京城囍膳 Nice King Shing Chinese Cuisine－Ken & Merry 為食男女，遊走世界!!!

2 January 2012, Monday

尋日去「中意仿」路經呢間「京城囍膳」, 門口勁多人等緊... 真係咁好食?!! 咁我地今日又去試吓啦...

第一次o黎食, 唔知有咩好食, 最簡單就係點晒D廚師推介先...

羊城粉麵秘製牛腩--完完全全係冇味o架, 唔明點解D湯咁深色, 但係味道就淡如水囉, 好恐怖呀!!!

麻醬雞絲粉皮--唔好味!!! 麻醬同雞絲少得可憐, 粉皮亦唔滑...

芝麻千層糕--味道OK, 有芝麻味, 唔太甜, 不過唔滑囉...

京式叉燒包--唔好味囉...

京城燒賣皇--一般, 唔難食, 最餐至正常...

我地張枱係正廚房門口+大門口, 一D都坐得唔舒服... 而且感覺好唔衛生...

服務員質數亦有待改善... 感覺似茶居多D...

仲要D食物味道咁麻麻麻麻麻地, 我都唔明之前一日點解咁多人係門口等位... 唯一可以唸到嘅解釋係, 佢地可能等緊2點後嘅特價下午茶...

食完o野去咗電影資料館打個白鴿轉...