Ken & Merry 為食男女，遊走世界!!!

10 July 2011, Sunday

近日路過太古坊, 見到新嘅展覽--「甚麼是明天 三十乘三十創意展」!!! 今日專程走去睇下...

展覽由香港設計師/藝術家又一山人, 與海外及中港台30位來自不同界別、年代的大師、創作人、新一代展出「創作的明天」60件創作作品...

展品好多元化... 不過... 有部分展品唔係好Get到佢嘅Meaning... 可能係我嘅藝術修為未夠啦...

同埋全個展覽會場都係用原木o黎做展覽櫃, 所以有陣裝修嘅木碎味... 我著咗7分牛仔褲去, 只係露出半隻小腿, 一入場就比o野咬, 我估係木虱, 仲要睇咁耐咬咁耐...

又睇唔明, 又有o野咬, 所以都冇心機就留咁耐, 嗱嗱聲走人... 離開咗要用濕紙巾消毒小腿先好番D咋... 大家如果想去睇呢個展覽, 記得著長褲呀!!!

右邊D衫仔係o係四川收集, 展品相片有顯示佢地嘅主人... 對鞋著到爛成咁, 香港人, 你地好幸福呀!!!

都幾鐘意呢幾幅畫... 因為... 睇得明囉... 嘩咔咔咔...

好鐘意呢個「So... Soap!」車... 點解? 起碼睇得明先啦, 哈哈哈哈... 同埋鐘意背後嘅意念, 仲有覺得佢係好實用嘅Design...

「甚麼是明天 三十乘三十創意展」小檔案: -

日期：2011年7月7日至8月9日
時間：上午11:00至下午21:00
地點：港島東太古坊康和大廈1樓 ArtisTree
網址：http://www.whatsnext30x30.com/