close
今晚(2006年11月9日)係【十一月之星聚餐】嘅大日子，大家去咗尖沙咀『南山谷韓國居食屋』賀一賀佢。哈哈、、、但係我唔打算係度向大家報導！點解？事原係、、、
七點半左右齊人，由於大家都勁餓，所以“拿拿聲”order食物，而d食物一到，就好似跌咗落充滿食人魚嘅河入面咁，“渣一聲”冇晒！食咗三、四輪之後，到我醒起要影相寫blog時，都冇乜好影喇！所以、、、算吧喇、、、
原本一早食完可以鬆人，大家都笑住話『唔慣咁早食完返屋企』，但係尋日有三個墟咁多，傾吓傾吓，已經十點，大家喺充滿歡樂嘅氣氛下離開！
行到樓下，路過上樓前發現嘅甜品店，大家行個注目禮，其中五人(無敵、貓頭夫人、高瘦平、龍媽、同埋我)被一股“神秘力量”吸咗入去！呀呀呀呀、、、
坐定後睇睇個menu，嘩嘩嘩，個menu入面樣都咁吸引，好難決擇呀！
最後我order咗“草莓白肉霜蜜豆沙”(左圖)，龍媽同無敵就order咗“芒果聖代”(右下圖)，貓頭夫人同高瘦平就order咗“枺茶杏仁豆腐芭菲”(右上圖)。
人地幾個人share一個，我地就一人order一個，呵呵呵呵、、、食物一到，大家瘋狂影相一輪，影到d軟雪糕都溶到滴落地，“拿拿聲”食喇！一路食一路逐樣材料研究，話題不絕，食得好開心，最後結論係我order嘅“草莓白肉霜蜜豆沙”最抵，因為材料同分量都係最多！正正正正正！
回家途中，充滿愉快的感覺，所有唔開心嘅事都忘記晒，太棒了！
地址: 尖沙咀彌敦道132號美麗華商場2樓諾士佛階12號
電話: 2377 3780
電話: 2377 3780
全站熱搜
留言列表
台灣分區飲食 (35)