Ken & Merry 為食男女，遊走世界!!!

Date : 11 August 2007

Food Menu ~ Quick & Easy Series (Italian Cooking)

拉姑食譜 ~ "我煮到, 你煮到"系列

A very simple dish. Because it has a very few calories it can be eaten even when you are on a diet.
一個很簡單的菜. 因為有極少數的熱量,它可以吃即使當你正在減肥. 

INGREDIENTS 成分 
. Conchiglie Rigate 貝殼粉 175  g
. Napoletana 拿破崙醬 200  g 
. Salt 鹽    to taste
. Pepper 辣椒    to taste

(繼續閱讀...)

kenmerry 拉姑 發表在 痞客邦 留言(2) 人氣()

今日(2007年8月10日)真係個個都跌晒眼鏡!!!

今朝掛緊1號ball時, 大夥兒仲滔滔不絕咁話回魂嘅風球特別勁, 但係肯定天文台6點(等人放晒工)先會掛8號ball...

到 lunch hour 落街買飯盒前仲係掛緊1號ball, 一出門口就掛3號ball, 食完飯盒就話3:30pm前會掛8號ball, 大家仲好老定唸住真係3:30pm先掛, 公司仲叫人2:45pm好走, 點知話口未完, 2:30pm已經掛8號, 真係快到有d措手不及(公司冇收音機, 天文台個網頁又halt晒)! d電話又jam晒, 我聽日個cake lesson都唔知點算, 電話又打極都唔通...

新界區同事9秒9即閃, 九龍同事隨即殿後, 至於我... 當然係最遲走o個個喇, 成3:30pm先鬆人, 因為... 我係行路返屋企架o痳!!!

我地離開前, 仲好好興致咁用手電拍低東隧+東區走廊嘅路面情況, d車基本上完全郁唔到!

 
唸住唔使點揼雨可以行到返屋企, 點知d大廈封住晒d當風嘅落地玻璃門, 搞到要兜路, oh no... 失晒預算, 好彩都係中級風力同雨啫, 小小濕+小小狼狽咁囉!

(繼續閱讀...)

kenmerry 拉姑 發表在 痞客邦 留言(0) 人氣()

早2晚(2007年8月8日)因為係公司做到頭暈眼花, 所以放工唸住食好d, 咁見honey日又就到, 咪心郁郁想去西苑食大哥叉燒囉...

雖然係星期三, 但係去到時都好full, 好彩仲有幾張近門口嘅細枱!

我地order左: -
. 大哥叉燒 -- 必吃, 香甜鬆軟, 3分肥, 7分廋, 不過好多時遲左去就會買晒, 冇得食架喇;
. 例湯 (蘋果雪梨煲豬展) -- 好甜呀, 好好飲呀! honey叫我第時煲比佢飲, 我明明幾年前煲過喇, 佢個時唔肯飲, 仲要我自己一個人飲晒去呀!
. 肉碎抄涼瓜 -- 嘩! d涼瓜苦到吖! 我真係唔識欣賞, 留番比honey自己一個慢慢嘆喇;
. 沙爹粉絲牛肉煲 -- 好治味, 食埋d粉絲好鬼飽, 早知唔使叫白飯

外傳: 隔離枱2位女士, 食緊個每人$698嘅黃油蟹套餐, 到隻十兩重嘅黃油蟹出場時, 見倒佢地好勞氣咁同d侍應理論, 大致上係話隻黃油蟹唔足十兩, 估計侍應講左d"Y"理(估計係生時足十兩, 熟後會變細之類), 個位女士即刻還以超級金句"而家我第一次食咩, 以前未食過咩...", 然後有個侍應攞隻生蟹出黎比個位女士睇, 個位女士都唔就範, 佢見我地影緊相, 佢又用手電影底隻生蟹做證據, 之後經理一手攞住個磅, 一手攞住第二隻生蟹(呢隻我離遠用肉眼睇都肥大好多), 磅比個位女士睇, 終於收貨! 好野, 我要向個位女士敬禮, 因為真係覺得佢好勁, 比着我, 比人呃咗都唔知呀!

(繼續閱讀...)

kenmerry 拉姑 發表在 痞客邦 留言(1) 人氣()

上星期行過Apita, 又受唔住引誘去咗玩具部睇下... 咁啱佢做緊特價, 咁啱仲比我發現咗全套Lego版Keroro呀, 好得意呀, 發達喇!!! 呵呵呵呵...

呢隻snoopy係之前見同事係m記換咗, 自己又受唔住引誘去換番隻, 佢最特別係按頭上隻xx, 個藍球會圍住個肚腩轉轉轉, 勁得意! 不過... 不嬲對snoopy都痳痳地嘅我, 好快就唔想再見到佢係我張辦公桌上, 因為幾"左訂"下, 所以上星期五QQ同佢阿媽黎揾我飲茶嘅時候, 就黎手送左比佢囉!!!

 

###

備份網站: http://ken-merry.blogspot.com/

(繼續閱讀...)

kenmerry 拉姑 發表在 痞客邦 留言(0) 人氣()

上星期六(2007年8月4

日)honey d friend又call我地開餐, 由於我倆已經回家, 所以不想去太遠, 最後叫左佢地去(大家都想去好耐嘅)太古坊嘅Thai Orchids...

初時d侍應安排我地坐係落地玻璃窗側邊, 餐廳最入嘅位置, 加埋佢唔錯嘅裝修, 原本好好feel... 但係個厨房門竟然長開, 而入面個look同茶餐廳厨房冇分別, 嘔...

更差嘅係, 入面一煮野, d超級油煙味狂飆出黎, 未食已經覺得好膩, 嘔...

唔得喇, 我地一定要轉位!!!

我地一行五人order左: -
. 西柚沙律 -- 算係最ok
. 燒穌魚 -- 算係最ok
. 菠蘿炒飯 -- 碟上, 冇菠蘿道具, 冇乜味
. 泰式curry炒大頭蝦 -- 冇乜curry味, 奇

(繼續閱讀...)

kenmerry 拉姑 發表在 痞客邦 留言(2) 人氣()

今晚(2007年8月1日)因為貓頭同KaKaMa要去尖沙咀做d野, 所以call埋我出黎食飯!

貓頭尋晚揀咗pizza express, 我7:30pm去到, 環境都唔錯! 但當佢地黎到之後, 間餐廳開始多人, 好鬼嘈呀, 成間傳統中式茶樓咁呀, 我地唯有鬥大聲, ah.... 而家個喉嚨好痛呀! 扣分!

Order時驚叫得太多o野食, 點知又食得晒, 食力超乎常人!
. Garlic Bread Quattro Formaggi 焗四色芝士麵包 : 期望過大, 冇乜特別
. Nostrana 牛油果鷄肉沙律 : 最好味同最有新鮮感! 但焗麵包球唔比醬我地點, 要問先比一款醬, 扣分!
. Penne al Salmone 煙三文魚長通粉 : ok
. Cannelloni 芝士婆菜麵卷 : 原來上次食過, 自己都唔記得晒

. Porchetta XX薄餅 : 好味, i love pizza...

(繼續閱讀...)

kenmerry 拉姑 發表在 痞客邦 留言(4) 人氣()

上次唸住去鹿港小鎮食飯, 點知佢close咗! 原址新店係日式燒肉店, 早兩星期開咗業, 今日特登走去試下...

佢有set lunch提供, 我地order咗: -
. 牛肋骨稻庭烏冬 -- 超清淡, 若不是在燒肉店吃的, 我還以為佢係推行健康飲食
. 果味牛肉飯 -- 唔單止冇果味, 實際d黎講, 係乜味都冇

. 連麵豉湯都冇味, amazing!!!

間鋪新到連"開飯喇!"都未有資料, 可以報導第一手資料, 很興奮呀!!!

不過我會比多次機會佢, 因為佢話晒係燒肉店, 應該試下佢d燒肉, 咁先fair! 希望佢唔好令我失望多一次喇!

(繼續閱讀...)

kenmerry 拉姑 發表在 痞客邦 留言(1) 人氣()

尋晚(2007年7月27日)honey有o野做, 我又可以偷走出o黎同d朋友大擦一餐喇, 呵呵呵呵...

難得貓頭同KaKaMa又肯陪我食飯, 感謝... (如果冇飯開, 我就要去做Gym架喇)

星期四晚在網上狂"抄", 終於揾到呢間新店, 幾多好評... 唔... 時間無多, 就呢間喇!

劍魚壽司, 魚盧魚壽司: 冇食, 唔知
玻璃蝦壽司: order 2件, 張單就入咗4件, 算, 照食
北寄貝壽司, 蟹棒壽司, 炙三文魚壽司: ok
炸魷魚餅: 不過不失
 魚曼魚牛油果卷: 唔錯, 值得一試
蔥拖羅蓉手卷: 冇食, 唔知

(繼續閱讀...)

kenmerry 拉姑 發表在 痞客邦 留言(3) 人氣()

前晚作感冒, 10:30pm就瞓咗! 尋日(2007年7月22日)9:30am就起身, 睇完"儲金戰士"就整裝待發... 又要出去揾食喇! 同honey討論左一陣, 好, 決定--下一站... 天后!

上次試咗"粵全食", 今次試埋隔離間"留家廚房"!

由於我地太早出門口, 去到"留家廚房"門口都未夠12點, 入面一枱客都冇, 好驚... 後尾睇清楚, 原來午市由12點正到三點, 雖然仲有幾分鐘先到12點, 但係我地照入去坐, 好彩都照招呼我地, 走時已坐滿人!

我地order左二人餐(包餐湯, 白飯, 甜品, 二個小菜), 小菜揀咗: -
. 咸蛋黃肉碎炒涼瓜 : 好味, d咸蛋黃同肉碎抵消咗涼瓜嘅苦味, 涼瓜好淋, 我從來唔食涼瓜都食到唔停得口!
. 五味骨 : 甜甜酸酸, 味道剛好, 好開胃, 好味!
飲埋個糖水(冬瓜紅棗連子), 甜咗d, 完滿結束!

其間侍應仲會經常幫你勘茶, 幾好服務架!

食完步行去北角地鐵站搭車, 乜都消化晒! 大熱天時, 仲成個人溶晒潻!

(繼續閱讀...)

kenmerry 拉姑 發表在 痞客邦 留言(4) 人氣()

早兩日(2007年7月12日)收工準備去買餸煲湯, 點知臨出門口KaKaMa msn我, 話花師奶急call食飯, 見佢好日唔出市區, 是但喇! 由於時間勁急(貓頭已準備上車返歸), 冇可能慢慢揀, 花師奶提議去番Q Club, 因為上次印象唔錯, 所以大家都冇異議...

今次我地order左:
. 仙人掌沙律 -- 冇乜特別 (KaKaMa食剩晒d仙人掌, 話好酸喎)

. 墨西哥小食拼盤 -- 感覺幾新鮮 (KaKaMa食剩晒d豆蓉)
. 炸軟殼蟹 -- 幾油下

. 西冷 -- 冇乜特別
. 越式羊扒 -- 冇乜特別

. 朱古力拖肥蛋糕 -- 冇唸過咁多拖肥, 我由細到大最怕食拖肥
. 甜品拼盤 -- OK

(繼續閱讀...)

kenmerry 拉姑 發表在 痞客邦 留言(3) 人氣()