close
23 September 2012, Sunday
接近半年冇發報我嘅微型工程啦, 因為之前去咗旅行, 荒廢咗業務, 加上早前貪心, 一次過同一時間上2個Courses, 基本上所有時間都用晒係粘土食品制作, 更加冇時間為之前欠下嘅裝修開工... 雪球越滾越大, 欠下嘅裝修工程高達3間迷你店舖!!! 所以我痛定思痛, 暫停咗今季嘅課堂, 務求盡快完成手頭上嘅工程, 希望趕得切係11月前全部完成, 可以再報Course...
三妹燒臘開張喇!!!
各式明爐燒臘, 天天新鮮供應!!!
午市優惠, 三寶飯+汽水 $18
歡迎預訂「金裝酬神套裝」--鴻運乳豬+玫瑰油雞!!!
環境清潔又衛生, 食客開心又安心!!!
老實商人, 絕不呃秤!!!
完成咗燒臘店嘅裝修, 都冇得休息, 因為又要即刻開工幫茶樓裝修啦!!!
全站熱搜
留言列表
台灣分區飲食 (35)