Ken & Merry 為食男女，遊走世界!!!

Fussen, Germany

Treff Hotel Luitpoldpark Fuessen--食早餐啦!!! 早餐選擇都幾多, 不過到咗最後一日行程, 冇咩心機食, 食到'拉姑托腮'咁款...

今日主要行程係參觀位於浪漫之路(Romantic Road), 由巴伐利亞王路易二世所建嘅新天鵝堡!!!

我地首先坐巴士上山頂, 係瑪麗橋觀賞新天鵝堡, 然後行落山中間嘅新天鵝堡, 入內參觀, 再行落山睇埋舊天鵝堡...

嘩!!! 原來Marienbrucke下面係萬丈深淵呀!!! 好驚呀))))))

嘩, 咁多人走上Marienbrucke度, 會唔會倒塌架...

行落新天鵝堡時, 可以係高處遠觀舊天鵝堡... 如詩如畫... 應該就係用o黎形容呢個情景啦啩...

到達新天鵝堡!!!

又係導遊提議之下, 攝影小組女隊員o黎個大合照... 我覺得笑得最開心果個係個導遊囉... 佢係咁係下面大叫"嘩, 香港小姐最後5強!!!"... 到我地行番落黎, 佢又大叫"嘩, 佢地就係落選嘅香港小姐!!!"...

左邊呢張攝影小組女隊員嘅大合照, D人照細粒, 唔使打格仔啦啩... 好準備入內參觀, No Phone, No Photo, No Video, No XXXX, No YYYY, No ZZZZ...

從新天鵝堡望出去, 外面嘅景色真係好靚, 個國王真係識揀地方喇...

呢個係國王嘅其中一個廚房...

新天鵝堡嘅模型...

參觀完畢新天鵝堡, Shopping時間開始...

待續...

"風雨中漫遊"東歐2010 總匯 (跟團)