Ken & Merry 為食男女，遊走世界!!!

又又又又又又西苑??? 唔厭嘅咩??? 係!!! 真係食極都唔厭o架!!!

今日早咗起身, 冇訂位, 又即興想飲茶, 結果係... 等餐死!!! 仲以為自己早咗出門口, 點知間間酒樓都已經勁多人, 鐘菜果便要等50張枱, 西苑呢邊都要等25張... 等到正想放棄轉去食韓燒之際, 佢又即刻有位... 不過係D位置冇咁好嘅枱, 唉, 有得食就算啦, 唔敢要求咁多...

黃沙豬膶燒賣 -- 必食!!! 食極都咁好味!!! 今日仲好似大粒咗添呀!!!

大哥叉燒--近期喊緊"減肥"口號, 好耐冇o黎西苑食晚餐, 冇見叉燒大哥一排, 真係好想大啖大啖咬落去呀!!! 肉嫩汁甜, 真係唔捨得咁快吞落肚呀!!!

鮑汁荷葉飯(1位)--雖然話1位, 但係都分到4個碗仔... 荷葉飯都幾香, 如果再乾身D咁就Wonderful喇!!!

梅菜肉崧蒸豆腐--嘩!!! 果塊豆腐細到咁嘅?!! 雖然好滑, 而且梅菜肉崧嘅味道啱啱好, 但係成48蚊, 比多2塊豆腐o黎都得啩!!!

今餐茶2個人要接近300蚊?!! 好貴呀!!! 好貴呀!!! 好貴呀!!! 點解近排週圍D食肆都貴咗咁多o架...

是次每人消費約$140元
味道： 4 環境： 3 服務： 3 衛生： 4 抵食： 2
###
地址 : 側魚涌太古城中心二期二樓208號
電話 : 2885-4478