目前分類:└13澳洲「野生探索」 (25)

瀏覽方式: 標題列表 簡短摘要


澳洲「野生探索」2013 の 總匯 (自由行)

出發前 : 「攜帶食品入境」話你知, 慎選Local Tours

Day 1 : 出發鳥從香港到阿德萊德

Day 2 : 血拼Rundle MallChina Town 唐人街

Day 4 : 私人活動

kenmerry 拉姑 發表在 痞客邦 留言(0) 人氣()

25 March 2013, Monday

Min 14oC, Max 27oC, Morning Clouds, Warm

昨夜觀賞「神仙企鵝回巢」時, 大呼"I don't wanna go home!!!"... 可惜事與願違, 今天一覺醒來, 就要面對最殘酷的現實... 回家鳥!!!



昨夜2:00AM才睡, 今早9:15AM醒來, 11:00AM check-out...

11:35AM SkyBus Hotel Transfer來了, Yeah!!! 我倆是包車的哦!!! 呀... 不是, 是車上只有我倆才真, 嘿嘿... 想享用此服務需預約...


11:45AM 10分鐘左右便到達SkyBus Terminal... 排隊買車飛唔使好耐...

kenmerry 拉姑 發表在 痞客邦 留言(10) 人氣()


4 April 2013, Thursday


回港後3天左右, J2台的「食尚玩家」亦殺到墨爾本!!! 唔單止去咗我地唔夠時間去的Puffing Billy (蒸汽火車)及Sovereign Hill (琉芬山金礦場), 仲要去埋我地食咗閉門羹的Queen Victoria Market... 哼!!! 到底係攞景定贈興呀?!!

1星期之後, 「食尚玩家」繼續潤我地...



呢個皇冠賭場噴火場面, 我地企係同一角度等咗2個幾鐘, 得個桔!!! Roar!!! 浩角翔起, I hate U!!! (咆哮中)


浩角翔起今晚入埋Phillip Island, 你地睇, 佢地去到 The Nobbies 的海豹岩 (Seal rocks) 幾多海豹, 我地果日1隻都無!!! 好嬲呀!!!

kenmerry 拉姑 發表在 痞客邦 留言(1) 人氣()

24 March 2013, Sunday

Min 16oC, Max 25oC, Partly Cloud, Mild

續上集... 澳洲「野生探索」の 墨爾本「神仙企鵝回巢」Go West一天團 (上) & 澳洲「野生探索」の 墨爾本「神仙企鵝回巢」Go West一天團 (中)...

5:30PM 自費晚餐時間(10天澳洲旅程之中最好味的1餐), 來到小鎮Cowes的Thompson Avenue...



好靚好宏偉的樹冠...


由於只有30分鐘, 時間不足, 我地唔想行咁遠浪費時間慢慢揀, 近近地就呢間食Pizza的肥海鷗...

kenmerry 拉姑 發表在 痞客邦 留言(4) 人氣()

24 March 2013, Sunday

Min 16oC, Max 25oC, Partly Cloud, Mild

續上集... 澳洲「野生探索」の 墨爾本「神仙企鵝回巢」Go West一天團 (上)...

3:20PM 下午茶時間!!! 到達第3站 (其實係第2站) Phillip Island Vineyard & Winery...

嘻嘻... 但係... 我地唔係來食下午茶的唷...

來得Vineyard, 唔通仲採茶葉咩, 緊係來Wine Tasting啦啦啦!!! 呵呵呵呵~~~




kenmerry 拉姑 發表在 痞客邦 留言(2) 人氣()

24 March 2013, Sunday

Min 16oC, Max 25oC, Partly Cloud, Mild

9點未到, 鬧鐘都未響已自然醒, 身體叉足電, 我已經充滿力量喇!!! 去旅行本來就應該係要嘆下的, 自我感覺良好-ing...

Go West Local Tour會係11:50AM集合, 我地10:40AM已準備就緒, Anytime出得門口...

有了前日大洋路之旅的歡樂體驗, 對今天的旅程充滿期待, 可惜... 有時候... 就算係同一間旅行社, 只要係唔同導遊, 原來擦出的火花都可以有好大出入... 加上今日不時下雨... 唔通... 連個天都唔鐘意我?!!

今天的司機兼導遊是非常有型的Frank, 長相有點像白髮蒼蒼的德斯汀荷夫曼(Dustin Hoffman), 只是Frank較Dustin廋一點...


前天在Great Ocean Road的旅遊車上借用iPod 翻譯機是需要扣留旅遊証件的, 但今天卻不需要, 真奇怪, Frank更豪氣地將整包iPod交給我, 包包內有3隻iPod之多呀... 今天更不需要填問卷, Frank又較為沉默寡言不太說話, Honey同我都懷疑佢係老細...

kenmerry 拉姑 發表在 痞客邦 留言(26) 人氣()

23 March 2013, Saturday

Min 13oC, Max 25oC, Morning Cloud, Mild

延續... 澳洲「野生探索」の 墨爾本霸王車一天遊 (上)澳洲「野生探索」の 墨爾本霸王車一天遊 (中)

港霸王拉姑今日坐完墨爾本免費遊客穿梭巴士(FREE Melbourne Visitor Shuttle), 又坐埋墨爾本免費觀光電車(35 - City Circle - FREE Tourist Tram), 又再次踏上征途, 尋找拱廊!!!

滿心歡喜來到Melbourne Central尋找早2日搵唔到的拱廊... 原來都唔係我要搵的拱廊, Oh No!!!

以紅磚砌成的貨倉, 只是商場的噱頭, 骨子裡只是店舖數間... 商場裡人頭湧湧, 卻只有我倆在瘋狂拍照, 更有人對我倆的行徑報以奇怪眼光, 很不自在...


我倆不喜歡Shopping, 旅遊時只愛拍照, 進入商場後慣例是極速離開, 但Melbourne Central仍是有些賣點的...

kenmerry 拉姑 發表在 痞客邦 留言(7) 人氣()

23 March 2013, Saturday

Min 13oC, Max 25oC, Morning Cloud, Mild

延續... 澳洲「野生探索」の 墨爾本霸王車一天遊 (上)

3:00PM 遊畢墨爾本皇家植物園 (Melbourne's Royal Botanic Gardens) 與 澳洲戰爭紀念館 (Shrine of Remembrance) , 於13號站乘坐墨爾本免費遊客穿梭巴士(FREE Melbourne Visitor Shuttle), 繼續「霸王車一天遊」餘下的行程...

好彩一上車就有位坐, 超迫人呀!!!


有位坐已經好幸運, 仲要係窗口位, 舒舒服服觀光之餘, 仲可以狂影相... 咔嚓咔嚓咔嚓咔嚓咔嚓...



kenmerry 拉姑 發表在 痞客邦 留言(0) 人氣()

23 March 2013, Saturday

Min 13oC, Max 25oC, Morning Cloud, Mild

今天早上睡至自然醒, 10:10AM, 太舒服喇!!!

昨天的大洋路之旅非常充實, 早去午夜返, 慶幸今天放棄了去金礦山, 只在市內Hea一天, 否則一定辛苦死了...

從酒店行2個街口就會到達FREE Melbourne Visitor Shuttle Bus Station... 你沒看錯, 是FREE的!!! 免......費!!! 咁著數?!! 真定假?!! 好想知?!! 就等我帶你去坐霸王車玩1天吧!!!

很不幸, 隔住1個街口見到免費遊客巴士離開11號巴士站, 要等30分鐘先會再有車...



kenmerry 拉姑 發表在 痞客邦 留言(2) 人氣()

22 March 2013, Friday

Min 14oC, Max 24oC, Morning Cloud, Mild


食完午餐, 繼續上路... 橫風橫雨, 好凍呀!!! 阿Lee一上車即刻開暖氣吹住大家對腳, 好溫暖, 舒服晒!!!

2:00PM 去到Maits Rest熱帶雨林仍然落緊雨, Honey要收起部單反, 到我部Sony RX100 Solo啦~

熱帶雨林內全程陰陰涼涼, 入面棵棵樹都一樹擎天, 我將個頭昂到最高, 條頸已經去到極限, 都望唔到樹頂, d樹高到超誇張, 充斥住清香的樹木味道, So Refreshing, 等我吸多幾啖先, 使咩嘥錢去氧吧啫...

 
熱帶雨林內蕨類植物隨處可見... 天雨路滑, 大家打醒十二分精神, 沿著小木板路徐徐向前邁進...


500年的古樹, 樹洞可以容納5-6個人, 利害!!! 令我諗起香港都有1棵空心樹係荔枝窩...

kenmerry 拉姑 發表在 痞客邦 留言(0) 人氣()

22 March 2013, Friday

Min 14oC, Max 24oC, Morning Cloud, Mild

6:30AM 尋晚終於有覺好瞓, 今日醒神晒!!! 

7:40AM 在酒店門外等候... 同一時間有8-10人左右一齊等Go West的旅遊巴... 原來有9個人係Rendezvous Pickup, 但係... 夜晚佢地又唔係呢間酒店落車, 咁奇嘅... 接咗我地之後, 再去Crown接多5個人就可以出發了!!!

上車時, 導遊兼司機的阿Lee會向已在車上的朋友介紹你的名字及來自邊個國家, 團友們都好有禮貌會Say Hi或Morning之類... 今日呢架旅遊巴上面, 有來自中港台的同胞, 仲有法國、意大利 (2日後的Phillip Island再次做團友)、美國、英國、澳洲... 來自澳洲?!! 我有冇聽錯呀?!! 冇聽錯!!! 好似係來自悉尼... 嘩嘩嘩!!! 當地人都參加呢個團, 未出發就幫我打咗支強心針喇~

我地今日就係坐呢架巴士喇... 車上有Free WiFi o架, 上網速度OK快, 有d團友帶埋Tablet開住Location Service + Google Map, 可以即時知道自己去到邊!!! 樣樣都好, 唯一問題係冇位擺隨身物品, 所有袋都要放係大脾上... 我地習慣帶多1個手抽袋袋濕星o野, 今日中晒招... 同埋坐位都幾細, 部分身形比較龐然的外籍人士, 就算係Sweet到爆的, 都要前後腳坐單人位, 西男全程用手指係坐前面的西女頭髮打圈, 我初時以為係佢阿媽o黎...


Crown上車的幾位同胞, 同阿Lee好似完全溝通唔到咁, 阿Lee即時比咗iPod翻譯機佢地, 咦?!! 點解我冇嘅?!! 唔通要 Advance Booking?!!

kenmerry 拉姑 發表在 痞客邦 留言(4) 人氣()

March 2013

帶大家去Great Ocean Road同Phillips Island之前, 先講一講我出發前係香港隔山買牛嘔血實錄...

上網搵到1間"自稱"澳洲最大的華人旅行社之一... 雖然網上的評論非常負面, 但真係好平, 最重要嘅係, 我想去果3個地方, 偏偏只有佢一家做晒3個, 如果跟其他旅行社, 就要跟2間以上, 既然可以聯絡1間就攪掂晒嘅, 我真係好想懶吓囉... 而且佢的Local Tours係講中文的, 再加上見佢舊年仲搵埋TVB成班港姐去影大合照做宣傳品, 好似真係幾有規模喎, 搵得TVB成班港姐去, 可能改善咗呢...

嘿... 真係一廂情願的想法... Too Simple, Sometimes Naïve!!!

慶幸今時今日Internet真係好方便, 可以直接係Facebook同對方對話, 雖然有時問完問題後對方要1-2日後先答, 都叫有得問吓吖... 就係咁... 令我避過一刧...

話說... 出發前2星期唔夠, 我Send Message去長X旅行社的Facebook Fanpage, 打算Double Confirm一下長X旅行社的網頁上「3合1」的Promotion Price, 大洋路+Phillips Island+金鑛山3日加埋只係AU$183(約HK$1500)... 估唔到, 由3月1日問到3月4日, 對方都Keep住一直玩語言偽術...

Sorry囉, 我仲有10日就要飛, 無時間同你玩落去, 我唔係唔識英文, 只係想懶吓同埋想慳少少團費啫, 我真係唔一定要跟中文團囉...

以下係我地的100%清水房對話, 大家請用自己的眼睛去看, 用自己的腦袋去分析... 坦白講, 我從來唔打算係Internet攻擊任何人, 亦唔希望自己成為攻擊的對象... 大家清清楚楚, 無花無假, 自行判斷...

kenmerry 拉姑 發表在 痞客邦 留言(4) 人氣()

21-25 March 2013

由於行程計劃倉促, 同阿德萊德一樣, 都冇時間慢慢揀酒店, 只求其搵咗一間比較平(其實一點也不便宜)但又近Flinders Street Station的... (因初時一心諗住大車站機場鐵路一定到, 點知同同阿德萊德一樣, 墨爾本原來係冇機場鐵路的!!!)

見有Blog友話次次來墨爾本都係住呢間, TripAdvisor的Comment都不錯(浴室除外), 價錢又比較中規中矩, 所以揀咗佢...

住咗5日4夜阿德萊德的Mercure Grosvenor Hotel, 來到墨爾本的Rendezvous Grand Hotel Melbourne, 簡直好似由地獄上返人間一樣!!! 之前幾晚攰到爆都失眠, 今晚終於有教好瞓, zzzZZZ...

唔該睇返我係阿德萊德的Mercure Grosvenor Hotel有幾慘...
http://blog.yahoo.com/ken-merry/articles/1367889/index

原來我無影到Rendezvous 酒店的外貌, 因為一出門口就係免費電車站, 太方便, 而且對面馬路咩都無, 只係火車橋底, 完全無意欲行過去... 呢張相係o係Crown門口等免費巴士時影的, Victoria Universiry左邊的米白色就係Rendezvous Grand Hotel Melbourne, 相的右邊係Flinders Street Station, 原來Crown有條橋直接行到過去, 我地都唔知...


Lobby都幾Grand, 我地落Taxi仲有職員幫手搬行李, 同埋呢, 星航嘅職員都係o係呢度住o架, 質數有保證... 所有服務員都好友善, 好Helpful...


kenmerry 拉姑 發表在 痞客邦 留言(2) 人氣()

21 March 2013, Thursday

Min 18oC, Max 25oC, Heavy Rain, Mostly Cloudy, Mild

今日的溫度下降了, 昨天的溫差有16度之多... Motion Sickness + 呼吸道不適... 1點瞓, 7點半已醒了, 8點半已Ready Check-out...

酒店幫手Call Taxi, 冇叫我地出街上等候, 到Taxi司機入來Lobby搵我地時, 非常不禮貌... 司機係1個白人後生仔, 車尾係鐵籠, 似係載動物的, 同我地坐的座位相通, 一陣怪味, 坐完覺得全身都痕... 呢個司機唔單止唔找錢, 仲要唔幫我地搬行李, So Bad...

Qantas的全自助登機櫃位... 想搵個人幫手都冇... 好彩我地早咗好多, 慢慢摸下摸下, 最後部機印咗行李貼紙同登機證... 貼好件行李就拎去Drop, 都係全自助, 好勁, 咁都搞得掂!!!

Sydney轉機來阿德萊德時, 安檢抽查我有冇帶爆炸品... 今日過完X光機又再抽我, 乜我個樣好Expossive咩?!! 但呢度過X光機唔使Broading Pass, 係人都行得入來送機同接機... 好神奇!!!

Broading前90分鐘已進入Seaside, Broading 區超寬敞, 無咩店舖, 我地可以盡情使用Free WiFi, 唷呵~ 其實都好眼瞓吓, 幾晚都冇瞓過一教好的... 呀, Toilet個乾手機超正, 強風快速, 100%乾, 用完皮膚唔會Mount Mount緊...

在航機上的痛苦1小時, Ear Block好嚴重, 耳膜差點穿, 好痛!!! 好想哭出來呀!!!

kenmerry 拉姑 發表在 痞客邦 留言(0) 人氣()

17-21 March 2013






由於行程計劃倉促, 都冇時間慢慢揀酒店, 只求其搵咗一間比較平(其實一點也不便宜)但又近Adelaide Railway Station的... (因初時一心諗住大車站機鐵一定到, 點知原來冇機鐵的!!!)

住咗幾日, 有好有唔好, 都少少後悔, 下次應該唔會再入住呢間酒店...

先講講佢唔好的地方, 然後再講講佢好的地方...

~~ 罪狀1 ~~

kenmerry 拉姑 發表在 痞客邦 留言(0) 人氣()

幾日來o係阿德萊德市中心遊遊蕩蕩的綜合觀光篇... 出發前要先去Adelaide Metro下載Free City Loop Bus同Free Tram (South Terrace <> Entertainment Centre) 的路線圖...
http://www.adelaidemetro.com.au/Timetables-Maps/Special-Services/Free-City-Services


從Mercure Grosvenor酒店行出來, 只要越過小巷, 再過半條斑馬線, 已經到達Tram Stop, Free Tram平均10分鐘1班... 再過埋果半條斑馬線, 已經到達Adelaide Railway Station Tram Stop同埋Free City Loop Bus Stop, 其實都算方便, 可惜除咗位置同服務比較好, 其他的水平另我地有後悔冇加多少少住隔離間酒店, 稍後會有詳細酒店篇出爐...


Adelaide Railway Station Tram Stop內很古典, 是拍照的好地方...


從Adelaide Railway Station電車站出發, 乘坐1個站免費電車, 到City West電車站下車... 電車唔係好多卡, 竟然有位坐, 讚!!!
第一站... 唔知點解... 要穿越UniSA City West Campus先去到...


到達Jam Factory!!! 入內參觀一下先... 藝術品好靚, 但好貴... 愛1件物件, 唔一定要擁有它, 好好欣賞一下便好了...

kenmerry 拉姑 發表在 痞客邦 留言(0) 人氣()

幾日來都係o係阿德萊德市中心遊遊蕩蕩, 路線有點重複, 決定以飲食篇及觀光篇來分類...

由於計劃整個澳洲行程的時間不足1個月, 出發前基本上冇時間搵餐廳資料... 去到澳洲又買唔到3G Card, 冇得上網搵料, 失晒預算... 所以呢10日都係肚餓時就隨便入就腳的餐廳, 中伏在所難免... 唉... 又怪得邊個吖, 只可以怪自己冇做足功課...

在澳洲的10天, 非常懷念香港的美食, 正所謂「有咁耐風流, 有咁耐折墮」, 係香港越食越嘴刁, 近一年仲要接受邀請去食霸王免費餐, 對各餐廳出品的食物評頭品足, 我都有今日囉... (淚汪汪-ing)

註: 每日午晚餐都係幫襯餐廳買可樂, 已經唔記得幾多錢, 亦冇影相留念... 10日冇食過美食都肥10磅咁滯, 苦不堪言... 6月初開始減肥, 至7月中推掉不少試食邀請, 蝕呀!!!

19 March 2013, Tuesday

午餐 @ Regattas Bistro & Bar
Add: Riverbank Promenade, Adelaide, South Australia
Trip Advisor Rating : 阿德雷德排名第367 (共798家餐廳)

kenmerry 拉姑 發表在 痞客邦 留言(0) 人氣()



20 March 2013, Wednesday

Min 19oC, Max 32oC, Morning Clouds, Warm, Dry

朋友一家下午要坐飛機去悉尼了... 昨夜與小朋友來個抱抱式道別後, 就要返香港後先再見了...

今日係10天澳洲之旅入面最熱的1日, 係阿德萊德市中心內, 最適合去的地方, 莫過於有綠洲之稱的阿德萊德植物園 (Adelaide Botanic Garden)!!! 重點係... 免費入場!!! 話晒都係阿德萊德的10大必到景點之1, 點都要比少少面, 獨立成Blog...

係Adelaide Railway Station外面坐免費巴士99C, 坐2個站就會到達Adelaide Botanic Garden的Main Gate... 阿德萊德人好友善, 有位女士明明一早就排隊等緊車, 但佢反而讓我地上車先... 巴士司機都好好人, 落車時熱情地指示我應該點行, 雖然只係幾步路, 而且我冇問過, 係佢自己主動講解, 比10個讚你地...

甫由Main Gate開始, 已經充分體驗到園內的維多利亞式花園景觀...

kenmerry 拉姑 發表在 痞客邦 留言(0) 人氣()



18 March 2013, Monday

Min 13oC, Max 27oC, Mostly Sunny, Warm 
~ 續 ~ 澳洲「野生探索」のSeaLion Baby十萬伏特電眼 (袋鼠島上集) http://blog.yahoo.com/ken-merry/articles/1376803/index

係Vivonne Bay食飽飽... 吖, 應該係食半飽至啱... 又再坐30分鐘旅遊巴去Hanson Bay Wildlife Sanctuary...

漢森灣野生動物保護區佔地3845公頃, 位於Kelly Hill Caves Conservation Park 與 Flinders Chase National Park之間, 前身為耕種及放牧的農地, 擁有質量好的桉樹林(Mallee Eucalyptus, 又名尤加利樹)和牧場, 非常適合成為澳洲本土哺乳動物棲息的自然環境, 包括樹熊(Koalas)、袋鼠(Kangaroos)、尤金袋鼠(Tammar Wallabies)、負鼠(Possums)和針鼴(Echidnas), 以保護澳洲本土原生動物免於滅絕... 現在保護區的主要收入來自旅遊業, 除了日間的Koala Walk, 還有夜間的Nocturnal wildlife tours, 遊客更可租住海濱度假小屋...
www.hansonbay.com.au

2:00PM 歡迎大家來到無遮無掩的漢森灣野生動物保護區!!! 巴士停泊係荒野上, 突然... 司機兼導遊Robert叫大家落車, 向前行入樹林, 無圍欄, 無入口, 無指示牌...

kenmerry 拉姑 發表在 痞客邦 留言(27) 人氣()


18 March 2013, Monday

Min 13oC, Max 27oC, Mostly Sunny, Warm 

是日溫差一再擴大, 單日14度, 明日溫差最大, 有15度...

原本今日應該係去Barossa Valley嘅酒莊一天團, 不過朋友出發前又臨時改變主意, 轉o黎袋鼠島... 出發前係網上搜尋咗數個Day Tour, 最後發現只有Sealink係最平, 其他Agency如Grayline都要貴AU$2, 估計Sealink係獨市的, 其他Agency只是代售... 其實都幾驚朋友臨飛又再改變主意, 皆因個Day Tour一定要預先付款, 如果我比晒錢之後佢先又話要改, 我真係血本無歸...

Kangaroo Island Highlights Day Tour 團費貴得驚人!!! 大人AU$258 (約HK$2050) 小童AU$168 (約HK$1350), 1天本地團的費用, 夠參加坐飛機來回住3晚酒店的4天台灣團!!! 都只係講緊坐Cruise來回, 如果Cruise往飛機返, 大人更要AU$424  (約HK$3400) 小童AU$352 (約HK$2800), 係咪聽吓都想暈先... 

不過咁, 袋鼠島有5個香港島咁大, 只有600個市民, 團費之所以貴, 係因為保育經費非常龐大...

尋晚10PM已經瞓, 不過瞓得唔係幾腍... 今朝06:10AM已經係酒店門外等候... 有個外籍Aunt話我地架巴士已經走咗!!! 唔係呀嘛?!! 我地已經早咗10分鐘出o黎o架啦喎!!! 驚到半死, 走去問酒店接待員, 佢好肯定咁話巴士06:20AM會來... 出去酒店門口等多一陣, 架巴士到啦, 車身冇Logo的...

kenmerry 拉姑 發表在 痞客邦 留言(25) 人氣()

1 2