Ken & Merry 為食男女，遊走世界!!!

~~~~~~~~~~~~~~~~~ Day 1 ~~~~~~~~~~~~~~~~~~

出發當日, 放工返屋企沖埋涼洗埋頭, 休休閒閒咁等免費專車(上次係7人車, 仲寬敞)...

準時去到機場, Check-in完, 食番個Burger King先慢慢上機, 優哉悠哉是也!!! (回程時係慕尼黑機場, 好搞笑地上機前又係食Burger King, 唔係因為鐘意食, 而係因為其他餐廳冇圖片好難溝通)

機上嘅餐前小食係我比較迷戀嘅蝴蝶餅, 即時精神為之一振!!! (在機艙下層的Washroom旁邊的Snack Bar任你拎)

開餐啦(已經係零晨時分)!!! 希臘式沙拉, 番茄紅醬意式細扁面加雞脯伴綠椰菜花及南瓜, 新鮮水果... 都幾好味... (後來團友們笑言, 呢餐係全程最好食)

螢光幕係Touch Screen, 我第一次遇到喳!!! Video On Demand嘅形式(去Toilet時可以Pause, 返黎再Resume, 完全唔會Miss任何細節, 正到暈), 總共有12套Movies任你揀, 仲有8種語文選擇, 簡直Ichiban!!! 我煲完「天煞撞正怪怪獸 (Monsters vs. Aliens)」再煲埋「大耳仔走天涯 (The Tale of Despereaux)」先瞓, 極之充實, 哈哈!!!

係時候瞓一瞓... (回程時D團友傾開計, 個個都話見到隻青蛙, 搞到我地回程都唔好意思拎出o黎用添)

起身食早餐啦喂!!! 炒滑蛋配雞肉香腸... 挺好吃...

安全到達, Yeah!!! 在當地等候我地嘅導遊, 竟然係當日幫我地報名嘅職員, 呢D算唔算係機緣巧合呢...

"風雨中漫遊"東歐2010 總匯 (跟團)