目前分類:未分類文章 (5)

瀏覽方式: 標題列表 簡短摘要
30 January 2017, Monday

搬屋抺屋攰到病,成個新年都唔敢出街,新春唯一節目係初三赤口同屋企人飲茶,飲完茶徒步入南生圍。

南生圍,聽就聽得多,去我真係第一次。原來那麼遠,這麼近。

坐橫水渡都幾恐怖,又無救生設施,D河水同屎水無分別(居民去大去小都係直接DUMP DUMP DUMP到河中),仲有貝貝D表姐表妹唔知幾時現身。




過到去,咪又係咁。可能今日天氣唔好啩。風景未如想像般優美。同埋行唔夠2步,開始落雨,大家都無帶遮,仲唔轉身閃咩。D細路都問:點解要黎呢度?黎呢度做乜?(嘿,都係姑媽唔好,要成家人陪佢癲)



kenmerry 拉姑 發表在 痞客邦 留言(0) 人氣()

18 June 2016, Saturday

遊畢望龍埤,吃罷赤魁屁屁堡,擦埋食光寶盒,去埋宜蘭東森海洋溫泉酒店食Tea Buffet同浸溫泉,宜蘭日食4餐1日遊最後一站來到...都係食!

第5站:礁溪庄櫻桃谷




櫻桃鴨六吃!WoW,好吸引!未開飯,先興奮!(咦?唔係話有人好飽嘅咩?!)


蘭陽五味


kenmerry 拉姑 發表在 痞客邦 留言(2) 人氣()

4 July 2014, Friday

Happy Friday!!! Happy Birthday to... July!!!

早前獲邀參加Twinkle Baker Decor「BIRTH​DAY 甜品裝飾創作比賽」, 一直忙忙忙... 難得今晚有時間, 一於「扚起心肝」落足心機做家課... 點解咁認真?!! 因為勝出者有機會同糖妹一齊整Cupcake囉!!!

嘻嘻嘻嘻... 減肥期間, 又有藉口比我大食特食啦~~~


家中無焗爐, 選擇買個現成的芝士蛋糕 (HK$19.5) 來個平平無奇大變身~~~


先塗上BB Cream...


kenmerry 拉姑 發表在 痞客邦 留言(0) 人氣()

6 December 2013, Friday

今日繼續11月之星飯局!!!

上星期五先食咗, 今日又再食?!! 是的!!! 上星期五係E5小組食, 今晚係8B大組食, 又或者可以稱呼呢餐做8B Annual Dinner, 我都要向貓兄寫個服字, 咁世紀性嘅活動都比佢搞得成, 勁!!!


壽星原先揀咗去尖東, 話方便無敵, 查實我無咩異議, 但無理由唔溫馨提示一下主人家, 上次Outback嘈到拆天搞到人人散席時喉嚨痛爆的慘痛經歷, 結果唔知點解一個屈尾十就變咗去K11, 搞到有人想乘機用"如果有人就唔到小朋友佢可以唔來"做藉口放飛機, 嘿, 想放飛機?!! 邊有咁易吖...

Kitchen M可列入搵難餐廳指南一星!!! 我同貓兄一齊係尖沙咀地鐵站N4出口出, 隨即去CS問路, 上次係CS問點去帕莎 Al Pasha基本上相當成功, 今次簡直嘔血!!! 問咗4次點去Kitchen M, 個CS依然阿呆x阿夢上身, O咀兼眼神恍惚, 再問佢邊部Lift去到 (因帕莎只有1部好隱閉的Lift去到), 佢答部部都得, 咁我地求其搭1部, 結果真係部部Lift都去到, 但我地兜咗3個圈都搵唔到間餐廳, 後期已經係跟住Shop Numbers行晒成個商場, 最後搵到Floor Plan, 原來要穿過時裝店轉幾個彎先去到, 比你如果有間時裝店係要穿過酒樓的大堂+內堂+廚房厠所先去到嘅, 你路過酒樓大堂時會唔會估到有間時裝店係入面?!!

穿過時裝店後看到的第一眼, 白色的矮身磚牆後, 有個幾cm高的視窗!!! 唔似比客人望入去的Open Kitchen, 我地坐得咁近好似被廚房監視住咁...


鑽媽話最大的枱比人Book咗, 只剩下8人枱要我地9個人坐... 實情係... 我地就係全場最大果張枱!!! 全場都係呢d可以左右無限拼拆的茶餐廳木枱, 2人枱放藍麵包已經細到無位擺其他食物!!! 張枱細到咁, 居然仲迫我地9個人坐4張呢D拼枱, 嘿, 都得o架喇... 大家認住而家藍色玻璃位置, 等陣走佬靠佢...

kenmerry 拉姑 發表在 痞客邦 留言(2) 人氣()

我係新搬來的Kenmerry 拉姑呀

Y!Blog舊網址快升天了... 路經此地, 希望可與舊Blog友重組一個溫馨的小社區~

Ken & Merry 為食男女,遊走世界!!!

http://blog.yahoo.com/ken-merry


kenmerry 拉姑 發表在 痞客邦 留言(12) 人氣()