目前分類:新北市。烏來區 (2)

瀏覽方式: 標題列表 簡短摘要
19 March 2016, Saturday

《續》烏來。泰雅仙境Spring+Spa 2日1夜溫泉之旅

行程:烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 →  阿春小吃店 → Spring Spa溫泉山莊

離開烏來瀑布,就開車返去酒店checkin。checkin完又開車返去烏來老街搵食。



烏來老街入口有幾間大餐廳,超級大,間間都可以放十幾廿張大枱,但係入面一個客都冇,烏燈黑火,好得人驚。一路行,行到差不多街尾見到呢間阿春美食,舖仔細細裏面坐滿人,門口個招牌仲寫住食尚玩家四個字,好有說服力。再向街尾行多一陣都冇發現,返轉頭就呢間啦!


店內只有三個店員,全部都好忙,唔好喺服務上有太大期望。

kenmerry 拉姑 發表在 痞客邦 PIXNET 留言(2) 人氣()

19 March 2016, Saturday

「烏來」係泰雅族原住民的語言,意思係「溫泉」。當地碳酸泉名氣響噹噹,泉水清徹透明,呈粉藍色,性質非常溫和,聽說有傷口都可以照浸。

烏來更是臺北的水源保護區,平地人話呢度嘅農作物絕對係零污染,叫我地放心食多D... 特別推薦泰雅族稱為「馬告」的台灣原生山胡椒,皆因近年有大學團隊研究發現其果實的成分具安眠、鎮痛與抗憂鬱等調節中樞神經作用,已在國際期刊木材科學(Journal of Wood Science)上發表。

來台一段日子,第1次出走唔係宿舍過夜。驚覺原來我份人都好"宅"。

Honey的朋友開車自駕遊... 全程非常舒適... 同我地平時用腳去旅行真係好唔同, 可惜自己唔爭氣, 考試肥佬, 唔係嘅話真係有衝動想買返架旅遊車, 去到邊瞓到邊, 觀星夜觀日出都無難度...

2日1夜行程:烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 →  阿春小吃店 → Spring Spa溫泉山莊



車主朋友的太太非常貼心, 一上車就遞上洪瑞珍三文治... 嘩嘩嘩!!! 我第一次食洪瑞珍咋, 仲唔使自己排隊, 係咪未瞓醒仲發緊夢呀?!!

kenmerry 拉姑 發表在 痞客邦 PIXNET 留言(0) 人氣()