘅系統比舊系統功能上差好多, 反應又慢, 好多o野都冇得SET, 我想要番舊系統呀!!!

5 October 2011, Wednesday

Honey之前興起想學嘆茶, 我作為佢嘅最大擁躉, 又點可以唔全力支持呀!!!

為咗買呢套茶具, 我花咗好多時間學人「淘寶」o架!!! 剛好趕得切係10月1日假期前送到~ 暫時都仲係得個擺字, 唔知幾時先開光, 哈哈哈~

4 October 2011, Tuesday

之前食過一次Lunch, 得幾枱客, 食物都幾好味, 仲坐得好鬼舒服, 所以今晚拉力早敍餐又再o黎幫襯過...

可惜, 可能因為今日全場爆滿嘅關係, 所以食物味道跌晒Watt不特止, 而且寧靜嘅環境變到嘈爆, 服務更由零級變為零++級!!!

在場9成人都係食套餐, 好似幾抵咁, 不過唔係我地想食嘅o野, 所以決定散叫, 少咗D唔飲嘅湯同小吃同餐飲, 仲平...

加多加多沙律--嘩!!! 用豆腐泡做沙律, 沙嗲醬做沙律汁... 好奇特嘅配搭...
真係唔多啱胃口囉... 印尼最出名嘅炸蝦片竟然又淋又凍又濕, 最後食剩大半... 唉...

馳名炭燒沙嗲併盤(豬+牛)--用爉燭座熱住咁上, 等D沙嗲暖暖地Keep住最好味嘅溫度, 原本好抵讚... 可惜除咗食到燒焦咗嘅炭之外, 在場人士完全食唔出邊支沙嗲係牛邊支沙嗲係豬...

招牌新鮮海南雞(半隻)--朋友勁讚話D雞好滑, 好好味...

2 October 2011, Sunday

連續食咗幾日點心, 今日唔想再食啦!!! 呢間雅敍一堂其實已經開咗幾年, 不過佢新開張時我地食過一次, 當時感覺唔係太好, 所以就再冇食過啦... 今日比多一次機會佢啦...

小店格局, 座位都OK寬敞... (上次我係坐廚房門口)

每日例湯--蘋果雪梨湯... 秋高氣爽, 開始乾燥, 飲呢個湯潤一潤啱晒... 個湯都煲得幾濃, 幾十蚊都有靚湯飲, 我地第時第可以多一個地方開餐啦...

太后雞餐--好香茶燻嘅味道, D雞煮得好入味, 得喎!!!

XO醬涼瓜炆斑腩--涼瓜好淋唔苦, 斑腩一D都唔腥, 個豉汁味道好濃, 加咗XO醬更香... 正!!!

餐飲--羅漢果茶... 嘩... 甜到漏!!! Honey話羅漢果本身係好甜, 佢仲落埋蜜棗同果皮, 清熱潤肺, 秋風起飲真係一流!!!

29 September 2011, Thursday

尋晚原本Book咗UFood送嘅免費Dinner Buffet, 可惜放工時太大風雨, 最終決定放棄唔去上環... 唉... 咁辛苦Submit咗好多食評先拎到o架... 最慘係聽日已經唔用得, 今日仲要8號風球, 想擇日再去都唔得呀... 嗚嗚嗚嗚...

基本上全香港都認定「納沙」唔會掛8號, 係完全冇期望過嘅情況下, 佢竟然一早就掛8號?!! 唔係呀嘛?!! 真係估你唔到喎!!!

坊間眾說紛紜, 有人話係因為天文台換咗台長, 又有人話係因為期指結算... 嘿... 次次一打風就即刻人人都變身天文學家...

望下外面有幾大風先... 嘩!!! 點解有張床單掛係棵樹上面嘅?!! 用相機Zoom過去睇睇, 原來係帆布o黎嘅... 唔知係咪裝修搭棚果D帆布吹甩咗呢...

8號風球嘅指定動作... 飲茶!!! 嘩!!! 乜太古坊咁早就爆咗玻璃啦...

週圍都冇晒位, 得東海仲有位咋... 係屋企樓下拎齊3份免費報紙o黎咪吓, 打發吓時間...

27 September 2011, Tuesday

食完「龍景軒 Lung Keen Hing」, 睇埋「作死不離3兄弟 3 Idiots」, 仲有咩節目??? 咪都係食囉...

懶得四圍走, 所以都係響太古城食... 諗住一係食凍蟹, 再唔係就食龍蝦... 最終凍蟹勝出!!! 所以揀咗去之前食過幾次嘅「潮庭 Chiuchow Garden」...

餐牌話...「咱家潮州鮮凍大花蟹... 時價」... 即係要搵個人問吓啦... 唔該...

侍: 1,200蚊... 「A級」就抵食D囉... (好鹹唔淡嘅廣東話) (最緊要, 冇提幾大隻or幾重)
拉: (心諗) (A級抵食D??? 咁B級同C級又幾錢呀???)
侍: Blah Blah Blah... (高速地講一堆唔知咩話)
拉: (忟忟地) 我完全聽唔明你講咩!!!!!!

最後... 問咗好多次, 聽到眉頭都皺晒, 先聯想到所謂嘅「A級就抵食D囉」, 其實係「AE卡就抵食D囉」因為有50% Discount!!! 之前o黎食過, 所以知道AE白金卡好似係有Discount...

明明600蚊1隻凍蟹, 居然標到1200蚊咁買, 你覺得我會唔會食吖??? 當然係唔會啦!!! 響美X酒樓集團用1200蚊食1隻唔知幾重, 唔知好唔好食嘅凍蟹??? 我驚我講出o黎都比人笑啦!!! 決定唔食!!!

好百年鹵水鵝片--鵝片有腥味, 可能係雪味, 我唔係好識分...

甘苦涼瓜排骨煲--今晚鹹咗少少... D苦瓜就OK冇苦味... 太飽食唔落D排骨... D湯照舊飲晒...

27 September 2011, Tuesday

係「龍景軒」急急腳鬆人, 全速趕去IFC Palace!!!

睇咗商場地圖, 搵o黎搵去都搵唔到... 皆因... 你估唔估到要係呢度入面買飛吖?!!

套戲真係好感人, 好有共鳴, 又爆笑又落淚, 深入帶出教育嘅嚴重問題同埋人生哲理, 加上情節輕快, 轉眼已經3粒鐘, 我地坐係張櫈郁都冇郁過, 咁就播完... 如果要我坐係飛機3粒鐘唔郁, 我會癲囉...

呢套係我近幾年睇過最好睇嘅電影, 冇靚人靚景, 冇特技, 冇大場面, 但係有大智慧!!! 係一套不平凡嘅電影!!!

拉姑強烈推介!!! 特別係為人父母嘅你, 唔睇絕對係你同你仔女嘅重大損失!!!

故事摘要: -

http://hk.movies.yahoo.com/movie_cinema.html?id=mcl_3idiots

這是一個關於作死三兄弟幫，找尋人生和理想價值的故事……Rancho（阿米爾汗 飾）是個初生之犢不畏虎的大學生，與嚴格勢利的校長Virus（波曼伊拉尼 飾）互不咬弦，雙方在校園上演麻甩版《金枝慾孽》，引發連場笑話。其後Rancho分別認識了兩位摯友Farhan（馬德哈萬 飾）、Raju（沙曼喬希 飾），和校長的小女兒Pia（嘉雲娜卡布 飾）。Pia的婚事因遭Rancho破壞而告吹，二人因此結成歡喜冤家，誰不知後來雙雙「愛鬥氣，愛上你」，更讓Pia成為了父親和男友的磨心。

Farhan和Raju各自受家庭壓力影響，終日心事重重。Rancho決心拯救一眾迷途羔羊，喚起各人的勇氣，重掌自己的人生。憑著Rancho的努力不懈，終成功帶領他們找到了生命的價值和意義，朝夢想奔馳。不過此時Rancho卻突然人間蒸發，原來他一直藏著不為人知的秘密……

27 September 2011, Tuesday

「龍景軒」... 自從米芝蓮登陸香江, 至今連續3年榮獲米芝蓮三星評級, 咁堅?!! Honey同我當然唔可以錯過啦...

試過即日打去Book位, 冇位好正常... 又試過幾日前Book, 都係冇位... 又試過一星期前Book, 都仲係冇位... 結果... 索性個半月前Book, 終於Book到位喇!!!

11:55AM去到, 服務員話未夠鐘, 叫我地響門口等陣... 咁我地乖乖地咁係門口等啦... 心諗:「吓?!! 仲差5分鐘咋喎?!! 唔使咁準時吖?!! 入去坐陣都得啩...」

WoW... 係大家都想坐嘅窗口位呀!!! 望到成個維港o架!!! 可惜有颱風o黎緊香港, 成個維港被濃郁嘅煙霞籠罩住, 朦咗少少, 如果好天, 應該會好靚...

餐廳色調以啡色為主, 餐枱與餐枱之間有一定距離, 座椅好舒適, 商務客佔一半...