今晚(2007年4月30日)成班姊妹去鹿鳴春幫無敵賀壽，好熱鬧！不過唔知係咪月尾加第二日係假期嘅關係，攪到冇人準時到！最好笑係龍媽... 打電話叫我地食住先，我反問佢：『我地得2個人喳喎，點食住先呀？』... 等咗半個鐘，先得5個人， 我地已經忍唔住落order，部長死都唔肯上菜先，話會涷晒喎，只肯上什錦冷盤同砂煲雞飽翅，不過到上第一道菜時咁啱齊晒人，哈哈，奸計失逞！
多得貓頭夫人之前打電話去訂定教化雞、窩燒肘子(三斤重)、酒糟鴨肝，等我地今晚有好嘢食，謝謝！
什錦冷盤：刀功精細；
砂煲雞飽翅：冇得彈，好入味，好足料，一流，抵食；
教化雞：造型獨特，味似糯米鷄；(叫無敵當切生日蛋糕咁，用槌仔打碎舊泥，佢死都唔肯，激死！)
蔥爆羊肉：勁好味，正；
扒四蔬：想食時只剩一舊西蘭花；
松鼠魚：好多肉，酸甜度適中，不過好似冇乜松子；
窩燒肘子：三斤重，好乾身下；
酒糟鴨肝：正到痺，香軟味美，極品；
kenmerry 拉姑 發表在 痞客邦 留言(2) 人氣()
今晚(2007年4月28日)honey好友當主持的『志X飯局』又有新目標！(註：不是無X那個節目)
志X夫人之前去過兩次『五樓廚房』，覺得幾好食，環境又唔錯，咁啱佢地有個朋友返咗o黎香港，所以唸住揀間好d嘅，結果一行六人去咗呢度食囉！
佢有6道菜surprise menu，但要到佢上每一道菜時，你先會知自己有乜食，too risky，所以我地冇人揀呢樣！
最後我同honey都揀咗4道菜 menu，我揀咗：
頭盤：鵝肝--外脆內軟，超好味！(伴菠蘿、蘋果，清新味蕾)；
湯：粟米湯--一般；
主菜：龍蝦、海鱸--幾好，配菜唔錯；
甜品：Tiramisu伴mint galeto--幾好，之前未食過mint galeto，好味！
honey揀咗：
頭盤：有機蘑菇沙律--幾好；
kenmerry 拉姑 發表在 痞客邦 留言(1) 人氣()
kenmerry 拉姑 發表在 痞客邦 留言(1) 人氣()
呢個復活節假期真係冇時停，行山、食薑醋、拜山、、、日日都忙個不停，真係好需要享用一個休閒下午茶作Ending，咁啱第四晚一班飯局鐵腳又約我食Tea Buffet，我又點會放過呢個機會呢，今次更難得有“無敵”加入，好不熱鬧！大家用了幾個鐘頭在Internet搜尋，最後選了“磨坊咖啡室”，只因大家都未去過，價錢又相宜，亦都好眼瞓(搜尋至深夜)。
復活節假期最後一日(2007年4月9日)，3點正到達港威酒店，鑽鑽已在lobby大覺瞓，鑽爸見我一到便離開(開工--趕往交易)。未到3:15pm餐廳完全唔比人入去坐，要係外面等，一到3:15pm突然齊晒人，奇！
餐廳不太大，buffet枱不是太少，食物選擇又不是太少，但食物質素就真係“麻麻哋”得好緊要！
雪糕：雖然係movenpick，有綠茶同薄荷朱古力，但完全冇toppings，淨雪糕--奇！甜品：有wasabi蛋糕，但冇興趣試！雖然唔難食，但冇一樣想再食second round，對於一個甜品狂嚟講--奇！
kenmerry 拉姑 發表在 痞客邦 留言(2) 人氣()
星期一(2007年3月26日)請咗阿媽、兩個家姐再搭多兩個姪女去飲Afternoon Tea，揾嚟揾去都揾唔到地方，最後揀咗去“九龍香格里拉酒店大堂酒廊”食Tea Buffet。
去到見到Lobby人山人海，仲多人過旺角，唔知係咪有function呢？平時d酒店烏蠅都唔多隻o架嘛，未食已經破壞晒嗰種清閒闊太享用下午茶嘅feel！
坐底之後，大家只見倒一張8呎長左右嘅Buffet枱，上面d食物超零落，總數加起來只有十數碟左右。大家都奇怪地說：『唔係得咁多吖？』，大家姐仲忍唔住繞場一周看看有冇其他Buffet枱，結果係...冇嘅！再問waiter：『係咪得呢度咁多？冇其他？』，waiter竟然點頭答：『係！』，OH NO...... 我連Lunch都冇食呀......
除了豆腐花沒有mood吃及想吃時已沒有了的Tiramasu，全部食物我都有吃了一遍，包括沒上鏡的炸魚手指、煎雞扒、蝦餃燒賣牛肉、白汁蛋麵包、法包上伴了什麼的。你看，我話咁快已經可以列出所有食物喇！呀，仲有一樣，就係姪女問我那個(Buffet開始咗2個鐘)一路都“吉”的熱盤裡的是什麼，我毫不遲疑地答：『冇嘢架，得d熱水o架喳！』，個waiter聽倒之後先至細細聲向住對講機：『快d攞d乜乜上嚟』，呵，原來係鬆餅，你不如等dinner buffet先攞嚟喇！
kenmerry 拉姑 發表在 痞客邦 留言(0) 人氣()
舊年維園花展last day之前嗰日買咗部新相機，所以last day嗰日即刻去花展試機，不過d花大部份都謝晒。
所以今年唸住早d去，plan咗第四日(星期一)下晏請假去，點知突然有兩個會要開，搞到日日都好忙，結果要等到今日(2007年4月24日)下晏先去倒，d花大部份都好謝吓，去到仲要落咗幾次雨，你話幾黑仔呢！不過去倒已經好過冇得去，而且玩攤位遊戲仲贏咗盆小花--康乃馨，都算唔錯呀！比較可惜嘅係...因為冇太陽，d相好暗，好彩可以用software edit倒喳，不過edit後d相d質數會差d--用嚟放上網同大家分享都尚可接受，但如果曬相就唔多OKo架喇！
今日花師奶全家總動員一齊嚟，好熱鬧，鑽鑽仲成日笑住叫“爸爸姨姨”，好sweet sweet架！有位阿嬸誤會鑽鑽同佢講“ByeBye姨姨”，仲同鑽鑽ByeBye，好搞笑！
原本貓頭夫人同無敵都話嚟，但最終甩拖！貓頭夫人係因為身體狀態不佳嚟唔倒，而無敵就係冇比理由嘅情況下唔嚟！無敵，我會慢慢同你計...
kenmerry 拉姑 發表在 痞客邦 留言(1) 人氣()
既然今次的旅遊主題是『老人觀光團』，指定動作當然是『觀光』喇！
但係、、、當我地想列出仔細的行程時、、、才發覺、、、東京市中心exclude咗郊區的話、、、是沒有太多地方可以觀光的！但係我地唔會咁容易放棄嘅！而家就帶大家看看我們的『觀光點』喇、、、去片！
Day 1 (5 March 2007)
@台場--摩天輪
kenmerry 拉姑 發表在 痞客邦 留言(2) 人氣()
一般人去旅行通常都會增磅的，但係我今朝磅過... 只重了一磅，點解？好，讓大家看看我這幾天裡吃過什麼吧！去片、、、
Day 1 (5 March 2007)
.早餐@航班上
.午餐 (完全冇食過嘢)
.晚餐@台場 (與貓頭夫人共晉)
Day 2 (6 March 2007)
.早餐@築地 (與貓頭夫人共晉)
kenmerry 拉姑 發表在 痞客邦 留言(5) 人氣()
第一次賞櫻，沒想到會這樣成功！由於之前被所有人潑盡冷水，什麼“只有到四月才有的呵、、、”“你休想可以看到、、、”之類，所以期望不高！當看到盛開着的櫻花時，心情真的興奮得不得了，不禁唱起中學音樂班學過的櫻花歌...
sakura sakura... yayoi no sora wa... miwatasu kagiri... kasumika kumoka... nioizo izuru... zaya izaya miniyukan...
* 上野恩賜公園 (Day 2 -- 6 March 2007) * 請在30秒內尋找鳥居 *
* 井の頭恩賜公園 (Day 3 -- 7 March 2007) *
kenmerry 拉姑 發表在 痞客邦 留言(1) 人氣()
戰鬥了5日4夜，終於凱旋而歸？不算吧！只買了很少東西呢，因為今次的旅遊主題是『老人觀光團』，所以shopping的時間不多，沒有使用過信用咭之餘，對換了的日元還用剩了一半，很誇張呢！
kenmerry 拉姑 發表在 痞客邦 留言(2) 人氣()
台灣分區飲食 (35)