Ken & Merry 為食男女，遊走世界!!!

30 April 2011, Saturday

尋晚睇TVB NEWS, 個記者去咗報導呢個「九龍皇帝的文字樂園 (Memories of King Kowloon)」展覽, 咁啱今朝有小小時間, 而且都順路, 所以食LUNCH前去睇一睇...

入口呢幅布幕好靚...

Area 1 -- 皇帝的足跡 Footsteps of The King...

Area 2 -- 皇帝的寶藏 Treasures of The King...

24 April 2011, Sunday

今晚幫大機細機叉足電, 殺去太古城樂高博覽... 不過太多人, 問咗職員9:30PM收檔, 就去黃家沙食個晚餐先... 8:30PM先施施然入場, 唔使排隊...

真係好配服砌呢D場景嘅人, 好仔細!!! 好靚呀!!!

Easter假期本應喪玩喪食冇黐家, 可惜病足十幾日, 今朝仲要睇多一次醫生, 真係邊樹都唔使去!!! >~<

近近地, 去西苑飲茶消消氣!!! (睇醫生睇到一肚氣)

原來12點前埋單"頂大中小"點一律"小"點計, 所以忽然好多人埋單, 令到我地可以好快有位...

XO醬炒年糕 -- 好辣呀!!! 不過XO醬炒年糕係要咁先好味, 最怕有D茶樓係炒年糕同XO醬分開上...

黃沙豬膶燒賣 -- 必食!!! 好味!!! 一定唔係工場貨色, 因為粒粒嘅形狀都唔同...

韮菜餃 -- 好味!!! 以前唔鐘意食韮菜, 自從有一次係公司附近食過一間水餃店嘅招牌韮菜餃, 從此愛上...

菜心排骨粥 -- 都好味!!!

23 April 2011, Saturday

飲茶前見到太古城中心有LEGO展, 飲完茶諗住去八下, 點知條人龍勁長, 都係等閒日放工先再去過啦~

~~~ 展覽詳情 ~~~

http://www.cityplaza.com/chi/hot_promotions/coming_attraction_items/6.htm

太古城中心「樂趣無限建心思‧高出想像創新意」

2011 年 4 月 15 日至 5 月 2 日

60年來，樂高顆粒燃起無數小朋友的燦爛笑容。色彩繽紛的顆粒千變萬化，只要加入天馬行空的想像力，任何建築物、交通工具、以至火箭都能盡現眼前。雲集全港頂尖樂高創作高手，太古城中心樂高博覽必能令您大開眼界。

樂高傳奇

– 尋訪樂高顆粒的傳奇故事。

環遊樂高世界

– 用上三百萬塊顆粒砌成的環球城，展出17個世界知名景點，令人嘆為觀止!

樂高人偶展

– 飽覽2,000個30年來推出的珍藏樂高人偶及部份從未曝光的19寸樂高人偶，機會難能可貴!

玩具城照像館

– 跟來自丹麥的人型樂高士兵和小丑來個合照吧!

21 April 2011, Thursday

今晚約咗2個舊同學仔, 佢地果樣依然好似17歲咁, 利害!!! 好耐好耐冇同佢地一齊食飯啦, 好似有成3-4年, 自從佢地嫁咗人之後, 都好難約...

自從日本311事件之後, 都好想見下D老友, 聯繫吓, 全靠呢個方便嘅FACEBOOK, 一約即成, COOL~

由於唔知用咩名BOOK位, 又唔知有冇BOOK位, 入到餐廳見到個格局, 覺得似冇BOOK位, 因為冇4人枱有RESERVED牌, 最後被安排坐卡位!!! 到毛仔o黎到時, 原來佢都有同一疑問, 哈哈... 我地真係好o野, 有疑問都唔會開口問清楚!!! 到IN小姐到來, 就確定佢冇BOOK位... 好彩我地約6點半食咋, 7點已經FULL HOUSE!!!

熱檸蜜 -- 咳到甩肺, 唔敢飲凍o野, 食咗抗生素, 又唔敢飲茶同咖啡, 係毛仔嘅建議下, 飲番杯熱檸蜜... 甜到漏, 實在過甜!!! 好彩食飯時冇咳, 如果唔係, 傳染D老友就唔好啦!!!

瑞士汁炒牛河 -- 招牌菜, 用誤解作SWISS嘅SWEET SWEET汁伴牛河, 牛肉好淋, D河粉初時都幾好味, 食到一半開始凍, 黐埋一堆, 好難夾, 所以食剩3份1...

瑞士雞翼... 招牌菜, 用誤解作SWISS嘅SWEET SWEET汁卥... 食極都有嘅... 原來有8隻咁多... 甜甜地, 好入味, 又大隻, YUMMY!!!

廚師沙律 -- 好多料o架... 都幾好味... 食咗一大半, 佢地先話我冇影相, 我都半信半疑, CHECK番部相機, 又真係喎, 點解佢地仲清楚過我嘅呢, 哈哈...

22 April 2011, Friday

早排Honey買e-zone跟書送魚眼鏡, 好似幾得意咁喎...

今日放Easter大假, 終於得閒拎黎玩...

魚眼後... 企係側邊D公仔即時變晒配角...

魚眼前...

魚眼後... 睇落身形結實大隻好多... 哈哈...

魚眼前...

17 April 2011, Sunday

今日仲病病地, 加上會落雨, 所以冇得去行山, 唯有早D去大戶屋食個SET LUNCH, 然後早D返HOME休息~

今次個MENU轉咗, 多咗好多新野, 我就試下香草雞扒沙律... 嗯... 好味呀!!!  香草汁好香呀~ 雞扒又唔肥~ 夏天食呢個啱晒, 唔使食咁飽~

HONEY的白菜豬肉豆腐鍋... 都OK喎, 菜同肉同豆腐的比例相約, 清淡之選, 夏天食都幾適合~

食飽又到SHOPPING時間, 哈哈!!!

是次每人消費約$80元
味道： 4 環境： 4 服務： 4 衛生： 4 抵食： 5
###
地址 : 鰂魚涌康山道2號吉之島百貨L009地下
電話 : 2560 1991

2 April 2011, Saturday

座落於大帽山的嘉道理農場... 一個很熟悉的名字... 小時候乘坐64K都會經過... 但係... 我一次都未入過去...

今日終於有機會o黎啦!!! 我童年時的其中一個願望, 今日終於可以達成啦!!!

聯同貓兄, 鑽鑽, 賓爸係元朗食個BUNCH先, 再坐小巴, 一陣間就到嘉道理農場...

入場時需要先買入場劵... 位位10蚊, 鑽鑽免入場費... 買好入場劵, 就要排隊換領免費穿梭巴士劵... 我們換領到的巴士劵是03:00PM的尾班車...

爬行動物觀賞台... 翟克誠野生動物護理中心... 野豬之家... 豬舍...

農場博物館及農場小賣店外的花兒正在盛開...

31 March 2011, Thursday

今天的拉力早敍餐, 選址上一次食過番尋味嘅和光!!!

今次食8:15-10:15PM時段, 價錢貴了, 食物差了, 座位迫了, SERVICE少了... 難為我們為咗食佢, 挨咗一個鐘頭餓!!!

跟人頭送的刺身... 冇咩特別...

跟人頭送的肉眼扒... 不錯...

係現場都分唔清邊碟打邊碟, 總之通通都是牛...

牛胸腹仲未解凍好, 夾起成舊冰咁...

27 March 2011, Sunday

今天約同一眾「日本311大地震」的團友一起到烏蛟騰郊遊, 以洗滌疲累的身心, 在途中更可互訴心聲, 3位小隊隊長從日本回來後, 今天是第一次聚首, 大家可以分享一下各自的小隊的經歷...

今天的路線... 以烏蛟騰作為起點, 途徑九擔租, 經山路前往三椏涌, 在三椏村稍事休息, 回程時取道上苗田及下苗田(雙苗古道), 重回起點烏蛟騰!!!

我和HONEY一早便到達九龍塘, 乘坐朋友的順風車, 前往大埔火車站, 與大隊會合!!!

08:30AM 到達烏蛟騰, 出發!!!

河水很清晰, 環境很憩靜...

跟著路標的指示前往九擔租(由於當時每年需向政府繳交九擔地租，所以得此命名)... 之後會見到分叉路, 我們選擇了上山...