close
21 October 2011, Friday
之前介紹過呢間午餐好食又抵食, 所以今晚食過翻尋味, 可惜...一坐低就整碟白雲鳳爪o黎, 自從睇過江湖傳聞話白雲鳳爪係點解不經人手去骨之後, 我都冇再食過... 我相信呢個世界係冇免費前菜嘅... 一來唔想浪費食物, 二來唔想蝕比佢, 咁就唯有食落肚啦... 味道偏淡, 而且唔夠酸... 食完一D都唔開胃...
我地叫咗任選二款小菜嘅晚市套餐...
家廚老火湯--今晚係鱆魚蓮藕煲唐排, 味道不錯... 有足足6碗之多, 啱晒我地呢D冇住家湯飲嘅上班一族...
太爺雞(例)--好唔掂!!! 得D頭頭尾尾, 同埋雖然茶味同煙燻味都好香, 但係超鹹... 上次係午市食嘅太后雞好得多...
金瑤蝦干豆豉鯪魚油麥菜--好好味喎!!! 又唔太油, 豆豉配油麥菜真係絕配... 金瑤都好香... D蝦干就得人驚D, 仲黑過D豆豉...
冰梅錦江骨(送)--係屋台屋食LUNCH時派咗張COUPON... 豬軟骨3舊... 冰梅醬味道好怪... 同D豬軟骨格格不入... 唔好味...
個套餐就話$178, 不過加加埋埋, 埋單都$240... 以佢碟太爺雞咁嘅質數, 我就覺得唔抵食啦... 下次再o黎時要試吓其他餸菜得唔得先...
呢度有少少家庭式工業FEEL, 所以服務水平都係家庭式工業嘅質數, 所以, 唔好要求咁高, 會食得開心D...
是次每人消費約$120元
味道： 3 環境： 3 服務： 3 衛生： 3 抵食： 2
###
地址 : 太古太古城衛星閣地下1008-1009號舖
電話 : 2967 0777
全站熱搜
留言列表
台灣分區飲食 (35)