Ken & Merry 為食男女，遊走世界!!!

~~~~~~~~~~~~~~~~~ Day 2 ~~~~~~~~~~~~~~~~~~

Munich, Germany

Olympic park--免費增遊景點!!! 因為我地班機實在太早到, 太多時間剩...

呢個天幕係60年代的前衛建築物, 你又估唔估得到...

一見到呢張Round Chair, 忍唔住要即刻影低, 啱晒8B開會用, 嘩哈哈哈...

奧林匹克公園內仲有個好大嘅湖, 聽講世界杯果陣, 有大銀幕係湖中心, 直播賽事, 好有氣氛架!!! 另外仲有機動遊戲玩, 類似荔園果D啦...

Nurnberg, Germany「古堡之路」

紐倫堡係德國嘅玩具之城... 不過... 點解我地所到之處都見唔到玩具嘅???

聳立在小山崗上嘅皇帝堡, 可以盡瞰山下古城之迷人景色...

點解市中心市堡廣場嘅路標上會有對波鞋??? 莫非呢度都有波鞋街???

座落於市中心市堡廣場嘅古噴泉... 只要搵到黑色嘅鐵環轉一轉, 就可以願望成真...

午餐於地道餐廳, 品嚐紐倫堡特色雜錦香腸... D德國腸真係超超超超鹹, 配埋D勁鹹勁苦嘅酸菜, 絕對係想減肥人仕嘅不二之選!!! 因為.... 只要你食一啖, 就冇辦法再食落去...

午餐後巧遇巡遊表演, 仲上演咗一幕「德國古代戰士 穿梭時光隧道 強搶澳門民女」嘅好戲... 笑到碌地...

Bamberg, Germany「聯合國世界文化遺產」

班貝格係德國嘅威尼斯... 迷人嘅水鄉, 配以典雅嘅房屋, 美不勝收...

到處都係好靚嘅彩繪屋...

參觀位於Domplatz嘅Ancien Palais... 請勿喧嘩!!!

位於Domplatz嘅Nouvelle Residence, 入面有間Cafe叫Roseraie, D花開得好靚架...

很美麗的傳統德國屋 與 可愛"大"熊...

晚餐於當地餐廳, 品嚐著名的煙燒麥牙啤酒... 呢個貌似粟米肉粒飯嘅東西, 配我至討厭的白箘汁... 仲有呢個甜品, 全碗都係我至憎食嘅Cream, 完全哽唔落... 唔通... 旅行社都想幫我減肥???

飯後徒步返酒店, 順道欣賞Klein Venedig呢個媲美意大利威尼斯的迷人水鄉...

比花淹沒咗嘅大屋, 好靚呀!!!

經過咗11個鐘嘅機程, 再加14個鐘嘅行程, 都真係幾攰下... 9點幾一攤落牀就瞓著... ZZZZZZZZ...

"風雨中漫遊"東歐2010 總匯 (跟團)