目前分類：食盡米芝蓮 (63)

瀏覽方式： 標題列表 簡短摘要


早2晚(2007年8月8日)因為係公司做到頭暈眼花, 所以放工唸住食好d, 咁見honey日又就到, 咪心郁郁想去西苑食大哥叉燒囉...

雖然係星期三, 但係去到時都好full, 好彩仲有幾張近門口嘅細枱!

我地order左: -
. 大哥叉燒 -- 必吃, 香甜鬆軟, 3分肥, 7分廋, 不過好多時遲左去就會買晒, 冇得食架喇;
. 例湯 (蘋果雪梨煲豬展) -- 好甜呀, 好好飲呀! honey叫我第時煲比佢飲, 我明明幾年前煲過喇, 佢個時唔肯飲, 仲要我自己一個人飲晒去呀!
. 肉碎抄涼瓜 -- 嘩! d涼瓜苦到吖! 我真係唔識欣賞, 留番比honey自己一個慢慢嘆喇;
. 沙爹粉絲牛肉煲 -- 好治味, 食埋d粉絲好鬼飽, 早知唔使叫白飯

外傳: 隔離枱2位女士, 食緊個每人$698嘅黃油蟹套餐, 到隻十兩重嘅黃油蟹出場時, 見倒佢地好勞氣咁同d侍應理論, 大致上係話隻黃油蟹唔足十兩, 估計侍應講左d"Y"理(估計係生時足十兩, 熟後會變細之類), 個位女士即刻還以超級金句"而家我第一次食咩, 以前未食過咩...", 然後有個侍應攞隻生蟹出黎比個位女士睇, 個位女士都唔就範, 佢見我地影緊相, 佢又用手電影底隻生蟹做證據, 之後經理一手攞住個磅, 一手攞住第二隻生蟹(呢隻我離遠用肉眼睇都肥大好多), 磅比個位女士睇, 終於收貨! 好野, 我要向個位女士敬禮, 因為真係覺得佢好勁, 比着我, 比人呃咗都唔知呀!
(繼續閱讀...)

kenmerry 拉姑 發表在 痞客邦 留言(1) 人氣()

▲top

前晚作感冒, 10:30pm就瞓咗! 尋日(2007年7月22日)9:30am就起身, 睇完"儲金戰士"就整裝待發... 又要出去揾食喇! 同honey討論左一陣, 好, 決定--下一站... 天后!

上次試咗"粵全食", 今次試埋隔離間"留家廚房"!

由於我地太早出門口, 去到"留家廚房"門口都未夠12點, 入面一枱客都冇, 好驚... 後尾睇清楚, 原來午市由12點正到三點, 雖然仲有幾分鐘先到12點, 但係我地照入去坐, 好彩都照招呼我地, 走時已坐滿人!

我地order左二人餐(包餐湯, 白飯, 甜品, 二個小菜), 小菜揀咗: -
. 咸蛋黃肉碎炒涼瓜 : 好味, d咸蛋黃同肉碎抵消咗涼瓜嘅苦味, 涼瓜好淋, 我從來唔食涼瓜都食到唔停得口!
. 五味骨 : 甜甜酸酸, 味道剛好, 好開胃, 好味!
飲埋個糖水(冬瓜紅棗連子), 甜咗d, 完滿結束!

其間侍應仲會經常幫你勘茶, 幾好服務架!

食完步行去北角地鐵站搭車, 乜都消化晒! 大熱天時, 仲成個人溶晒潻!
(繼續閱讀...)

kenmerry 拉姑 發表在 痞客邦 留言(4) 人氣()

▲top
今晚(2007年4月30日)成班姊妹去鹿鳴春幫無敵賀壽，好熱鬧！不過唔知係咪月尾加第二日係假期嘅關係，攪到冇人準時到！最好笑係龍媽... 打電話叫我地食住先，我反問佢：『我地得2個人喳喎，點食住先呀？』... 等咗半個鐘，先得5個人， 我地已經忍唔住落order，部長死都唔肯上菜先，話會涷晒喎，只肯上什錦冷盤同砂煲雞飽翅，不過到上第一道菜時咁啱齊晒人，哈哈，奸計失逞！
 
多得貓頭夫人之前打電話去訂定教化雞、窩燒肘子(三斤重)、酒糟鴨肝，等我地今晚有好嘢食，謝謝！

什錦冷盤：刀功精細；
砂煲雞飽翅：冇得彈，好入味，好足料，一流，抵食；
教化雞：造型獨特，味似糯米鷄；(叫無敵當切生日蛋糕咁，用槌仔打碎舊泥，佢死都唔肯，激死！)
蔥爆羊肉：勁好味，正；
扒四蔬：想食時只剩一舊西蘭花；
松鼠魚：好多肉，酸甜度適中，不過好似冇乜松子；
窩燒肘子：三斤重，好乾身下；
酒糟鴨肝：正到痺，香軟味美，極品；

(繼續閱讀...)

kenmerry 拉姑 發表在 痞客邦 留言(2) 人氣()

▲top
«1234