Ken & Merry 為食男女，遊走世界!!!

20 November 2011, Sunday

 

15 October 2011, Saturday

今年9月之星同10月之星壽宴要合併, D媽媽們話好忙喎, 冇時間分2餐食喎... 是但啦, 我呢D閒雲野鶴, 基本上日日都好得閒... 唉, 不過剩係將就4個媽媽嘅時間, 就已經得番星期六晚上呢個Time Slot... 嘩, 好難啫... 結果搞到一約再約!!! 咁搞法, 學DD話齋, 遲早"月星"變"年星"!!!

人地話人多好辦事, 唔知點解明明有3粒星咁多, 我又已經出咗力搞掂咗第一輪時間表, 到最後搵地點呢個重任又推翻落我身上... DD, 你好o野!!! 「公司壞電腦, 幾日都唔會整好, 上唔到網搵餐廳」呢個大話都比你諗到, 不過... 你又有冇諗過... 大家第一個反應都係「DD屋企部電腦都上到網格!!!」... 嘿... 你D朋友平時扮傻, 你唔好當人真係傻嘅先得o架...

一直都好想去平民米芝蓮點心店「添好運」試吓, 但係真係好驚要企係人多擠迫嘅街道上面等粒幾兩粒鐘, 我驚未食到點心已經要CALL白車...

近日得知佢係深水埗嘅分店原來有得預訂VIP房, 最低消費1000蚊, 仲可以預訂私房點心, OK喎... 好似話幾難BOOK... 事不宜遲, 剩翻10日左右, 即刻打去了解吓先... OH... 竟然仲有位!!! 太好啦!!! 不過就要比500蚊DEPOSIT, 冇得BANK-IN, 要親身去到門市付款, 都幾有難度... 好彩得BOO爸幫忙前往, 呢餐壽宴先成事!!! 感謝~

壽宴前幾日仲擔心「榕樹」直搗香港, 好彩最終後勁不繼, 竟然係海中心消失咗, 哈哈, 真係神化~

VIP房係餐廳樓上, 有幾間房, 我地坐最入果間北京廳, 入面有2張枱, 今晚得我地, 可以放聲大笑, 唔使驚嘈親人, FREE到爆!!!

11 October 2011, Tuesday

ahoo搞掂咗個BLOG, 就去近近地嘅Times Square搵食...

附近開咗新斗記, 幾年前同朋友食過佐敦長樂街嘅總店, 美味回憶歷久不衰... 點可以唔同Honey去品嚐吓呢...

5:30PM入座, 一個客都未有, 所有職員仲Briefing緊, 我地坐低飲住杯茶先...

滷水鵝掌翼--好入味呀, 又淋喎, 好正呀!!!

金牌即燒乳豬(1/4隻)--暖暖地, 皮脆肉嫩, 好味呀!!!

4 October 2011, Tuesday

之前食過一次Lunch, 得幾枱客, 食物都幾好味, 仲坐得好鬼舒服, 所以今晚拉力早敍餐又再o黎幫襯過...

可惜, 可能因為今日全場爆滿嘅關係, 所以食物味道跌晒Watt不特止, 而且寧靜嘅環境變到嘈爆, 服務更由零級變為零++級!!!

在場9成人都係食套餐, 好似幾抵咁, 不過唔係我地想食嘅o野, 所以決定散叫, 少咗D唔飲嘅湯同小吃同餐飲, 仲平...

加多加多沙律--嘩!!! 用豆腐泡做沙律, 沙嗲醬做沙律汁... 好奇特嘅配搭...
真係唔多啱胃口囉... 印尼最出名嘅炸蝦片竟然又淋又凍又濕, 最後食剩大半... 唉...

馳名炭燒沙嗲併盤(豬+牛)--用爉燭座熱住咁上, 等D沙嗲暖暖地Keep住最好味嘅溫度, 原本好抵讚... 可惜除咗食到燒焦咗嘅炭之外, 在場人士完全食唔出邊支沙嗲係牛邊支沙嗲係豬...

招牌新鮮海南雞(半隻)--朋友勁讚話D雞好滑, 好好味...

27 September 2011, Tuesday

「龍景軒」... 自從米芝蓮登陸香江, 至今連續3年榮獲米芝蓮三星評級, 咁堅?!! Honey同我當然唔可以錯過啦...

試過即日打去Book位, 冇位好正常... 又試過幾日前Book, 都係冇位... 又試過一星期前Book, 都仲係冇位... 結果... 索性個半月前Book, 終於Book到位喇!!!

11:55AM去到, 服務員話未夠鐘, 叫我地響門口等陣... 咁我地乖乖地咁係門口等啦... 心諗:「吓?!! 仲差5分鐘咋喎?!! 唔使咁準時吖?!! 入去坐陣都得啩...」

WoW... 係大家都想坐嘅窗口位呀!!! 望到成個維港o架!!! 可惜有颱風o黎緊香港, 成個維港被濃郁嘅煙霞籠罩住, 朦咗少少, 如果好天, 應該會好靚...

餐廳色調以啡色為主, 餐枱與餐枱之間有一定距離, 座椅好舒適, 商務客佔一半...

又又又又又又西苑??? 唔厭嘅咩??? 係!!! 真係食極都唔厭o架!!!

今日早咗起身, 冇訂位, 又即興想飲茶, 結果係... 等餐死!!! 仲以為自己早咗出門口, 點知間間酒樓都已經勁多人, 鐘菜果便要等50張枱, 西苑呢邊都要等25張... 等到正想放棄轉去食韓燒之際, 佢又即刻有位... 不過係D位置冇咁好嘅枱, 唉, 有得食就算啦, 唔敢要求咁多...

黃沙豬膶燒賣 -- 必食!!! 食極都咁好味!!! 今日仲好似大粒咗添呀!!!

大哥叉燒--近期喊緊"減肥"口號, 好耐冇o黎西苑食晚餐, 冇見叉燒大哥一排, 真係好想大啖大啖咬落去呀!!! 肉嫩汁甜, 真係唔捨得咁快吞落肚呀!!!

鮑汁荷葉飯(1位)--雖然話1位, 但係都分到4個碗仔... 荷葉飯都幾香, 如果再乾身D咁就Wonderful喇!!!

梅菜肉崧蒸豆腐--嘩!!! 果塊豆腐細到咁嘅?!! 雖然好滑, 而且梅菜肉崧嘅味道啱啱好, 但係成48蚊, 比多2塊豆腐o黎都得啩!!!

今餐茶2個人要接近300蚊?!! 好貴呀!!! 好貴呀!!! 好貴呀!!! 點解近排週圍D食肆都貴咗咁多o架...

30 August 2011, Tuesday

今日過海攪D野, 順便食埋飯... 朋友話想試呢間... 去到門口... 吓??? 米芝蓮??? (返屋企CHECK番, 應該唔係星級亦唔係精選食肆) 見到1968呢個數目字, 就醒起幾年前同食力四人組係尖沙咀食過一次...

12點鬆D仲未有客... 一排長長嘅玻璃窗, 景觀好開揚, 坐係SOFA望住窗外嘅景色, 心情好舒暢, 好RELAX...

我地5個人SHARE 4個悠閒午餐... SET LUNCH包餐湯, 餐前小吃, 主菜, 餐茶...

是日餐湯--嘩!!! 好好飲呀!!! 真材實料!!! 有粟米紅蘿蔔栗子南瓜同埋... 唔記得咗... 一D味精都冇, 好健康呀!!!

餐前小吃--可以揀特色沙律或者印尼春卷... 印尼春卷好多紅蘿蔔, 味道一般, 個皮淋咗D... 特色沙律真係好特色!!! 有豆腐POP同炸蝦片!!! 仲有酸辣沙律醬, 都幾開胃...

印尼特色炒飯--嘩!!! D串燒個醬好好味呀!!! 好香花生味!!! 塊炸蝦片使唔使咁大塊呀?!! 仲有炒蛋, 個飯用葉包成雪糕桶咁, 好KAWAII呀!!! 唔好以為D飯得好少, 原來好大分量o架, 差D食唔晒呀!!!

12 August 2011, Friday

是日... 宜飲食!!!

既然今日係飲飲食食嘅吉日, 我地就緊係要由朝食到晚啦!!! 嘩咔咔咔...

台北嘅「鼎泰豐」總店同尖沙咀嘅「鼎泰豐」我都食過一次, 今日就試下銅鑼灣嘅「鼎泰豐」啦...

好多人都話銅鑼灣「鼎泰豐」要排好耐隊... 我地今日11:30AM到達, 直入, 唔使排隊, 仲大把位揀...

Honey話呢度嘅裝修似接待旅行團嘅飯堂, 又真係幾簡約嘅...

什錦豆乾絲--涼菜頭盤份量唔多, 都幾爽口...

紹興醉雞--D雞都幾夠紹興酒味, 份量都幾足, 不過D肉就淋咗D...

25 July 2011, Monday

兩星期前o黎「恆河咖喱屋」食過一次之後, Honey好似迷上咗咁... 所以今晚又再o黎食過啦...

今次醒目啦, 提早打電話o黎Book定位, 講明要坐2樓...

一坐底, 服務員妹妹知道我地上次試食過「香料燴羊膝」同埋「蕃茄咖哩牛仔腩」之後, 就推介我地今次試吓「蔡瀾咖哩羊肉」同「白咖哩雞」...

胡椒薄脆(配香草辣醬&甜酸醬)--開胃前菜, 依然鐘意香草辣醬多D...

蔡瀾咖哩羊肉--嘩... 好辣呀, 辣過上次香料燴羊膝呀!!! 服務員妹妹話因為用香料炒過, 所以小辣等於其他餸菜嘅中辣級數... 洋蔥同青椒炒得好香甜, 羊肉份量好似少D, 上次個羊膝抵食好多...

白咖哩雞--嘩... 個白咖哩好甜甜甜呀!!! 一D都唔辣, 好多咖哩汁, 沾薄餅食一流!!! D雞肉用香草醃咗先, 入口好香呀... 呢味餸好正呀...

千層牛油薄餅--嘩... 好得呀!!! 每一層都好薄呀, 而且好香好酥, 上枱熱到辣手, 第一時間沾白咖哩好好食呀!!! 上次o黎, 整「千層牛油薄餅」部機器壞咗, 冇得食... 今次部機器整番好啦, 終於可以品嚐到呢個招牌薄餅啦~ 唔該, o黎多一客吖...

11 July 2011, Monday

幾個月前知道筲箕灣出咗一間米芝蓮餐廳, 都想去試吓好耐, 不過有一次星期日下午去到門口, 見到大排長龍, 所以冇機會試...

今日去開西灣河, 就試吓佢間分店啦... 由於佢地中場休息幾粒鐘, 所以打電話o黎Book位冇人聽, 唯有試吓Walk-in, 諗住如果冇位先走去第二度食...

我地6點半去到, 所以冇訂位都有得食, 之不過要坐係門口個魚缸隔離, 全程好唔自在, 好驚D條條都幾呎長嘅魚一擺尾我地就成身水, 又驚D魚缸水彈咗出o黎會污染D食物... 一心諗住快D食完快D走... 呢個諗法竟然會出現係拎到米芝蓮一星嘅餐廳身上??? 唔係吖嘛...

胡椒薄脆(配香草辣醬&甜酸醬)--一坐低就會奉上... 我地落單後, 阿老闆話我地應該落單前食... 我問點解, 佢答話我地食完開咗個胃, 落單時就會ORDER多D野... 嘿... 好爛嘅GAG, 唔識笑... 一咬落去, 好薄好脆, 帶少少燶味, 唔太辣, 配香草辣醬好正...

個個網民都話D食物要等成個鐘, 點解... 唔使10分鐘就o黎晒??? 攪到我失晒預算, 之後要係西灣河魂遊太空幾個圈...

蒜蓉薄餅--嘩!!! 好熱熱熱呀!!! 辣死我隻手啦!!! 好好味呀, 好鬆化呀, 又唔油, 好香好酥呀!!!

2 July 2011, Saturday

之前去尖沙咀福臨門食過晚飯, 覺得環境同服務都好過灣仔福臨門小小, 所以今日趁假期同埋奶奶大人一齊去尖沙咀福臨門嘆吓一盅兩件...

開咗壺普洱, HONEY話D普洱好順喉, 飲慣茶嘅奶奶大人都讚好飲... 之後再開多一壺鐵觀音就冇平時奶奶屋企飲開果D咁好啦, 所以下次都係飲番普洱好D...

一坐低侍應仲即刻拎2個茶几比我地放手袋, 超細心!!!

蜜汁叉燒酥--全餐最好味!!! 表面係一個合桃酥, 實際係美味足料嘅叉燒酥!!! D叉燒一片片o架!!! 唔係一PAT PAT o架!!! 拉姑極力推介!!!

豉汁蒸排骨--奶奶大人一放入口就話好味... D肉好結實彈牙... 豆豉味比較淡...

爽滑牛肉腸--味道比較普通, 牛肉都足料...

蟹籽蒸燒賣--味道OK冇咩特別... 同埋好似細粒過之前去灣仔福臨門食個次好多...

上星期已經同媽打預先慶祝咗母親節, 奶奶果邊又未齊人, 要下星期先可以慶祝... 所以... 我地今日係兩支冷好似平時咁過日子... 之但係... 咁大嘅日子, 同人爭位食飯??? 邊夠人爭呀!!! 好彩... 尋晚路過西苑, 順個便問一問今朝仲有冇得BOOK位... 噢... 竟然仲有, GOOD!!!

今朝晨咁早起身搭車去工聯會報名... 頂... 原來下個星期日先係報名日... "火羅"到爆!!!

晨早行完個大運, 實在仲太早, 搭車返歸睇多陣電視先再落西苑... BOOK咗10:30, 10:45先去到西苑, 門口勁多人等緊位, 我入到去, 個口都未打開, 已經可以有枱直入喇!!! HONEY問"你幾時變咗做VIP???"... 呵呵呵... 我自己都唔知喎!!!

平時12點前埋單"頂大中小"點一律"小"點計, 我地諗住今日母親節喎, 咁大日子, 大把客等住比錢佢賺, 點使做呢個優惠呀!!! 埋單時睇一睇, 嘩, 竟然依然好似平日咁, 12點前埋單"頂大中小"點一律"小"點計, 童叟無欺, 筍呀!!!

XO醬炒年糕--必吃!!! 惹味之選!!!

韮菜餃--好味!!!

杞子黃沙豬膶腸--好味!!!

Easter假期本應喪玩喪食冇黐家, 可惜病足十幾日, 今朝仲要睇多一次醫生, 真係邊樹都唔使去!!! >~<

近近地, 去西苑飲茶消消氣!!! (睇醫生睇到一肚氣)

原來12點前埋單"頂大中小"點一律"小"點計, 所以忽然好多人埋單, 令到我地可以好快有位...

XO醬炒年糕 -- 好辣呀!!! 不過XO醬炒年糕係要咁先好味, 最怕有D茶樓係炒年糕同XO醬分開上...

黃沙豬膶燒賣 -- 必食!!! 好味!!! 一定唔係工場貨色, 因為粒粒嘅形狀都唔同...

韮菜餃 -- 好味!!! 以前唔鐘意食韮菜, 自從有一次係公司附近食過一間水餃店嘅招牌韮菜餃, 從此愛上...

菜心排骨粥 -- 都好味!!!

21 April 2011, Thursday

今晚約咗2個舊同學仔, 佢地果樣依然好似17歲咁, 利害!!! 好耐好耐冇同佢地一齊食飯啦, 好似有成3-4年, 自從佢地嫁咗人之後, 都好難約...

自從日本311事件之後, 都好想見下D老友, 聯繫吓, 全靠呢個方便嘅FACEBOOK, 一約即成, COOL~

由於唔知用咩名BOOK位, 又唔知有冇BOOK位, 入到餐廳見到個格局, 覺得似冇BOOK位, 因為冇4人枱有RESERVED牌, 最後被安排坐卡位!!! 到毛仔o黎到時, 原來佢都有同一疑問, 哈哈... 我地真係好o野, 有疑問都唔會開口問清楚!!! 到IN小姐到來, 就確定佢冇BOOK位... 好彩我地約6點半食咋, 7點已經FULL HOUSE!!!

熱檸蜜 -- 咳到甩肺, 唔敢飲凍o野, 食咗抗生素, 又唔敢飲茶同咖啡, 係毛仔嘅建議下, 飲番杯熱檸蜜... 甜到漏, 實在過甜!!! 好彩食飯時冇咳, 如果唔係, 傳染D老友就唔好啦!!!

瑞士汁炒牛河 -- 招牌菜, 用誤解作SWISS嘅SWEET SWEET汁伴牛河, 牛肉好淋, D河粉初時都幾好味, 食到一半開始凍, 黐埋一堆, 好難夾, 所以食剩3份1...

瑞士雞翼... 招牌菜, 用誤解作SWISS嘅SWEET SWEET汁卥... 食極都有嘅... 原來有8隻咁多... 甜甜地, 好入味, 又大隻, YUMMY!!!

廚師沙律 -- 好多料o架... 都幾好味... 食咗一大半, 佢地先話我冇影相, 我都半信半疑, CHECK番部相機, 又真係喎, 點解佢地仲清楚過我嘅呢, 哈哈...

18 February 2011, Thursday (年十六)

尋晚食咗餐好難食嘅晚餐(鏞記酒家 Yung Kee Restaurant), 今晚要食好D先得啦!!!

西苑... 永遠都係我地心目中嘅米芝蓮食肆!!!

是日靚湯(蘋果豬月展湯)--YUMMY!!! 簡簡單單, 只要有HEART, 咩菜餚都可以好好味...

燒鵝下庄--肉淋, 皮小小脆, 最重要嘅係... 暖暖地!!! 呢D先至係有HEART!!! 查實西苑最出名嘅係大哥叉燒, 幫襯咗十幾年, 今日好似第一次食燒鵝... HONEY專登ORDER黎比較下...

韭菜銀芽炒咸肉--簡簡單單, 平價嘅材料, 落到西苑嘅廚師手上, 一樣可以整得好好味...

是日糖水(免費贈送)--我照舊係大大粒+起晒沙+少甜嘅紅豆沙, HONEY就揀咗馬蹄露, 不得不提, 西苑D馬蹄露唔似出面D馬蹄露咁一PAT槳糊咁o架, 好清甜, 如果有馬蹄露揀, 記得試下呀!!! 紅豆沙都係必吃o架!!!

19 January 2011, Wednesday

4年前無敵響呢度擺壽宴, 4年後重臨舊地, 今次就輪到龍媽擺壽宴... 最好野係, 大家都好似冇咩印象, 好彩我果時已經開始寫BLOG, 大家睇完之後, D記憶就開始返黎... 不枉我一直堅持繼續寫BLOG, 原來除咗自己冇記性, 自己D朋友都好冇記性架, 哈哈哈哈~

上次同今次重複嘅食物有松鼠魚、窩燒肘子、小籠包、高力豆沙香蕉...

賽螃蟹--OK啦...

津白--OK啦...

蔥爆牛肉--OK啦...

窩燒肘子--我覺得OK, 不過DD話好鹹...

20 December 2010, Monday  

之前少林食神帶我地去完桃花源小廚 Tim's Kitchen同Olala搵食之後, 真係食過番尋味... 今次佢再邀請我地一齊去連續三年都係《米芝蓮指南》(Michelin Guide)上榜嘅富豪飯堂「福臨門」進膳...

照舊係由佢係唔使睇餐牌嘅情況下落Order, 由於佢係熟客, 所以都好好Service... 仲開咗壺私家茶--紫茶(95年嘅生普洱)--比我地品嚐, 真係幾好飲, 唔似平時D普洱咁黑蚊蚊...

餐廳內裝修簡潔鮮明, 好過灣仔分店好多, 起碼感覺上都乾淨D...

酸薑皮蛋--D酸薑好好味呀!!! 唔辣又冇根, 要用5-6月份嘅子薑先可以做到咁嘅效果, 聽講剩係供應比佢、鏞記酒家、大班樓... 皮蛋好好味, 冇皮蛋果D怪味, 我平時唔鐘意食皮蛋, 今晚都食到唔停得口...

椒鹽田雞脾--好好好味呀!!! 比平時食到嘅多肉好多, D肉又嫩, D骨仲好細, 上枱熱辣辣, 好正呀!!!

老火湯--D材料好似有成10種, 好夠味, 最利害係, 煲完D豬肉依然好味, 仲要成碗湯1滴油都冇, Very Good呀!!!

羊腩煲+唐蒿--超超超好味!!! 羊腩起晒肥膏, 3斤起剩1斤, 好彈牙, 又唔硬, 好得呀!!! 我自己一個人食咗半煲, 哈哈哈~

10 December 2010, Friday

上次食完位於電氣街嘅Olala之後, 心郁郁想試下Olala旗下嘅「一碗麵」, 兼且之前太古之友都激讚, 所以就算1碗麵要$150蚊真係好貴, 都決定一試, 死就死啦...

5點幾去到, 熄晒燈, 咩人都冇, 所以以為佢未開, 走咗去合和飲杯Starbuck Green Tea Frappuccino, 順手上網查咗佢個電話, 打去問下幾點開... 對方嘅態度比20蚊一碗麵嘅茶餐廳更惡劣, 未問完仲CUP我線... 原來佢地係長開, 冇落場時間, 只係當時一個客都冇...

呢個「一掃全景」嘅景象, KEEP到我地埋單都係一樣, 全吉!!!

溏心鹵蛋 Preserved Eggs -- MET到D蛋肉爛晒, 好核突... 味道頗鹹, 仲要淋PAT PAT, 糖心啜實晒成排牙, 好唔鐘意, 口感極差... 屋台屋嘅溏心鹵蛋好食好多...

10 December 2010, Friday

今日原本想同Honey去試下連續兩年榮獲米芝蓮三星評級嘅龍景軒(@四季酒店), 可惜, 同舊年一樣, FULL HOUSE!!!

唯有轉戰2009年榮獲米芝蓮二星評級嘅夏宮(@港島香格里拉酒店), 2010年已經跌番落一星...

臨近聖誕, 到處都係聖誕樹...

餐廳內嘅裝修古色古香...

脆皮燒腩仔--Honey Repeat咗幾次"嗯, 有D功力"... 個皮都真係幾脆, D肉又軟又Juicy, 全餐焦點所在!!!

帶子餃--味道都OK, 但未有令我瞳孔放大... 冇驚喜!!!