Ken & Merry 為食男女，遊走世界!!!

1 September 2010, Wednesday

~ 名護市 ~

第2朝6點, 颱風離開了... 但海面嘅浪仍然好大...

嘩... 沿住車路行落沙灘, D樹比颱風吹斷晒呀...

可惜... 沙灘早上竟然要關閉, 因為要清理颱風留低嘅垃圾, OH NO... 我地只可以隔住個大閘影張相...

無功而回... 唯有係LOBBY影下相... 身後為酒店內的朝市, 樣樣都有得買, 唯獨冇苦瓜, 激死...

今日原本係全日自由活動, 但係昨天受颱風影響, 全日活動取消, 所以今日要補番尋日的行程...

第一站--萬座毛(又名萬象毛)!!!

第二站--熱帶王國 (トロピカル王国)!!! (http://www.okinawa-fruitsland.com/)

蝴蝶園的蝴蝶超大超多... 好靚呀!!!

D蝴蝶仲唔驚人...

鳥園超多蚊, 我地雖然噴咗蚊怕水, 但都比蚊咬到D手腫晒, 好大舊蚊'爛'... 蚊貼就神推鬼擁咁留咗係旅遊巴...

果園好多未見過嘅品種, 不過大樹波羅我就緊係見過啦... 仲見到D蜥蝪好兇猛...

呢個波羅花聽講係波羅嘅好拍檔, 不過就冇解釋點拍檔法...

午餐於2樓餐廳... 沖繩風味自助餐... 唔好睇D豬手同苦瓜樣衰衰, 佢真係超超超好食, 我地食完又添食完又添, 食到唔停得口...

食飽飽就係1樓購物... 日本呢個地方, 真係每個景點都一定會有SHOPPING點... 利害...