Ken & Merry 為食男女，遊走世界!!!

29 October 2011, Saturday

DaDaDaDa... 大家快D o黎睇吓我嘅「第2間」1:12微型公仔屋啦喂!!!

「微型公仔屋 の 迷你朱古力店」(Dollhouse Miniature の Chocolates Shop) 隆重登場!!!

D櫃可以不時轉吓位, 等D客人有新鮮感~


比個朱古力CLOSE-UP大家欣賞吓先~


仲有...

25 October 2011, Tuesday

嘔心瀝血咁完成咗「微型公仔屋 の 迷你糖果店鋪 (Dollhouse Miniature の Candies Shop)」之後, 就要密鑼緊鼓咁為朱古力店裝修o架啦...

因為唔識窿路去買微型配件, 同埋就算同學們比咗佢地買開嘅鋪頭資料我, 我都覺得果D鋪頭間間都係買少少, 冇一間係齊晒我想要嘅o野, 而且仲好貴吓... 又聽同學仔講話佢上淘寶訂微型配件, 雖然我唔係幾願意淘寶, 但係都冇得選擇...

DaDaDaDa...

呢D就係我係淘寶買嘅微型配件啦!!! 仲用埋集運, 慳好多運費o架!!! 呢度所有微型配件係購自4個唔同供應商o架, 可以講得上係精挑細選, 最可惜係牆紙地紙供應商暫停營業, 唯有下次再訂過啦...

好, 買齊配件, 我嘅「微型公仔屋 の 迷你朱古力店」可以擇日開張啦~

係工聯會學整Miniature (1:12袖珍藝術手工藝創作)係平, 不過唔包工具同材料... 嘩!!! 唔好以為好少事, 查實好甘吓... 原來整Miniature要買好多工具同材料o架!!! 仲吓吓都要日本貨, 好鬼貴呀!!! 真係買都買到怕...

呢度只係第一期嘅投資, 之後陸續有o黎, 簡直好似踩咗落浮沙咁, 越踩越深, 不能自拔(救)...

廣告都有講, 倒完又倒, 倒完又倒... (暈-ing)

環保材料除咗有舊CD盒之餘, 仲有舊紅酒箱(松木), 同埋舊NOTES嘅TRANSPARENCY...


慳錢之餘, 仲可以減少癈物, 一舉兩得!!!

係HELLO KITTY BACK TO ICE AGE瘋狂迫完影完一輪之後, 又餓又渴又累, 要急急搵地方叉電, 最近莫過於Italian Tomato (原來已經改咗名做Caffe SuperiorE)~


南瓜菠菜忌廉意粉--Honey話好好食喎!!! 南瓜又甜又粉, 忌廉汁味道啱啱好... 配埋菠菜, 健康之選!!!



秋限定の味 嗚門金時甜薯撻--好好味喎!!! 甜薯甘甜清香, 鋪滿整個撻面, 個樣簡直引死人...



Afternoon Tea Set包1杯飲品, 特飲要加10蚊...

熱檸茶--英式早餐茶, 賣飛佛...

今日無敵去開太古坊搞o野, 約我一齊食Lunch... 就去傳聞中華蘭路新開果間日式拉麵店「亮亭」試吓先... (查實果道係太古城道囉, D人亂報料)...


同無敵傾開, 佢話YAHOO個新BLOG收唔到人地POST BLOG嘅EMAIL, 好唔方便... YAHOO個新BLOG又點止得呢個問題吖!!! 我今晚都見幾次"SERVER HANGUP"字句, D相UPLOAD完又成日出SPINNING, 我想SEARCH番D舊BLOG又SEARCH唔到, 個EDITOR個CURSOR又成日彈o黎彈去, 唉... 好煩呀!!! 好後悔當年冇把心一橫搬去BLOGGER!!! 搬咗就唔使受呢D苦果...

之後又講開我今個月只係POST咗4篇食評咁少... 係呀, 冇計啦, 而家D時間放晒落我D公仔屋度, 好鬼忙呀!!! 食少幾餐大餐, 順便當減吓肥囉...

第一次o黎食, 都唔知有咩好食, 所以亂咁ORDER...

亮亭豬扒咖喱飯--估唔到會比無敵點中亮亭嘅招牌菜吖!!! 睇餐牌見要成76蚊, 覺得好貴!!! 原來好大碟o架, 而且D豬扒炸完仲好JUICY又軟熟, 不愧係招牌菜...


元祖東京拉麵--豉油湯底, 糖心蛋, 大大塊叉燒, 大大塊紫菜, 鳴門卷, 大量芝麻同青荵碎, 賣相同餐牌張相一樣呀!!! 湯底味道一般,  糖心蛋還可以, 叉燒OK喎, D麵最唔得囉, 好多都未散開嘅!!! 我用筷子"了"咗好耐, 都唔散開, 最後要逐條逐條"了", 搞咗好耐先搞開晒, 好失望!!! 我呢碗咁嘅麵都要68蚊... 唉...

20 November 2011, Sunday

 

18 November 2011, Friday

椒鹽鮮魷--乾咗少少, 同埋唔夠熱, D炸粉都比軟硬... (最好味始終係奇味小廚)