Ken & Merry 為食男女，遊走世界!!!

17 March 2011, Thursday

星期日下午安全返港後, 星期一早上隨即上班!!! 同事笑我應該留在家中休息一下, 如果是發生在他身上的話, 他一定會請假!!! 我笑說擔心很多事情積聚了要趕快處理, 還是明天才休息吧...

星期一早上乘坐電梯回辦公室期間, 在電梯內, 1男1女正在討論他們已報名的旅行團應如何更改, 依我看, 他們不是一起的, 只是大家都分別報了前往日本的旅行團...

男的說改去沖繩會安全很多!!!

我心裡也很同意, 因為雖說沖繩是日本的領土, 但地理上, 沖繩是很接近台灣, 反而離日本很遠!!!

女的竟然說"改去東京都得, 東京都冇咩吖!"...

我心想"不是吧, 東京沒什麼問題??? 我們很艱難才可以從東京回來!!!"...

女的繼續說"嘩, 大佬, 7000蚊喎, 死都要去啦!!!"...

我心想"不是吧, 7千元算什麼??? 比自己的性命還重要???"...

難為我其中1位朋友, 在星期六晚上擔心星期日沒有機位回港, 竟然說"就算要買3萬蚊1張的單程頭等機票, 我都要買, 我一定要返香港!"... 她絕對不是大豪客, 她的來回機票是用ASIAMILES換的, 原先是想來一個廉價旅程, 但為了回港, 已作出最壞的打算(用3萬元換1張回港的通行証)...

難為同行的另1位朋友, 原定星期日返港後, 星期三又要再同親友再去北海道, 但星期六當日他已經決斷的說"送都唔去!!!"

16 March 2011, Wednesday

311地震發生後, 我們一行5人, 在完全語言不通的情況下, 在橫濱的JR站內四處流離, 在站內看到海潚的片段後,真的整個人呆了...

由於站外實在太寒冷, 只有3-4度左右, 我們只好走進JR站內的詢問處, 與其他日本人一起坐在地上等待... 其間, 有1位日本婆婆到來, 想坐進朋友與牆壁之間的夾縫中, 我叫一叫朋友, 他即時全個人彈起, 讓座給3位女士... (太利害了, 他1個人的空間, 竟然可以容下3位女士)

然後, 其中1位女士用日文與我交談, 我當然問她"Can you speak English?", 她竟然用英文回答我, 她是菲律賓人, 來自馬尼拉, 在日本工作了20年!!! 天呀!!!!!!!!! 我們終於有救了!!!

她向我Say Sorry, 因她佔用了我朋友的空間, 我跟她說"Don't Say Sorry, We should help each others!"...

後來, 全靠她替我們翻譯廣播的內容, 我們才可得知最新的情況...

她還四處拾了些紙皮, 分了一些給我們, 比起薄薄的雜誌, 真的暖得多了...

苦侯數個小時, JR站的職員開始派發地圖, 呼籲大家轉到另一個地方... 我們跟隨馬尼拉天使及一大群日本人, 帶著紙皮, 完全不知方向地, 走了半個小時, 終於到達臨時收容中心!!!

16 March 2011, Wednesday

地震發生至今, 眼淚一直留不了出來... 平時的我, 看海派甜心都會哭了半盒面紙...

在日本及香港的電視看到一幕幕驚心動魄的場面, 我內心竟然一點感覺也沒有, 好像斷了七情六慾, 只感到胃痛和腸痛, 還有暈眩... 連日不停追看電視及網上新聞, 頭也爆了, 人也感到很暈眩, 昨天在家裡睡了又睡, 但仍然很暈眩...

昨晚新聞提到創傷後遺症--「創傷後壓力症」, 我想... 我應該是患了!!! 可是, 我患的是短暫的? 還是深遠的? 我還弄不清楚!!!

原先決定暫時不再寫BLOG, 但昨日收到其中一位沒有Stay Behind的同行人士的電郵, 他以輕鬆的手法, 寫出當時每一刻的內心和外表的變化, 有一句"輸人唔輸陣"不禁令我笑了出來, 內容大致上係...

「發生地震，展架左搖右擺，碰撞聲非常大，大部份日本人都表現鎮定，只有少數開始動身離開。心想，找個安全位置後再作打算！外表卻繼續保持輕鬆，正所謂"輸人都唔好輸陣"，步幅可以大少少，但唔好跑，癈事影衰香港人！」

看完他的電郵後, 我覺得, 將事發經過寫出來, 可能會對自己早日走出陰霾會有幫助, 所以, 又重新執筆了! 呀, 錯, 應該是重新執Keyboard & Mouse吧! 不過, 那些關於地震發生前的風花雪月及美食享樂BLOG, 還是留待下個月才寫吧, 現在實在不是時候...

今早到"痕身"銀行兌換日元其間, 突然警鐘響起, 我嚇到成個人彈起, 慌忙看看四周發生什麼事, 職員很鎮定地說是測試警鐘, 我很尷尬地說「唔好意思, 我剛從東京回來, 我太緊張了」, 職員不停說「明白, 明白」...

13 March 2011, Sunday

在日期間, 遇上日本史上「 1200年一遇」的黎克特制9級地震, 能夠安全回家, 實屬萬幸!!!

短期內不會寫BLOG, 需要D時間讓身+心回復正常!!!

天佑身在日本的人士!!!

「日本311大地震」の 總匯 請按 http://hk.myblog.yahoo.com/ken-merry/article?mid=7343

5 March 2011, Saturday

下星期二就出發啦!!! 而家先開始執行李, 冇眼睇啦!!!

近期我的老人痴呆症越來越嚴重... 尋日何超仲問我「執咩行李, 去邊?」... 乜... 我冇同大家講咩? 我仲以為自己講晒o架啦喎... 哈哈哈~ 而家正式通知大家, 排名不分先後呀吓!!!

上次去沖繩, 兌換日元嘅兌換率係 9.259!!!!!! 已經以為唔會再高過呢個數, 點知今次仲甘!!! 9.561!!! 我暈啦!!! (原本想去食蟹道樂, 不過D YEN太貴啦, 比HONEY REJECT咗, 嗚嗚嗚嗚~)

今次嘅對手聲明唔會帶腦去, 行程企劃又唔參與, 到我PLAN好晒就指指點點, 好慘呀!!!

以下行程係REVISION 2, 希望實行時唔會有太大改動啦!!!

Day 1 
香港國際機場 → 日本成田機場 → 東京灣有明華盛頓飯店 
 
晚餐於酒店21/F 「旬彩和食　三十三間堂」, 一邊用膳一邊欣賞東京灣夜景!!!
 
Day 2 

4 March 2011, Friday

同事L較早前提及有間新開嘅「乳酪雪糕」店, 好多人排隊, 叫我一齊去試食... 今日回暖咗小小, 食完LUNCH就走去昅昅, 真係企到出馬路呀!!!

如果要2種Toppings, 要成32蚊1杯, 都幾貴, 已經可以夠買個Lunch Box食飽飽...

左邊果杯係同事L嘅芒果 Mango, 綠茶糯米糍 Green Tea Mochi, 免費香脆碎 Free House Crumbs...
右邊果杯係我嘅荔枝 Lychee, 綠茶糯米糍 Green Tea Mochi, 免費香脆碎 Free House Crumbs...

綠茶糯米糍係Catalogue個樣係勁吸引嘅, 真身就一D綠茶粉都冇, 亦冇綠茶味...
芒果酸的...
荔枝好甜好Juicy, 同事L話肯定係浸糖水...
香脆碎冇咩味...

不過, 個「乳酪雪糕」本身真係好滑!!! 味道微酸, 都幾正!!!

佢張傳單大字標題: -
* <飲食男女>專業評價: CRUMBS的乳酪雪糕軟滑得全無冰粒, 奶味清楚利落, 最出名是香脆碎, 而且同樣是$28, 起碼比別店多三分一, 分量十足!
* 連續40個星期榮登 <最多好評榜>三甲!

錦田一日遊嘅第3個重頭戲--跳蚤市場!!!

由紅磚屋市集過去跳蚤市場, 步程大約5分鐘...

一到步, 鑽鑽同阿BOO已經比七彩嘅水鞋吸引住, 25蚊對, 好抵...

你睇阿BOO睇得幾認真...

由於我已經行咗好多次, 兼且我2個家姐啱啱都到咗錦上路站, 所以我會合咗佢地, 等佢地同我一眾金蘭姊妹打過招呼, 我就跟佢地閃人Lu, 唔知各位姊妹果日有咩收穫呢...

呢日真係玩到喪攰, 我去探望至親時, 竟然響SOFA瞓著咗... 之後同一眾鄉親(由細玩到大嘅「長勝村」十大惡人)聯誼嘅BBQ, 都要提早離場, 早D返歸早抖... 時隔幾十年, 大家都仲可以無所不談, 攬頭攬頸, 相信呢D鄉里情, 係而家嘅石屎森林の家, 都好難再搵得到...

今日真係玩得好開心呀!!!

~ 有用小資料 ~

錦上路站 跳蚤市場

26 February 2011, Saturday

錦田一日遊嘅第2個重頭戲--紅磚屋市集!!! 非一般跳蚤市場 (全天候開放) !!!

由有機士多啤梨園過去紅磚屋市集, 車程大約3分鐘 (我致電細佬求救時, 佢誇張到話"咪10秒車程")... 不過鑽爸就唔知兜咗佢架開蓬BENZ跑去邊樹, 我一路叫住佢開慢D, 佢都好似聽唔入耳, 激死!!! 點解要我坐佢架車!!! 行行下竟然見到路牌寫住大江埔, 仲見到石崗直昇機場... 過晒籠啦!!!!!!

原來鑽爸佢地係去過o架, 攪錯呀, 要搵個未去過嘅o黎帶路... 雖然... 我係o係錦上路大嘅, 不過而家起咗西鐵, D路同建築物都變咗8-9成, 好難認o架啦...

3:30PM 到達錦田紅磚屋市集

入面有各式各樣嘅攤檔, 感覺上藝術味道比跳蚤市場濃厚好多... 鑽媽同DD都好似係度買咗D心頭好...

26 February 2011, Saturday

今日貓兄搞咗個錦田一日遊, 行程包括1) 有機士多啤梨園; 2) 紅磚屋市集; 3) 跳蚤市場!!! 行程超豐富, 同埋每個景點之間都係5分鐘車程以內, 無需四圍滕!!!

11:00AM 元朗西鐵站食早/午餐+等齊人坐TAXI!!! 如果大家唔需要呢PART, 大可以係錦上路西鐵站出, 有小巴, 又有TAXI!!!

12:30AM 到達錦田鄉村俱樂部

步行十分鐘左右, 就會見到呢位好失敗嘅「有機士多啤梨園」代言人... 哈哈... 因為BOO見到佢好驚, 唔肯行埋去影相...

每一塊田都有列明品種及價錢...

好, 貓兄, DD, 何超, BOO... 我地開始士多啤梨追捕行動!!!

18 February 2011, Thursday (年十六)

尋晚食咗餐好難食嘅晚餐(鏞記酒家 Yung Kee Restaurant), 今晚要食好D先得啦!!!

西苑... 永遠都係我地心目中嘅米芝蓮食肆!!!

是日靚湯(蘋果豬月展湯)--YUMMY!!! 簡簡單單, 只要有HEART, 咩菜餚都可以好好味...

燒鵝下庄--肉淋, 皮小小脆, 最重要嘅係... 暖暖地!!! 呢D先至係有HEART!!! 查實西苑最出名嘅係大哥叉燒, 幫襯咗十幾年, 今日好似第一次食燒鵝... HONEY專登ORDER黎比較下...

韭菜銀芽炒咸肉--簡簡單單, 平價嘅材料, 落到西苑嘅廚師手上, 一樣可以整得好好味...

是日糖水(免費贈送)--我照舊係大大粒+起晒沙+少甜嘅紅豆沙, HONEY就揀咗馬蹄露, 不得不提, 西苑D馬蹄露唔似出面D馬蹄露咁一PAT槳糊咁o架, 好清甜, 如果有馬蹄露揀, 記得試下呀!!! 紅豆沙都係必吃o架!!!