Ken & Merry 為食男女，遊走世界!!!

用餐前, 先來餐前小吃Pan-fried Garlic... 原個蒜頭炸香, 辛辣味盡去, 入口甘甜, 賣飛佛!!! 旁邊的... 薯條... No!!! 原來係麵包條, 誤會了, 灑上黑松露橄欖油, 又香又脆, 好味又特別...

店員推介了2人羊架海鮮晚餐, WoW... 好吸引咁嘅呢...

Seafood Platter & Lamb Shoulder Rack for TWO 頂級羊架海鮮拼盤套餐 $888

Welcome Drink : Glass of Red Wine / White Wine 紅酒 / 白酒
Appetizer : Seafood Platter 海鮮拼盤
Salad : Caesar Salad (Smoked Salmon) 凱撒沙律 伴 煙三文魚
Soup : Cream of Wild Mushroom Soup 98% 野菌忌廉湯
Main Course : Grilled Australia Lamb Shoulder Rack w/ House Fried & Pesto Aioli 招牌澳洲頂級和牛 配 蒜蓉香草醬薯角
Roasted Whole Dover Sole w/ Cream Linguini 時蘿香草燒英國野生原條龍利魚 伴 忌廉意大利粉
or
Marseille Paella (Prawn, Scallop, Mussel, Squid, Bell Pepper) 意式馬賽海鮮飯 (大蝦, 帶子, 青口, 魷魚, 燈籠椒 配 海鮮汁)
Dessert : Italian Pear Cheese Cake 意式啤梨芝士餅
Coffee or Tea 咖啡 / 茶

食海鮮當然係配白酒最好喇... 店員很體貼, 容許滴酒不沾的我轉飲花茶... 花茶以透明的杯碟奉上, 杯內放了Brown Sugar, 很特別的方式...


浸泡3分鐘左右, 桂花花茶呈透明金黃色, 花香優雅, 入口回甘, 齒頰留香, 令人心曠神怡...


Seafood Platter for 2 二人海鮮拼盤
-- WoW... 好誘人的畫面呀!!! 回想起上年到巴黎旅行時, 因為怕回程時係飛機上會腸胃不適, 所以唔敢係當地食著名的Seafood Platter, 只好借團友的法國麵包蟹來拍張合照... 法國麵包蟹以蟹膏多而聞名, 而肉質就... 拎起蟹殼, 嘩, 內裡堆滿甘香肥美的蟹膏, 店員非常貼心, 奉上了茶匙, 我左手拿著蟹殼, 右手拿著茶匙, 不停地舀蟹膏來吃, 簡直是至高享受!!! 海蝦紅噹噹, 眼睛炯炯有神, 肉質紮實, 鮮甜彈牙... 藍貝青口體型雖小, 但肉質肥美柔嫩, 每一口都含有海水的鹹鮮味, 非一般自助餐貨色可比美... 熟悉我的朋友看完一定驚訝, 因為我平時好忍得口, 冰鎮海鮮一律謝絕, 但面對如此高質數的Seafood Platter, 不禁一再犯禁... 都食開喇, 唔爭在食埋海螺啦, Wakakaka!!! 平時我真係唔敢食, 見到佢白雪雪的外表, 太迷人, 一不做二不休, 食埋, 好新鮮, 好爽脆, 正!!! 生蠔我真係從來都唔食, 老友食家則讚不絕口, 一個字, 得!!!

餐廳的藍色吊燈投射到透明玻璃碟上, 感覺很科幻呢...  

 

Caesar Salad (Smoked Salmon) 凱撒沙律 伴 煙三文魚
-- 色彩奪目, 材料豐富的沙律, 以煙三文魚作主角, 加上芝士的香, 麵包粒的脆, 生菜的爽, 煙肉碎的惹味, 香草的提味, 簡簡單單, 健康又美味, 好適合急需減肥的我吃...

Cream of Wild Mushroom Soup 98% 野菌忌廉湯
-- 橙色的野菌忌廉湯?!! 哈哈, 非也!!! 只因私人理由, 無緣嘗試到餐廳的招牌野菌忌廉湯, 單聽店主說以8種野菌切碎而煮成, 就可以想像到有幾濃郁... 我轉了法國野雞粟米忌廉湯, 粟米甘甜, 味道濃郁, 非常可口, 給讚!!!

跟湯的麵包樣子普通, 當手指接觸到它的時候, 已經感到有點意外, 手感非常鬆軟, 撕開時熱呼呼的, 咬下時嗅到小麥的香味, 塗上軟滑帶鹹香的牛油, 很美味哦~


Grilled Australia Lamb Shoulder Rack w/ House Fried & Pesto Aioli 招牌澳洲頂級和羊 配 蒜蓉香草醬薯角
-- 餐廳的招牌菜澳洲頂級和羊(Australian Grain Fed Lamb 澳洲穀飼羊), 飼料含有提煉紅酒中的葡萄渣, 肉質特別幼嫩, 脂肪分佈平均, 羊味香而不膻... 醬汁以羊的下欄烹煮而成, 精華所在, 羊味洶湧澎湃, 唔該, 我想Take Away... 個醬!!! 薯角混了Pesto香草醬, 好香好惹味, 食到唔停得口...


Roasted Whole Dover Sole w/ Cream Linguini 時蘿香草燒英國野生原條龍利魚 伴 忌廉意大利粉
-- 主菜2選1, 野生原條龍利魚與馬賽海鮮飯, 我當然選龍利魚!!! 野生原條龍利魚我只吃過一次, 在OLALA吃的是法國入口, 以薑蔥蒸再加豉油熟油, 滋味無窮, 回味至今... 今次英國的野生原條龍利魚, 以時蘿香草燒至表面香脆, 肉厚甘香... 意粉柔韌度剛好, 忌廉汁香甜, 煙肉碎惹味...

甜品略有更改, 嘗試了2款餐廳的必食推介...

Cream Brulee 焦糖燉蛋
 -- 燉蛋入口幼滑, 充滿蛋香, 份量較大, 可2人分享, 燉蛋迷必定能滿足口腹之慾... 以下是個人喜好, 焦糖可以再焦一點...

另1款裝飾品, 是店主特別訂購的果味Vodka, 總共有11種味道, 好可愛...

店主對烹調食物非常有熱誠, 為人很健談, 親切友善, 今日能夠夢想成真, 擁有一間像凡高畫廊的餐廳, 真替他高興... 感謝店主讓我在這個Starry Night, 在他的Night Cafe內享受美味的意式情懷...

是次每人消費約 N/A 元
味道： 5 環境： 5 服務： 5 衛生： 3 抵食： 4
###