Ken & Merry 為食男女，遊走世界!!!

17 September 2011, Saturday

DaDaDaDa... 大家快Do黎睇吓我嘅「第1間」微型公仔屋啦喂!!!

 

「微型公仔屋 の 迷你糖果店」 (Dollhouse Miniature の Candies Shop) 隆重登場!!!

CLOSE-UP個糖果櫃同珍寶珠比大家欣賞吓先...


再CLOSE-UP個波板糖草叢同小蜜蜂FIGURE比大家欣賞吓先... 小蜜蜂FIGURE係外援o黎嘅, 我用發泡膠整咗舊岩石比佢踩吓... 原本想加對WINGS, 不過呢個裝修PROJECT由構思到實踐, 已經用咗我太多時間喇, 所以最後...

收銀櫃CLOSE-UP... D糖夾都係外援, 好貴呀!!! 希望第時自己有能力做啦...


上堂時MISS教嘅夾糖有D都未聽過, 因為已經太耐冇夾過啦, 都唔知去邊度先有得夾... 見D同學成日帶D夾糖返o黎, 我都好想買o黎參考吓呀!!! 上網搵咗一輪, 知道有一間CHAIN STORE叫小蜜糖糖果店, 我跟住網民提供嘅地址去咗淘大 & APM搵, 都係搵唔到... 之後去咗銅鑼灣同元朗, 終於比我買到!!! 雖然已經去到呢個COURSE嘅最後一堂, 買到總好過買唔到心掛掛吖~


夾糖時覺得小蜜糖糖果店嘅裝修好靚, 所以就參考咗佢嘅基本元素o黎做我間公仔屋嘅藍本~

咁大個人第一次學整1:12袖珍粘土食物, 我覺得成績算唔錯, 起碼我覺得自己間微型公仔屋都幾靚啦, 呵呵呵呵~

多得D同學仔好肯交流心得, 我先可以咁成功!!! 所謂嘅交流, 係我不斷吸收佢地提供嘅心得, 因為我係第一次學, 心得嘅數量係... 零!!! 哈哈哈哈~

多謝你地呀, 同學們~