Ken & Merry 為食男女，遊走世界!!!

10 June 2011, Friday

近日有Blog友問我係咪飲食雜誌嘅試食員、編輯、公關... 我都真係好想... 不經不覺已經寫咗超過250篇飲食Blog, 但係依然未有伯樂出現, 嗚嗚嗚嗚...

上個月悶到暈, 身痕走去UFood登記咗做會員, 將Y!Blog呢邊寫過嘅食評, 慢慢係UFood逐一貼上... 希望有朝一日, 可以吸引到我嘅伯樂, 搵我入行做飲食記者, 到時可以有免費好o野食不特止, 仲可以日日奉旨食食食, 同減肥講拜拜, 嘩咔咔咔... (發夢都冇咁早)

今日打開信箱, 收到UFood嘅「位元堂美髮素」換領信, 原來做咗會員之後, 只要提交食評, 就有機會獲得精選禮品, 位元堂美髮素(名額100個)就係5月23日至6月6日期間嘅精選禮品...

雖然唔係免費飲飲食食嘅入場劵(飲食記者), 不過都可以當係小小嘅甜頭啦, 總算好過冇~

係我努力連環每日幾Post之下, 竟然可以爬升至食家排行榜第2位, 自己都有小小唔相信呢個事實... 希望此舉唔會令Blog友們真係以為我係飲食記者啦~ 雖然呢個係我嘅夢想, 不過依然係一個未實現嘅夢想!!!

我要繼續努力, 希望有朝一日可以成為UFood星級食家, 咁遇到伯樂嘅機會就可以大增啦~