Ken & Merry 為食男女，遊走世界!!!

25 September 2010, Saturday

八九月之星敍餐日終於來臨!!!

餐廳外面嘅花園有Wedding Lunch, 係D白色帳篷入面舉行, 好浪漫呀!!!

我同龍媽一馬當先, 其他人未到已經開動引擎...

青口好大隻呀~ 八爪魚都好大隻呀~

呵呵~ Pancake太吸引, 忍唔住食咗先...

焗青口同焗蠔都唔錯, 田雞腿好正呀~ 龍脷柳都好正呀~ 燒羊扒仲正呀~

冷盤... So So啦...

熱葷... So So啦...

三文魚好新鮮, Sushi都不錯...

甜品好正呀~ 有外表有內涵~ 好得~

豆腐花滑到呢~

南爪湯好得~ 梳乎厘都唔錯~ 仲有自助飲品區, Good~

睇番相先發現自己唔記得食雪糕呀~ 8款Haagen Dazs呀~ Oh No~ (帶完無敵女同何超女去筆雪糕, 竟然唔記得筆自己果份)

實在有太多食物供應啦, 每樣食一啖都食唔得晒, 其他食家推介嘅粥、雪糕、豬頸肉、朱古力噴泉、士多啤梨噴泉... 全部都未食已經飽到嘔...

我地果枱直情個個"小林尊"上身, 嚇到隔離枱外籍人士O晒嘴, 哈哈~

仲有新一代"食力"接班人, 幼稚園都未入, 已經食力驚人, 技驚四座, 何超, 你呢餐抵晒啦, 哈哈~

最後... 本人要多謝各位好姊妹做東!!! 萬二分感激!!!