Ken & Merry 為食男女，遊走世界!!!

上次唸住去鹿港小鎮食飯, 點知佢close咗! 原址新店係日式燒肉店, 早兩星期開咗業, 今日特登走去試下...

佢有set lunch提供, 我地order咗: -
. 牛肋骨稻庭烏冬 -- 超清淡, 若不是在燒肉店吃的, 我還以為佢係推行健康飲食
. 果味牛肉飯 -- 唔單止冇果味, 實際d黎講, 係乜味都冇

. 連麵豉湯都冇味, amazing!!!

間鋪新到連"開飯喇!"都未有資料, 可以報導第一手資料, 很興奮呀!!!

不過我會比多次機會佢, 因為佢話晒係燒肉店, 應該試下佢d燒肉, 咁先fair! 希望佢唔好令我失望多一次喇!

(繼續閱讀...)

kenmerry 拉姑 發表在 痞客邦 留言(1) 人氣()

尋晚(2007年7月27日)honey有o野做, 我又可以偷走出o黎同d朋友大擦一餐喇, 呵呵呵呵...

難得貓頭同KaKaMa又肯陪我食飯, 感謝... (如果冇飯開, 我就要去做Gym架喇)

星期四晚在網上狂"抄", 終於揾到呢間新店, 幾多好評... 唔... 時間無多, 就呢間喇!

劍魚壽司, 魚盧魚壽司: 冇食, 唔知
玻璃蝦壽司: order 2件, 張單就入咗4件, 算, 照食
北寄貝壽司, 蟹棒壽司, 炙三文魚壽司: ok
炸魷魚餅: 不過不失
 魚曼魚牛油果卷: 唔錯, 值得一試
蔥拖羅蓉手卷: 冇食, 唔知

(繼續閱讀...)

kenmerry 拉姑 發表在 痞客邦 留言(3) 人氣()

早兩日(2007年7月12日)收工準備去買餸煲湯, 點知臨出門口KaKaMa msn我, 話花師奶急call食飯, 見佢好日唔出市區, 是但喇! 由於時間勁急(貓頭已準備上車返歸), 冇可能慢慢揀, 花師奶提議去番Q Club, 因為上次印象唔錯, 所以大家都冇異議...

今次我地order左:
. 仙人掌沙律 -- 冇乜特別 (KaKaMa食剩晒d仙人掌, 話好酸喎)

. 墨西哥小食拼盤 -- 感覺幾新鮮 (KaKaMa食剩晒d豆蓉)
. 炸軟殼蟹 -- 幾油下

. 西冷 -- 冇乜特別
. 越式羊扒 -- 冇乜特別

. 朱古力拖肥蛋糕 -- 冇唸過咁多拖肥, 我由細到大最怕食拖肥
. 甜品拼盤 -- OK

(繼續閱讀...)

kenmerry 拉姑 發表在 痞客邦 留言(3) 人氣()

十年前的今日, 我牽着honey的手坐飛機返香港, 降落時仲遇上黑雨, 要在上空盤旋半小時, 然後... 我們一起走過這10年的路...

十年後的今日(2007年7月1日), 係一個好值得慶祝嘅日子! 所以我地今朝一早起身, 搭車去赤柱開餐慶祝下! 今日真係好早, 早到11點幾就到咗赤柱喇, 所以而家好眼瞓! 我地未到12點就到咗餐廳, 食到2點幾先走, 賺晒!

間餐廳嘅環境好正, 我地坐轉角卡位勁舒適, 不過坐滿人之後條通道就難行d...

你地睇下上面(左下角), 我食完先發現有架木頭車係我地張枱上面, 好恐怖呀, 會唔會掉落o黎o架?!

Pasta嘅Topping同Sauce係自己執架，執好就交比廚師煮，煮好會由侍應攞去你張枱度... 正呀...

(繼續閱讀...)

kenmerry 拉姑 發表在 痞客邦 留言(4) 人氣()

平時放假出街食晏, 落得街, 冇2點半都2點喇, 食完飯都冇咗半日! 今朝(2007年6月24日)起身見幾好天, 特然想去下赤柱, 即刻"的"起心肝, 12點正就出咗門口!

去到赤柱, 唔知係咪太早, 週圍好似冇乜人咁, 見到呢間餐廳個露台好似幾舒服咁, 價錢中等, 就揀呢間喇!

我地order咗: -
泰式鮮蝦炒金邊粉--幾好味但份量小咗d, 同;
泰式椰汁青咖喱鴨伴荔枝茄子白飯--好辣呀(我覺得, honey話ok);
埋單成為$160

環境真係幾舒服, 靜靜地, 有海景又有海風, 好relax呀! 食物就... 快餐個隻囉, 哈哈, 你明o架喇! 服務就... 都係快餐個隻囉...

食完行咗去美利樓八下, 見倒有間徳國餐廳有Sunday Brunch, 好吸引, 下次要去試下先! 之後行下海邊長廊, 市集, 然後先搭車去銅鑼灣行街, 去到銅鑼灣先兩點, 仲有大把時間剩! 正!

(繼續閱讀...)

kenmerry 拉姑 發表在 痞客邦 留言(4) 人氣()

終於到咗(2007年)6月23日喇! 期待已舊嘅  Ritz-Carlton Tea Buffet, 今期主題係 TROPICAL TEA BUFFET...

今日嘅食力兵團成員有: 何超, 龍媽, 無敵, 貓頭, 我--拉姑! (排名不分先後)

傳聞年尾會拆, 所以貴一貴(加一後位位$250, 包餐茶)都要去試下! 不過... 可能... tropical... 唔係好啱我地口味, 所以大家嘅comment一般!

頭盤同熱盤的的骰骰, 全部都好好味! 回本必食--鵝肝包, 帶子, 魚生, 吞拿魚, ...
甜品就見仁見智! 有d好好食, 有d太特別一時間適應唔到, ...

 

即制pan-cake冇落槳, 搞到d杧果好酸呀...
雪葩好新鮮, 甜咗d...
杯黃色物體, 寫住coconut, 原來係金桔乜乜, 酸到盲眼嘅都會開番, 引致大家笑到碌地...

(繼續閱讀...)

kenmerry 拉姑 發表在 痞客邦 留言(3) 人氣()

之前都介紹過呢間食肆, 不過今次唔同, 今次係去happy hour!!!

其實... 老細兩個星期前, 已經話請大家去happy hour, 但o個日個個都話唔得閒, 一約就約到今日(2007年6月22日)!

今日未夠鐘放工, 老細已經叫我落去搵位(打去book位, 話冇得book, 先到先得)! 但係落到去又有留位喎, 奇怪!

好快手咁order咗d小食(happy hour三寳: 水牛鷄翼, 洋蔥圈, 焗薯皮), 幫同事order凍檸水嘅時候, 我見過侍應呆一呆, 好似唔相信自己隻耳仔咁! 到我order凍cappuccino嘅時候, 佢已經適應咗lu!

點解要o黎呢度happy hour? 因為呢度最特別嘅地方係... 食完d花生殼, 係就咁掉落地下嘅, 滿足晒平時唔想守規矩嘅人! 所以亦有人叫呢度做花生吧!

但係... 恐怖嘅事... 係埋緊單時發生... 有隻大曱甴(2吋半長, 逃走時仲識飛o架), 由幅牆爬上我同事身上, 爬過手肘, 手臂, 肩膀, 頸, 然後唔見咗! 我嚇到唔識講o野, 淨係識擘開個口手指指, 其他人開始意識到有d好得人驚嘅o野, 之後先見倒小強, 然後狂奔, 連隔離枱位小姐都跟我地奪命狂奔, 幾搞笑, 但超恐怖! 小強, 最後被侍應送往西方極樂!

(繼續閱讀...)

kenmerry 拉姑 發表在 痞客邦 留言(2) 人氣()

今日(2007年6月11日)真係忙得不可開交, 做咗成朝, 都未完成手頭上的工作, 下午又要連續開兩個會, 好彩趕得切6點開完, 去尖咀同KaKaMa賀牛一!

KaKaMa今次揀咗A Touch of Spice, 多國菜, 網上comment都唔錯!

炸蝦餅: 中規中矩;
沙爹串燒: 鞋咗d, 大大舊;
軟殼蟹沙律: 一般, 似食緊冷麵多過似沙律;
牛柳絲沙律(配糯米): 一般, 熱嘅沙律--有d唔慣;
咖哩羊鞍: 份量太小, 個side dish--蒜蓉包--好好食, d汁點完蒜蓉包, 薄餅, 再點埋糯米, 啱啱點晒;
炒金邊粉: 一般;
蒜蓉包: 唔錯;
薄餅: 一般;
甜品拼盤: 一般;

(繼續閱讀...)

kenmerry 拉姑 發表在 痞客邦 留言(2) 人氣()

早2日(2007年5月15日)又有飯局(慶祝KaKaMa即將重擭新生), 真係有食神!

原本鑽媽揀咗Santa Fe American Brasserie, 不過KaKaMa打電話去book位時, 職員就recommend佢去Q Club, 話多d選擇喎(有美國菜之餘仲有東南亞多國菜, 價錢一樣), 所以KaKaMa就"誤打誤撞"訂左Q Club喇。

嘩! 原來間餐廳好靚o架, 情調一流! 食物真係好多選擇... 情侶們, 萬勿錯過!

我地order咗沙律, 軟殼蟹, 蟹餅, baby rib, lamb rack, chesse cake, tiramisu, 炸香蕉, 4杯special drink... 全部都咁好味, 價錢又唔貴, 等honey生日帶佢o黎呢度食先... (呵呵, 好o野, 唔使唸爆頭)

由7點傾到11點, 都冇比人趕走, good!

尋晚睇"師奶兵團", 葉童個老公請新女食開工飯, 咁啱係呢度取景, 真係"橋"! honey即刻扭計話點解冇佢份, 唉, 前2晚咪話咗帶你去囉, 冇記性嘅!

是次每人消費約$230元
味道： 4; 環境： 5; 服務： 3; 衛生： 3; 抵食： 4

(繼續閱讀...)

kenmerry 拉姑 發表在 痞客邦 留言(2) 人氣()

今日(2007年5月11日)d同事唔知點解咁好興致, 話去轉角間酒吧食lunch, 哈... 咪陪佢地去傻下囉!

我地order咗午餐A(Pork Curry), 午餐B(Grilled Salmon), Turkey Burger w/ Fries, Pizza (BBQ Chicken w/ Mozzarella) !午餐包湯或沙律, 仲有甜品!

餐麭: d牛油好味 (後尾先知原來可以要求"看"熱d麭);
餐沙律: 唔錯, sauce好開胃;
咖哩猪: 少少辣, 好香, 嚟嗰時, 竟然跟白飯? 乜唔係食西餐咩?
三文魚: 唔腥, 幾好味, 薯茸勁滑, 一定唔係開粉;
Turkey Burger: 今次去呢度食嘅目標, 薯條好香軟, 漢堡一般;
Pizza: d味好似义燒酥, 幾好味, 切開一格格, 好得意;
胡蘿蔔蛋糕: 男同事話好好食, 女同事話食唔慣

美國菜--我不嬲嘛嘛地, 不過呢間都ok!

(繼續閱讀...)

kenmerry 拉姑 發表在 痞客邦 留言(2) 人氣()

尋晚(2007年5月8日)原本想去游水, 不過因為一早去咗同客開會, 兩點幾先食lunch, 跟住趕埋d手尾... 已經7點幾, 又倦又餓, 所以決定食d好味嘅晚餐... 唸呢唸去, 最後都係去番其中一個飯堂開餐...

我地其實好懶唸食乜o架, 所以都係叫返平時叫開嗰d: -

. 松子桂魚 -- 超好食, 酸酸甜甜--送飯一流, 最正係d松子多到食極都食唔晒呀嘛;
. 蕃茄莧菜 -- 好健康, 又好食, 其他地方又少見;
. 栗子鮮肉粽 -- 時令食品, 咸咗d

食飽飽, 好倦呀...返屋企沖涼瞓教先...

 

拉姑推介: 如果唔係太飽的話, 一定要試下"棗泥糕", 用竹蒸籠上的, 香香軟軟又唔太甜, 正!

(繼續閱讀...)

kenmerry 拉姑 發表在 痞客邦 留言(4) 人氣()

尋晚(2007年5月7日)要去領取紅色炸彈, 準新娘為我地揀咗新羅寶韓國燒烤, 真係冇得頂！
原因1：之前無X嘅原裝入口介紹過之後, 已經想去試好耐, 不過一直都冇機會試...
原因2：大家第一次一齊食韓國燒烤, 眨下眼已經係十五年前嘅事lu, 好有記念價值...

原因3：我地3個都鍾意食韓國燒烤...

我地揀咗二人餐, 再加2份烤肉, 勁飽...
. 前菜：牛乜乜--幾特別；沙律--一般；
. 主菜：烤牛肋骨--好正；烤羊肉--ok；烤鷄肉--ok；烤大蝦--最正, 爽脆彈牙；牛乜乜湯麵--一般；
. 甜品：乜東東糖水--好正, 好特別, 好清甜, 飲完舒服晒；生菓盤--一般

烤肉--主要都係侍應快手快腳搞掂, 冇得自己慢慢o黎, 冇乜mood！

開開心心又食完一餐, 醉翁之意不在食, 志在與好友歡聚一下, 這一餐真的不錯...

(繼續閱讀...)

kenmerry 拉姑 發表在 痞客邦 留言(3) 人氣()

上次去Coffee Mrill食Tea Buffet時，無敵比咗張買一送一coupon比貓頭，我原本冇打算去(因為早場係5:30pm開始，食到7:15pm，太早，放工飛到去最快都6:15pm喇)，不過星期二(2007年4月17日)下晝咁啱要去睇展覽會，睇完就閃得，所以可以同貓頭夫人一齊去大拆一餐。

食buffet之前仲去咗H&M掃貨，不過空手而回！

Mr. Steak食物真係唔錯：
牛：4種牛之中我最鐘意薄燒和牛，啱我口味；
沙律：新鮮又多選擇；
頭盆：精緻又罕見；
壽司：飯細肉大，可以食多幾件；
刺身：即叫即切；
全部都好正，甜品就一半一半喇。

(繼續閱讀...)

kenmerry 拉姑 發表在 痞客邦 留言(1) 人氣()

呢個復活節假期真係冇時停，行山、食薑醋、拜山、、、日日都忙個不停，真係好需要享用一個休閒下午茶作Ending，咁啱第四晚一班飯局鐵腳又約我食Tea Buffet，我又點會放過呢個機會呢，今次更難得有“無敵”加入，好不熱鬧！大家用了幾個鐘頭在Internet搜尋，最後選了“磨坊咖啡室”，只因大家都未去過，價錢又相宜，亦都好眼瞓(搜尋至深夜)。

復活節假期最後一日(2007年4月9日)，3點正到達港威酒店，鑽鑽已在lobby大覺瞓，鑽爸見我一到便離開(開工--趕往交易)。未到3:15pm餐廳完全唔比人入去坐，要係外面等，一到3:15pm突然齊晒人，奇！

餐廳不太大，buffet枱不是太少，食物選擇又不是太少，但食物質素就真係“麻麻哋”得好緊要！

雪糕：雖然係movenpick，有綠茶同薄荷朱古力，但完全冇toppings，淨雪糕--奇！

甜品：有wasabi蛋糕，但冇興趣試！雖然唔難食，但冇一樣想再食second round，對於一個甜品狂嚟講--奇！

(繼續閱讀...)

kenmerry 拉姑 發表在 痞客邦 留言(2) 人氣()

星期一(2007年3月26日)請咗阿媽、兩個家姐再搭多兩個姪女去飲Afternoon Tea，揾嚟揾去都揾唔到地方，最後揀咗去“九龍香格里拉酒店大堂酒廊”食Tea Buffet。

去到見到Lobby人山人海，仲多人過旺角，唔知係咪有function呢？平時d酒店烏蠅都唔多隻o架嘛，未食已經破壞晒嗰種清閒闊太享用下午茶嘅feel！

坐底之後，大家只見倒一張8呎長左右嘅Buffet枱，上面d食物超零落，總數加起來只有十數碟左右。大家都奇怪地說：『唔係得咁多吖？』，大家姐仲忍唔住繞場一周看看有冇其他Buffet枱，結果係...冇嘅！再問waiter：『係咪得呢度咁多？冇其他？』，waiter竟然點頭答：『係！』，OH NO...... 我連Lunch都冇食呀......

除了豆腐花沒有mood吃及想吃時已沒有了的Tiramasu，全部食物我都有吃了一遍，包括沒上鏡的炸魚手指、煎雞扒、蝦餃燒賣牛肉、白汁蛋麵包、法包上伴了什麼的。你看，我話咁快已經可以列出所有食物喇！呀，仲有一樣，就係姪女問我那個(Buffet開始咗2個鐘)一路都“吉”的熱盤裡的是什麼，我毫不遲疑地答：『冇嘢架，得d熱水o架喳！』，個waiter聽倒之後先至細細聲向住對講機：『快d攞d乜乜上嚟』，呵，原來係鬆餅，你不如等dinner buffet先攞嚟喇！

(繼續閱讀...)

kenmerry 拉姑 發表在 痞客邦 留言(0) 人氣()

星期四(2007年3月1日)鐵三角call開餐，有得食我又點會托手肘呢！原本唸住隨隨便便食一餐，點知KaKaMa搵搵下竟然搵到TST的『印尼餐廳 1968 (Indonesian Restaurant 1968)』，貓頭夫人同我見到都即該話想試呢間好耐，因為佢同我都睇過“印尼皇室午膳”嗰篇報導。

差唔多行到去餐廳門口，已經比人叫停，原來KaKaMa同鑽媽揾唔倒間餐廳，到揾倒時又咁啱見倒我，一齊入到去貓頭夫人已經坐咗係入面。以為齊人喇，點知原來鑽爸都會嚟喎，真人齊喔！鑽媽遲d就會留在家中享福，想成日人齊開飯就比較困難o架喇！

餐廳有兩層，我地人多，所以只可以坐樓下。樓上就特別d，仲有街境，所以爆晒棚；樓下人少，靜靜地，坐得好舒服，啱晒良朋相聚、風花雪月！

餐前一人嚟杯special drink先，我揀咗strawberry sunrise，味道都幾特別喔，不過唔明點解每杯special drink都放咗2枝飲管，仲要1長1短，唔知有乜特別意義嘅呢！
中菜館嘅餐前小吃多數係花生，而IR1968就係炸蝦片，好耐冇食過喇，好好味呀，喳一聲就清晒，好彩侍應哥哥好好人，再refill比我地，thanks！
食物好好味呀，特別係燒盧魚同串燒，粟米餅、印尼抄飯、烤薄餅、羊架--全部都好正，可能因為勁啱我口味喇！

開緊餐嗰陣咁啱honey打電話嚟，honey聽我報導完之後都話『咁我地下次都可以嚟試下喎』，我心唸『緊係可以喇，呵呵呵呵、、、』。

(繼續閱讀...)

kenmerry 拉姑 發表在 痞客邦 留言(0) 人氣()

今朝(2007年2月14日)一返到公司，d同事古古怪怪咁陰陰嘴笑，返埋位發現原來已有束花放在桌上，怪唔得佢地咁嘅表情喇！Honey唔會年年買花，不過佢話今年係10週年，所以一停要買花喎。係我最鐘意嘅白玫瑰加紫色包裝，好靚呀，Thank You！

而我送比honey嘅就係一頓美味嘅情人節晚餐。之前同事C多次強烈推介呢間餐廳，雖然日日放工都會路過，但始終冇衝動入去試試。前日問honey去呢間好唔好，佢好興奮咁答好，昨天打電話去book位，但8-10pm已full，唯有book 6-8pm喇！所以今日放工要"拿拿聲"趕去，坐低先發現留咗部手機係公司，激死！

情人節套餐包括2杯餐前酒、2份Starter、2份Main Course、2份Dessert。

Starter#1--Baked Mushrooms(蘑菇--我唔食得；小麵包--好好味呵！)
Starter#2--Caprese(d菜好新鮮，仲配埋我至愛嘅mozzarella同沙律汁--正！)
Main Course#1--Pollo ad Astra(雞胸pizza好好味，食咗3分1已經食唔落，打包聽晚再嘆過！)
Main Course#2--Cannelloni(菠菜pasta卷配tomato醬--一流！)

(繼續閱讀...)

kenmerry 拉姑 發表在 痞客邦 留言(2) 人氣()

請問大家覺得相中食物似唔似生蠔呀？嘻嘻，其實係茄子呢o架！

上次去天后揾『別的鍋』嘅時候，無意中發現隔離有間『粵全食』，所以今日(2007年2月11日)lunch同honey特登去試下。

我地點咗：-
. 話梅涼瓜
. 蒸茄子夾
. 梅菜肉崧砵仔飯
. 糯香排骨
. XO醬煎蝦米腸

食物很有創意，外表特別，味道又好，質數很高--我地會再去。裝修都唔錯，環境又清淨，服務又認真，不過得嗰3枱人，唔知點解上菜上到好似食西餐咁，食完一味第二味先上。

正想埋單，待應無端端捧上一盆生菓，唔係呀嘛，咁大盆生菓要收幾多錢呀？再睇真d張order紙，右下角原來印咗『餐後(送)健康生菓盤』，呵呵、、、咁又幾正喎！

(繼續閱讀...)

kenmerry 拉姑 發表在 痞客邦 留言(1) 人氣()

今日(2006年12月9日)原本打算下午回家後唔再出街，但回家後收到信用卡禮品換領信，忍唔住打咗去禮品換領中心check吓有冇貨，聽到電話錄音話冇貨，再同接線生check吓幾時有貨，點知接線生話今日返咗貨，叫我隨時可以去換領禮品。

等咗咁耐，緊係“那那聲”搭車去換領中心喇！落到銅鑼灣先5:45pm，換領中心收8:00pm，唸下唸下不如食埋晚飯先去換領中心，唔使抽住隻DVD錄影機去食飯咁麻煩。

咁啱路經銅鑼灣廣場，咪不如去睇吓嗰間成日排晒長龍、冇可能入倒去食嘅嗰間小籠包有冇位囉！去到小籠包門口原來未開門，已有人排隊等候，我地唔執輸排埋一份，6:00pm，開始進場喇！第一次嚟，人生路不熟，見個二人餐幾抵食咁，就二人餐喇！

鮮肉小籠包：好味，拍得住翡翠小籠包
脆鱔：超好味，連唔食魚嘅honey都不停口咁食
炒麵：好味，正合我胃口
桂花拉糕：好味，好正，好清香

其他：不過不失

(繼續閱讀...)

kenmerry 拉姑 發表在 痞客邦 留言(1) 人氣()

今晚(2006年11月30日)一早約好力高同KaKaMa到尖沙咀海港城的Crabtree掃貨，因為今日開始一連四天Christmas Preview -- VIP有七折，人山人海，還有3-4個食蕉進行人流管制，排咗一陣隊先入到去，超誇張的！入到去首先執咗好友們(龍媽、無敵、同事丙等等)的order，然後才慢慢選購自己的心水貨品，今次終於比我買倒Home Fragrance Diffuser喇，等咗成年幾先至再有貨，真係太好喇，昨天及今早的不幸衰運終於遠離我了！心情輕鬆好多！今次主力買之前未買過嘅產品，包括Fragranced Botanicals，Bath & Shower Gel (Rose，Lavender，Nantucket BRIAR)，Body Scrub (La Source)，還有2個Christmas Gift Set！呵呵！攞到番屋企，手指變咗『羅玆威以』咁款！不過力高同KaKaMa都唔弱o架！

喪買1小時後，即閃到La Taverna 吃意大利菜為力高賀牛一，貓頭夫人還未到！手電隨即響起，貓頭夫人問我地去咗邊，我仲賴醒即答：『到咗喇！』。原來佢頭先係Crabtree門口見到我地掃貨，但係因為門口有食蕉，同埋佢要去買d嘢，所以冇叫我地。結果、、、唯有自己一個人行過嚟喇！

齊人點菜，但好多菜名睇唔明，唯有等店員推介。我地Order咗：
1) 蒜蓉包 

2) 凱撒沙律 (Caesar Salad)

3) 軟水牛芝士蕃茄香草沙律 (Buffalo mozzarella, tomato slices, & basil)
4) 燒小羊排 (Lamb Chop)

5) 三文魚義大利雲吞

6) 蜆肉意粉 cream source

7) 拿破崙 ice cream

(繼續閱讀...)

kenmerry 拉姑 發表在 痞客邦 留言(0) 人氣()