Ken & Merry 為食男女，遊走世界!!!

30 September 2010, Thursday

九月之星敍餐一浪接一浪...

今次我地「食力5人組」試食XX男女介紹嘅新餐廳, 開咗一個月左右, 係COSMO酒店入面嘅意大利餐廳...

餐廳嘅吊燈果然係靚吖...

半自助晚餐嘅Buffet枱只得2張, 小得驚人...

每枱附送嘅餐包... 並唔似得D BLOG友講到咁驚為天人啫, 硬嘅, 又唔香...

忌廉粟米湯 -- 茶餐廳水準, 酒店入面嘅意大利餐廳提供D咁嘅食物??? 我地係咪去錯咗XX廚藝學院???

前菜好壞參半... 我地7點正到, 全間餐廳得3枱客, 「煙 三文魚」已經得番幾片爛溶溶嘅, 之後竟然唔REFILL, 換咗D腥嘅煙燻吞拿魚... 「水牛芝士蕃茄」尚可... COLD CUT好一般... 令到我地想去食嘅「巴馬火腿配蜜瓜」, 蜜瓜竟然係成碟放係巴馬火腿後面, 真係睇到O晒嘴... 唯一令我有添食嘅係「紅酒南瓜」同「紅菜頭」...

蘋果沙律, 薯仔沙律, 腸仔沙律 -- 點解咁似我地中學時代學人入廚所整嘅食物??? 酒店入面嘅意大利餐廳提供D咁嘅食物, 令我覺得匪夷所思...

焗蠔--每人送1隻... 只食到白汁味, 一D煙肉味都冇... 不過, 唔腥, 在我o黎講叫合格啦...

甜品枱初時係吉嘅, 到食咗一半先會拎D甜品出o黎...

肉醬長通粉同意大利雲吞 -- OK啦... 同其他食物比較...

我嘅主菜到啦... 酥皮焗羊鞍配燒汁伴意大利傳統燴時菜!!!  酥皮我切走晒冇食到, 入面嘅羊扒冇咩羊味, 佢餐牌(冇影到)有提過鵝肝, 可惜鑽媽點搵都搵唔到, 睇得出佢好失望, 因為鵝肝係佢嘅"飛佛"...

甜品主打CUPCAKES (Blessings出品), 朱古力味好好食, 可惜食咗一粒, 想再拎已經冇晒, 又唔REFILL... 其他甜品好一般...

食物方面真係... 原本嘅結論應該係"冇下次", 但係我一早約咗人2日後o黎食LUNCH BUFFET...

飲食雜誌話"大廚葉師傅是半島酒店出身"... 如果半島酒店的師傅質數是如此的話, 恐怕我都係唔好去試半島酒店啦...

唯一覺得安慰嘅係我地可以傾計傾得好開心, BUFFET完咗都冇人趕我地走...

是次每人消費約$275元
味道： 2 環境： 4 服務： 3 衛生： 2 抵食： 1
###
地址 : 大角咀大角咀道88號九龍麗悅酒店2樓
電話 : 3987 2231